সাংস্কৃতিক মহাসংগ্ৰামত যোগদানৰ বাবে প্ৰপত্ৰ জমা দিয়াৰ সময়সীমা ৫ নৱেম্বৰ, ২০২৩ লৈকে বৃদ্ধি

বিশেষ জাননী

৩১/১০/২০২৩

আগন্তুক সাংস্কৃতিক মহাসংগ্ৰামৰ  বাবে ইচ্ছ্যুক প্ৰতিযোগী সকলে এতিয়া এচ এম এচ ( SMS) যোগেদিও সাংস্কৃতিক মহাসংগ্ৰামৰ প্ৰতিযোগিতা সমূহত যোগদান কৰিবৰ বাবে পঞ্জীয়ন কৰিব পাৰিব৷ সাংস্কৃতিক মহাসংগ্ৰামৰ একক গীতৰ প্ৰতিযোগিতাত বা দলীয় নৃত্যৰ প্ৰতিযোগিতাত যোগদান কৰিবৰ বাবে +৯১- ৯২২০৫৯২২০৫ নম্বৰলৈ এচ এম এচ পঠিয়াই পঞ্জীয়ন কৰিব পাৰিব৷ তলত সবিশেষ সন্নিবিষ্ট কৰা হ’ল । 

উল্লেখযোগ্য যে সাংস্কৃতিক মহাসংগ্ৰামত যোগদানৰ বাবে প্ৰপত্ৰ জমা দিয়াৰ সময়সীমা ৫ নৱেম্বৰ, ২০২৩ লৈকে বৃদ্ধি

কৰা হৈছে৷ ইচ্ছ্যুক প্ৰতিযোগীয়ে ওচৰৰ গাঁও পঞ্চায়ত কাৰ্যলয় অথবা পৌৰসভা আৰু খণ্ড উন্নয়ন বিষয়াৰ কাৰ্যলয়ত এই প্ৰপত্ৰ সমূহ জমা দিব পাৰিব৷  এতিয়া নিম্নলিখিত নিৰ্দেশনা মতে এচ এম এচ যোগেদিও যোগদানৰ বাবে পঞ্জীয়ন কৰিব পাৰিব৷ গোলাঘাট জিলা প্ৰশাসনৰ ফালৰ পৰা সকলো ইচ্ছ্যুক প্ৰতিযোগীকে সাংস্কৃতিক মহাসংগ্ৰামৰ প্ৰতিযোগিতা সমূহত যোগদান কৰিবৰ বাবে পুনৰ বাৰ অনুৰোধ জনোৱা হ’ল৷

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

*গোলাঘাট জিলাত ৰাষ্ট্ৰীয় একতা দিৱস পালন*

৩১/১০/২০২৩

 *গোলাঘাট জিলাত ৰাষ্ট্ৰীয় একতা দিৱস পালন* 

           আজি ৰাষ্ট্ৰীয় একতা দিৱস উপলক্ষ্যে গোলাঘাট জিলা প্ৰশাসনৰ উদ্যোগত আৰু বিভিন্ন অনুষ্ঠানৰ সহযোগত  পুৱা ৬.৩০ বজাত “একতাৰ দৌৰ” কাৰ্যসূচী সমাপন কৰা হয়৷ কেন্দ্ৰীয় সংৰক্ষিত আৰক্ষী বাহিনী ( চি আৰ পি এফ) ৰ ১৪২ নং বেটেলিয়নৰ কমাণ্ডেন্ট সোমানাথ মহাৰাণা আৰু গোলাঘাটৰ অতিৰিক্ত জিলা আয়ুক্ত চৈয়দ ৱাচবীৰ সুভানীয়ে উদ্ধোধন কৰা এই দৌৰ কাৰ্যসূচীত  প্ৰায় ১০০ ব্যক্তিয়ে অংশ গ্ৰহণ কৰে৷  উদ্ধোধনী ভাষণত কমাণ্ডেন্ট গৰাকীয়ে ৰাষ্ট্ৰীয় একতা দিৱসৰ তাৎপৰ্য ব্যাখা কৰে৷ অতিৰিক্ত জিলা আয়ুক্ত গৰাকীয়ে ৰাষ্ট্ৰীয় একতা দিৱসৰ লগত সংগতি ৰাখি আয়োজন কৰা দৌৰ কাৰ্যসূচীত যোগদান কৰা সকলক উদ্যেশি ৰাষ্ট্ৰীয় একতা দিৱস সন্দৰ্ভত বক্তব্য আগবঢ়ায়৷ গোলাঘাটৰ জিলা ক্ৰীড়া বিষয়া বিমল চন্দ্ৰ গগৈয়ে আঁত ধৰা অনুষ্ঠানটোত জিলা প্ৰশাসন, গোলাঘাটৰ বিভিন্ন বিভাগৰ লগতে জিলা ক্ৰীড়া সংস্থাৰ বিষয়ববীয়া সকলেও অংশগ্ৰহণ কৰে৷

       

              আনহাতে পুৱা ৯ বজাত গোলাঘাট আৰক্ষী প্ৰশাসনে গোলাঘাট সদৰ আৰক্ষী থানাৰ পৰা এক কুচকাৱাজ (মাৰ্ছ পাষ্ট, March Past) ৰ আয়োজন কৰে৷ গোলাঘাট জিলাৰ জিলা আয়ুক্ত ডা° পি উদয় প্ৰৱীণে উদ্ধোধন কৰা এই কুচকাৱাজ গোলাঘাট সদৰ আৰক্ষী থানাৰ পৰা আৰম্ভ হৈ গোলাঘাট জিলা আয়ুক্ত কাৰ্যলয়ত শেষ হয় । ১.২ কিমি দৈৰ্ঘ্য সামৰি লোৱা এই কুচকাৱাজত গোলাঘাটৰ আৰক্ষীৰ লগতে ১১ অসম আৰক্ষী বেটেলিয়ন, চি আৰ পি এফ, এন চি চি কে ধৰি মুঠ ১৮০ গৰাকীয়ে অংশ গ্ৰহণ কৰে ৷ ১১ অসম আৰক্ষী বেটেলিয়নৰ বেণ্ড ৰ দলটোও এই কুচকাৱাজৰ অংশ আছিল৷ এই অনুষ্ঠানত ৰাষ্ট্ৰীয় একতা দিৱসৰ শপত বাক্যও পাঠ কৰোৱা হয় ৷ আজিৰ  এই অনুষ্ঠানত গোলাঘাটৰ জিলা আয়ুক্তৰ লগতে কেন্দ্ৰীয় সংৰক্ষিত আৰক্ষী বাহিনী ( চি আৰ পি এফ) ৰ ১৪২ নং বেটেলিয়নৰ কমাণ্ডেন্ট সোমনাথ মহাৰাণা, গোলাঘাট পৌৰসভাৰ পৌৰনেত্ৰী দুলুমনি বৰবৰা, অতিৰিক্ত জিলা আয়ুক্ত দামোদৰ বৰ্মন, অতিৰিক্ত আৰক্ষী অধীক্ষক মৃণ্ময় দাস, গোলাঘাট পৌৰসভাৰ ৱাৰ্ড কমিছনাৰ , গোলাঘাটৰ নেতৃস্থানীয় ব্যক্তি আদি উপস্থিত আছিল ।

