সাংস্কৃতিক মহাসংগ্ৰাম ২০২৩-২৪ৰ প্ৰপত্ৰ জমা দিয়াৰ শেষ তাৰিখ অহা ২৭ অক্টোবৰলৈ বৃদ্ধি

বিশেষ জাননী 

২০/১০/২০২৩

 *সাংস্কৃতিক মহাসংগ্ৰামৰ প্ৰপত্ৰ জমা দিয়াৰ শেষ তাৰিখ ২৭ অক্টোবৰ,২০২৩ লৈ বৃদ্ধি* 

    অসমৰ সাংস্কৃতিক ক্ষেত্ৰখনত চুকে কোণে লুকাই থকা প্ৰতিভাসমূহ চিনাক্ত কৰি সেই সকলৰ প্ৰতিভা বিকাশৰ বাবে এখন মঞ্চ দিয়াৰ প্ৰচেষ্টাৰে অসম চৰকাৰৰ উদ্যেগত অনুষ্ঠিত হ’বলগীয়া সাংস্কৃতিক মহাসংগ্ৰাম ২০২৩-২৪ৰ প্ৰপত্ৰ জমা দিয়াৰ শেষ তাৰিখ অহা ২৭ অক্টোবৰলৈ বৃদ্ধি

কৰা হৈছে৷ 

গোলাঘাট জিলা প্ৰশাসনৰ ফালৰ পৰা সকলো ইচ্ছ্যুক প্ৰতিযোগীকে ছটা ভাগত অনুষ্ঠিত হ’বলগীয়া সাংস্কৃতিক মহাসংগ্ৰামৰ প্ৰতিযোগিতা সমূহত অংশগ্ৰহণ কৰিবলৈ অনুৰোধ জনোৱা হ’ল । প্ৰপত্ৰ সমূহ গাঁও পঞ্চায়তৰ কাৰ্যলয়/পৌৰসভাৰ কাৰ্যলয় অথবা খণ্ড উন্নয়ন বিষয়াৰ কাৰ্যলয়ত জমা দিব পাৰিব৷ উল্লেখযোগ্য যে সাংস্কৃতিক মহাসংগ্ৰামৰ প্ৰতিযোগিতাসমূহ ৩০অক্টোবৰ, ২০২৩ ৰ পৰা আৰম্ভ হ’ব৷ 

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

দূৰ্গা পূজা উপলক্ষ্যে গোলাঘাট জিলা প্ৰশাসনে জাৰি কৰা নিৰ্দেশাৱলী

১৯ অক্টোবৰ,২০২৩ , গোলাঘাটঃ

 দূৰ্গা পূজা উপলক্ষ্যে  গোলাঘাট জিলা প্ৰশাসনে জাৰি কৰা নিৰ্দেশাৱলী

সমূহ সকলো ৰাইজৰ বাবে জনোৱা হ’ল । 

দূৰ্গোৎসৱৰ সময়ত সকলোৰে সুবিধাৰ্থে মুকলি কৰা হ্লেপলাইন নাম্বাৰ সমূহ তলত দিয়া হ’ল৷ 

District Emergency Operation No (03774- 283282

Toll Free No - 1077

SEOC toll free no - 1079

NORTHEAST NEWS INDIA

One District One Product" সন্দৰ্ভত এখন সভা অনুস্থিত

১৯ অক্টোবৰ, ২০২৩: গোলাঘাট

“ *One District One Product" সম্পৰ্কে গোলাঘাট জিলা আয়ুক্ত কাৰ্যালয়ত আলোচনা সভা৷* 

আজি গোলাঘাট জিলা আয়ুক্ত কাৰ্য্যালয়ৰ সভাকক্ষত জিলা আয়ুক্ত ডাঃ পি উদয় প্ৰৱীণৰ সভাপতিত্বত “One District One Product" সন্দৰ্ভত এখন সভা অনুস্থিত

হয় ।  সমগ্ৰ অসমত উক্ত শিতানত বাচনি হোৱা গোলাঘাট জিলাৰ Orthodox Tea ক লৈ আগন্তুক দিনত কৰিবলগীয় কাৰ্য্যৱলীৰ সম্পৰ্কে সভাত  বিশদ ভাবে আলোচনা কৰা হয়। জিলা আয়ুক্তগৰাকী এই ক্ষেত্ৰত গোলাঘাটৰ orthodox Tea ক কেনেদৰে ৰাষ্ট্ৰীয় পৰ্য্যায়লৈ লৈ যাব পাৰি তাৰ বিষয়ে মতামত আগবঢ়ায়। সভাত গোলাঘাটৰ সদৰ মহকুমাধিপতি শ্ৰীমতী পাপৰি দাস, গোলাঘাট জিলা উদ্যোগ আৰু বানিজ্য কেন্দ্ৰৰ মূখ্য পৰিচালক দেৱজিৎ ফুকন, জিলা উদ্যোগ আৰু বানিজ্য কেন্দ্ৰৰ সহকাৰী পৰিচালক শ্রীমতী গাৰ্গী গোস্বামী, ভাৰতীয় চাহ নিগমৰ গোলাঘাট আঞ্চলিক শাখাৰ সহকাৰী সঞ্চালক শ্ৰী অৰূপজ্যোতি দাস আৰু অন্যান্য বিষয়া কৰ্মচাৰী সকল উপস্থিত থাকে।

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

অনুসূচিত জাতি অধ্যুষিত অঞ্চল সমূহত সভাগৃহ নিৰ্মান সন্দৰ্ভত আলোচনা

১৯ অক্টোবৰ, ২০২৩: গোলাঘাট

আজি গোলাঘাট জিলা আয়ুক্ত কাৰ্য্যালয়ৰ সভাকক্ষত জিলা আয়ুক্ত ডাঃ পি উদয় প্ৰৱীণৰ সভাপতিত্বত মহকুমা কল্যান বিভাগৰ এখন সভা অনুস্থিত হয়। সভাত অনুসূচিত জাতি অধ্যুষিত  অঞ্চল সমূহত সভাগৃহ নিৰ্মান সন্দৰ্ভত আলোচনা

কৰা হয়। সভাত গোলাঘাট জিলা উন্নয়ন আয়ুক্ত শ্ৰীমতী অৰ্পা বাগলাৰী, গোলাঘাট মহকুমা কল্যান বিষয়া শ্রীমতী কৃষ্ণাৰ্পিতা বৰুৱা, বোকাখাত মহকুমা কল্যান বিষয়া শ্রীমতী ৰিচিবন্দনা গগৈ, লোকনিৰ্মান বিভাগৰ কাৰ্য্যবাহী অভিযন্তা, অনুসূচিত জাতি কল্যান সমিতিৰ মনোনীত সদস্যৰ লগতে অন্যান্য বিষয়া কৰ্মচাৰী সকল উপস্থিত থাকে।

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

২০২৩ বৰ্ষত দূৰ্গাপূজা উদযাপন

যোৱা ১০ অক্টোবৰ তাৰিখে গোলাঘাট জিলাৰ জিলা আয়ুক্ত কাৰ্যলয়ৰ সভাগৃহত, ২০২৩ বৰ্ষত দূৰ্গাপূজা উদযাপন

উপলক্ষ্যে হোৱা ৰাজহুৱা সভাৰ কাৰ্যবিৱৰণী   ৰাইজৰ বাবে আগবঢ়োৱা হ’ল৷

NORTHEAST NEWS INDIA

*গোলাঘাট জিলা আয়ুক্তৰ সভাগৃহত দুৰ্যোগ ব্যৱস্থাপনা সন্দৰ্ভত পৰ্য্যালোচনা সভা অনুষ্ঠিত*

১৭ অক্টোবৰ, ২০২৩,গোলাঘাট:   

*গোলাঘাট জিলা আয়ুক্তৰ সভাগৃহত  দুৰ্যোগ ব্যৱস্থাপনা সন্দৰ্ভত পৰ্য্যালোচনা সভা  অনুষ্ঠিত*

   আজি গোলাঘাট জিলা প্ৰশাসনৰ উদ্যোগত জিলা আয়ুক্ত কাৰ্যলয়ৰ সভাগৃহত জিলা দুৰ্যোগ ব্যৱস্থাপনা প্ৰাধীকাৰী আৰু বিভাগীয়া প্ৰতিনিধি সকলৰ মাজত এখন গুৰুত্বপূৰ্ণ পৰ্য্যালোচনা বৈঠক অনুষ্ঠিত  হয়। এই সভাত সভাপতিত্ব কৰে গোলাঘাট জিলাৰ অতিৰিক্ত জিলা আয়ুক্ত দামোদৰ বৰ্মনদেৱে৷ উক্ত সভাত ২০২৩ বৰ্ষৰ  প্ৰাকৃতিক দুৰ্যোগৰ ফলত হোৱা ক্ষয়-ক্ষতিৰ বিষয়ে বিভিন্ন বিভাগে খতিয়ান ডাঙি ধৰা হয়। এই ক্ষেত্ৰত মইনাপাৰাত হৈ থকা খহনীয়াৰ কথা বিশেষভাৱে আলোচনা কৰা হয়।

 আজিৰ এই সভাত গোলাঘাটৰ  আৰক্ষী অধীক্ষক ৰাজেন সিং, বোকাখাতৰ মহকুমাধিপাতি চিমি কিৰণ, জিলা প্ৰশাসনৰ বিষয়া সকলৰ লগতে কৃষি , শিক্ষা, লোক নিৰ্মাণ বিভাগ, এই পি ডি চি এল,  আই চি ডি এছ , জলসম্পদ, পশুপালন আৰু পশু চিকিৎসা আদি বিভাগৰ বিষয়া সকল আৰু অসম গেছ কোম্পানীৰ প্ৰতিনিধিও উপস্থিত থাকে।

*ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*সামূহিক উন্নয়ন প্ৰকল্প সম্পৰ্কে কৃষি মন্ত্ৰী অতুল বৰাৰ গোলাঘাটত পৰ্য্যালোচনা সভা৷*

১৬ অক্টোবৰ, ২০২৩: গোলাঘাট

 *সামূহিক উন্নয়ন প্ৰকল্প সম্পৰ্কে কৃষি মন্ত্ৰী অতুল বৰাৰ গোলাঘাটত পৰ্য্যালোচনা সভা৷* 

আজি গোলাঘাটৰ জিলা আয়ুক্ত কাৰ্য্যালয়ৰ সভাকক্ষত ৰাজ্যৰ কৃষি, পশুপালন ইত্যাদি বিভাগৰ মন্ত্ৰী অতুল বৰাৰ সভাপতিত্বত “Community Development Programme” ( সামূহিক উন্নয়ন প্ৰকল্প)  ৰ এখন সভা অনুস্থিত হয়। সভাত গোলাঘাট জিলাৰ বোকাখাত মহকুমাৰ কৃষকসকলৰ লগত উৎপাদক কোম্পানীক জড়িত কৰি বহুমুখী কৃষি প্ৰকল্পৰ ৰূপায়ণৰ কাম আৰম্ভ কৰাৰ বিষয়ে আলোচনা কৰা হয়। মন্ত্ৰী গৰাকীয়ে উক্ত আঁচনিখনৰ অধীনত বোকাখাতত কাৰ্যকৰী হৈ থকা কৃষি প্ৰকল্পৰ শেহতীয়া স্থিতি সম্পৰ্কে বুজ লয়। জিলা পৰ্যায়ৰ প্ৰকল্প ৰূপায়ণ আৰু নিৰীক্ষণ সমিতি সৈতে জড়িত কৃষি, পশুপালন আৰু পশু চিকিৎসা, মীন, ৰেচম, হস্ততাঁত আৰু বস্ত্ৰশিল্প আদি বিভাগৰ বিষয়াৰপৰা মন্ত্ৰী গৰাকীয়ে বিভিন্ন কাম-কাজৰ অগ্ৰগতিৰ বুজ লয়।

            সভাত গোলাঘাটৰ জিলা আয়ুক্ত ডাঃ পি উদয় প্ৰবীণ, বোকাখাতৰ মহকুমাধিপতি  চিমি কৰন, জিলা পশুপালন বিষয়া ড. সত্য দত্ত, মীন বিষয়া সীমান্ত কোঁৱৰ, কৃষি বিভাগৰ ৰঞ্জন বৰুৱাৰ লগতে প্ৰকল্প ৰূপায়ণ সমিতিৰ সৈতে জড়িত সংশ্লিষ্ট বিভাগৰ অন্যান্য বিষয়াসকল উপস্থিত থাকে।

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA