3 Jun, 2020 আজি অসমৰ মাননীয় মুখ্যমন্ত্ৰী শ্ৰীযুত সৰ্বানন্দ সোণোৱালে তথ্য আৰু জনসংযোগ সঞ্চালকালয়ৰ কাম-কাজৰ পৰ্যালোচনা কৰে। সবিশেষ পঢ়ক ইয়াৰ লগত সংলগ্ন প্ৰেছ বাৰ্তাটো

3 Jun, 2020 মাননীয় মুখ্যমন্ত্ৰী শ্ৰীযুত সৰ্বানন্দ সোণোৱালক আজি অসম চৰকাৰৰ তথ্য আৰু জনসংযোগ সঞ্চালকালয়ত উপস্থিত হোৱাৰ সময়ত সঞ্চালক শ্ৰী অনুপম চৌধুৰীয়ে এটি স্মাৰক প্ৰদান কৰে। মুখ্যমন্ত্ৰীগৰাকীয়ে সঞ্চালকালয়টো পৰিদর্শন কৰি ইয়াৰ বিভিন্ন কাৰ্য্য-পদ্ধতি সম্পৰ্কে সঞ্চালকগৰাকীৰ পৰা বুজ লয়।

3 Jun, 2020 অসমৰ মাননীয় মুখ্যমন্ত্ৰী শ্ৰীযুত সৰ্বানন্দ সোণোৱালে আজি তথ্য আৰু জনসংযোগ সঞ্চালকালয়ৰ দিছপুৰ লাষ্টগেটস্থিত মুখ্য কাৰ্যালয়ত উপস্থিত হৈ বিভাগটোৰ কাম-কাজৰ পৰ্যালোচনা কৰে। বিভাগটোৰ বিষয়া-কৰ্মচাৰীসকলৰ সৈতে মত বিনিময় কৰি মুখ্যমন্ত্ৰীগৰাকীয়ে ক'ভিড-১৯ৰ সংক্ৰমণৰ জটিল সময়ত বিভাগটোৱে এক অত্যাৱশ্যকীয় সেৱাৰ বিভাগ হিচাপে জনসাধাৰণক অহৰ্নিশে সজাগ আৰু সচেতন কৰাৰ দিশত লোৱা ভূমিকাৰ শলাগ লয়। মুখ্যমন্ত্ৰীগৰাকীয়ে ৰাজ্যৰ প্ৰতিখন জিলা আৰু মহকুমাৰ সাংবাদিকসকলৰ সৈতে সু-সম্পৰ্ক ৰক্ষা কৰি চৰকাৰী আঁচনি আৰু বা-বাতৰিসমূহৰ বহুল প্ৰচাৰৰ পদক্ষেপ ল'বলৈ বিভাগক নিৰ্দেশ দিয়ে। তথ্যৰ কোনো বন্ধৰ দিন নাথাকে বুলি উল্লেখ কৰি মুখ্যমন্ত্ৰীগৰাকীয়ে এই বিভাগটোৱে চৰকাৰৰ তথ্যসমূহৰ সময় সাপেক্ষে সৰবৰাহৰ দিশত পেছাদাৰী মনোভাৱেৰে কাম কৰাৰ বাবে দৃঢ় পদক্ষেপ ল'ব লাগিব বুলি কয়। ছ'চিয়েল মিডিয়াৰ অপপ্ৰয়োগ সম্পৰ্কত জনসাধাৰণক বিশেষকৈ যুৱ প্ৰজন্মক তৃণমূল পৰ্যায়ত সজাগ আৰু সচেতন কৰাৰ দিশত বিভাগটোৱে অগ্ৰণী ভূমিকা ল'ব লাগিব বুলি কয় মুখ্যমন্ত্ৰীগৰাকীয়ে। আজিৰ এই পৰ্যালোচনামূলক বৈঠকত মুখ্যমন্ত্ৰীগৰাকীয়ে বিভাগটোৰ দ্বাৰা ৰূপায়িত বিভিন্ন আঁচনিৰ পৰ্যালোচনা কৰাৰ লগতে ভৱিষ্যতৰ কৰ্ম আঁচনিৰ বিষয়েও পৰ্যালোচনা কৰে। বৈঠকত বিভাগটোৰ সঞ্চালক শ্ৰী অনুপম চৌধুৰীয়ে বিভাগৰ বিভিন্ন কাম-কাজ, ভৱিষ্যত পৰিকল্পনা, ক'ভিড-১৯ৰ সময়ছোৱাত বিভাগটোৱে জনসাধাৰণক সজাগ আৰু সচেতন কৰা, ভুৱা বাতৰি পৰিবেশনৰ বিৰুদ্ধে গ্ৰহণ কৰা ব্যৱস্থাৰাজি সামৰি এক প্ৰেজেণ্টেশ্যন আগবঢ়ায়। উল্লেখযোগ্য যে লক্-ডাউনৰ সময়ছোৱাৰ পৰা জনসাধাৰণক সজাগ কৰাৰ ক্ষেত্ৰত বিভাগটোৱে ছ'চিয়েল মিডিয়াৰ জৰিয়তে #DIPRFakeNewsAlert নামেৰে এক ভুৱা বাতৰি, অপ-প্ৰচাৰ প্ৰতিৰোধী অভিযান অব্যাহত ৰাখিছে। আজিৰ এই বৈঠকত উপস্থিত থাকে মাননীয় মুখ্যমন্ত্ৰীৰ মিডিয়া উপদেষ্টা শ্ৰী হৃষীকেশ গোস্বামী, তথ্য আৰু জনসংযোগ বিভাগৰ আয়ুক্ত সচিব শ্ৰী প্ৰীতম শইকীয়া, তথ্য আৰু জনসংযোগ বিভাগৰ সচিব শ্ৰী নীৰা গগৈ সোণোৱাল, তথ্য আৰু জনসংযোগ বিভাগৰ যুটীয়া সচিব শ্ৰী অৰুন্ধতী চক্ৰৱৰ্তী।

3 Jun, 2020 অসমৰ মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে গুৱাহাটীত অসম চৰকাৰৰ তথ্য আৰু জনসংযোগ সঞ্চালকালয়ৰ কাৰ্যাৱলী আৰু সফলতাক প্ৰতিফলিত কৰা এটা Presentationৰ পৰ্যালোচনা কৰে। বিভাগটোৰ বিভিন্ন আঁচনি আৰু পদক্ষেপসমূহৰ তেখেতে বিস্তৃতভাৱে বুজ লয়। ক'ভিড-১৯ৰ সময়ছোৱাত উৰাবাতৰি আৰু ভুৱা প্ৰচাৰ ৰোধ কৰাৰ বাবে লোৱা পদক্ষেপৰ বিষয়ে বিষয়াসকলে মুখ্যমন্ত্ৰীক অৱগত কৰে। তেখেতে বিভাগটোৰ প্ৰচেষ্টাৰ শলাগ লয় আৰু এনেধৰণে কাম কৰি যাবলৈ নিৰ্দেশ দিয়ে। তদুপৰি, দেশৰ অন্যান্য ৰাজ্যত প্ৰচলিত প্ৰগতিশীল সংবাদ-সেৱা আৰু নীতি অধ্যয়ন কৰি সেইসমূহৰ শ্ৰেষ্ঠখিনি অৱলম্বন কৰিবলৈ আৰু এল ই ডি বিলব'ৰ্ড স্থাপনৰ ক্ষেত্ৰত ৰাজ্যৰ সম্ভাব্য স্থানসমূহৰ চিনাক্তকৰণৰ বাবে প্ৰয়োজনীয় চৰজমিন চলাবলৈ বিষয়াবৰ্গক মুখ‍্যমন্ত্ৰীয়ে নিৰ্দেশ দিয়ে। বিভাগটোৰ কৰ্মদক্ষতাক অধিক গতিশীলতা প্ৰদান কৰাৰ বাবে কাৰ্যালয়ৰ চৌহদত এটা নিয়ন্ত্ৰণ কক্ষ স্থাপন কৰিবলৈ তেখেতে নিৰ্দেশ দিয়ে। তদুপৰি, বিভিন্ন চৰকাৰী আঁচনিৰ তথ্য ৰাইজৰ মাজত প্ৰচাৰ কৰাৰ লগতে অভাৱ-অভিযোগ গ্ৰহণ কৰাৰ বাবেও ব্যৱস্থা ল'বলৈ বিষয়ববীয়াক তেখেতে নিৰ্দেশ প্ৰদান কৰে।

শিল্পী

২ মে’২০২০ গোলাঘাটৰ এনাজৰি বিবাহ ভৱনটো নিৰ্মাণত বিসঙ্গতি হোৱাৰ বাবে এতিয়া কুফল ভোগিছে গ্ৰাউণ্ড ফ্লৰত থকা ব্যৱসায়ী সকলে ৷ গোলাঘাট আৰক্ষীথানাৰ সন্মুখত থকা এইটো এনাজৰী বিৱাহ ভৱন ৷ বিগত কংগ্ৰেছ চৰকাৰৰ দিনত নিৰ্মাণ কৰা ভৱনটো আছল অতি বিসঙ্গতি পূৰ্ণ ৷ সেইসময়ত অতি ক্ষমতাবান হৈপৰা এজন কংগ্ৰেছীৰ ছত্ৰছায়াত নিৰ্মাণ হোৱা ভৱনটোত কেলেংকাৰীৰ অভিযোগ উঠিছিল ৷ আৰু সেই অভিযোগ ক্ষমতাবান কংগ্ৰেছি জনেই ধাকি ৰাখছিল ৷ কিন্ত বছৰ বাগৰাৰ লগেলগে সেই অভিযোগ সত্যত পৰিণত হৈছে ৷ কিছূবছৰৰ আগৰ পৰা এই বিবাহ ভৱনৰ ছাদত ফাটঁ মেলিল ফলত এজাক চিপচিপিয়া বৰষুণতে তলত থকা দোকান সমূহত পানীপৰে ৷ দেশৰ লকডাউনৰ পিছত এই বিবাহ ভৱনটোৰ ওপৰ মহলা প্ৰশাসনে কুৱাইনটাইন চেন্টাৰ হিচাপে ব্যৱহাৰ কৰিছে ৷ বহুকেইজন কৰুণা ৰোগীক ইয়াত ৰখা হৈছে ৷ ফলত এজাক বৰষুণ দিলেই তলৰ দোকানী সকলৰ মাজত আতংকৰ সৃষ্টি হয় ৷ কিয়নো ওপৰত থকা লেট্ৰিনৰ বৃষ্ঠা পাইপেৰে তলত পৰে ; লেট্ৰিনৰ পানীও বিসঙ্গতিপূৰ্ণ চাদৰ ফাটেঁৰে দোকানত সোমায় ৷ এনে এক দুগন্ধময় পৰিবেশৰ বাবে এতিয়া দোকান সমূহলৈ গ্ৰাহক অহাটো বন্ধ হৈ পৰিছে ৷ এই মাৰ্ৰকেটত থকা শতাধিক ব্যৱসায়ীৰ এনে গভীৰ সমস্যাৰ বিষয়ে সংশ্লিষ্ট কতূপক্ষক জনাইছে যদিও কোনো ব্যৱস্থা নোলোৱাৰ অভিযোগ উঠিছে ৷ ঃ প্ৰকাশ শৰ্মা গোলাঘাট ৷

2 Jun, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে ক'ভিড-১৯ৰ বিৰুদ্ধে সন্মুখৰপৰা যুঁজি থকা টীম অসমৰ উচ্চপদস্থ বিষয়াবৰ্গেৰে গঠিত টাস্ক ফ'ৰ্চৰ সৈতে অসম চৰকাৰৰ মন্ত্ৰী শ্ৰী চন্দ্রমোহন পাটোৱাৰীৰ উপস্থিতিত এক বৈঠকত মিলিত হয়। নিৰ্দিষ্ট ৰ'ডমেপ সন্দৰ্ভত আলোচনা কৰি ভৱিষ্যতে ব্যৱহাৰৰ উপযোগী হোৱাকৈ সকলো তথ্য ডিজিটেল পদ্ধতিত সংৰক্ষণ কৰিবলৈ বিষয়াসকলক মুখ্যমন্ত্ৰীয়ে নিৰ্দেশ দিয়ে। তেখেতসকলে মুখ্যমন্ত্ৰীক অৱগত কৰে যে- অসমেই প্ৰথমখন ৰাজ্য হিচাপে ক'ভিড-১৯ৰ সময়ত আন্তঃজিলা যাতায়াত আৰম্ভ কৰিছিল আৰু ভাৰতৰ বিভিন্ন প্ৰান্তত আৱদ্ধ হৈ থকা ২.২৯ লাখ লোক এই পৰ্যন্ত ৰাজ্যলৈ উভতি আহিছে। এনে জটিল সময়ত আগবঢ়োৱা সেৱাৰ বাবে মুখ্যমন্ত্ৰীয়ে সকলোৰে আন্তৰিক শলাগ লয়।