              পুৱা ১১ বজাত গোলাঘাট  জিলা আয়ুক্ত কাৰ্য্যালয়ৰ সভাকক্ষত একতাৰ শপত বাক্য পাঠ কৰা হয়। এই অনুস্থানত গোলাঘাটৰ জিলা উন্নয়ন আয়ুক্ত শ্ৰীমতী অৰ্পা বাগলাৰী, গোলাঘাট ৰাজহ চক্ৰৰ চক্ৰবিষয়া শ্ৰীমতী ত্ৰিবেণী গগৈ, সহকাৰী আয়ুক্ত শ্ৰীমতী কৃষ্ণাৰ্পিতা বৰুৱা, সহকাৰী আয়ুক্ত শ্ৰীমতী অন্বেষা ঠাকুৰৰ লগতে বিভিন্ন বিভাগৰ বিষয়া কৰ্মচাৰী আৰু জিলা প্ৰশাসনৰ কৰ্মচাৰী সকল উপস্থিত থাকে। গোলাঘাট জিলা বিভিন্ন বিভাগৰ বিভাগীয় কাৰ্যলয়ৰ লগতে গাঁও পঞ্চায়ত সমূহতো ৰাষ্ট্ৰীয় একতা দিৱস উপলক্ষ্যে শপত বাক্য পাঠৰ লগতে একতাৰ বাবে দৌৰ কাৰ্যসূচীও সম্পন্ন কৰা হয়৷ 

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

*কুষ্ঠৰোগ চিনাক্তকৰণ অভিযানৰ শুভাৰম্ভণি**৩০ অক্টোবৰ, ২০২৩ ৰ পৰা স্বাস্থ্য বিভাগৰ কুষ্ঠৰোগ চিনাক্তকৰণ অভিযান*

৩০ অক্টোবৰ, ২০২৩, গোলাঘাট  

*কুষ্ঠৰোগ চিনাক্তকৰণ অভিযানৰ শুভাৰম্ভণি*

*৩০ অক্টোবৰ, ২০২৩ ৰ পৰা স্বাস্থ্য বিভাগৰ কুষ্ঠৰোগ চিনাক্তকৰণ অভিযান*

সমগ্ৰ ভাৰতৰ লগতে ৩০ অক্টোবৰ, ২০২৩ তাৰিখৰ পৰা ১২ নৱেম্বৰ, ২০২৩ তাৰিখলৈ অসমত আৰম্ভ হৈছে কুষ্ঠৰোগ চিনাক্তকৰণ অভিযান। এই অভিযান ৰাষ্ট্ৰীয় কুষ্ঠৰোগ নিৰ্মূলকৰণ কাৰ্যসূচীৰ অন্তৰ্গত ৰূপায়ন কৰা হৈছে। 

আজি যুটীয়া স্বাস্থ্য সেৱা সংচালক, গোলাঘাটৰ কাৰ্যালয়ৰ পৰা এখন সজাগতা সমদল মুকলি কৰি এই অভিযানৰ শুভাৰম্ভণি কৰা হয়। সজাগতা সমদল খন মুকলি কৰে গোলাঘাটৰ যুটীয়া স্বাস্থ্য সেৱা সঞ্চালক, ডা: অনুৰাধা বৰুৱায়ে।

আশা কৰ্মী আৰু স্বাস্থ্য বিষয়ায়ে যোগদান কৰা এই সজাগতা সমদলৰ দ্বাৰা ৰাইজক কুষ্ঠৰোগৰ বিষয়ে অৱগত কৰি চিকিৎসা সেৱা গ্ৰহণ কৰাৰ বাবে ওলাই আহিবৰ বাবে অনুপ্ৰেৰণা যগোৱা হয়।

কুষ্ঠৰোগ চিনাক্তকৰণ অভিযানৰ দ্বাৰা গোলাঘাট জিলাৰ ২ বছৰ বয়সৰ ওপৰৰ সমূহ জনসংখ্যক অন্তৰ্ভুক্ত কৰা হব। গোলাঘাট জিলাত মুঠ ২২৮৪০৫ টা ঘৰ নিৰীক্ষণৰ লক্ষ্যৰে কুষ্ঠৰোগ চিনাক্তকৰণ অভিযানৰ দ্বাৰা বিশেষ ভাৱে চাহ বাগান অঞ্চলৰ ওপৰত ঘৰ পৰিদৰ্শনৰ কাৰ্যসূচী তৈয়াৰ কৰা হৈছে। ইয়াৰ বাবে প্ৰত্যেক দিনা এগৰাকী আশাকৰ্মী আৰু এজন পৰীক্ষণ প্ৰাপ্ত পুৰুষ সহায়কে ২৫ তা কৈ ঘৰ নিৰীক্ষণ কৰি সন্দেহজনক কুষ্ঠ ৰোগত ভুগি থকা লোকক চিনাক্ত কৰি নিকটতম স্বাস্থ্য আৰু কল্যাণ কেন্দ্ৰ, প্ৰাথমিক স্বাস্থ্য কেন্দ্ৰ আৰু জিলা চিকিৎসালয়ত পৰবৰ্তী ৰোগ নিশ্চিতকৰনৰ বাবে দৰকাৰী স্বাস্থ্য পৰীক্ষা কৰাৰ ব্যবস্থা কৰা হব।  

কুষ্ঠৰোগৰ ওপৰত ইতিমধ্যে

সজাগতা বৃদ্ধিৰ হেতু গ্ৰাম সভা,স্বাস্থ্য বিভাগৰ বিভিন্ন সভা, মেলা ইত্যাদিত

জনসাধাৰণৰ মাজত সজাগতা কাৰ্যসূচী হাতত লোৱা হৈছে। লগতে মাইকৰ দ্বাৰা প্ৰচাৰ কৰা হৈছে।

আজিৰ শুভাৰম্ভণি অনুষ্ঠানত

যুটীয়া স্বাস্থ্য সেৱা সঞ্চালক, গোলাঘাট, ডা: অনুৰাধা বৰুৱা, কুষ্ঠৰোগ বিভাগৰ জিলা ন'ডেল বিষয়া ডা: ভাৰত ফুকন, মুখ্য চিকিৎসা আৰু স্বাস্থ্য বিষয়া ডা: ৰঞ্জিত ভূঞা, ৰাষ্ট্ৰীয় স্বাস্থ্য অভিযান, গোলাঘাটৰ বিষয়া সকল, 

জিলা কুষ্ঠ বিভাগৰ কৰ্মচাৰী, গোলাঘাট নগৰৰ আশা কৰ্মী আদি উপস্থিত থাকে।

NORTHEAST NEWS INDIA

*৩০ অক্টোবৰ তাৰিখেদুৰ্যোগৰ সময়ত জৰুৰীকালীন যোগাযোগ বৃদ্ধি আৰু নাগৰিকসকলৰ সুৰক্ষা আৰু সুবিধাৰ বাবে চেল ব্ৰডকাষ্ট এলাৰ্ট চিষ্টেম সম্পন্ন কৰা হব৷*

২৯/১০/২০২৩

 *৩০ অক্টোবৰ তাৰিখে

দুৰ্যোগৰ সময়ত জৰুৰীকালীন যোগাযোগ বৃদ্ধি আৰু নাগৰিকসকলৰ সুৰক্ষা আৰু সুবিধাৰ বাবে চেল ব্ৰডকাষ্ট এলাৰ্ট চিষ্টেম সম্পন্ন কৰা হব৷* 

           দূৰসংযোগ বিভাগে, ভাৰতৰ ৰাষ্ট্ৰীয় দুৰ্যোগ ব্যৱস্থাপনা কৰ্তৃপক্ষৰ সহযোগত, দুৰ্যোগৰ সময়ত জৰুৰীকালীন যোগাযোগ বৃদ্ধি আৰু নাগৰিকসকলৰ সুৰক্ষা আৰু সুবিধা সুনিশ্চিত কৰিবলৈ অহা ৩০ অক্টোবৰ, ২০২৩ তাৰিখে "চেল ব্ৰডকাষ্ট এলাৰ্ট চিষ্টেম” নামৰ এক পৰীক্ষণ অনুষ্ঠিত কৰিব। এই পৰীক্ষণৰ জৰিয়তে, জটিল আৰু সময়-সংবেদনশীল বাৰ্তা নিৰ্দিষ্ট ভৌগোলিক অঞ্চলৰ ভিতৰত থকা সকলো মোবাইল গ্ৰাহকলৈ প্ৰেৰণ কৰা হ’ব,  গ্ৰাহকসকল সেই অঞ্চলৰ বাসিন্দায়ে  হওক বা পৰ্য্যটকেই হওক। ইয়াৰ দ্বাৰা জৰুৰীকালীন গুৰুত্বপূৰ্ণ তথ্য সময়মতে যিমান পাৰি সিমান লোকৰ ওচৰলৈ পোৱাটো নিশ্চিত হব৷ এয়া যিহেতু এটা পৰীক্ষামূলক পৰীক্ষণহে সেয়েহে ইয়াৰ দ্বাৰা ভীতিগ্ৰস্ত হোৱাৰ কোনো কাৰণ নাই ।  গোলাঘাট জিলা দুৰ্যোগ ব্যৱস্থাপনা কৰ্তৃপক্ষ তথা গোলাঘাট জিলা প্ৰশাসনৰ ফালৰ পৰা সকলোৰে সহায়ক হোৱাকৈ এই পৰীক্ষণ ব্যৱস্থাৰ বিষয়ে তলত সৱিশেষ জনোৱা হ’ল৷ 

১/  দূৰসংযোগ বিভাগে, ভাৰতৰ ৰাষ্ট্ৰীয় দুৰ্যোগ ব্যৱস্থাপনা কৰ্তৃপক্ষৰ সহযোগত, দুৰ্যোগৰ সময়ত জৰুৰীকালীন যোগাযোগ বৃদ্ধি আৰু নাগৰিকসকলৰ সুৰক্ষা আৰু সুবিধা সুনিশ্চিত কৰিবলৈ চেল ব্ৰডকাষ্ট এলাৰ্ট চিষ্টেম পৰীক্ষণ অনুষ্ঠিত কৰিব।

২/ ভাৰতৰ নাগৰিক আৰু জনগোষ্ঠীৰ সুৰক্ষাৰ প্ৰতি আমাৰ নিৰন্তৰ দায়বদ্ধতাৰ প্ৰতি লক্ষ্য ৰাখি প্ৰতিজন টেলিকম সেৱা প্ৰদানকাৰীৰ ওপৰত চেল ব্ৰডকাষ্ট এলাৰ্ট চিষ্টেমৰ পৰীক্ষা সম্পন্ন কৰা হৈছ। এই পৰীক্ষাসমূহ সময়ে সময়ে দেশৰ বিভিন্ন অঞ্চলত সম্পন্ন কৰা হ’ব যাতে ঠাইতে থকা ব্যৱস্থাসমূহৰ, বিভিন্ন মোবাইল অপাৰেটৰ আৰু চেল সম্প্ৰচাৰ ব্যৱস্থাৰ জৰুৰীকালীন সতৰ্কবাণী সম্প্ৰচাৰ ক্ষমতাৰ কাৰ্যক্ষমতা আৰু ফলপ্ৰসূতাৰ বিষয়ে জানিব পাৰি।

৩/চেল ব্ৰডকাষ্ট এলাৰ্ট চিষ্টেম হৈছে এনে এক প্ৰযুক্তি যিয়ে দুৰ্যোগ ব্যৱস্থাপনাৰ বাবে জটিল আৰু সময়-সংবেদনশীল বাৰ্তা নিৰ্দিষ্ট ভৌগোলিক অঞ্চলৰ ভিতৰত থকা সকলো মোবাইল ডিভাইচলৈ প্ৰেৰণ কৰিবলৈ অনুমতি দিয়ে, য’ত গ্ৰাহকসকল বাসিন্দায়ে  হওক বা দৰ্শনাৰ্থীয়ে হওক। ইয়াৰ দ্বাৰা জৰুৰীকালীন গুৰুত্বপূৰ্ণ তথ্য সময়মতে যিমান পাৰি সিমান লোকৰ ওচৰলৈ পোৱাটো নিশ্চিত হয়। ইয়াক চৰকাৰী সংস্থা আৰু জৰুৰীকালীন সেৱাই জনসাধাৰণক সম্ভাৱ্য ভাবুকিৰ বিষয়ে অৱগত কৰিবলৈ আৰু জটিল পৰিস্থিতিৰ সময়ত যোগাযোগ অক্ষুণ্ণ কৰি ৰাখিবলৈ ব্যৱহাৰ কৰা হয়। চেল সম্প্ৰচাৰ সাধাৰণতে জৰুৰীকালীন সতৰ্কবাণী প্ৰদান কৰিবলৈ ব্যৱহাৰ কৰা হয়, যেনে গুৰুতৰ বতৰৰ সতৰ্কবাণী (যেনে, ছুনামী, ভূমিকম্প আদি, জনসাধাৰণৰ সুৰক্ষাৰ বাৰ্তা, দুৰ্যোগৰ সদয়ত স্থান খালী কৰাৰ জাননী আৰু অন্যান্য গুৰুত্তপূৰ্ণ তথ্য।

৪/পৰীক্ষাৰ সময়ছোৱাত জনসাধাৰণে নিজৰ মোবাইল ডিভাইচত  চিমুলেটেড জৰুৰীকালীন সতৰ্কবাণী লাভ কৰিব পাৰে । আমি নিশ্চিত কৰোঁ যে এই সতৰ্কবাণীসমূহ পৰিকল্পিত পৰীক্ষণ প্ৰক্ৰিয়াৰ অংশ আৰু প্ৰকৃত জৰুৰীকালীন অৱস্থাৰ ইংগিত নিদিয়ে। প্ৰতিটো পৰীক্ষাৰ সতৰ্কবাণীয়ে স্পষ্টভাৱে ইংগিত দিব যে সেয়া হৈছে বিভ্ৰান্তিৰ পৰা হাত সাৰিবলৈ এটা পৰীক্ষা বাৰ্তাহে।

৩০ অক্টোবৰ, ২০২৩ তাৰিখে অসমত এই পৰীক্ষা সম্পন্ন কৰা হ’ব। সমগ্ৰ ব্যৱস্থাটোৰ প্ৰস্তুতিৰ ওপৰত নিৰ্ভৰ কৰি, শেষ মুহূৰ্তত পৰীক্ষাৰ সময়সূচীত পৰিবৰ্তনো হব পাৰে।

টোকা: গ্ৰাহকে সতৰ্কবাণী লাভ কৰিব পাৰে কিন্তু গ্ৰাহকৰ পৰা এই সংক্ৰান্তত কোনো প্ৰতিক্ৰিয়া প্ৰকাশ কৰাৰ প্ৰয়োজন নাই। সকলোকে আতংকিত নহ’বলৈ আৰু বিভ্ৰান্তিৰ সৃষ্টি নকৰিবলৈ অনুৰোধ জনোৱা হৈছে কাৰণ ই এটা পৰীক্ষামূলক সতৰ্কবাণীৰ ব্যৱস্থাহে।

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

*সাংস্কৃতিক মহাসংগ্ৰাম , খেল মহাৰণ আদিক লৈ গোলাঘাট পশ্চিম উন্নয়ন খণ্ড কাৰ্যলয়ৰ সভাগৃহত মন্ত্ৰী অতুল বৰাৰ বিশেষ সভা*

২৮/১০/২০২৩, গোলাঘাট

 *সাংস্কৃতিক মহাসংগ্ৰাম , খেল মহাৰণ আদিক লৈ গোলাঘাট পশ্চিম উন্নয়ন খণ্ড কাৰ্যলয়ৰ সভাগৃহত মন্ত্ৰী অতুল বৰাৰ বিশেষ সভা* 

আজি গোলাঘাট জিলাৰ গোলাঘাট পশ্চিম উন্নয়ন খণ্ড কাৰ্যলয়ৰ সভাগৃহত অসম চৰকাৰৰ কৃষি আৰু পশুপালন মন্ত্ৰী তথা বোকাখাতৰ বিধায়ক অতুল বৰাৰ সভাপতিত্বত সাংস্কৃতিক মহাসংগ্ৰাম, খেল মহাৰণ আদিক লৈ এখন বিশেষ সভা অনুষ্ঠিত হয় ৷ উক্ত সভাত মন্ত্ৰী গৰাকীয়ে নৱেম্বৰ মাহৰ পৰা অনুষ্ঠিত হ’বলগীয়া  সাংস্কৃতিক মহাসংগ্ৰাম আৰু খেল মহাৰণ সম্পৰ্কে বিমান সভা সমষ্টি আৰু গাঁও পঞ্চায়ত সমিতি পৰ্য্যায়ৰ সকলো সদস্য ৰ সৈতে পৰ্য্যলোচনা কৰে ৷ মন্ত্ৰী গৰাকীয়ে সভাত কয় যে অসমৰ সকলো ঠাইতে লুকাই থকা প্ৰতিভা সমূহ উলিয়াবৰ বাবে এই দুয়োটা অনুষ্ঠান এক বিশেষ সুযোগ আৰু সকলোৱে এই সুযোগৰ সদব্যৱহাৰ কৰি নিজ নিজ ক্ষেত্ৰত আগুৱাই যাব পাৰিব৷ তেখেতে সংশ্লিষ্ট সকলোকে দুয়োটা অনুষ্ঠানৰ বাবে সহযোগিতা কামনা কৰি সাংস্কৃতিক মহাসংগ্ৰাম আৰু খেল মহাৰণত বোকাখাতবাসীয়ে সক্ৰিয় অংশগ্ৰহণ কৰিবৰ বাবে অনুৰোধ কৰে ৷

 আজিৰ সভাৰ শেষত মন্ত্ৰী অতুল বৰাই যক্ষ্মা ৰোগ সম্পৰ্কে হোৱা এক সজাগতাৰ অনুষ্ঠানতো অংশগ্ৰহণ কৰে৷ আজিৰ সভাতে যোৱা ৭ আগষ্ট তাৰিখে নদীত পৰি প্ৰাণ হেৰুওৱা বোকাখাত অঞ্চলৰ পৰিস্মিতা বৰা ছেত্ৰীৰ পৰিয়াললৈ মন্ত্ৰী অতুল বৰাই ৪ লাখ টকাৰ এককালীন সাহাৰ্য আগবঢ়ায়৷ 

আজিৰ সভাত বোকাখাতৰ পৌৰপতি ৰত্নেশ্বৰ বৰা, বোকাখাতৰ নিৰ্বাচন বিষয়া পৰিস্মিতা দিহিঙীয়া, জিলা যক্ষ্মাৰোগ বিষয়া ডা° সুনীতা এক্কা , জিলা ক্ৰীড়া বিষয়া বিমল গগৈ,গোলাঘাট পশ্চিম উন্নয়ন খণ্ডৰ খণ্ড উন্নয়ন বিষয়া পাৰ্থজিৎ গগৈ , খেল মহাৰণ আৰু সাংস্কৃতিক মহাসংগ্ৰামৰ সমষ্টি আৰু পঞ্চায়ত পৰ্য্যায়ৰ সমিতি সদূহৰ সদস্য সকলৰ লগতে কেইবাটাও বিভাগৰ বিষয়া কৰ্মচাৰী উপস্থিত আছিল । 

ভাৰপ্ৰাপ্ত জিলা তথ্য আৰু জনসংযোগ বিষয়া,গোলাঘাট

NORTHEAST NEWS INDIA

২৫ অক্টোবৰ তাৰিখৰ পৰা পালিত ৰাষ্ট্ৰীয় একতা সপ্তাহ উপলক্ষ্যে গোলাঘাট কাৰাগাৰত আজি কাৰাগাৰ আৱাসীসকলৰ মাজত ক্ৰিকেট , ফুটবল আদি ক্ৰীড়া প্ৰতিযোগিতাৰ আয়োজন

গোলাঘাট

২৮/১০/২০২৩

আগন্তুক ৰাষ্ট্ৰীয় একতা দিৱস ৰ লগত সংগতি ৰাখি যোৱা ২৫ অক্টোবৰ তাৰিখৰ পৰা  পালিত ৰাষ্ট্ৰীয় একতা সপ্তাহ উপলক্ষ্যে গোলাঘাট কাৰাগাৰত আজি কাৰাগাৰ আৱাসীসকলৰ মাজত ক্ৰিকেট , ফুটবল আদি  ক্ৰীড়া প্ৰতিযোগিতাৰ আয়োজন

