07 March,
প্ৰেছ বিজ্ঞপ্তি
গোলাঘাট নিৰ্বাচনী জিলাৰ প্ৰিজাইডিং আৰু প্ৰথম পলিং বিষয়াসকলৰ প্ৰথম পৰ্যায়ৰ দ্বিতীয় দিনৰ প্ৰশিক্ষণ সম্পন্ন
গোলাঘাট, ৭ মাৰ্চ : গোলাঘাট নিৰ্বাচনী জিলাৰ অধীনৰ গোলাঘাট আৰু খুমটাই সমষ্টিৰ বাবে আজি গোলাঘাটৰ দেৰগাঁও কমল দুৱৰা মহাবিদ্যালয় আৰু ফৰকাটিং মহাবিদ্যালয়ত প্ৰিজাইডিং আৰু প্ৰথম পলিং বিষয়াসকলৰ প্ৰশিক্ষণ সম্পন্ন হয় । দেৰগাঁও কমল দুৱৰা মহাবিদ্যালয়ত অনুষ্ঠিত প্ৰশিক্ষণত ১৬৭ গৰাকী প্ৰিজাইডিং আৰু প্ৰথম পলিং বিষয়াই প্ৰশিক্ষণ গ্ৰহণ কৰে । আনহাতে ফৰকাটিং মহাবিদ্যালয়ত অনুষ্ঠিত প্ৰশিক্ষণত ২৩২ গৰাকী প্ৰিজাইডিং আৰু প্ৰথম পলিং বিষয়াই অংশগ্ৰহণ কৰে । উল্লেখযোগ্য যে তিনিটা পৰ্যায়ত প্ৰিজাইডিং আৰু পলিং বিষয়াসকলৰ প্ৰশিক্ষণ সম্পন্ন হ'ব । প্ৰথম পৰ্যায়ৰ প্ৰশিক্ষণৰ আজি সামৰণি পৰিছে । দ্বিতীয় পৰ্যায়ত অহা ১৩ আৰু ১৪ মাৰ্চত আৰু তৃতীয় পৰ্যায়ৰ প্ৰশিক্ষণ ২০ আৰু ২১ মাৰ্চত সম্পন্ন হ'ব । মুঠ ছদিনজোৰা এই প্ৰশিক্ষণত গোলাঘাট নিৰ্বাচনী জিলাৰ ৪৮৬ টা ভোটগ্ৰহন কেন্দ্ৰত নিয়োজিত হ'বলগীয়া ২,৩৩২ গৰাকী প্ৰিজাইডিং আৰু পলিং বিষয়াই অংশগ্ৰহণ কৰিব । আজি দেৰগাঁও কমল দুৱৰা মহাবিদ্যালয়ত অনুষ্ঠিত প্ৰশিক্ষণত জিলা উপায়ুক্ত তথা গোলাঘাটৰ জিলা নিৰ্বাচনী বিষয়া বিভাষ চন্দ্ৰ মোদী, জিলা পৰিষদৰ মুখ্য কাৰ্যবাহী বিষয়া অভিজিৎ বৰুৱা, অতিৰিক্ত উপায়ুক্ত ৰক্তিম বৰুৱা, সহকাৰী আয়ুক্ত পাপু গগৈ আৰু ময়ূৰাক্ষী দত্ত উপস্থিত আছিল । ফৰকাটিং মহাবিদ্যালয়ত অনুষ্ঠিত প্ৰশিক্ষণত জিলা উন্নয়ন আয়ুক্ত অৰ্পা বাগলাৰী, অতিৰিক্ত উপায়ুক্ত মুন গগৈ আৰু পল্লৱী গগৈ আৰু সহকাৰী আয়ুক্ত গৌৰীপ্রিয়া দেউৰী উপস্থিত আছিল । প্ৰশিক্ষণত সমষ্টি দুটাৰ ভালেসংখ্যক প্ৰশিক্ষক, চেক্টৰ আৰু জ'নেল বিষয়া আৰু নিৰ্বাচনী প্ৰক্ৰিয়াটোৰ সৈতে জড়িত বিষয়া-কৰ্মচাৰীয়ে অংশ লয় ।
গোলাঘাট নিৰ্বাচনী জিলাৰ প্ৰচাৰ কোষ
নৰ্থ ইষ্ট নিউজ ইণ্ডিয়া
