Tuesday, 30 June 2020
Monday, 29 June 2020
29 Jun, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে গুৱাহাটীত অসম মন্ত্ৰী পৰিষদৰ বৈঠকত অধ্যক্ষতা কৰে। আজি কেইবাটাও গুৰুত্বপূৰ্ণ সিদ্ধান্ত গ্ৰহণ কৰিছে। # 'আত্মনিৰ্ভৰ অসম'ৰ লক্ষ্যক এক নতুন গতি প্ৰদান কৰি সিদ্ধান্ত লোৱা হয় যে- নতুন ক্ষুদ্ৰ, লঘু আৰু মজলীয়া উদ্যোগ স্থাপনৰ ক্ষেত্ৰত তিনি বছৰৰ বাবে অনুমতিৰ প্ৰয়োজন নহ'ব। # অসমৰ মাজেৰে আন্তঃৰাষ্ট্ৰীয় আৰু আন্তঃৰাজ্যিক বাণিজ্যক উদগনি যোগোৱাৰ বাবে যোগীঘোপাৰ অশোক কাগজ কলৰ ২০০ একৰ ভূমি International Multi Modal Logistic Park-ৰ ব্যৱহাৰৰ বাবে অনুমোদন জনাইছে। # পঞ্চদশ বিত্ত আয়োগৰ অনুদান গাঁও পঞ্চায়তৰ বাবে ৭০%, আঞ্চলিক পঞ্চায়তৰ বাবে ১৫% আৰু জিলা পৰিষদৰ বাবে ১৫% অনুপাতত আৱণ্টিত হ'ব। # ক'ভিড-১৯ পৰিস্থিতিৰ পৰিপ্ৰেক্ষিতত আৰু দেশৰ অন্য প্ৰান্তৰ শৈক্ষিক বৰ্ষৰ সৈতে সমপৰ্যায়ত অসমৰো শৈক্ষিক বৰ্ষ জানুৱাৰী-ডিচেম্বৰৰপৰা এপ্ৰিল-মাৰ্চলৈ সলনি কৰাৰ সিদ্ধান্ত গ্ৰহণ কৰিছে।
29 Jun, 2020 জাননী: ৰাজ্যৰ বিভিন্ন অগ্ৰণী বাতৰি কাকতত প্ৰকাশিত যোৱা ০৬-০৬-২০২০ তাৰিখৰ বিজ্ঞাপন 'অসম সাংবাদিক পেঞ্চন আঁচনি ২০২০-২১'ৰ বাবে আবেদন কৰাৰ অন্তিম দিনৰ সময়সীমা ২০ জুলাইলৈকে (কাৰ্য্যালয়ৰ সময়ৰ ভিতৰত) বৃদ্ধি কৰা হৈছে। আগ্ৰহী সংবাদসেৱীসকলে স্কেনড্ ফটোকপি আৰু উপযুক্ত নথিপত্ৰসমূহ আমাৰ ই-মেইল আই ডি diprjournalistpension@gmail.com ৰ জৰিয়তেও প্ৰেৰণ কৰিব পাৰিব।
29 Jun, 2020 মাননীয় পৰিবহণ মন্ত্ৰী শ্ৰী যুত চন্দ্ৰমোহন পাটোৱাৰীৰ নিৰ্দেশ ।ৰে'লযাত্ৰী আৰু বিমানযাত্ৰীৰ সুবিধাৰ বাবে প্ৰয়োজনীয় সকলো ব্যৱস্থা গ্ৰহণ কৰিবলৈ। লকডাউনৰ সময়ছোৱাত যাত্ৰীৰ সুবিধাৰ প্ৰতি লক্ষ্য ৰাখি কামৰূপ (মহানগৰ) জিলাত ASTC বাছ সেৱাসমূহ চহৰৰ বিভিন্ন পিক আপ্ পইন্টৰ পৰা বিমানবন্দৰ আৰু ৰে'ল ষ্টেচনলৈ চলোৱাৰ ব্যৱস্থা কৰা হৈছে। নিম্নলিখিত আৰক্ষী থানা আৰু আৰক্ষী চকীবোৰ পিক আপ্ পইন্ট হিচাপে চিহ্নিত কৰা হৈছে। ১. দিছপুৰ আৰক্ষী থানা ২. নুনমাটি আৰক্ষী থানা ৩. পাণবজাৰ আৰক্ষী থানা ৪. লতাশিল আৰক্ষী থানা ৫. পল্টন বজাৰ আৰক্ষী থানা ৬. ভৰলুমুখ আৰক্ষী থানা ৭. গীতানগৰ আৰক্ষী থানা ৮. জালুকবাৰী