কৰা হয়৷ গোলাঘাট কাৰাগাৰ কৰ্তৃপক্ষৰ দ্বাৰা আয়োজিত এই ক্ৰীড়া প্ৰতিযোগিতাত কাৰাগাৰত জীৱন কটোৱা কয়দী সকলে সক্ৰিয়ভাৱে অংশগ্ৰহণ কৰে৷  এনেধৰণৰ আয়োজনে কয়দীসকলৰ লগতে সৰ্বসাধাৰণ জনতাৰ মাজত ৰাষ্টীয় একতা, দেশাত্মিকতাবোধ আৰু ৰাষ্ট্ৰীয় সুৰক্ষাৰ ভাৱ বৃদ্ধি কৰিব বুলি আশা কৰা হৈছে৷ 

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

*কুষ্ঠৰোগ চিনাক্তকৰণ অভিযানৰ বিষয়ে সংবাদমেল অনুষ্ঠিত**৩০ অক্টোবৰ, ২০২৩ ৰ পৰা স্বাস্থ্য বিভাগৰ কুষ্ঠৰোগ চিনাক্তকৰণ অভিযান*

২৭ অক্টোবৰ, ২০২৩, গোলাঘাট  

*কুষ্ঠৰোগ চিনাক্তকৰণ অভিযানৰ বিষয়ে সংবাদমেল অনুষ্ঠিত*

*৩০ অক্টোবৰ, ২০২৩ ৰ পৰা স্বাস্থ্য বিভাগৰ কুষ্ঠৰোগ চিনাক্তকৰণ অভিযান*

সমগ্ৰ ভাৰতৰ লগতে ৩০ অক্টোবৰ, ২০২৩ তাৰিখৰ পৰা ১২ নৱেম্বৰ, ২০২৩ তাৰিখলৈ অসমত আৰম্ভ হব  কুষ্ঠৰোগ চিনাক্তকৰণ অভিযান। এই অভিযান ৰাষ্ট্ৰীয় কুষ্ঠৰোগ নিৰ্মূলকৰণ কাৰ্যসূচীৰ অন্তৰ্গত ৰূপায়ন কৰা হৈছে। 

এই বিষয়ে আজি যুটীয়া স্বাস্থ্য সেৱা সংচালক, গোলাঘাটৰ কাৰ্যালয়ত ৩০ অক্টোবৰ, ২০২৩ তাৰিখৰ পৰা আৰম্ভ হব লগীয়া কুষ্ঠৰোগ চিনাক্তকৰণ অভিযানৰ ওপৰত এখন সংবাদমেল অনুষ্ঠিত হয়।

এই সংবাদমেল খনত কুষ্ঠ ৰোগ চিনাক্তকৰণ অভিযানৰ অন্তৰ্গত চিকিৎসা বিভাগ দ্বাৰা লব লগা পদক্ষেপ সমূহ উপস্থাপন কৰা হয়। 

কুষ্ঠৰোগ চিনাক্তকৰণ অভিযানৰ দ্বাৰা গোলাঘাট জিলাত ২ বছৰ বয়সৰ ওপৰৰ গোটেই মানুহক অন্তৰ্ভুক্ত কৰাৰ পৰিকল্পনা কৰা হৈছে। 

মুঠ ২২৮৪০৫ টা ঘৰ নিৰীক্ষণৰ লক্ষ্যৰে কুষ্ঠৰোগ চিনাক্তকৰণ অভিযানৰ দ্বাৰা বিশেষ ভাৱে চাহ বাগান অঞ্চলৰ ওপৰত ঘৰ পৰিদৰ্শনৰ কাৰ্যসূচী তৈয়াৰ কৰা হৈছে। ইয়াৰ বাবে প্ৰত্যেক দিনা এগৰাকী আশাকৰ্মী আৰু এজন পুৰুষ সহায়কে ২৫ তা কৈ ঘৰ নিৰীক্ষণ কৰি সন্দেহজনক 

কুষ্ঠ ৰোগত ভুগি থকা লোকক চিনাক্ত কৰি নিকটতম স্বাস্থ্য আৰু কল্যাণ কেন্দ্ৰ, প্ৰাথমিক স্বাস্থ্য কেন্দ্ৰ আৰু জিলা চিকিৎসালয়ত পৰবৰ্তী ৰোগ নিশ্চিতকৰনৰ বাবে দৰকাৰী স্বাস্থ্য পৰীক্ষা কৰাৰ ব্যবস্থা কৰা হব।  

ইতিমধ্যে সজাগতা বৃদ্ধিৰ হেতু গ্ৰাম সভা, স্বাস্থ্য বিভাগৰ বিভিন্ন সভা, মেলা ইত্যাদিত

জনসাধাৰণ মাজত সজাগতা বৃদ্ধিৰ বাবে বিভিন্ন পদক্ষেপ লোৱা হৈছে৷ 

আজি অনুষ্ঠিত সংবাদমেল খনত যুটীয়া স্বাস্থ্য সেৱা সঞ্চালক ডা: অনুৰাধা বৰুৱা, কুষ্ঠৰোগ বিভাগৰ জিলা ন'ডেল বিষয়া ডা: ভাৰত ফুকন, মহকুমা চিকিৎসা আৰু স্বাস্থ্য বিষয়া ডা: ৰঞ্জিত হাজৰিকা, ৰাষ্ট্ৰীয় স্বাস্থ্য অভিযানৰ বিষয়া সকল, জিলা কুষ্ঠ বিভাগৰ কৰ্মচাৰী আদি উপস্থিত থাকে।

 NORTHEAST NEWS INDIA

বিশেষ জাননী

বিশেষ জাননী

আগন্তুক লোকসভা নিৰ্বাচনৰ বাবে প্ৰস্তুত কৰা ভোট গ্ৰহন কেন্দ্ৰৰ খচৰা তালিকা প্ৰকাশ কৰা হয় । এইক্ষেত্ৰত যদি কিবা ওজৰ আপত্তি থাকে তেন্তে আগন্তুক সাত দিনৰ ভিতৰত গোলাঘাটৰ নিৰ্বাচনী বিষয়াৰ ওচৰত জমা দিব পাৰিব৷ 

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

*গোলাঘাট জিলা আয়ুক্তৰ সভাগৃহত কুষ্ঠ ৰোগ চিনাক্তকৰণ অভিযান) ৰূপায়ণৰ বাবে দ্বিতীয়খন সভা অনুষ্ঠিত*

২৬ অক্টোবৰ, গোলাঘাট:   

*গোলাঘাট জিলা আয়ুক্তৰ সভাগৃহত কুষ্ঠ ৰোগ চিনাক্তকৰণ অভিযান) ৰূপায়ণৰ বাবে দ্বিতীয়খন  সভা অনুষ্ঠিত*

           আজি গোলাঘাট জিলা প্ৰশাসনৰ  উদ্যোগত জিলা আয়ুক্ত কাৰ্যলয়ৰ সভাগৃহত অতিৰিক্ত জিলা আয়ুক্ত চৈয়দ ৱাছবীৰ সুভানীৰ সভাপতিত্বত কুষ্ঠ ৰোগ সন্দৰ্ভত এখন সভা অনুষ্ঠিত কৰা হয়। এই সভাখনত মূলত কুষ্ঠ ৰোগ চিনাক্তকৰণ অভিযানৰ অন্তৰ্গত চিকিৎসা বিভাগ দ্বাৰা লোৱা পদক্ষেপ সমূহৰ খতিয়ান দাঙি ধৰা হয়। ইয়াৰ অন্তৰ্গত ৩৬ খন গ্ৰাম সভা তথা তাত সমাৱেশ হোৱা জনসাধাৰণ আৰু বিভাগে জনসাধাৰণৰ মাজত সজাগতা বৃদ্ধিৰ বাবে লোৱা বিভিন্ন পদক্ষেপৰ বিষয়ে পৰ্য্যলোচনা কৰা হয় ৷ উল্লেখযোগ্য যে ২০২৩-২৪ বৰ্ষত ১৫ জন ৰোগী পোৱা গৈছে। বৰ্তমান ১৯ জন কুষ্ঠ ৰোগী চিকিৎসা গ্ৰহণ কৰি আছে। ইয়াৰ অন্তৰ্গত চাহ বাগিচাত ১১ জন ৰোগী চিনাক্ত হৈছে বুলি বিভাগীয়া প্ৰতিনিধিয়ে জানিবলৈ দিয়ে।

            আজিৰ এই সভাত গোলাঘাটৰ  চিকিৎসা আৰু সমাজ কল্যাণ বিভাগৰ বিষয়া সকলৰ লগতে অন্যান্য বিভাগৰ প্ৰতিনিধিও উপস্থিত থাকে।

*ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

আগন্তুক সাংস্কৃতিক মহাসংগ্ৰাম সন্দৰ্ভত এখন গুৰুত্তপূৰ্ণ সভা অনুষ্ঠিত

২৬/১০/২০২৩

আজি গোলাঘাটৰ জিলা আয়ুক্ত কাৰ্যলয়ৰ সভাকক্ষত আগন্তুক সাংস্কৃতিক মহাসংগ্ৰাম সন্দৰ্ভত এখন গুৰুত্তপূৰ্ণ সভা অনুষ্ঠিত

হয়৷ গোলাঘাটৰ  জিলা আয়ুক্ত ডা° পি উদয় প্ৰৱীণৰ সভাপতিত্ত্বত অনুষ্ঠিত হোৱা সভাখনত সাংস্কৃতিক মহাসংগ্ৰাম ৰ জিলা, বিধানসভা সমষ্টি আৰু গাঁও পঞ্চায়ত পৰ্য্যায়ত হ’বলগীয়া প্ৰতিযোগিতা সমূহৰ বিষয়ে বিষদভাৱে আলোচনা কৰা হয়৷ 

আজিৰ সভাত জিলা আয়ুক্ত গৰাকীয়ে জানিবলৈ দিয়ে যে মুঠ ছটা ভাগত আৰু তিনিটা পৰ্য্যায়ত হ’বলগীয়া সাংস্কৃতিক মহাসংগ্ৰামৰ প্ৰতিযোগিতা সমূহত যোগদানৰ শেষ তাৰিখ ৫ নৱেম্বৰলৈকে বৃদ্ধি কৰা হৈছে আৰু ১০ নৱেম্বৰৰ পৰা প্ৰতিযোগিতা সমূহ আৰম্ভ হ’ব৷ সভাত জিলা আয়ুক্ত গৰাকীয়ে জিলা, সমষ্টি আৰু পঞ্চায়ত পৰ্য্যায়ৰ সকলো সদস্য সচিব আৰু সদস্য সকলৰ লগতে গোলাঘাটৰ বিদ্যালয়সমূহৰ পৰিদৰ্শক, খণ্ড উন্নয়ন বিষয়া সকলক এই অনুষ্ঠানৰ যথাযথ প্ৰচাৰৰ বাবে অনুৰোধ কৰে। তেখেতে লগতে কয় যে যিহেতু গোলাঘাটৰ চুকে কোণে সোমাই থকা সাংস্কৃতিক ক্ষেত্ৰৰ সুপ্ত প্ৰতিভা বিকাশৰ বাবে ই এটা সুৱৰ্ণ সুযোগ সেয়েহে যথেষ্ট সংখ্যক ইচ্ছুক প্ৰতিযোগীয়ে যাতে অংশগ্ৰহণ কৰিব পাৰে৷ প্ৰপত্ৰ সমূহ ডিজিটাইজেশ্বনো ৫ নৱেম্বৰৰ ভিতৰত শেষ কৰিব পৰাকৈ সংশ্লিষ্ট বিষয়া সকলে যাতে ব্যৱস্থা লয়৷ 

আজিৰ সভাত গোলাঘাট জিলা পৰিষদৰ মূখ্য কাৰ্য্যবাহী বিষয়া শ্ৰী ধীৰাজ দাস, গোলাঘাটৰ সদৰ মহকুমাধীপতি শ্ৰীমতী পাপৰি দাস, সহকাৰী আয়ুক্ত তথা জিলা সাংস্কৃতিক বিষয়া শ্ৰীমতী কৃষ্ণাৰ্পিতা বৰুৱা, বিদ্যালয় সমূহৰ পৰিদৰ্শক ড° সমীৰন বৰা , গোলাঘাটৰ খণ্ড উন্নয়ন বিষয়া সকল, সাংস্কৃতিক মহাসংগ্ৰামৰ জিলা পৰ্য্যায়ৰ সমিতি , সমষ্টি পৰ্য্যয়ৰ সমিতি তথা জিলা আৰু বিধান সভা সমষ্টি পৰ্য্যয়ৰ সমিতিৰ সদস্য সকল , আৰক্ষী প্ৰশাসনৰ বিষয়া সকল আদি উপস্থিত আছিল৷

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

ৰাষ্ট্ৰীয় আৰু ৰাজ্য পৰ্য্যায়ৰ ৰাজনৈতিক দল সমূহৰ প্ৰতিনিধিৰ সৈতে এখন সভা অনুস্থিত

২৬/১০/২০২৩  

আজি গোলাঘাট জিলা আয়ুক্ত কাৰ্য্যালয়ৰ সভাকক্ষত ডাঃ পি উদয় প্ৰৱীণৰ সভাপতিত্বত জিলাখনৰ বিধায়ক তথা সাংসদ সকলৰ প্ৰতিনিধিসকল তথা ৰাষ্ট্ৰীয় আৰু ৰাজ্য পৰ্য্যায়ৰ ৰাজনৈতিক দল সমূহৰ প্ৰতিনিধিৰ  সৈতে এখন সভা অনুস্থিত

