*বিস্তৃত কাৰ্যসূচীৰে গোলাঘাট জিলাত “এক তাৰিখ এক ঘন্টা” অভিযান*

১ অক্টোবৰ, ২০২৩: গোলাঘাট

 *বিস্তৃত কাৰ্যসূচীৰে গোলাঘাট জিলাত “এক তাৰিখ এক ঘন্টা” অভিযান* 

           আজি “এক তাৰিখ এক ঘন্টা” অভিযানৰ অন্তৰ্গত সমগ্ৰ দেশৰ লগতে গোলাঘাট জিলাতো জিলা আয়ুক্ত ডাঃ পি উদয় প্ৰৱীণে গোলাঘাট পৌৰসভাৰ সভানেত্ৰী দুলুমনি বৰবৰা গোলাঘাট জিলা পৰিষদৰ মুখ্য কাৰ্যবাহী বিষয়া ধীৰাজ দাস তথা জিলা প্ৰশাসন আৰু গোলাঘাট পৌৰসভাৰ সদস্য আৰু অনান্য  বিষয়ববীয়াৰ উপস্থিতিত গোলাঘাট চহৰৰ মাজমজিয়াৰ চকবজাৰ এলেকা পৰিষ্কাৰ কৰে। উক্ত কাৰ্য্যত জিলাখনৰ আৰক্ষী বাহিনী  বিভিন্ন বিভাগৰ বিষয়া- কৰ্মচাৰী, ছাত্ৰ ছাত্ৰী আৰু অন্যান্য জনসাধাৰনে সহযোগিতা আগবঢায়। আজিৰ এই  স্বচ্ছতাৰ কাৰ্যসূচীত জিলা আয়ুক্ত গৰাকীয়ে  আজিৰ কাৰ্যসূচী জাতিৰ পিতা মহাত্মা গান্ধীৰ প্ৰতি  দেশবাসীৰ এক শ্ৰদ্ধাঞ্জলি বুলি উল্লেখ কৰে৷ তেখেতে লগতে সমূহ গোলাঘাট বাসীক নিজৰ জিলাখন পৰিস্কাৰ কৰি ৰখাৰ সংকল্প লবলৈ আহ্বান জনায়৷ এই কাৰ্যসূচী গোলাঘাট জিলাৰ সকলো পঞ্চায়তৰ সকলো ৱাৰ্ডতে আজি অনুষ্ঠিত হয় । গোলাঘাট পূৱ উন্নয়ন খণ্ডৰ  পুলিবৰ গাঁও পঞ্চায়তৰ  অন্তৰ্গত গোলাঘাট অভিযান্ত্ৰিক মহাবিদ্যালয় চৌহদত জিলা আয়ুক্ত ডাঃ পি উদয় প্ৰৱীণে গোলাঘাট জিলা পৰিষদৰ মুখ্য কাৰ্যবাহী বিষয়া ধীৰাজ দাস, গোলাঘাট অভিযান্ত্ৰিক মহাবিদ্যালয়ৰ অধ্যক্ষ ড° সত্যজিৎ পাল, জিলা পৰিষদৰ উপ কাৰ্যবাহী বিষয়া জয়ন্ত মাধৱ শৰ্মা, খণ্ড উন্নয়ন বিষয়া ময়ুৰিমা মোহন ৰ উপস্থিতিত এক বিস্তৃত স্বচ্ছতা কাৰযসূচীতো অংশগ্ৰহণ কৰে ৷ মহাবিদ্যালয় চৌহদৰ লগতে ছাত্ৰাৱাস আদিও জিলা আয়ুক্ত গৰাকীয়ে পৰিস্কাৰ কৰে৷ মহাবিদ্যালয়ৰ শিক্ষক-শিক্ষয়িত্ৰীৰ লগতে ছাত্ৰ-ছাত্ৰী সকলেও এই অভিযানত ভাগ লয় । অনুষ্ঠানতে জিলা আয়ুক্ত গৰাকীয়ে ছাত্ৰ-ছাত্ৰী সকলৰ সৈতে অন্তৰংগ আলাপ কৰে আৰু গোলাঘাট জিলা পৰিষদৰ মুখ্য কাৰ্যবাহী বিষয়াক আগন্তুক খেল মহাৰণৰ প্ৰতি লক্ষ্য ৰাখি মহাত্মা গান্ধী ৰাষ্ট্ৰীয় গ্ৰাম্য নিয়োগ নিশ্চিত আঁচনি  জৰিয়তে মহাবিদ্যালয় চৌহদ তথা খেলপথাৰ উন্নয়ন আৰু গছপুলি ৰোপনৰ প্ৰকল্প লোৱাৰ বাবে নিৰ্দেশ দিয়ে৷

   *ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট* 

NORTHEAST NEWS INDIA

*প্ৰত্যেক স্বাস্থ্য কেন্দ্ৰত স্বচ্ছতা হি সেৱা কাৰ্যসূচী অনুষ্ঠিত**১ অক্টোবৰ, ২০২৩ তাৰিখে স্বচ্ছতাৰ বাবে ১ ঘণ্টা শ্ৰমদাম*

*প্ৰত্যেক স্বাস্থ্য কেন্দ্ৰত স্বচ্ছতা হি সেৱা কাৰ্যসূচী অনুষ্ঠিত*

*১ অক্টোবৰ, ২০২৩ তাৰিখে স্বচ্ছতাৰ বাবে ১ ঘণ্টা শ্ৰমদাম* 

সমগ্ৰ দেশজুৰি ১৭ ছেপ্টেম্বৰ, ২০২৩ তাৰিখৰ পৰা চলি থকা আয়ুস্মান ভৱ অভিযানৰ লগত সংগতি ৰাখি আজি ইংৰাজী ১ অক্টোবৰ, ২০২৩ তাৰিখে ভাৰতৰ প্ৰত্যেক ৰাজ্যতে 'স্বচ্ছতা হি সেৱা' কাৰ্যসূচী অনুষ্ঠিত কৰা হয়। এই কাৰ্যসূচীৰ অন্তৰ্গত গোলাঘাট জিলাতো প্ৰত্যেক স্বাস্থ্য কেন্দ্ৰতে স্বচ্ছতা অভিযান অনুষ্ঠিত কৰা হয়।  জাতিৰ পিতা মহাত্মা গান্ধীৰ জন্মজয়ন্তী আৰু তেখেতৰ প্ৰতি শ্ৰদ্ধা নিবেদন হেতু এই স্বচ্ছতা অভিয়ানৰ কাৰ্যসূচী হাতত লোৱা হৈছে।

আজি অনুষ্ঠিত স্বচ্ছতা অভিয়ানৰ কাৰ্যসূচীত প্ৰত্যেক চিকিৎসা কেন্দ্ৰত কাৰ্যৰত চিকিৎসা কৰ্মী যেনে চিকিৎসক, সামূহিক চিকিৎসা বিষয়া, ষ্টাফ নাৰ্চ, এ এন এম কে আদি কৰি স্বাস্থ্য কৰ্মী যেনে MPW, SW, আশা চুপাৰভাইজৰ, আশা কৰ্মী, ৰাষ্ট্ৰীয় স্বাস্থ্য অভিযানৰ বিষয়া - কৰ্মচাৰী আদিয়ে নিজৰ স্বাস্থ্য কেন্দ্ৰৰ ৱাৰ্ড সমূহ, OPD এলেকাকে ধৰি বাহিৰ - ভিতৰ সকলোতে স্থানীয় ৰাইজক জঢ়িত কৰি এই কাৰ্যসূচী সম্পূৰ্ণ কৰে।

NORTHEAST NEWS INDIA

*আজি লাচিত বৰফুকন পুলিচ একাডেমীত অসম আৰক্ষীৰ কনিষ্টবল জোৱানৰ দীক্ষান্ত সমাৰোহ*

*আজি লাচিত বৰফুকন পুলিচ একাডেমীত অসম আৰক্ষীৰ কনিষ্টবল জোৱানৰ  দীক্ষান্ত সমাৰোহ*

গোলাঘাট, ২৮ চেপ্তেম্বৰ,২০২৩ঃ আজি অসমৰ মাননীয় মুখ্যমন্ত্ৰী ড. হিমন্ত বিশ্ব শৰ্মাই গোলাঘাট জিলাৰ দেৰগাঁওস্থিত লাচিত বৰফুকন পুলিচ একাডেমীত অসম আৰক্ষীৰ কনিষ্টবল জোৱানৰ  দীক্ষান্ত সমাৰোহত ভাগ লয়। পেৰেড গ্ৰাউণ্ডত মুখ্যমন্ত্ৰী গৰাকীয়ে অসম আৰক্ষীৰ জোৱান সকলৰ অভিবাদন গ্ৰহণ কৰে। সমাৰোহত অসম আৰক্ষীৰ নবনিযুক্ত ১১৮সংখ্যক বেট্চৰ ১১৮৫ গৰাকী সশস্ত্ৰ বাহিনী আৰু ১৭৯সংখ্যক  বেট্চৰ ৬৩২ গৰাকী অশস্ত্ৰ বাহিনীৰ সৰ্বমুঠ ১৮১৭ প্ৰশিক্ষাত্ৰীয়ে প্ৰশিক্ষণৰ অন্তত আৰক্ষীৰ স্বীকৃতি লাভ কৰে। পুৱা ভাগৰ পৰা আৰম্ভ হোৱা  অনুষ্ঠানটোত আৰক্ষী বিভাগৰ কেতবোৰ অনুষ্ঠান অনুষ্ঠিত হয়। এই অনুষ্ঠানত  সশস্ত্ৰ আৰু অশস্ত্ৰ শাখাৰ বিভিন্ন বিভাগৰ সৰ্বশ্রেষ্ঠ নৱনিযুক্ত আৰক্ষী জোৱান সকলক বটা প্ৰদান কৰা হয়। মুখ্যমন্ত্ৰী গৰাকীয়ে আৰক্ষী জোৱান সকলক নিজ কৰ্মস্থলীলৈ যোৱাৰ প্ৰাকক্ষণত বহু গঠণমূলক পৰামৰ্শ আগবঢ়ায়। তেখেতে নিযুক্তি পোৱা সকলো জোৱানকে দৰিদ্ৰ জনসাধাৰণৰ প্ৰতি সহানুভূতিশীল হ’ৱলৈ আহ্বান জনায়। আজিৰ এই অনুস্থানত অসমৰ কৃষি আৰু পশুপালন ইত্যাদি বিভাগৰ মাননীয় মন্ত্ৰী শ্ৰীযুত অতুল বৰা, ৰাজ্য সভাৰ সাংসদ মাননীয় শ্ৰীযুত কামাখ্যা প্ৰসাদ তাচা, দেৰগাওঁ সমষ্টিৰ বিধায়ক শ্ৰীযুত ভবেন ভৰালী, অসম আৰক্ষীৰ সঞ্চালক প্ৰধান শ্ৰীযুত জি পি সিং, অসম চৰকাৰৰ অতিৰিক্ত মূখ্যসচিব শ্রীযুত ৰবি কোটা, গোলাঘাটৰ জিলা আয়ুক্ত ডাঃ পি উদয় প্ৰবীণ, যোৰহাটৰ জিলা আয়ুক্ত শ্রীযুত পুলক মহন্তৰ লগতে আৰক্ষী বিভাগৰ বিষয়া সকল উপস্থিত থাকে।

NORTHEAST NEWS INDIA

*গোলাঘাট নগৰৰ বেঙেনাখোৱা স্থিত স্বাস্থ্য আৰু কল্যাণ কেন্দ্ৰত আয়ুষ্মান ভৱ অভিযানৰ অধীনত স্বাস্থ্য মেলা অনুষ্ঠিত*

*গোলাঘাট নগৰৰ বেঙেনাখোৱা স্থিত স্বাস্থ্য আৰু কল্যাণ কেন্দ্ৰত আয়ুষ্মান ভৱ অভিযানৰ অধীনত স্বাস্থ্য মেলা অনুষ্ঠিত*

গোলাঘাট,২৬ ছেপ্টেম্বৰ, ২০২৩ঃ

স্বাস্থ্য সেৱাৰ আঁচনিসমূহক প্ৰমূল্যবোধেৰে সংপৃক্তকৰণৰ উদ্দেশ্যেৰে সমগ্ৰ দেশজুৰি আয়ুস্মান ভৱ অভিযানৰ কাৰ্যসূচী হাতত লোৱা হৈছে। ইয়াৰে অংশ হিচাপে গোলাঘাট বেঙেনাখোৱা স্থিত নগৰীয়া স্বাস্থ্য আৰু কল্যাণ কেন্দ্ৰত আয়ুষ্মান ভৱ অভিযানৰ অধীনত আজি ২৬ ছেপ্টেম্বৰ, ২০২৩ তাৰিখে প্ৰথম খন স্বাস্থ্য মেলা অনুষ্ঠিত হয়। এই স্বাস্থ্য মেলাত চিকিৎসক, ষ্টাফ নাৰ্চ, এ.এন. এমৰ দ্বাৰা ৰক্তচাপ, হিমোগ্লবিন, ব্লাড চুগাৰকে আদি কৰি বিভিন্ন পৰীক্ষা কৰা হৈছে। লগতে ৰাইজক স্বাস্থ্য সন্মত বিধি - বিধান, পৰামৰ্শ আদি প্ৰদান কৰা হৈছে। 

উল্লেখ্য যে গোলাঘাট জিলাত প্ৰথম সপ্তাহত ১৭ ছেপ্টেম্বৰ, ২০২৩ তাৰিখে ১৫৬ খন মেলা আৰু দ্বিতীয় সপ্তাহত ২৩ ছেপ্টেম্বৰ, ২০২৩ তাৰিখে ১৪৬ খন মেলা ইতিমধ্যে আয়োজিত হৈছে। প্ৰথম সপ্তাহত ১০,৯৩৮ লোকে এই স্বাস্থ্য মেলাৰ যোগেদি স্বাস্থ্য পৰীক্ষাৰ সুযোগ লাভ কৰিছে, ২৩০৩ আভা পৰিচয় ক্ৰমাংক তৈয়াৰ কৰা হৈছে, ১৪৬১ খন আয়ুষ্মান ভাৰত কাৰ্ড বিতৰণ কৰা হৈছে, ১৩৩ তা যোগ শিবিৰ অনুষ্ঠিত হৈছে আৰু ৭৯৮ জন লোকক আয়ুস চিকিৎসা পদ্ধতিৰ অন্তৰ্গত পৰামৰ্শ প্ৰদান কৰা হৈছে। স্বাস্থ্য মেলাৰ যোগেদি ৭৩৫৮ জন লোকে এই পৰ্যন্ত বিনামূলীয়া ঔষধৰ সুবিধা লাভ কৰিছে। স্বাস্থ্য মেলাৰ যোগেদি মুঠ ২৯৮৯ আভা পৰিচয় ক্ৰমাংক ইতিমধ্যে প্ৰস্তুত কৰা হৈছে। 

এই মেলা সমূহ প্ৰত্যেক স্বাস্থ্য আৰু কল্যাণ কেন্দ্ৰ (উপ-স্বাস্থ্য কেন্দ্ৰ আৰু প্ৰাথমিক স্বাস্থ্য কেন্দ্ৰ) সমূহত আয়োজিত কৰি থকা হৈছে। এই স্বাস্থ্য মেলা সমূহত প্ৰথম সপ্তাহত অসংক্রমিত ৰোগ আৰু দ্বিতীয় সপ্তাহত যক্ষ্মা ৰোগৰ ওপৰত বিশেষ ভাবে স্বাস্থ্য পৰীক্ষা কৰা হৈছে। ইয়াৰ উপৰিও এই অভিযানৰ দ্বাৰা প্ৰধানমন্ত্ৰী জন আৰোগ্য যোজনা তথা মুখ্যমন্ত্ৰী জন আৰোগ্য যোজনাৰ অধীনত আয়ুস্মান ভাৰত কাৰ্ড সমূহৰ বিতৰণ, আভা পৰিচয় ক্ৰমাংক তৈয়াৰ কৰা, সংক্ৰমিত - অসংক্ৰমিত ৰোগ নিৰ্ণয়কৰণ, মাতৃ আৰু শিশু স্বাস্থ্যৰ ওপৰত গুৰুত্বৰ প্ৰদান কৰা, যক্ষ্মা ৰোগ নিৰ্মূল কৰণৰ ক্ষেত্ৰত ৰাইজৰ মাজত সজাগতা আৰু পৰীক্ষাৰ ওপৰত জোৰ দিয়াকে আদি কৰি বিভিন্ন স্বাস্থ্য সম্বন্ধীয় বিষয়ৰ ওপৰত সজাগতা বৃদ্ধি কৰা হৈছে।ইয়াৰ উপৰি স্বাস্থ্য মেলা সমূহত ৰাইজক স্বাস্থ্য সন্মত বিধি - বিধান যেনে টিকাকৰণ, পুষ্টিকৰ খাদ্য, প্ৰাক - প্ৰসৱ-কালিন পৰীক্ষা, এনিমিয়া, পুষ্টিহীনতাত ভোগা শিশুৰ চিনাক্তকৰণ, বয়োজেষ্ঠ জনৰ চিকিৎসাৰ ক্ষেত্ৰত গুৰুত্ব প্ৰদান কৰাকে আদি কৰি বিভিন্ন চিকিৎসা সম্বন্ধীয় পৰামৰ্শ প্ৰদান কৰি থকা হৈছে।

NORTHEAST NEWS INDIA

*গোলাঘাটত আয়ুষ্মান ভৱ অভিযানৰ অধীনত স্বাস্থ্য মেলা অনুষ্ঠিত*

*গোলাঘাটত আয়ুষ্মান ভৱ অভিযানৰ অধীনত স্বাস্থ্য মেলা অনুষ্ঠিত*

গোলাঘাট ২৩ ছেপ্টেম্বৰ, ২০২৩ঃ স্বাস্থ্য সেৱাৰ আঁচনিসমূহক প্ৰমূল্যবোধেৰে সংপৃক্তকৰণৰ উদ্দেশ্যেৰে সমগ্ৰ দেশজুৰি আয়ুস্মান ভৱ অভিযানৰ কাৰ্যসূচী হাতত লোৱা হৈছে। ইয়াৰে অংশ হিচাপে স্বাস্থ্য মেলা সমূহৰ আয়োজন কৰা হৈছে। গোলাঘাট জিলাত প্ৰথম সপ্তাহত ১৭ ছেপ্টেম্বৰ, ২০২৩ তাৰিখে ১৫৬ খন মেলা আৰু দ্বিতীয় সপ্তাহত ২৩ ছেপ্টেম্বৰ, ২০২৩ তাৰিখে ১৪৬ খন মেলা ইতিমধ্যে আয়োজিত হৈছে। প্ৰথম সপ্তাহত ১০,৯৩৮ লোকে এই স্বাস্থ্য মেলাৰ যোগেদি স্বাস্থ্য পৰীক্ষাৰ সুযোগ লাভ কৰিছে, ২৩০৩ আভা পৰিচয় ক্ৰমাংক তৈয়াৰ কৰা হৈছে, ১৪৬১ খন আয়ুষ্মান ভাৰত কাৰ্ড বিতৰণ কৰা হৈছে, ১৩৩ তা যোগ শিবিৰ অনুষ্ঠিত হৈছে আৰু ৭৯৮ জন লোকক আয়ুস চিকিৎসা পদ্ধতিৰ অন্তৰ্গত পৰামৰ্শ প্ৰদান কৰা হৈছে। স্বাস্থ্য মেলাৰ যোগেদি ৭৩৫৮ জন লোকে বিনামূলীয়া ঔষধৰ সুবিধা লাভ কৰিছে। 

এই মেলা সমূহ প্ৰত্যেক স্বাস্থ্য আৰু কল্যাণ কেন্দ্ৰ (উপ-স্বাস্থ্য কেন্দ্ৰ আৰু প্ৰাথমিক স্বাস্থ্য কেন্দ্ৰ) সমূহত আয়োজিত হৈছে। এই স্বাস্থ্য মেলা সমূহত প্ৰথম সপ্তাহত অসংক্রমিত ৰোগ আৰু দ্বিতীয় সপ্তাহত যক্ষ্মা ৰোগৰ ওপৰত বিশেষ ভাবে স্বাস্থ্য পৰীক্ষা কৰা হৈছে। ইয়াৰ উপৰিও এই অভিযানৰ দ্বাৰা প্ৰধানমন্ত্ৰী জন আৰোগ্য যোজনা তথা মুখ্যমন্ত্ৰী জন আৰোগ্য যোজনাৰ অধীনত আয়ুস্মান ভাৰত কাৰ্ড সমূহৰ বিতৰণ, আভা পৰিচয় ক্ৰমাংক তৈয়াৰ কৰা, সংক্ৰমিত - অসংক্ৰমিত ৰোগ নিৰ্ণয়কৰণ, মাতৃ আৰু শিশু স্বাস্থ্যৰ ওপৰত গুৰুত্বৰ প্ৰদান কৰা, যক্ষ্মা ৰোগ নিৰ্মূল কৰণৰ ক্ষেত্ৰত ৰাইজৰ মাজত সজাগতা আৰু পৰীক্ষাৰ ওপৰত জোৰ দিয়াকে আদি কৰি বিভিন্ন স্বাস্থ্য সম্বন্ধীয় বিষয় সাঙুৰি লোৱা হৈছে। এই অভিযানৰ কাৰ্যসূচীৰ অন্তৰ্গত প্ৰত্যেক সামূহিক স্বাস্থ্য কেন্দ্ৰ আৰু প্ৰত্যেক স্বাস্থ্য আৰু কল্যাণ কেন্দ্ৰ সমূহত স্বাস্থ্য মেলাৰ আয়োজন কৰা হব। ইয়াৰ উপৰি স্বাস্থ্য মেলা সমূহত ৰাইজক স্বাস্থ্য সন্মত বিধি - বিধান যেনে টিকাকৰণ, পুষ্টিকৰ খাদ্য, প্ৰাক - প্ৰসৱ-কালিন পৰীক্ষা, এনিমিয়া, পুষ্টিহীনতাত ভোগা শিশুৰ চিনাক্তকৰণ, বয়োজেষ্ঠ জনৰ চিকিৎসাৰ ক্ষেত্ৰত গুৰুত্ব প্ৰদান কৰাকে আদি কৰি বিভিন্ন চিকিৎসা সম্বন্ধীয় পৰামৰ্শ প্ৰদান কৰা হব।এই অভিযানৰ লগত সংগতি ৰাখি ২ অক্টোবৰত প্ৰতিটো পঞ্চায়তত গ্ৰাম সভা আৰু নগৰ অঞ্চলৰ ৱাৰ্ড সমূহত সভা অনুষ্ঠিত কৰা হব বুলি জানিব পৰা গৈছে। এই সভা সমূহত ভি. এইহ. এচ. এণ. চি (গাওঁ স্বাস্থ্য  অনাময় আৰু পুষ্টি সমিতি), জন আৰোগ্য সমিতি আদিৰ জৰিয়তে পঞ্চায়ত আৰু ৱাৰ্ড সমূহত স্বাস্থ্য বিষয়ে আলোচনা আৰু স্বাস্থ্য বিভাগৰ বিভিন্ন আঁচনি সমূহৰ দ্বাৰা ৰাইজৰ কল্যাণৰ দিশত অনুসৰণ কৰা হব। জিলা স্বাস্থ্য বিভাগে লগতে জনায় যে,আয়ুষ্মান ভৱ অভিয়ানৰ যোগেদি ৰক্তদান শিবিৰ অনুষ্ঠিত কৰা হব আৰু  অংগদানৰ শপত লোৱা হব। এই ক্ষেত্ৰত ৰাইজক ৰক্তদান আৰু অংগদানৰ ওপৰত সজাগ কৰি এই মহান কাৰ্যৰ অংশীদাৰ হোৱাৰ বাবে অণুপ্ৰাণীত কৰা হব। এই অভিযানৰ দ্বাৰা ৰাইজলৈ আহ্বান কৰা হৈছে যাতে তেওঁলোকে এই মহান কাৰ্যৰ দ্বাৰা অন্য লোকৰ স্বাস্থ্য আৰু কল্যাণৰ বাবে আগবাঢ়ি আহে।

NORTHEAST NEWS INDIA

*গোলাঘাটৰ বীৰাঙ্গণা সাধনী কলাক্ষেত্ৰত অমৃত কলহ যাত্ৰা- মেৰি মাটি মেৰা দেশ, খেল মহাৰণ আৰু সাংস্কৃতিক মহাসংগ্ৰাম শীৰ্ষক তিনিওটা কাৰ্যসূচীৰে এখনি প্ৰস্তুতি সভা অনুষ্ঠিত*

*গোলাঘাটৰ বীৰাঙ্গণা সাধনী কলাক্ষেত্ৰত অমৃত কলহ যাত্ৰা- মেৰি মাটি মেৰা দেশ, খেল মহাৰণ আৰু সাংস্কৃতিক মহাসংগ্ৰাম শীৰ্ষক তিনিওটা কাৰ্যসূচীৰে এখনি প্ৰস্তুতি সভা অনুষ্ঠিত*

গোলাঘাট ১৯ চেপ্তেম্বৰ,২০২৩ঃ আজি দিনৰ ১১-০০ বজাত গোলাঘাটৰ বীৰাঙ্গণা সাধনী কলাক্ষেত্ৰত অমৃত কলহ যাত্ৰা- মেৰি মাটি মেৰা দেশ, খেল মহাৰণ আৰু সাংস্কৃতিক মহাসংগ্ৰাম শীৰ্ষক তিনিওটা কাৰ্যসূচীৰে এখনি প্ৰস্তুতি সভা অনুষ্ঠিত হয়। এই সভাত উপস্থিত থাকে অসম চৰকাৰৰ কৃষি, পশুপালন ইত্যাদি বিভাগৰ মাননীয় মন্ত্ৰী শ্ৰীযুত অতুল বৰা ডাঙৰীয়া, সৰুপথাৰ সমষ্টিৰ মাননীয় বিধায়ক বিশ্বজীত ফুকন ডাঙৰীয়া, দেৰগাঁও বিধান সভাৰ মাননীয় বিধায়ক ভূপেন্দ্ৰ নাথ ভঁৰালীৰ প্ৰতিনিধি সাংস্কতিক কৰ্মী নুৰুল চুলতান ডাঙৰীয়া, গোলাঘাট পৌৰসভাৰ পৌৰনেত্ৰী শ্ৰীমতী দুলুমণি বৰবৰা, সমাজকৰ্মী দেৱপ্ৰদীপ বৰা, অসম ক্ৰীড়া বোৰ্ডৰ উপ-সভাপতি আকাশ ফুকন ডাঙৰীয়া, গোলাঘাট উন্নয়ন প্ৰাধিকৰণৰ অধ্যক্ষ সঞ্জীৱ দাস, সমাজকৰ্মী আচিকুৰ ৰহমান ডাঙৰীয়াই। জিলাখনৰ আটাইকেইটা পঞ্চায়তৰ পৰা সমাজখনৰ বিভিন্ন ক্ষেত্ৰৰ প্ৰায় পাঁচ সহস্ৰাধিক লোকৰ উপস্স্থিতিৰে পৰিপূৰ্ণ সভাখনত বিধায়ক বিশ্বজীত ফুকন ডাঙৰীয়াই সকলোকে মেৰি মাটি মেৰা দেশ শীৰ্ষক কাৰ্যসূচীত দেশৰ প্ৰতি আন্তৰিকতাৰে আত্মনিয়োগ কৰি, ৰাজনৈতিক উৰ্দ্ধত থাকি অংশ গ্ৰহণ কৰিবলৈ আহ্বান জনায়। সভাত মাননীয় মন্ত্ৰী অতুল বৰা ডাঙৰীয়াই খেল- মহাৰণ আৰু সাংস্কৃতিক মহাসংগ্ৰামে গাঁৱৰ প্ৰতিভাবান যুৱক-যুৱতীসকলক প্ৰতিভা বিকাশৰ সুযোগ দিব বুলি আশা ব্যক্ত কৰে।

আনহাতে এই সভাতে প্ৰদৰ্শন কৰা হয় মাননীয় প্ৰধান মন্ত্ৰী আৰু মুখ্যমন্ত্ৰী মাননীয় হিমন্ত বিশ্ব শৰ্মাৰ মেৰা মাটি মেৰা দেশ-অমৃত কলহ যাত্ৰাৰ সন্দৰ্ভত প্ৰস্তুত কৰা বিতং বক্তব্য সম্বলিত তিনিটিকৈ ভিডিঅ আৰু থিমচং।

NORTHEAST NEWS INDIA

নিৰ্ধাৰিত সময়ৰ ভিতৰত সম্পূৰ্ণ কৰিবলৈ নিৰ্দেশ

গোলাঘাট ১৩ চেপ্তেম্বৰ,২০২৩ঃ আজি গোলাঘাটৰ পদুমনি খণ্ড উন্নয়ন বিষয়াৰ কাৰ্যালয়ত অনুষ্ঠিত এক পৰ্য্যালোচনা সভাত জিলা আয়ুক্ত ডা: পি উদয় প্ৰবীণে  বিভিন্ন আঁচনি যেনে প্ৰধান মন্ত্ৰী আবাস যোজনা গ্ৰামীণ (PMAYG), MGNREGA, পঞ্চদশ বিত্তীয় আয়োগ অনুদানৰ ৰুপায়ণ, নতুন ৰেচন কাৰ্ডৰ আবেদন প্ৰক্ৰিয়া, অমৃত বৃক্ষ আন্দোলন আদি নিৰ্ধাৰিত সময়ৰ ভিতৰত সম্পূৰ্ণ কৰিবলৈ নিৰ্দেশ

দিয়ে। এই সভাত পদুমনি আঞ্চলিক পঞ্চায়তৰ সভাপতি, খণ্ড উন্নয়ন বিষয়া, বিভিন্ন গাঁও পঞ্চায়তৰ সভাপতিসকল , পঞ্চায়তৰ সচিব সমূহ আৰু অনান্য সদস্য তথা খণ্ড উন্নয়ন কাৰ্য্যালয়ৰ কৰ্মচাৰী সকল উপস্থিত আছিল।

NORTHEAST NEWS INDIA