আৰক্ষী থানা ৯. বশিষ্ঠ আৰক্ষী থানা ১০. ফটাশিল আমবাৰী আৰক্ষী থানা ১১. হাতীগাঁও আৰক্ষী থানা ১২. গড়চুক আৰক্ষী থানা ১৩. ভঙাগড় আৰক্ষী থানা ১৪. সাতগাঁও আৰক্ষী থানা ১৫. চানমাৰী আৰক্ষী থানা ১৬. ফাঁচী বজাৰ আৰক্ষী চকী ১৭. মালিগাঁও আৰক্ষী চকী ১৮. ওদালবাক্ৰা আৰক্ষী চকী ১৯. বিৰুবাৰী আৰক্ষী চকী ২০. যোৰাবাট আৰক্ষী চকী ২১. ISBT আৰক্ষী চকী ২২. পানীখাইতি আৰক্ষী চকী বাছসমূহ ওপৰত উল্লেখিত স্থানসমূহৰ পৰা ৰাতিপুৱা ৫ বজাত, ৭ বজাত, ৯ বজাত, ১১ বজাত, দিনৰ ১ বজাত, ৩ বজাত, আবেলি ৫ বজাত আৰু সন্ধিয়া ৭ বজালৈ চলাচল কৰিব । গুৱাহাটীৰ যিসকল বাসিন্দাই আকাশমাৰ্গেৰে বা ৰে'লৰ জৰিয়তে যাত্ৰা কৰিব বিচাৰে তেওঁলোকে ইয়াৰ বাবে পঞ্জীয়ন কৰক http://assamtransportrelief.in/ ত। নিম্নলিখিত পৰিবহণ বিভাগৰ হোৱাটছএপ(Whatsapp) নম্বৰৰ জৰিয়তেও আপোনালোকে পঞ্জীয়নৰ বাবে যোগাযোগ কৰিব পাৰে।নম্বৰকেইটা- 6026900637,6026900969 6026900638,6026900970 6026900639,6026900971 6026900966,6026900972 6026900967,6026900973 6026900968,6026900976 এই নম্বৰসমূহ দিনৰ ১০ বজাৰ পৰা নিশা ১০ বজালৈকে মুকলি থাকিব। যিকোনো যাত্ৰাৰ বাবে যাত্ৰীসকলে পঞ্জীয়ন ২৪ ঘন্টা আগতীয়াকৈ কৰাটো বাধ্যতামূলক। লগতে যাত্ৰীসকলে সম্পূৰ্ণ তথ্য যেনে- যাত্ৰীগৰাকীৰ সম্পূর্ণ নাম, মোবাইল নম্বৰ, পিক আপ্ পইণ্টৰ নাম, ফ্লাইট/ৰে'ল নম্বৰ, ফ্লাইট আৰু ৰে'ল এৰাৰ সময় আৰু তাৰিখ, PNR কোড নম্বৰ দাখিল কৰিব লাগিব। যাত্ৰীসকলে ASTC বাছৰ সেৱা গ্ৰহণৰ অাগমূহুৰ্তত ৰে'ল আৰু ফ্লাইটৰ টিকত দেখুৱাব লাগিব। যিসকল বাসিন্দাই ব্যক্তিগত অথবা ভাড়াতীয়া গাড়ী বিমানবন্দৰ আৰু ৰে'ল ষ্টেচনলৈ অনা-নিয়াৰ বাবে ব্যৱহাৰ কৰিব বিচাৰে তেওঁলোকে পঞ্জীয়ন কৰিব নালাগে। কিন্তু গাড়ীৰ চালকে যাত্ৰীক অনা-নিয়া কৰাৰ সময়ত যাত্রীৰ ফ্লাইট বা ৰে'লৰ টিকট লগত ৰাখিব লাগিব ।
Sunday, 28 June 2020
28 Jun, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালৰ সৈতে আজি কেন্দ্ৰীয় গৃহমন্ত্ৰী মাননীয় শ্ৰী অমিত শ্বাহে টেলিফোনযোগে বাৰ্তালাপ কৰি ৰাজ্যৰ সাম্প্ৰতিক বান পৰিস্থিতি, গৰাখহনীয়া আৰু ভূমিস্খলনৰ পৰিস্থিতিৰ বুজ লয়। ৰাজ্যৰ প্ৰাকৃতিক দুৰ্যোগত ক্ষতিগ্ৰস্ত সকললৈ সকলো ধৰণৰ সহায়-সহযোগিতা আগবঢ়োৱাৰ প্ৰতিশ্ৰুতি প্ৰদান কৰে কেন্দ্ৰীয় গৃহমন্ত্ৰীগৰাকীয়ে।
