Welcome

🙏সমগ্র বিশ্বৰ মানৱ জাতিলৈ আহ্বান🙏

🙏সমগ্র বিশ্বৰ মানৱ জাতিলৈ আহ্বান🙏

সেই মানৱ জাতি, এই পৃথিবীলৈ আহোঁতে আমি কি লৈ আহিছিলো আৰু যোৱাৰ বেলিকা কি লৈ আমি যাম। যি পাইছো মা আৰু প্ৰকৃতি ৰ বুকুৰ পৰা পাইছো। আৰু যেতিয়া যাবগৈ লাগিব, এই মা আৰু প্ৰকৃতি এৰি, তেতিয়া ইয়াতে সকলো এৰি থৈ যাব লাগিব আমি মানৱ জাতিয়ে। সেই মানৱ জাতি আমি মিছাতে কিয় ইমান অংহকাৰ, লুভ, মোহ, কাম, ক্ৰৰ্ধ, দম্ভ, ঠগ, পতাৰনা কৰিছো। সেই মানৱ জাতি আহঁক সময় থাকোতেই আমি সকলো মানৱ জাতিয়ে সত্য পথ গ্ৰহণ কৰো। মা আৰু প্ৰকৃতি ৰ বুকুত এখন সুন্দৰ মানৱ জাতিৰ সভ্যতা গঢ় দিওঁ আহঁক। 

সেৱাৰে 

মাধৱ গগৈ

অসম।

এন আৰ এল আৰু ৰাজ্যিক দুৰ্যোগ ব্যৱস্থাপনা (গোলাঘাট শাখা)

জনসংযোগ, গোলাঘাট

এন আৰ এল আৰু ৰাজ্যিক দুৰ্যোগ ব্যৱস্থাপনা (গোলাঘাট শাখা) 

গোলাঘাট, ২১ আগষ্ট ২০২৩ :   গোলাঘাট জিলাৰ অন্তৰ্গত ৪৯ খন বিদ্যালয় তথা সাহায্য শিবিৰক চেনিটেৰী নেপকিন ভেণ্ডিং মেচিন আৰু নিষ্কাশন মেচিন প্ৰদানৰ বাবে আজি Conference Hall, DC office ot অনুষ্ঠিত এক সভাত CSR পদক্ষেপৰ অধীনত NRL ৰ তৰফৰ পৰা ৪৯ টা Sanitary Napkin Vending Machines আৰু 49 টা Disposal মেচিন আগবঢ়োৱা হৈছে । উল্লেখযোগ্য যে ভাৰতত নিৰ্মিত এই ভেণ্ডিং মেচিন আৰু নিষ্কাশন মেচিনৰ জীৱনকাল  প্ৰায় দুই বছৰ । জিলা আয়ুক্ত ডাঃ পি উদয় প্ৰবীণে  এই মেচিন সমূহ পৰ্যবক্ষন কৰি ৰূপ জ্যোতি মধ্য ইংৰাজী বিদ্যালয় আৰু শাওঁতলি ধনশিৰি মধ্য ইংৰাজী বিদ্যালয়ৰ প্ৰধান শিক্ষকৰ  হাতত দুটাকৈ মেচিন অৰ্পণ কৰে। তেওঁ ইয়াৰ দ্বাৰা  ঋতুচক্ৰ  স্বচ্ছতাৰ ক্ষেএত girl students য়ে  নিৰাপদ তথা পৰিষ্কাৰ menstrual products পাবলৈ সক্ষম হৱ বুলি মত প্ৰকাশ কৰে।এই সভাত অতিৰিক্ত জিলা আয়ুক্ত ডামোদৰ বৰ্মন, নিৰ্বাচনী বিষয়া Hrishikesh Borua, এ চি ছ, ভাৰপ্ৰাপ্ত তথ্য আৰু জনসংযোগ বিষয়া ভাৰ্গৱ কলিতা, এ চি এছ ,বিদ্যালয় উপ পৰিদৰ্শক ড° সমীৰণ বৰা আৰু DPM ronney rajkumar কে ধৰি ৰাজ্যিক দুৰ্যোগ ব্যৱস্থাপনা (গোলাঘাট) ৰ আন বিষয়া সকল উপস্থিত থাকে।

ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট। NORTHEAST NEWS INDIA

ইণ্ডিয়ান এনাৰ্জি এক্সচেঞ্জত শক্তি ক্রয়ৰ ক্ষেত্ৰত হোৱা বৃহৎ নাটনিৰ পৰিপ্ৰেক্ষিতত জিলাখনৰ বিভিন্ন ঠাইত সঘনাই বিদ্যুৎ কৰ্তন

গোলাঘাট, ১৭ আগষ্ট, ২০২৩ঃ এ পি ডি চি এলৰ গোলাঘাট বিদ্যুৎ চক্ৰৰ মুখ্য কাৰ্যবাহী বিষয়াই জনাইছে যে এ পি ডি চি এলৰ বাণিজ্যিক শাখাই অৱগত কৰা মতে ইণ্ডিয়ান এনাৰ্জি এক্সচেঞ্জত শক্তি ক্রয়ৰ ক্ষেত্ৰত হোৱা বৃহৎ নাটনিৰ পৰিপ্ৰেক্ষিতত জিলাখনৰ বিভিন্ন ঠাইত সঘনাই বিদ্যুৎ কৰ্তন

কৰিবলগীয়া হৈছে আৰু অনাগত কেইটামান দিনতো এই বিদ্যুৎ চক্ৰৰ অধীনৰ এলেকাসমূহত সঘন বিদ্যুৎ কৰ্তন কৰিবলগীয়া হ'ব। এনে অবাঞ্চিত পৰিস্থিতিৰ বাবে দুখ প্ৰকাশ কৰি বিভাগৰ তৰফৰ পৰা ৰাইজক সহযোগ কৰিবলৈ আহ্বান জনোৱা হৈছে।

NORTHEAST NEWS INDIA

*শিক্ষা আৰু বিকাশৰ ক্ষেত্ৰত প্ৰয়োজনসমূহ পূৰণ কৰাৰ উদ্দেশ্যে ভাৰত চৰকাৰৰ মহিলা আৰু শিশু বিকাশ মন্ত্ৰালয়ৰ অধীনৰ মিছন বাৎসল্যৰ অন্তৰ্গত এটা উল্লেখনীয় কাৰ্য্যসূচী হৈছে 'অনুপালন' (Sponsorship)*

*শিক্ষা আৰু বিকাশৰ ক্ষেত্ৰত প্ৰয়োজনসমূহ পূৰণ কৰাৰ উদ্দেশ্যে ভাৰত চৰকাৰৰ মহিলা আৰু শিশু বিকাশ মন্ত্ৰালয়ৰ অধীনৰ মিছন বাৎসল্যৰ অন্তৰ্গত এটা উল্লেখনীয় কাৰ্য্যসূচী হৈছে 'অনুপালন' (Sponsorship)*

গোলাঘাট, ১৭ আগষ্ট, ২০২৩ঃ সমাজৰ দুৰ্বল তথা স্পৰ্শকাতৰ শিশুসকলৰ বাবে তেওঁলোকৰ চিকিৎসা, শিক্ষা আৰু বিকাশৰ ক্ষেত্ৰত প্ৰয়োজনসমূহ পূৰণ কৰাৰ উদ্দেশ্যে ভাৰত চৰকাৰৰ মহিলা আৰু শিশু বিকাশ মন্ত্ৰালয়ৰ অধীনৰ মিছন বাৎসল্যৰ অন্তৰ্গত এটা উল্লেখনীয় কাৰ্য্যসূচী হৈছে 'অনুপালন' (Sponsorship)। গোলাঘাট জিলাত এনে শিশু থাকিলে জিলা শিশু সুৰক্ষা বিষয়াৰ কাৰ্যালয়, গোলাঘাটৰ সৈতে যোগাযোগ কৰক। উপযুক্ত প্ৰক্ৰিয়াৰ মাজেৰে ১৮  বছৰ বয়সৰ তলৰ এনে শিশুক প্ৰতি মাহে ৪,০০০ টকাকৈ আগবঢ়োৱা হ'ব। 

প্ৰয়োজনীয় চৰ্তসমূহ 👇👇

✔️ পৰিয়ালৰ উপাৰ্জন বছৰি গ্ৰামাঞ্চলত ৭২,০০০ আৰু অন্য অঞ্চলত ৯৬,০০০ তকৈ অধিক হ'ব নোৱাৰিব।

আবেদনকাৰীৰ বাবে চৰ্ত 👇👇

👉 যদি শিশুটিৰ মাতৃ বিধৱা, বিবাহ বিচ্ছেদ হোৱা অথবা পৰিয়ালে এৰি দিয়া হয়।

👉 যদি শিশুটি পিতৃ-মাতৃহীন হয় আৰু যৌথ পৰিয়াল বা আত্মীয়ৰ সৈতে বাস কৰে। 

👉 যদি শিশুটিৰ পিতৃ-মাতৃ জটিল ৰোগত আক্ৰান্ত হয়।

👉 যদি আৰ্থিক আৰু শাৰীৰিক উভয় ক্ষেত্ৰত শিশুটিৰ পিতৃ-মাতৃয়ে শিশুটিৰ যতন লোৱাত অসমৰ্থ হয়। 

👉 সহায় আৰু পুনৰসংস্থাপনৰ প্ৰয়োজন হোৱা প্ৰাকৃতিক দুৰ্যোগৰ ভুক্তভোগী, শিশু শ্ৰমিক, বাল্য বিবাহ, সৰবৰাহ, এইচ আই ভি/ এইডছত আক্ৰান্ত শাৰীৰিকভাৱে অক্ষম, নিৰুদ্দিষ্ট বা পলাতক শিশু, ভিক্ষাবৃত্তিত জড়িত, পদপথত বাস কৰা শিশু, হাৰাশাস্তিৰ সন্মুখীন হোৱা, নিৰ্যাতিত আৰু শোষণৰ বলি হোৱা শিশু আদিয়ে এই আঁচনিৰ সুবিধা লাভ কৰিব পাৰে।

👉 PM CARES আঁচনিৰ অন্তৰ্ভুক্ত শিশু।

বৰ্তমান এই কাৰ্যসূচীৰ বাবে গোলাঘাট জিলাত ৪২ টি শিশু বাচনি কৰা হৈছে।

আগ্ৰহী ব্যক্তি/ অনুষ্ঠান/ প্ৰতিষ্ঠান/ কোম্পানী/ বেংক/ ঔদ্যোগিক গোট/ ন্যাস আদিয়ে যদি এনে শিশুৰ বাবে সহায়ৰ হাত আগবঢ়াব খোজে তেনেহ'লে যোগাযোগ কৰিব পাৰে।