হয়। সভাত আগন্তুক লোকসভা নিৰ্বাচনৰ বাবে প্ৰস্তুত কৰা ভোট গ্ৰহন কেন্দ্ৰৰ খচৰা তালিকাৰ বিষয়ে আলোচনা কৰা হয়। এইক্ষেত্ৰত তেঁওলোকৰ যদি কিবা ওজৰ আপত্তি থাকে তেন্তে আগন্তুক সাত দিনৰ ভিতৰত গোলাঘাটৰ নিৰ্বাচনী বিষয়াৰ ওচৰত জমা দিবলৈ অনুৰোধ জনোৱা হয়। সভাত প্ৰতিনিধি সকলৰ লগতে গোলাঘাটৰ নিৰ্বাচনী বিষয়া শ্রী হৃষিকেশ বৰুৱা, গোলাঘাটৰ চক্ৰবিষয়া তথা নিৰ্বাচক পঞ্জীয়ন বিষয়া শ্ৰীমতী ত্ৰিবেণী গগৈ, দেৰগাঁৱৰ চক্ৰবিষয়া তথা নিৰ্বাচক পঞ্জীয়ন বিষয়া শ্ৰী চিৰন্জীত দাস, খুমটাইৰ চক্ৰবিষয়া তথা নিৰ্বাচক পঞ্জীয়ন বিষয়া তনৱীৰ য়ুচুফ আৰু অন্যান্য বিষয়া কৰ্মচাৰী সকল উপস্থিত থাকে৷

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

*গোলাঘাট জিলাৰ পৰা অমৃত কলহ যাত্ৰাৰ দল গুৱাহাটী হৈ দিল্লীলৈ বুলি ৰাওনা*

২৫/১০/২০২৩

গোলাঘাট

 *গোলাঘাট জিলাৰ পৰা অমৃত কলহ যাত্ৰাৰ দল গুৱাহাটী হৈ দিল্লীলৈ বুলি ৰাওনা* 

“ মোৰ দেশ মোৰ মাটি” অনুষ্ঠানৰ অন্তৰ্গত আজি ২৫/১০/২০২৩ তাৰিখে গোলাঘাটৰ সমন্বয় ক্ষেত্ৰত অমৃত কলহ যাত্ৰাৰ এক বিশেষ কাৰ্যসূচী অনুষ্ঠিত হয় ৷ গোলাঘাট জিলাৰ আঠোঁটা উন্নয়ন খণ্ড আৰু গোলাঘাট পৌৰসভাক প্ৰতিনিধিত্ব কৰি যুৱ প্ৰতিনিধিৰ দলটো আজি  মাটি ভৰ্তি কলহেৰে প্ৰথমে গুৱাহাটী আৰু পিছত দিল্লী যোৱা যাত্ৰাৰ আজি শুভাৰম্ভ কৰা হয় । 

            আজিৰ অনুষ্ঠানত বিশিষ্ট অতিথি হিচাপে উপস্থিত থকা খুমটাই সমষ্টিৰ বিধায়ক মৃণাল শইকীয়াই অমৃত কলহ যাত্ৰাৰ গাঁও, পঞ্চায়ত তথা উন্নয়ন খণ্ড গোটেইকিটা পৰ্য্যায়ৰ কাৰ্যসূচীৰ বিৱৰণ ডাঙি ধৰাৰ লগতে অমৃত কলহ যাত্ৰাৰ তাৎপৰ্য ব্যাখ্যা কৰে৷ অনুষ্ঠানৰ বিশিষ্ট অতিথি সৰুপথাৰ সমষ্টিৰ বিধায়ক বিশ্বজিৎ ফুকনে অমৃত কলহ যাত্ৰাৰ মহান উদেশ্য তথা দেশৰ ৰাজধানীত নিৰ্মাণ হ’বলগীয়া অমৃত ভাটিকাৰ বিষয়ে ব্যক্ত কৰে৷ জিলা আয়ুক্ত ডা° পি উদয় প্ৰবীনে গোলাঘাট জিলাৰ আঁঠোটা উন্নয়ন খণ্ড আৰু পৌৰসভাক প্ৰতিনিধিত্ব কৰা ৯ গৰাকী যুৱ প্ৰতিনিধিক উদ্দেশ্যি ২৬ অক্টোবৰত গুৱাহাটীত হ’বলগীয়া তথা তাৰ পিছত দিল্লীত হ’বলগীয়া  কাৰ্যসূচীৰ বিষয়ে ব্যাখা কৰে৷ ইয়াৰ পিছতে সকলো প্ৰতিনিধিক শুভেচ্ছা জনাই বিশিষ্ট অতিথি তথা জিলা আৰু আৰক্ষী প্ৰশাসনৰ শীৰ্ষ বিষয়া সকলে ১৮টা  পিতলৰ কলহ প্ৰদান কৰে৷ সকলোৰে উপস্থিতিত বিধায়ক দুগৰাকীয়ে আনুষ্ঠানিক ভাৱে গোলাঘাটৰ পৰা অমৃত কলহ যাত্ৰাৰ ফ্লেগ অফ্ কৰা হয় । 

         খণ্ড উন্নয়ন বিষয়া তথা ভাৰপ্ৰাপ্ত জিলা তথ্য আৰু জনসংযোগ বিষয়া গৌৰৱ বৰঠাকুৰে আঁত ধৰা আজিৰ অনুষ্ঠানত গোলাঘাটৰ আৰক্ষী অধীক্ষক ৰাজেন সিং, গোলাঘাট পৌৰসভাৰ পৌৰনেত্ৰী দুলুমনি বৰবৰা, গোলাঘাট জিলা পৰিষদৰ সভানেত্ৰী হেলিনা দলে পেগু, গোলাঘাট জিলা পৰিষদৰ মুখ্য কাৰ্যবাহী বিষয়া ধীৰাজ দাস, গোলাঘাটৰ জিলা উন্নয়ন আয়ুক্ত অৰ্পা বাগলাৰী, অতিৰিক্ত জিলা আয়ুক্ত  চৈয়দ ৱাছবীৰ সুভানী, নিৰ্বাচন বিষয়া ঋষিকেশ বৰুৱা, সহকাৰী আয়ুক্ত অন্বেষা ঠাকুৰ, দ্বীপ্তি মনি টায়ে, খণ্ড উন্নয়ন বিষয়া নিপজ্যোতি পাটিৰি, পাৰ্থজিৎ গগৈ, ময়ুৰিমা মোহন, গীতাৰ্থ নাথ, গৌৰৱ বৰঠাকুৰৰ লগতে জিলা প্ৰশাসনৰ বিষয়া কৰ্মচাৰী সকল, দল সংগঠনৰ সদস্য আৰু ৰাইজ উপস্থিত আছিল৷

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

মহাঅষ্টমীৰ দিনা গোলাঘাটৰ জিলাৰ বিভিন্ন দূৰ্গা পূজা মণ্ডপ আৰু বিসৰ্জনস্থলী দৰ্শন জিলা আয়ুক্তৰ

২২ অক্টোবৰ, ২০২৩

 *মহাঅষ্টমীৰ দিনা গোলাঘাটৰ জিলাৰ বিভিন্ন দূৰ্গা পূজা মণ্ডপ আৰু বিসৰ্জনস্থলী দৰ্শন জিলা আয়ুক্তৰ