28 Jun, 2020 গোলাঘাটৰ বেঙেনাখোৱাৰ যুবক পার্থৰ পৰোপকাৰী কাম ।তেওৰ নিজা কৈ বেঙেনাখোৱাৰ কমে ও 300 ছাত্র ছাত্রীক বিনামূলীয়াকৈ ৰংমন আৰু বহু সাধু কিতাপ বিতৰণ কৰে তেওৰ এই কার্যত গোলাঘাটৰ শংকৰ বুক ষ্টল আৰু সাংবাদিক প্রকাশ শৰ্মা ই বিশেষ সহযোগিতা আগবঢ়ায় ।এই কার্য ৰ বাবে স্থানীয় ৰাইজ আৰু শিশু সকলে পার্থ ক ধন্যবাদ জনাই।
28 Jun, 2020 বিয়াৰ দিন সলনি কৰা এদল চোৰ। লকডাউনৰ বাবে বিবাহৰ মূহুৰ্ত সলনি কৰিছে একাংশ লোকে, কিন্তু গোলাঘাটত লকডাউনৰ মাজতেই চোৰৰ বাবে সলনি কৰিব লগা হ'ল বিবাহৰ দিন। এইবাৰ কুকুৰা চুৰি কৰিবলৈ গৈ আৰক্ষীৰ হাতত ধৰা পৰিল বিয়াৰ দিন সলনি কৰা চোৰৰ গেং। চাওক আমাৰ এই প্ৰতিবেদন। দেখাত নিমাখিত যেন লাগিলেও এওঁলোক কিন্তু কম নহয়। গভাইত চোৰ। মুৰ্গী, মাছ , দোকানৰ ফাৰ্নিছাৰ, ফেন আদি একো সাৰি নাযায় এওঁলোকৰ পৰা। এই চোৰ কেইটাৰ হল তপন নগৰৰ ইহঁতৰ ধনীৰাম কৰ্মকাৰ, পাৰ্থ কলিতা আৰু কছাৰীহাটৰ দুল আলি। দিনটো ঘৰতে থকাৰ পাছত এন্ধাৰ হ'লেই ওলাই আহে এই কেইজন। পাছে এশগৰু মাৰিলে বাঘৰো মৰণ দিন বেয়া আছিল ইহঁতৰ । শৰিবাৰে শনি লম্ভিল ইহতৰ গাত নিশা লকডাউনৰ মাজতে চহৰৰ মাছৰ বজাৰৰ পৰা মুৰ্গী চোৰ কৰোতে কতব্যৰত আৰক্ষী প্ৰশান্ত গগৈ আৰু যজ্ঞেশ্বৰ কাৰদং চকুত পৰিল চোৰকেইটাৰ ওপৰত ৷তহলদাৰী আৰক্ষীৰ সহযোগত ধৰা পৰিল তিনিওটা চোৰ। তাৰপাছতে ওলাল জোলোঙাৰ মেকুৰী। আৰক্ষীয়ে চোৰ কেইটাৰ ঘৰৰ পৰা ফাৰ্ণিছাৰ, ফ্ৰীজ, কুকুৰা, মাছ , ফেন আদি বহু চুৰি সামগ্ৰী উদ্ধাৰ কৰে। মন কৰিবলগীয়া কথা যে বেঙেনা খোৱাৰ এখন ফাৰ্নিচাৰ দোকানত এজন গ্ৰাহকে নিজৰ ছোৱালীৰ বিবাহৰ বাবে অৰ্ডাৰ দি থোৱা সমুদায় ফাৰ্ণিছাৰ এইকেইটা চোৰে চুৰি কৰি নিয়াত বিবাহৰ দিন পিছুৱাই দিবলগীয়া হয়। আনৰ বিবাহৰ দিন সলনি কৰা এইকেজন চোৰে এতিয়া জেলত হিচাব কৰিব নিজৰ মুক্তিৰ দিন।:: পাৰ্থ প্ৰতিম বৰা গোলাঘাট ৷ ২৮ জুন
Saturday, 27 June 2020
Friday, 26 June 2020
26 Jun, 2020 জাননী ৰাজ্যত ভয়াবহ ভাৱে বৃদ্ধি পাইছে কৰুণা ভাইৰাছৰ সংক্ৰমণ আৰু নিতৌ চিনাক্ত হৈছে কভিড ১৯ আক্ৰান্ত ব্যক্তিৰ সংখ্যা। জনজীৱনৰ সুৰক্ষা আৰু নিৰাপত্তা নিশ্চিত কৰাৰ স্বাৰ্থত অসম চৰকাৰে কেতবোৰ কঠোৰ ব্যৱস্থা গ্ৰহণ কৰিছে। সেই অনুসৰি কালিলৈ ২৭ জুনৰ পৰা কাৰ্য্যকৰী হোৱাকৈ প্ৰতি সপ্তাহত শনি আৰু দেওবাৰৰ দিনদুটা সম্পূৰ্ণ তলাবন্ধ (লক ডাউন) থাকিব। গোলাঘাট জিলা দণ্ডাধীশে জিলাৰ সকলো পৌৰ এলেকা, নগৰ সমিতিৰ পৰিক্ষেত্ৰত শনিবাৰ আৰু দেওবাৰে তলাবন্ধ জাৰি কৰিছে। এই সময়ত পৌৰ সভা, নগৰ সমিতি পৰিক্ষেত্ৰত সকলো দোকান পোহাৰ, প্ৰতিষ্ঠান বন্ধ থাকিব। কেৱল দৰৱৰ দোকান আৰু পেট্ৰ'ল ডিজেলৰ ডিপুহে খোলা দিয়া হৈছে। সকলো গেলামালৰ দোকান তলাবন্ধ সময়ত বন্ধ থাকিব। উপায়ুক্ত কাৰ্যালয়ৰ বিষয়া কৰ্মচাৰী, আৰক্ষী, বিদ্যুত সেৱা, চিকিৎসা সেৱা লগত জড়িত লোক, অগ্নিনিৰ্বাপণসেৱাৰ লোকসকলক ৰেহাই দিয়া হৈছে। আনহাতে একেটা নিৰ্দেশনাত প্ৰত্যেক দিনাই সন্ধিয়া ৭বজাৰ পৰা পুৱা ৭ বজালৈ সান্ধ্য আইন বাহাল থাকিব। সান্ধ্য আইন অমান্য কৰা আৰু তলাবন্ধ মানি নচলা ব্যক্তি আৰু প্ৰতিস্থানসমূহক কঠোৰ আইনগত শাস্তি বিহা হব। গুৰুত্বপূৰ্ণ কাম নাথাকিলে অলৌ তলৌকৈ ঘূৰি ফুৰা লোকক নিয়ন্ত্ৰণ কৰা বাবে বল প্ৰয়োগ কৰা হব।
26 Jun, 2020 No Drugs আজি ২৬ জুন, আন্তৰ্জাতিক নিচাযুক্ত দ্ৰৱ্য আৰু অবৈধ সৰবৰাহ বিৰোধী দিৱস । নিচাযুক্ত দ্ৰৱ্যৰ সেৱনৰ পৰা যুৱ প্ৰজন্মক আঁতৰত ৰাখি এক সুস্থ সামাজিক পৰিৱেশ গঢ় দিয়াৰ ক্ষেত্ৰত সংকল্পবদ্ধ হওক। দেশৰ প্ৰতিজন নাগৰিকৰ দায়িত্ব আৰু কতব্য, দেশ বা সমাজ খন ভাল দিশে আগুৱাই নিয়াৰ। NORTHEAST NEWS INDIA
Subscribe to:
Posts (Atom)
পৃথিৱীৰ ধংশ সমাগত
🕉ভৱিষ্যতবাণী🕉 👉 পৃথিৱীৰ ধংশ সমাগত 👉 সাৱধান মানৱ জাতি। সেই বিশ্বৰ মানৱ জাতি সাৱধান। সময় থাকোতেই মানৱ জাতিয়ে ভূল সমূহ সূধৰা...
-
03 December, 2020 GOLAGHAT SUKAFA DIVAS চ্যুকাফা দিবস l চ্যুকাফা দিবস উপলক্ষে বুধবাৰে গোলাঘাট নগৰৰ মাজমজিয়া স্থিত চ্যুকাফা ক্ষেত্ৰত চ্যু...
-
30 November, 2020 সময়ৰ নিৰ্মম সত্য উপলব্ধি কৰো আহক... # উচ্চ শিক্ষিত আৰু কম শিক্ষিতৰ কোনো পাৰ্থক্য নাথাকে চল্লিশ বছৰ বয়সত । উচ্চ শিক্ষিত জন... -
08 December, 2020 কৃষক আন্দোলনৰ নামত আজি ঘোষণা কৰা হ’ল ভাৰত বন্ধ ৷ কিন্ত আজিৰ বন্ধদিনা দুখিয়া ভোকাতুৰৰ ওচৰত উপস্থিত হ"ল এজন সমাজকৰ্মী ...