বিতং তথ্যৰ বাবে যোগাযোগৰ ঠিকনা

👇👇

জিলা শিশু সুৰক্ষা বিষয়াৰ কাৰ্য্যালয়,

কৰ্ট ৰোড (ছানু খেৰিয়া ক্লিনিকৰ সমীপত) 

গোলাঘাট - ৭৮৫৬২১ (অসম)

ফোন : 8486885709/ 9365291226/ 8638411712

NORTHEAST NEWS INDIA

*ধেমাজিত অনুষ্ঠিত স্বাধীনতা দিৱসৰ কাৰ্যসূচীত অংশগ্ৰহণ কৰিবলৈ গৈ বোমা বিস্ফোৰণত যিসকল নিৰীহ কণ কণ শিশু আৰু নাগৰিকে দুর্ভাগ্যজনকভাৱে প্ৰাণ আহুতি দিলে তেওঁলোকক সুঁৱৰি আজি গোলাঘাটতো শোক দিৱস পালন*

*ধেমাজিত অনুষ্ঠিত স্বাধীনতা দিৱসৰ কাৰ্যসূচীত অংশগ্ৰহণ কৰিবলৈ গৈ বোমা বিস্ফোৰণত যিসকল নিৰীহ কণ কণ শিশু আৰু নাগৰিকে দুর্ভাগ্যজনকভাৱে প্ৰাণ আহুতি দিলে তেওঁলোকক সুঁৱৰি আজি গোলাঘাটতো শোক দিৱস পালন*

গোলাঘাট, ১৬ আগষ্ট, ২০২৩ঃ ২০০৪ চনৰ ১৫ আগষ্টত ধেমাজিত অনুষ্ঠিত স্বাধীনতা দিৱসৰ কাৰ্যসূচীত অংশগ্ৰহণ কৰিবলৈ গৈ বোমা বিস্ফোৰণত যিসকল নিৰীহ কণ কণ শিশু আৰু নাগৰিকে দুর্ভাগ্যজনকভাৱে প্ৰাণ আহুতি দিলে তেওঁলোকক সুঁৱৰি আজি গোলাঘাটতো শোক দিৱস পালন কৰা হয়। এই উপলক্ষে জিলা আয়ুক্তৰ কাৰ্য্যালয়ৰ সভাকক্ষত জিলা আয়ুক্ত ডাঃ পি উদয় প্ৰবীণে কাৰ্য্যালয়ৰ বিষয়া-কৰ্মচাৰীসকলৰ লগতে অন্যান্য বিভিন্ন বিভাগৰ মুৰব্বী বিষয়া-কৰ্মচাৰীসকলৰ  উপস্থিতিত সন্ত্ৰাসবাদ আৰু হিংসাৰ বিৰোধিতা কৰি শান্তি, সামাজিক শৃংখলা আৰু সকলো লোকৰ মাজত বুজাপৰা বৃদ্ধিৰ হকে কাম কৰিবলৈ সংকল্পবদ্ধ হোৱাৰ আৰু মানৱ জীৱন তথা মূল্যবোধৰ বাবে শংকা কঢ়িয়াই অনা অশুভ শক্তিসমূহৰ বিৰুদ্ধে যুঁজ দি যোৱাৰ শপতবাক্য পাঠ কৰোৱায় । কাৰ্যসূচীৰ অংশৰূপে এক মিনিট সময় মৌন প্ৰাৰ্থনা কৰা হয় ।

NORTHEAST NEWS INDIA

*আজি দেশৰ ৭৭ সংখ্যক স্বাধীনতা দিৱস ব্যাপক উৎসাহ উদ্দীপনাৰে উদযাপন*

*আজি দেশৰ ৭৭ সংখ্যক স্বাধীনতা দিৱস ব্যাপক উৎসাহ উদ্দীপনাৰে উদযাপন*

গোলাঘাট, ১৫ আগষ্ট,২০২৩ঃ গোলাঘাট জিলাৰ সদৰত আজি দেশৰ ৭৭ সংখ্যক স্বাধীনতা দিৱস ব্যাপক উৎসাহ উদ্দীপনাৰে উদযাপন কৰা হয় । এই উপলক্ষে জিলা সদৰ গোলাঘাটৰ সমন্বয় পথাৰত আয়োজিত কাৰ্যসূচীত অসম চৰকাৰৰ কৃষি, পশুপালন আৰু পশু চিকিৎসা আদি বিভাগৰ মন্ত্ৰী শ্ৰীঅতুল বৰাই ত্ৰিৰংগ পতাকা উত্তোলন কৰে। অনুষ্ঠানত দিয়া ভাষণত মন্ত্ৰীগৰাকীয়ে প্ৰথমেই দেশৰ স্বাধীনতা সংগ্ৰামত প্ৰাণ বিসৰ্জন দিয়া ৰাজ্যখনৰ আৰু গোলাঘাট জিলাৰ বীৰ শ্বহীদসকলৰ লগতে মুক্তিযুঁজাৰুসকলক শ্ৰদ্ধাৰে স্মৰণ কৰে। মন্ত্ৰীগৰাকীয়ে নিজৰ ভাষণত বৰ্তমানৰ চৰকাৰখনে ৰাজ্যৰ লগতে গোলাঘাট জিলাত বিভিন্ন বিভাগৰ যোগেদি ৰূপায়ন কৰা উন্নয়নমূলক কাম-কাজৰ খতিয়ান দাঙি ধৰে। মন্ত্ৰীগৰাকীয়ে জিলাখনৰ তথা ৰাজ্যখনৰ সামগ্ৰিক উন্নয়নৰ বাবে ৰাইজৰ সক্ৰিয় অংশগ্ৰহণ আৰু গঠনমূলক দিহা-পৰামৰ্শ কামনা কৰে । কাৰ্যসূচীত আৰক্ষী, চি আৰ পি এফ, গৃহৰক্ষী বাহিনীৰ জোৱান, এন চি চি আৰু স্কাউট গাইডৰ কেডেটসকলে কুচকাৱাজ প্ৰদৰ্শন কৰে । অনুষ্ঠানত ছাত্ৰ-ছাত্ৰী আৰু বিভিন্ন সাংস্কৃতিক দলে অনুষ্ঠান পৰিৱেশন কৰে। আজিৰ অনুষ্ঠানৰ অংশৰূপে চি আৰ পি এফৰ ১৪২ বেটেলিয়নৰ জোৱানসকলে চকু বান্ধি অস্ত্ৰ পৰিচালনাৰ কৌশল প্ৰদৰ্শন কৰে। কাৰ্যসূচীৰ অংশৰূপে মুক্তিযুঁজাৰুৰ পৰিয়াল আৰু বিভিন্ন ক্ষেত্ৰৰ পাৰদৰ্শী ব্যক্তিক সম্বৰ্ধনা জনোৱা হয়। আজিৰ স্বাধীনতা দিৱসৰ কাৰ্যসূচীত ভালেসংখ্যক বিশিষ্ট ব্যক্তি আৰু জনসাধাৰণে অংশগ্ৰহণ কৰে। ইয়াৰ পূৰ্বে মন্ত্ৰীগৰাকীয়ে জিলা আয়ুক্ত ডাঃ পি উদয় প্ৰবীণ আৰু আৰক্ষী অধীক্ষক শ্ৰীপুস্কিন জৈনৰ উপস্থিতিত জাতিৰ পিতা মহাত্মা গান্ধী, শ্বহীদ কুশল কোঁৱৰ আৰু শ্বহীদৰ স্মৃতি সৌধত শ্ৰদ্ধাঞ্জলি জ্ঞাপন কৰে । স্বাধীনতা দিৱসৰ কাৰ্যসূচীৰ অংশৰূপে মন্ত্ৰীগৰাকী গোলাঘাট কুশল কোঁৱৰ অসামৰিক চিকিৎসালয় আৰু জিলা কাৰাগাৰলৈ যোৱাৰ লগতে প্ৰশাসনৰ বিষয়াসকলে গোলাঘাট নগৰৰ দুখন বৃদ্ধাশ্ৰমত ফল-মূল আদি বিতৰণ কৰে। ইয়াৰ পিছতেই মেৰী মাটি মেৰা দেশ অভিযানৰ অংশৰূপে প্ৰশাসনৰ বিষয়ববীয়াসকলে বীৰসকলৰ বন্দন অৰ্থাৎ স্বাধীনতা সংগ্ৰামী আৰু শ্বহীদ তথা প্ৰাণহানি হোৱা আৰু অৱসৰপ্ৰাপ্ত প্ৰতিৰক্ষা বাহিনী/ কেন্দ্ৰীয় সশস্ত্ৰ আৰক্ষী বাহিনী আৰু আৰক্ষীৰ লোকসকলক তেওঁলোকৰ বাসগৃহত গৈ সম্বৰ্ধনা জ্ঞাপন কৰে। বিয়লি জিলা প্ৰশাসন আৰু গোলাঘাট জিলা ক্ৰীড়া সন্থাৰ মাজত এখন প্ৰীতি ফুটবল খেল অনুষ্ঠিত হয়।