* 

             শাৰদীয় দূৰ্গাপূজাৰ উছাহৰ মাজতে আজি মহাঅষ্টমীৰ দিনা গোলাঘাটৰ জিলা আয়ুক্ত ডা° পি উদয় প্ৰৱীনে সৰুপথাৰ আৰু বৰপথাৰ অঞ্চলৰ কেইবাখনো দূৰ্গা পূজা মণ্ডপ দৰ্শন কৰি পূজা অৰ্চনা কৰে৷ জিলা আয়ুক্ত গৰাকীয়ে পূজা সমিতিৰ বিষয়ববীয়া সকলৰ সৈতে পূজা সমিতি সমূহক গোলাঘাট জিলা প্ৰশাসনৰ ফালৰ পৰা দিয়া নিৰ্দেশাৱলী সমূহ যাতে ভালদৰে পালন কৰা হয় তাৰ বিষয়ে চকু দিবলৈ অনুৰোধ কৰে৷ পূজা মণ্ডপ সমূহৰ আশপাশ যাতে পৰিষ্কাৰ হৈ থাকে তাৰ প্ৰতি লক্ষ্য ৰাখিবলৈও জিলা আয়ুক্ত গৰাকীয়ে কয়৷ 

              ইয়াৰ পিছতে জিলা আয়ুক্ত গৰাকীয়ে সৰুপথাৰ আৰু বৰপথাৰৰ প্ৰতিমা বিসৰ্জনস্থলী সমূহ পৰিদৰ্শন কৰে৷ বিজয়া দশমীৰ দিনা প্ৰতিমা বিসৰ্জনৰ ক্ষেত্ৰত লবলগীয়া সাৱধানতা সমূহৰ বিষয়ে জিলা আয়ুক্ত গৰাকীয়ে বিতংভাৱে প্ৰশাসনৰ বিষয়া সকলৰ সৈতে পৰ্য্যালোচনা কৰে । দৰ্শনাৰ্থীৰ সুবিধাৰ্থে সকলো সাৱধানতা যাতে প্ৰশাসন আৰু পূজা সমিতি সমূহে লয় তাৰ প্ৰতি জিলা আয়ুক্ত গৰাকীয়ে সকলোকে আহ্বান জনায় । আজিৰ পৰিদৰ্শন স্থলী সমূহত জিলা আয়ুক্ত গৰাকীৰ সৈতে ধনশিৰি মহকুমাৰ ভাৰপ্ৰাপ্ত মহকুমাধিপতি জাংমিৰ ৰংফাৰপি, সৰুপথাৰ পৌৰসভাৰ সভানেত্ৰী ঊষা ভিৰুৱাৰিয়া,  বৰপথাৰ পৌৰসভাৰ পৌৰপতি সঞ্জীৱ বৰুৱা, সৰুপথাৰৰ চক্ৰ বিষয়া মনোজ দলেৰ লগতে জিলা প্ৰশাসন আৰু আৰক্ষী প্ৰশাসনৰ বিষয়ববীয়া সকল উপস্থিত আছিল৷

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

অসম শক্তি বিতৰণ কোম্পানী গোহাৰি,পূজা কমিটীসমূহলৈ।

অসম শক্তি বিতৰণ কোম্পানী গোহাৰি,পূজা কমিটীসমূহলৈ।

*শ্বহীদ কমলা মিৰি মহকুমা অসামৰিক চিকিৎসালয় সন্দৰ্ভত গুৰুত্ত্বপূৰ্ণ সভা*

২০/১০/২০২৩

 *শ্বহীদ কমলা মিৰি মহকুমা অসামৰিক চিকিৎসালয় সন্দৰ্ভত গুৰুত্ত্বপূৰ্ণ সভা*

 

আজি গোলাঘাট জিলাৰ জিলা আয়ুক্ত ডাঃ পি উদয় প্ৰৱীণে বোকাখাত মহকুমাৰ মহকুমাধিপতিৰ কাৰ্য্যালয় কক্ষত  বোকাখাতৰ শ্বহীদ কমলা মিৰি মহকুমা অসামৰিক চিকিৎসালয়ৰ বিভিন্ন দিশ সমূহৰ ওপৰত এখন আলোচনা সভাত মিলিত হয়। চিকিৎসালয় খনৰ বিভিন্ন সমস্যা সমূহৰ ওপৰত মহকুমাৰ স্বাস্থ্য বিষয়া ডাঃ অজিত কুমাৰ কাকতিয়ে জিলা আয়ুক্ত গৰাকীক অৱগত কৰে। জিলা আয়ুক্ত গৰাকীয়ে চিকিৎসালয় কৰ্তৃপক্ষক তেওলোকৰ প্ৰয়োজনীয়তা সমূহ চলিত মাহৰ শেষ সপ্তাহৰ ভিতৰত জিলা কাৰ্য্যালয়ত জমা দিবলৈ কয়।  সভাত জিলা আয়ুক্তৰ লগত বোকাখাতৰ মহকুমাধিপতি চিমি কৰন, বোকাখাত মহকুমাৰ স্বাস্থ্য বিষয়া ডাঃ অজিত কুমাৰ কাকতি আৰু ৰাষ্ট্ৰীয় স্বাস্থ্য অভিযানৰ বিষয়া সকল উপস্থিত থাকে।

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

তিনি বছৰ সম্পূৰ্ণ কৰা দূৰ্গা পূজা সমিতি সমূহক আৰ্থিক অনুদান

২০/১০/২০২৩

আজি অসমৰ মাননীয় মুখ্যমন্ত্ৰীৰ নিৰ্দেশনা মৰ্মে গোলাঘাট জিলাতো তিনি বছৰ সম্পূৰ্ণ কৰা দূৰ্গা পূজা সমিতি সমূহক আৰ্থিক অনুদান

আগবঢ়োৱা হ’য়৷ গোলাঘাট পৌৰসভা কাৰ্যলয়ৰ সভাগৃহত অনুষ্ঠিত এই অনুষ্ঠানত অসম চৰকাৰৰ বিত্ত ইত্যাদি বিভাগৰ মন্ত্ৰী অজন্তা নেওঁগে গোলাঘাটৰ প্ৰায় ৫৪ খন পূজা সমিতিৰ সভাপতি/সম্পাদকক চেক্ বিতৰন কৰে৷ আজিৰ এই চেক্ বিতৰনি সভাত গোলাঘাট পৌৰসভাৰ সভানেত্ৰী দুলুমনি বৰবৰা, গোলাঘাটৰ অতিৰিক্ত জিলা আয়ুক্ত দামোদৰ বৰ্মন, গোলাঘাট পৌৰসভাৰ কাৰ্যবাহী বিষয়া ঋষিকেশ বৰুৱা, পৌৰসভাৰ বিষয়া সকলৰ লগতে পূজা সমিতি সমূহৰ সভাপতি/সম্পাদক/প্ৰতিনিধি সমূহ উপস্থিত আছিল৷ 

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA