Assam COVID-19🦠😷 Details 23/04/2022.

Assam COVID-19🦠😷 Details

 23/04/2022.

গোলাঘাট জিলাক যক্ষ্মামুক্ত কৰাৰ প্ৰয়াস এন আৰ এলৰ

গোলাঘাট জিলাক যক্ষ্মামুক্ত কৰাৰ প্ৰয়াস এন আৰ এলৰ

গোলাঘাট, ২৩ এপ্ৰিল : সমগ্ৰ ভাৰতবৰ্ষকে ২০২৫ চনৰ ভিতৰত যক্ষ্মামুক্ত কৰাৰ অভিযান সফল কৰাৰ উদ্দেশ্যে সকলো ৰাজহুৱা আৰু ব্যক্তিগত খণ্ডৰ উদ্যোগৰ অংশগ্ৰহণৰ ওপৰত বিশেষভাৱে গুৰুত্ব আৰোপ কৰা হৈছে ৷ উদ্যোগ খণ্ডৰে জড়িত শ্ৰমিক আৰু কৰ্মচাৰীৰ মাজত যক্ষ্মা ৰোগৰ আশংকা অধিক হোৱাৰ পৰিপ্ৰেক্ষিতত উদ্যোগসমূহে যক্ষ্মামুক্ত অভিযানত বিশেষ ভূমিকা গ্ৰহণৰ প্ৰয়োজনীয়তা আহি পৰিছে ৷ তাৰেই পৰিপ্ৰেক্ষিতত গোলাঘাট জিলাখনক যক্ষ্মামূক্ত কৰাৰ ক্ষেত্ৰত নুমলীগড় শোধনাগাৰে বিশেষ ভূমিকা গ্ৰহণ কৰিছে ।  ইতিমধ্যে যোৱা ১৮ ছেপ্টেম্বৰত এন আৰ এল, ভি কে এন আৰ এল আৰু জিলা যক্ষ্মা কাৰ্যালয়ৰ মাজত এক বুজাবুজিৰ চুক্তি স্বাক্ষৰিত হৈছিল ৷ তাৰে অংশৰূপে এন আৰ এল কৰ্তৃপক্ষই যোৱা ২০ এপ্ৰিলত গোলাঘাট জিলাক যক্ষ্মামুক্ত কৰাৰ লক্ষ্যৰে প্লাটিনাম শাখাত আনুষ্ঠানিকভাৱে সংকল্প গ্ৰহণ কৰে ৷ এই উপলক্ষে উক্ত দিনা এখন সভা অনুষ্ঠিত হয় । সভাত এন আৰ এলৰ মুখ্য পৰিচালক কাজল শইকীয়া, নতুন দিল্লীৰ দিপাঙ্কৰ ভট্টাচাৰ্য, গুলচন বৰা আৰু ৰাজ্যিক কাৰিকৰী সমৰ্থন গোটৰ প্ৰতিনিধি ড° অৰূপ জ্যোতি কলিতা, জিলা টিবি বিষয়া ডা° সুনিতা এক্কা, এন আৰ এলৰ বিবেকানন্দ চিকিৎসালয়ৰ ডা°প্ৰাঞ্জল শইকীয়া, ডা° সমীৰজ্যোতি শইকীয়া, কংকনা পাঠক, দেৱজ্যোতি বৰা, মীনাক্ষী বৰ্মন, তুলুমণি বাৰুকীয়াল, চিকিৎসা কৰ্মী অৰিন্দম কটকী, অপূৰ্ব বৰা আদি উপস্থিত আছিল ৷ অনুষ্ঠানত যক্ষ্মা নিবাৰণৰ যুটীয়া কৰ্মসূচীও যুগুত কৰা হয় ৷ 

মাধৱ গগৈ 

NORTHEAST NEWS INDIA

*মৰঙীৰ কুৰুকা গাঁৱত 'সখী' স্বেচ্ছাসেৱীসকলক অগ্নি নিৰ্বাপনৰ প্ৰশিক্ষণ প্ৰদান*

 জনসংযোগ, গোলাঘাট প্ৰেছ বিজ্ঞপ্তি নং : ২৬৩

*মৰঙীৰ কুৰুকা গাঁৱত 'সখী' স্বেচ্ছাসেৱীসকলক অগ্নি নিৰ্বাপনৰ প্ৰশিক্ষণ প্ৰদান*

গোলাঘাট, ২৩ এপ্ৰিল : গোলাঘাট জিলা দুৰ্যোগ ব্যৱস্থাপনা প্ৰাধিকৰণৰ উদ্যোগত আৰু নুমলিগড় শোধনাগাৰ লিমিটেডৰ সহযোগত আজি মৰঙী ৰাজহ চক্ৰৰ অধীনৰ কুৰুকা গাঁৱত 'সখী' স্বেচ্ছাসেৱীসকলৰ প্ৰশিক্ষণ সম্পন্ন হয় । জিলা উপায়ুক্ত মৃগেশ নাৰায়ণ বৰুৱাই এই প্ৰশিক্ষণ কাৰ্যসূচী আনুষ্ঠানিকভাৱে শুভাৰম্ভ কৰে । তেওঁ সখী স্বেচ্ছাসেৱীসকলক উদ্দেশ্যি কয় যে সাধাৰণতে অগ্নিকাণ্ডৰ ঘটনা সংঘটিত হ'লে মানুহ আতংকিত হৈ পৰে আৰু প্ৰায়ে অগ্নি নিৰ্বাপন যন্ত্ৰ মজুত নথকাৰ ফলত অথবা থাকিলেও ব্যৱহাৰ কৰিবলৈ ভয় কৰে । এই প্ৰশিক্ষণে অগ্নি নিৰ্বাপনৰ ক্ষেত্ৰত মহিলাসকলক যথেষ্ট সাহস দিব বুলি তেওঁ কয় । তেওঁ লগতে কয় যে পৰৱৰ্তী সময়ত অন্য গাঁৱতো এনে প্ৰশিক্ষণ প্ৰদানৰ ব্যৱস্থা কৰা হ'ব । নুমলিগড় শোধনাগাৰ লিমিটেডৰ অগ্নি নিৰ্বাপন বিভাগৰ এটা দলে সখী স্বেচ্ছাসেৱীসকলক অগ্নি নিৰ্বাপন যন্ত্ৰৰ ব্যৱহাৰ সন্দৰ্ভত প্ৰশিক্ষণ প্ৰদান কৰে । উল্লেখযোগ্য যে সখী স্বেচ্ছাসেৱীসকলক অগ্নিকাণ্ড সংঘটিত হোৱাৰ সময়ত কেনেকৈ জুই নুমুৱাব লাগে আৰু এনে ঘটনা যাতে সংঘটিত নহয় তাৰবাবে সজাগ কৰাৰ উদ্দেশ্যে এই প্ৰশিক্ষণৰ আয়োজন কৰা হৈছিল । আজিৰ প্ৰশিক্ষণতে সখী স্বেচ্ছাসেৱীসকলক গাঁৱত সৰু-সুৰা অগ্নিকাণ্ডৰ ঘটনা সংঘটিত হ'লে প্ৰথম সঁহাৰি হিচাপে ব্যৱহাৰ কৰিব পৰাকৈ অগ্নি নিৰ্বাপন যন্ত্ৰ প্ৰদান কৰা হয় । প্ৰশিক্ষণত ২০ গৰাকী মহিলাই অংশগ্ৰহণ কৰে । প্ৰশিক্ষণকালত জিলা দুৰ্যোগ ব্যৱস্থাপনা প্ৰাধিকৰণৰ  জিলা প্ৰকল্প বিষয়া ৰণী ৰাজকুমাৰ, প্ৰাধিকৰণৰ কেইবাগৰাকীও ক্ষেত্ৰ বিষয়া আৰু এন আৰ এলৰ প্ৰতিনিধি উপস্থিত আছিল । 

   

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Assam COVID-19🦠😷 Details 22/04/2022.

Assam COVID-19🦠😷 Details

 22/04/2022.

*গোলাঘাট জিলাতো ২৪ এপ্ৰিলৰ পৰা সপ্তাহজোৰা কাৰ্যসূচীৰে "কিষাণ ভাগীদাৰি প্ৰাথমিকতা হামাৰী" অভিযান**পি এম কিষাণৰ হিতাধিকাৰী সকলক কেচিচিৰ সুবিধা লোৱাৰ লগতে কৃষি বীমা কৰোৱাবলৈ উপায়ুক্তৰ আহ্বান*

জনসংযোগ, গোলাঘাট প্ৰেছ বিজ্ঞপ্তি নং : ২৬২

*গোলাঘাট জিলাতো ২৪ এপ্ৰিলৰ পৰা সপ্তাহজোৰা কাৰ্যসূচীৰে "কিষাণ ভাগীদাৰি প্ৰাথমিকতা হামাৰী" অভিযান*

*পি এম কিষাণৰ হিতাধিকাৰী সকলক কেচিচিৰ সুবিধা লোৱাৰ লগতে কৃষি বীমা কৰোৱাবলৈ উপায়ুক্তৰ আহ্বান*

গোলাঘাট, ২২ এপ্ৰিল : আজাদী কা অমৃত মহোৎসৱৰ সৈতে সংগতি ৰাখি অহা ২৪ এপ্ৰিলৰ পৰা দেশজুৰি আৰম্ভ হ'বলগীয়া কেন্দ্ৰীয় চৰকাৰৰ "কিষাণ ভাগীদাৰি প্ৰাথমিকতা হামাৰী" শীৰ্ষক অভিযান গোলাঘাট জিলাতো সপ্তাহজোৰা কাৰ্যসূচীৰে ৰূপায়ন কৰা হ'ব । গোলাঘাটৰ উপায়ুক্তৰ কাৰ্যালয়ৰ সভাকক্ষত আজি জিলা উপায়ুক্ত শ্ৰী মৃগেশ নাৰায়ণ বৰুৱাৰ অধ্যক্ষতাত অনুষ্ঠিত এখন বৈঠকত এই বিষয়ে বিতংভাৱে আলোচনা কৰা হয় । বৈঠকত উপায়ুক্তগৰাকীয়ে কয় যে এই অভিযানৰ অধীনত প্ৰধানমন্ত্ৰী কৃষি সন্মান নিধি চমুকৈ পি এম কিষাণ আঁচনিৰ হিতাধিকাৰীসকলক কিষাণ ক্ৰেডিট কাৰ্ড (কে চি চি) আঁচনিৰ আওতালৈ আনি বিভিন্ন সা-সুবিধা তথা কৃষি ঋণ প্ৰদানৰ ব্যৱস্থা কৰা হ'ব । বিভিন্ন সামাজিক সুৰক্ষা আঁচনিৰ হিতাধিকাৰীসকলেও এই সুবিধাসমূহ লাভ কৰিব । কে চি চিৰ সুবিধাৰ পৰা বাদ পৰা খেতিয়কসকলক সামৰি লোৱাটো এই অভিযানৰ উদ্দেশ্য বুলি উল্লেখ কৰি তেওঁ কয় যে অহা ২৪ তাৰিখে সমগ্ৰ দেশৰ লগতে গোলাঘাট জিলাতো বিশেষ গাঁওসভা অনুষ্ঠিত কৰি এই সম্পৰ্কে সজাগতা সৃষ্টিৰ প্ৰয়াস চলোৱা হ'ব । বিভিন্ন বেংক, জিলা প্ৰশাসন, নাবাৰ্ড, গাঁও পঞ্চায়ত, আৰু বিভিন্ন বিভাগে ঐক্যবদ্ধভাৱে এই বিশেষ অভিযান ৰূপায়ন কৰিব । তেওঁ কয় যে অভিযানৰ অংশৰূপে ২৫ এপ্ৰিলৰ পৰা ১ মে'লৈ 'ফচল বীমা পাঠশালা' শীৰ্ষক কাৰ্যসূচীও গ্ৰহণ কৰা হ'ব । এই কাৰ্যসূচীৰ উদ্দেশ্য হ'ল প্ৰধানমন্ত্ৰী ফচল বীমা যোজনা সন্দৰ্ভত খেতিয়কসকলক অৱগত কৰোৱা আৰু অধিক খেতিয়কক এই বীমা আঁচনিৰ দ্বাৰা সামৰি লোৱা । তেওঁ কয় যে কেৱল এটকা খৰচ কৰি খেতিয়কে নিজৰ খেতিৰ বীমা কৰাব পাৰে । তেওঁ খেতিয়কসকলক কৃষি ঋণ লোৱাৰ লগতে নিজৰ ফচলৰ বীমা কৰোৱাবলৈ আহ্বান জনায় । কেন্দ্ৰীয় কৃষি আৰু কৃষক কল্যাণ মন্ত্ৰালয়ৰ অধীনৰ কৃষি আৰু কৃষক কল্যাণ বিভাগে গ্ৰহণ কৰা আঁচনিখনৰ বিষয়ে বিতংভাৱে বৰ্ণনা কৰি জিলা কৃষি বিষয়া ৰঞ্জিত কুমাৰ শৰ্মাই কয় যে এই অভিযানৰ অধীনত প্ৰত্যেক দিনাই গাঁও পঞ্চায়ত আৰু ব্লক পৰ্যায়ত সজাগতা কাৰ্যসূচী গ্ৰহণ কৰা হ'ব । তেওঁ এই অভিযানৰ সফল ৰূপায়নৰ বাবে সকলোৰে সহায়-সহযোগিতা কামনা কৰে । সকলোৰে ঐক্যবদ্ধ প্ৰচেষ্টাত কৃষকসকলক সজাগ কৰি কে চি চি ৰ আওতালৈ আনি সা-সুবিধাসমূহ প্ৰদান কৰিব পৰিলেহে এই অভিযান সফল হ'ব বুলি তেওঁ কয় । বৈঠকত ভাগ লৈ এল ডি এম সজীৱ কুমাৰ বৰাই পি এম কিষাণৰ যোগ্য হিতাধিকাৰীসকলক বিনাদ্বিধাই কৃষি ঋণ ল'বলৈ আহ্বান জনায় ।  এই ক্ষেত্ৰত বেংকসমূহে হিতাধিকাৰীসকলক সকলো ধৰণে সহায় কৰিব বুলি তেওঁ উল্লেখ কৰে । তেওঁ কয় যে এই অভিযানৰ অধীনত কেৱল সজাগ কৰাই নহয় যোগ্য খেতিয়কসকলক সা-সুবিধাসমূহ প্ৰদানৰ লগতে ঠাইতে বীমা কৰোৱাৰ বাবেও ব্যৱস্থা গ্ৰহণ কৰা হ'ব । আজিৰ বৈঠকত জিলা উন্নয়ন আয়ুক্ত অৰ্পা বাগলাৰী, অতিৰিক্ত উপায়ুক্ত পল্লৱী গগৈ আৰু বিভিন্ন বিভাগৰ মুৰব্বী বিষয়াসকল, বেংকৰ প্ৰতিনিধি, চক্ৰ বিষয়া আৰু খণ্ড উন্নয়ন বিষয়াসকল উপস্থিত আছিল ।

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

দেশ তথা ৰাজ্য চলাবলৈ দেশৰ তথা ৰাজ্যৰ জনসাধাৰণে নিবাচিত কৰি দিয়া সকলো জনপ্ৰতিনিধি সকললৈ বিশেষ আহ্বান।

দেশ তথা ৰাজ্য চলাবলৈ দেশৰ তথা ৰাজ্যৰ জনসাধাৰণে নিবাচিত কৰি দিয়া সকলো জনপ্ৰতিনিধি সকললৈ বিশেষ আহ্বান। আপোনালোকে যি দৰমহা টকা পায় সেই টকাৰে নিজৰ তথা পৰিয়ালৰ ভৰণ পোষনৰ ব্যবস্থা গ্রহণ কৰক। আৰু তাৰ বাহিৰে আৰু টকা খোৱাৰ লোভ সামৰক। দেশৰ তথা ৰাজ্যৰ সকলো দিশৰ পৰা সুন্দৰ সব্বাঙ্গীন হোৱাৰ বাবে চিন্তা কৰক, তেতিয়াহে দেশৰ তথা ৰাজ্যৰ মঙ্গল হব।  অবাবত ৰাজকোষৰ ধন অপব্যবহাৰ বন্ধ কৰক। কৰ্ম আচঁনি যোগোত কৰক। তেতিয়াহে সমগ্র মানৱ জাতিৰ কল্যাণ হব। 

সেৱাৰে

মা আৰু প্ৰকৃতি

Assam COVID-19🦠😷 Details 21/04/2022.

Assam COVID-19🦠😷 Details

 21/04/2022.