NORTHEAST NEWS INDIA

*গোলাঘাটত বিভাজন বিভীষিকা স্মৃতি দিৱস পালন*

জনসংযোগ, গোলাঘাট

*গোলাঘাটত বিভাজন বিভীষিকা স্মৃতি দিৱস পালন*

গোলাঘাট, ১৪ আগষ্ট ২০২৩ : ৰাজ্য চৰকাৰে ১৯৪৭ চনৰ দেশ বিভাজনৰ বিভীষিকাময় পৰিস্থিতিত মৃত্যুবৰণ কৰিবলগীয়া হোৱা আৰু নিজৰ শিপাৰ পৰা বিচ্ছিন্ন হৈ পৰা লোকসকলৰ স্মৃতি সুঁৱৰি বিগত বৰ্ষত প্ৰতি বছৰে ১৪ আগষ্টৰ দিনটো "বিভাজন বিভীষিকা স্মৃতি দিৱস" হিচাপে পালন কৰাৰ সিদ্ধান্ত লৈছিল । বৰ্তমান আৰু ভৱিষ্যত প্ৰজন্মক বিভাজনৰ সময়ত মানুহৰ দুৰ্দশা আৰু সেই বিভীষিকাময় সময়ৰ বিষয়ে অৱগত কৰি ভৱিষ্যতে যাতে কেতিয়াও এনে পৰিস্থিতিৰ সৃষ্টি নহয় সেই উদ্দেশ্যে অহিংসা, একতা, শান্তি আৰু সম্প্ৰীতিৰ বাণীৰে গোলাঘাটতো আজি এই দিৱস পালন কৰা হয় । এই উপলক্ষে গোলাঘাট জিলাৰ আয়ুক্তৰ কাৰ্যালয়ৰ পৰা এটা শান্তি সমদল উলিওৱা হয়। সমদলটোত গোলাঘাট ডি আৰ কলেজ, কমাৰ্চ কলেজ আৰু এইচ পি বি গাৰ্লছ কলেজৰ ছাত্ৰ ছাত্ৰী আৰু এন এছ এছৰ সদস্যসকলে অংশগ্ৰহণ কৰে। সমদলটোৱে হাতে হাতে মমবাতি লৈ গোলাঘাট নগৰৰ মাজেৰে পুনৰ জিলা আয়ুক্তৰ কাৰ্যালয়লৈ আহে। ইয়াৰ পিছতেই জিলা আয়ুক্তৰ কাৰ্যালয়ৰ সভাকক্ষত এখনি সভা অনুষ্ঠিত হয়। অতিৰিক্ত জিলা আয়ুক্ত চৈয়দ ৱাছবিৰ চুভানীৰ সভাপতিত্বত অনুষ্ঠিত সভাত ভাৰতীয় সংবিধানৰ প্ৰতি দায়বদ্ধতা প্ৰদৰ্শন কৰি এগৰাকী ভাৰতীয় হিচাপে সেই দুৰ্বিসহ সময়ৰ যাতে পুনৰাবৃত্তি নহয় তাৰ বাবে বিভাজনমুখী শক্তিসমূহক পৰাভূত কৰি সদা সতৰ্ক হৈ আগবাঢ়িব লাগিব বুলি তেওঁ মত প্ৰকাশ কৰে। অনুষ্ঠানত ছাত্ৰ-ছাত্ৰীসকলৰ মাজৰ পৰাও কেইবাগৰাকীও ছাত্ৰ-ছাত্ৰীয়ে বক্তব্য আগবঢ়ায়। সভাত সহকাৰী আয়ুক্ত ভাৰ্গৱ কলিতা আৰু অন্বেষা ঠাকুৰ, জিলা তথ্য আৰু জনসংযোগ বিষয়া, জিলা ক্ৰীড়া বিষয়া আৰু ছাত্ৰ-ছাত্ৰী, বিষয়া-কৰ্মচাৰী উপস্থিত আছিল। 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*বোকাখাত বিদ্যুৎ পৰিবাহী লাইনৰ এক পৰিকল্পিত বিদ্যুৎ কৰ্তন*

*বোকাখাত বিদ্যুৎ পৰিবাহী লাইনৰ এক পৰিকল্পিত  বিদ্যুৎ  কৰ্তন*

 গোলাঘাট, ১৪ আগষ্ট, ২০২৩ঃ ইয়াৰ  দ্বাৰাই  জনসাধাৰণক অৱগত কৰা  হয় যে, নুমলীগড় ৰিফাইনেৰি  লিমিটেডৰ বাবে নুমলীগড়  ঘাটলৈ ৰিয়েক্টৰ (Reactor) কঢ়িয়াই অনা এখন  মালবাহী  জাহাজৰ সুগম চলাচল সুনিশ্চিত কৰাৰ উদ্দেশ্যে অসম বিদ্যুৎ  সংবহন নিগম লিমিটেড (AEGCL) এ  ১৬ আগষ্টৰ পুৱা  ০৭-০০  বজাৰ  পৰা ১০-০০  বজালৈকে ১৩২ কে. ভি.  যোৰহাট (পশ্চিম) - বোকাখাত বিদ্যুৎ পৰিবাহী লাইনৰ এক পৰিকল্পিত  বিদ্যুৎ  কৰ্তনৰ  ব্যৱস্থা কৰিছে।

উক্ত সময়চোৱাত বোকাখাত,  কহঁৰা, ৰজাবাৰী, বিহৰা,  নুমলীগড়, তেলগৰম, কমাৰগাঁও,  বাদুলীপাৰ, খুমটাই তথা ইয়াৰ দাঁতিকাষৰীয়া অঞ্চলসমূহ প্ৰভাৱিত হ'ব পাৰে। গতিকে উপৰুক্ত সময়চোৱাত ৰাইজক আমাৰ সৈতে সহযোগিতা কৰিবলৈ বিনম্ৰ অনুৰোধ জনোৱা হ'ল। অসুবিধাৰ বাবে আমি একান্তই দুঃখিত।

সহকাৰী মহাপ্ৰৱন্ধক,

গোলাঘাট বিদ্যুৎ সংমণ্ডল,

এপিডিচিএল, ইউএআৰ, গোলাঘাট  

NORTHEAST NEWS INDIA

मेरी माटी मेरा देश

 

*গোলাঘাটৰ জিলা আয়ুক্তৰ নেতৃত্বত উচ্চস্তৰীয় প্ৰতিনিধি দলৰ নগালেণ্ডৰ ওখা জিলাৰ দৈয়াং জলবিদ্যুৎ প্ৰকল্প পৰিদৰ্শন**নামনি অংশত অধিক প্ৰভাৱ নপৰাকৈ নিয়ন্ত্ৰিতভাৱে এৰি থকা হৈছে পানী : নীপকো কৰ্তৃপক্ষ**উভয় জিলাৰ মাজত সৌহাৰ্দ্যপূৰ্ণ সম্পৰ্ক ৰক্ষাত গুৰুত্ব আৰোপ দুয়োগৰাকী জিলা মুৰব্বীৰ*

*গোলাঘাটৰ জিলা আয়ুক্তৰ নেতৃত্বত উচ্চস্তৰীয় প্ৰতিনিধি দলৰ নগালেণ্ডৰ ওখা জিলাৰ দৈয়াং জলবিদ্যুৎ প্ৰকল্প পৰিদৰ্শন*

*নামনি অংশত অধিক প্ৰভাৱ নপৰাকৈ নিয়ন্ত্ৰিতভাৱে এৰি থকা হৈছে পানী : নীপকো কৰ্তৃপক্ষ*

*উভয় জিলাৰ মাজত সৌহাৰ্দ্যপূৰ্ণ সম্পৰ্ক ৰক্ষাত গুৰুত্ব আৰোপ দুয়োগৰাকী জিলা মুৰব্বীৰ*

গোলাঘাট, ১২ আগষ্ট ২০২৩: গোলাঘাটৰ জিলা আয়ুক্ত ডাঃ পি উদয় প্ৰবীণ আৰু জিলা প্ৰশাসন তথা অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ এটা উচ্চস্তৰীয় প্ৰতিনিধি দলে আজি নগালেণ্ডৰ ওখা জিলাৰ দৈয়াং নদীত থকা দৈয়াং জলবিদ্যুৎ প্ৰকল্পটো পৰিদৰ্শন কৰি ওখাৰ জিলা উপায়ুক্ত অজিৎ কুমাৰ ৰঞ্জন, নীপকো কৰ্তৃপক্ষ আৰু নগালেণ্ড ৰাজ্যিক দুৰ্যোগ ব্যৱস্থাপনা প্ৰাধিকৰণৰ সৈতে এক সৌহাৰ্দ্যপূৰ্ণ আলোচনাত মিলিত হয়। এই পৰিদৰ্শনকালত ওখাৰ জিলা উপায়ুক্ত আৰু নীপকোৰ উপ-মহাপ্ৰৱন্ধক (ই এম) তথা ভাৰপ্ৰাপ্ত প্ৰকল্প মুৰব্বী এছ পেট্টন, উপ-মহাপ্ৰৱন্ধক (চি) ডালিম বৰ্মন আৰু আন বিষয়ববীয়াসকলে জানিবলৈ দিয়ে যে জলবিদ্যুৎ প্ৰকল্পটোৰ পানী পৰ্যায়ক্ৰমে আৰু নিয়ন্ত্ৰিতভাৱে এৰি থকা হৈছে যাতে নামনি অংশত ইয়াৰ অধিক প্ৰভাৱ নপৰে। গোলাঘাটৰ জিলা আয়ুক্ত আৰু প্ৰতিনিধি দলটোক নগালেণ্ড প্ৰশাসন আৰু নীপকো কৰ্তৃপক্ষৰ তৰফৰ পৰা আশ্বস্ত কৰা হয় যে গোলাঘাট জিলাবাসীৰ জীৱন আৰু সম্পত্তিৰ যাতে ক্ষয়-ক্ষতি নহয় তাৰ বাবে অতি সতৰ্ক হৈ সমগ্ৰ বিষয়টো নিৰীক্ষণ কৰি থকা হৈছে। ৰিজাৰ্ভাৰৰ পানীৰ স্তৰ নিৰীক্ষণ আৰু পানী এৰি দিয়া প্ৰক্ৰিয়াটোৰ ওপৰত চোকা নজৰ ৰখাৰ বাবে উচ্চস্তৰীয় কাৰিকৰী বিশেষজ্ঞৰ দল নিয়োগ কৰা হৈছে বুলিও তেওঁলোকে জানিবলৈ দিয়ে। গোলাঘাটৰ জিলা আয়ুক্তগৰাকীয়ে এই পৰিদৰ্শনকালত নীপকো কৰ্তৃপক্ষই আগতীয়াকৈ গোলাঘাট জিলা প্ৰশাসনক অৱগত কৰা আৰু তথ্যসমূহ নিৰ্দিষ্ট সময়ৰ মূৰে মূৰে আদান প্ৰদান কৰাৰ ওপৰত গুৰুত্ব আৰোপ কৰে। তেওঁ কয় যে দৈয়াং নদীৰ পানী নিয়ন্ত্ৰিত অৱস্থাত ৰাখিব পৰাকৈ পানী এৰিলে গোলাঘাট জিলাবাসীয়ে কোনো ভয়াৱহ পৰিস্থিতিৰ মুখামুখি হোৱাৰ পৰা ৰক্ষা পৰিব। তেওঁ এইক্ষেত্ৰত নীপকো কৰ্তৃপক্ষই যোৱা তিনিদিনত লোৱা সতৰ্ক ভূমিকাৰ বাবে ধন্যবাদ জ্ঞাপন কৰে আৰু ভৱিষ্যৎ সময়ত সম্পূৰ্ণ মানৱীয় দৃষ্টিভংগীৰে আগবাঢ়িবলৈ আহ্বান জনায়। জিলা আয়ুক্তকে ধৰি দলটোক পানী এৰি দিয়া সমগ্ৰ প্ৰক্ৰিয়াটো কাৰিকৰী বিশেষজ্ঞই বিতংভাৱে অৱগত কৰায়। তেওঁলোকে জানিবলৈ দিয়ে যে নগালেণ্ডত বৰষুণৰ পৰিমাণ কমিলে ৰিজাৰ্ভাৰৰ পানীও হ্ৰাস পাব আৰু জলস্তৰ ইএল ৩২১ মিটাৰলৈ নামিলেই ৰেডিয়েল গেটসমূহ বন্ধ কৰি দিয়া হ'ব। জিলা মুৰব্বী দুগৰাকীয়ে সীমান্ত অঞ্চলকে ধৰি উভয় জিলাৰ জনসাধাৰণৰ মাজত সৌহাৰ্দ্যপূৰ্ণ সম্পৰ্ক ৰক্ষাৰ ওপৰত গুৰুত্ব আৰোপ কৰে। এইক্ষেত্ৰত দুয়োখন জিলাৰ জনসাধাৰণৰ মাজত সাংস্কৃতিক বিনিময় আৰু আনুসংগিক কেতবোৰ বিষয় লৈও দুয়ো আলোচনা কৰে।

উল্লেখযোগ্য যে ৰিজাৰ্ভাৰৰ পানী ক্ৰমাৎ বৃদ্ধি পাই থকাৰ পৰিপ্ৰেক্ষিতত নীপকো কৰ্তৃপক্ষই যোৱা ১০ আগষ্টৰ পুৱা ১০.৩০ বজাৰ পৰা ৰিজাৰ্ভাৰটোৰ ৰেডিয়েল গেটসমূহ খুলি পৰ্যায়ক্ৰমে পানী এৰি আছে। আজি পুৱা ৬ বজাত ৰিজাৰ্ভাৰটোৰ জলস্তৰ আছিল ইএল ৩২২.৮০ মিটাৰ। ৰিজাৰ্ভাৰটোৰ চাৰিখন ৰেডিয়েল গেটেৰে পানী এৰি থকা হৈছে যদিও নিয়ন্ত্ৰিতভাৱে এৰাৰ পৰিপ্ৰেক্ষিতত গোলাঘাট জিলাৰ সামগ্ৰিক বান পৰিস্থিতিৰ অধিক অৱনতি ঘটা নাই। নীপকো কৰ্তৃপক্ষ আৰু গোলাঘাট জিলা প্ৰশাসনে নিয়মীয়াকৈ তথ্যৰ আদান প্ৰদান কৰি আছে। জিলা আয়ুক্তগৰাকীয়ে গোলাঘাট জিলাবাসীক শংকিত নহৈ সতৰ্ক হৈ থাকিবলৈহে আহ্বান জনাইছে।  আজিৰ এই পৰিদৰ্শনকালত গোলাঘাটৰ অতিৰিক্ত জিলা আয়ুক্ত দামোদৰ বৰ্মন, ধনশিৰি মহকুমাৰ মহকুমাধিপতি দিনছেংফা বৰুৱা, সীমান্ত দণ্ডাধীশ ভাৰ্গৱ কলিতা আৰু প্ৰিয়মজ্যোতি ফুকন, অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ প্ৰকল্প প্ৰবন্ধক মুক্তাৰাম ডেকা, প্ৰাধিকৰণৰ প্ৰকল্প বিষয়া ডঃ কৃপালজ্যোতি মজুমদাৰ, জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া ৰণি ৰাজকুমাৰ, জিলা তথ্য আৰু জনসংযোগ বিষয়া পম্পী দেৱী, জলসম্পদ বিভাগৰ গোলাঘাট সংমণ্ডলৰ কাৰ্যবাহী অভিযন্তা ৰাজেশ বৰুৱা আৰু কেন্দ্ৰীয় জল আয়োগৰ প্ৰতিনিধি ছবিৰ আহমেদ উপস্থিত আছিল। আনহাতে নগালেণ্ডৰ হৈ ওখা জিলাৰ আৰক্ষী অধীক্ষক অ'তুলা টি ইমচেন, নীপকোৰ উপ-মহাপ্ৰৱন্ধক (ই এম) আৰ চি মুৰী, উপ-মহাপ্ৰৱন্ধক (চি) এন অৰেন্থুং অডিউ, শীৰ্ষ বিষয়া কে জাছামু অভুং আৰু নিতুল দত্ত, নগালেণ্ডৰ জলসম্পদ বিভাগ, নগালেণ্ড ৰাজ্যিক দুৰ্যোগ ব্যৱস্থাপনা প্ৰাধিকৰণ আৰু ওখা জিলা দুৰ্যোগ ব্যৱস্থাপনা প্ৰাধিকৰণৰ বিষয়ববীয়া উপস্থিত আছিল।

*জনসংযোগ, গোলাঘাট* 

NORTHEAST NEWS INDIA

*গোলাঘাট সংমণ্ডলৰ উদ্যোগত পুলিবৰ ৰংগমঞ্চত আজিৰেপৰা দুদিনীয়াকৈ জলদূত কাৰ্যসূচী (দ্বিতীয় পৰ্যায়)ৰ অধীনত "জলশালা"*

*গোলাঘাট সংমণ্ডলৰ উদ্যোগত পুলিবৰ ৰংগমঞ্চত আজিৰেপৰা দুদিনীয়াকৈ জলদূত কাৰ্যসূচী (দ্বিতীয় পৰ্যায়)ৰ অধীনত "জলশালা"*

গোলাঘাট, ১১ আগষ্ট, ২০২৩ঃ  জনস্বাস্থ্য কাৰিকৰী বিভাগৰ গোলাঘাট সংমণ্ডলৰ উদ্যোগত পুলিবৰ ৰংগমঞ্চত আজিৰেপৰা দুদিনীয়াকৈ জলদূত কাৰ্যসূচী (দ্বিতীয় পৰ্যায়)ৰ অধীনত "জলশালা" শীৰ্ষক ব্লক পৰ্যায়ৰ কৰ্মশালা অনুষ্ঠিত হৈছে। পুলিবৰ গাঁও পঞ্চায়তৰ গোলাঘাট পূব শিক্ষাখণ্ডৰ অধীনৰ ৭ খন বিদ্যালয়ৰ মুঠ ৪০ গৰাকী ছাত্ৰ-ছাত্ৰীয়ে অংশগ্ৰহণ কৰা এই "জলশালা" কাৰ্যসূচীত ছাত্ৰ-ছাত্ৰীসকলক বিশুদ্ধ পানী সেৱন, অনাময়, পৰিষ্কাৰ পৰিচ্ছন্নতা আৰু পানীৰ পৰা হ'ব পৰা বেমাৰৰ পৰা কিদৰে পৰিত্ৰাণ পাব পাৰি সেই সকলো দিশ সামৰি প্ৰশিক্ষণ প্ৰদান কৰা হৈছে। এই কৰ্মশালাত জল জীৱন অভিযানৰ অধীনত নলযোগে ঘৰতে লাভ কৰা পানীৰ যাতে জনসাধাৰণে অপব্যৱহাৰ নকৰে তাৰ বাবেও ছাত্ৰ-ছাত্ৰীসকলক সজাগ কৰাৰ প্ৰয়াস চলোৱা হ'ব। কৰ্মশালাত ভাগ লোৱা ছাত্ৰ-ছাত্ৰীসকলে জলদূত হিচাপে ঘৰে ঘৰে গৈ ৰাইজক সজাগ আৰু সচেতন কৰিব। আজিৰ অনুষ্ঠানত অতিৰিক্ত জিলা আয়ুক্ত অমৃতপ্ৰভা দাস, গোলাঘাট জনস্বাস্থ্য কাৰিকৰী বিভাগৰ কাৰ্যবাহী অভিযন্তা মতিউৰ ৰহমান, শিক্ষক-শিক্ষয়িত্ৰী, বিভাগীয় কৰ্মচাৰী আৰু ভালেসংখ্যক ছাত্ৰ-ছাত্ৰীয়ে অংশগ্ৰহণ কৰে।

NORTHEAST NEWS INDIA

আহ্বান

এই পৃথিবীত সচাঁ কথা কোৱা মানুহ বহুতো কম আছে। সকলোৱে সচাঁ কথাটো যানে, যে সকলোৱে এদিন এই পৃথিবী ত্যাগ কৰিব লাগিব। জানি শুনিও পাপ কৰে, যি নেকি মহাপাপ। সেই পাপৰ ফল জীয়াই থাকোতেই ভোগ কৰি যাব লাগিব এই পৃথিবীৰ পৰা। আহঁক আমি সকলো মানৱ জাতি সত্য পথ অনুসৰণ কৰো। 

সেৱাৰে

মাধৱ গগৈ।

*গোলাঘাটত জিলা উন্নয়ন সমিতিৰ বৈঠক সম্পন্ন*

‌জনসংযোগ গোলাঘাট

*গোলাঘাটত জিলা উন্নয়ন সমিতিৰ বৈঠক সম্পন্ন*

গোলাঘাট, ১০ আগষ্ট ২০২৩: গোলাঘাটৰ জিলা আয়ুক্তৰ কাৰ্যালয়ৰ সভাকক্ষত আজি জিলা উন্নয়ন সমিতিৰ এই মাহৰ বৈঠক অনুষ্ঠিত হয়। জিলা আয়ুক্ত ডাঃ পি উদয় প্ৰবীণৰ সভাপতিত্বত অনুষ্ঠিত বৈঠকত জিলা সৈনিক বোৰ্ড, এল ডি এম, শ্ৰমিক কল্যাণ, পশুপালন আৰু পশুচিকিৎসা, ৰেচম বিভাগ, হস্ততাঁত আৰু বস্ত্ৰশিল্প বিভাগ, বিক্ৰী কৰ, পৰিবহণ, নগৰ আৰু গাঁও পৰিকল্পনা বিভাগ, জিলা উদ্যোগ আৰু বাণিজ্য কেন্দ্ৰ, আবকাৰী, পৰ্যটন আৰু মীন বিভাগ আদিৰ কাম-কাজৰ পৰ্যালোচনা কৰা হয়। বৈঠকত জিলা আয়ুক্তগৰাকীয়ে প্ৰতিটো বিভাগ আৰু সংস্থাৰ সংশ্লিষ্ট বিষয়াসকলক নিজ নিজ বিভাগৰ জিলা পৰ্যায়ত পৰিকল্পনা যুগুত কৰিবলৈ নিৰ্দেশ দিয়ে। তেওঁ লগতে আঁচনিসমূহ নিৰ্ধাৰিত সময়ৰ ভিতৰত ৰূপায়নকে ধৰি কাম-কাজসমূহ সম্পূৰ্ণ কৰাৰ নিৰ্দেশ দিয়ে যাতে জনসাধাৰণ কোনোধৰণৰ অসুবিধাৰ সন্মুখীন নহয়। সভাত তেওঁ প্ৰতিটো বিভাগৰ অধীনৰ আঁচনিসমূহৰ বিষয়ে বিতংভাৱে বুজ লয়। তেওঁ আঁচনিসমূহৰ বিষয়ে জনসজাগতা সৃষ্টিৰ ওপৰত গুৰুত্ব আৰোপ কৰে। বৈঠকত জিলা উন্নয়ন আয়ুক্ত অৰ্পা বাগলাৰী, বোকাখাত মহকুমাৰ মহকুমাধিপতি ছিমি কৰণ আৰু বিভিন্ন বিভাগ তথা সংস্থাৰ মুৰব্বী বিষয়াসকল উপস্থিত আছিল । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA