Assam COVID-19🦠😷 Details 09/09/2022.

*দুৰ্গা পূজাৰ সময়ত গোলাঘাট জিলাৰ ৭৭ খন চাহ বাগিচাত অবৈধ সুৰাৰ বিৰুদ্ধে ব্যাপক অভিযান চলোৱাৰ নিৰ্দেশ উপায়ুক্তৰ*

জনসংযোগ, গোলাঘাট প্ৰেছ বিজ্ঞপ্তি নং : ৩৪০/২০২২

*দুৰ্গা পূজাৰ সময়ত গোলাঘাট জিলাৰ ৭৭ খন চাহ বাগিচাত অবৈধ সুৰাৰ বিৰুদ্ধে ব্যাপক অভিযান চলোৱাৰ নিৰ্দেশ উপায়ুক্তৰ*

গোলাঘাট, ৯ ছেপ্টেম্বৰ : গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত আজি অনুষ্ঠিত জিলা উন্নয়ন সমিতিৰ দ্বিতীয় দিনাৰ বৈঠকত উপায়ুক্ত ডাঃ পি উদয় প্ৰবীণে দুটা বিভাগৰ কাম-কাজৰ পৰ্যালোচনা কৰে । উপায়ুক্তগৰাকীয়ে আবকাৰী বিভাগ আৰু জিলা উদ্যোগ আৰু বাণিজ্য কেন্দ্ৰৰ অধীনত হৈ থকা কাম-কাজ তথা আঁচনিৰ সবিশেষ বুজ লয় । তেওঁ আবকাৰী বিভাগক সমাগত দুৰ্গা পূজাৰ সময়ত গোলাঘাট জিলাৰ বিভিন্ন ঠাইত বিশেষকৈ জিলাখনৰ ৭৭ খন চাহ বাগিচাত অবৈধ সুৰাৰ বিৰুদ্ধে ব্যাপক অভিযান চলাবলৈ নিৰ্দেশ দিয়ে । তেওঁ বিভাগটোক ৰাজহ সংগ্ৰহৰ নিৰ্ধাৰিত লক্ষ্যত উপনীত হোৱাৰ বাবে এটা পৰিকল্পনা যুগুত কৰিবলৈও নিৰ্দেশ দিয়ে । 

আনহাতে তেওঁ জিলা উদ্যোগ আৰু বাণিজ্য কেন্দ্ৰৰ অধীনত জিলাখনত ৰূপায়িত বিভিন্ন আঁচনিৰ বিষয়ে পৰ্যালোচনা কৰে । উপায়ুক্তগৰাকীয়ে ডাবিডুবিত নিৰ্মীয়মান আন্তঃৰাষ্ট্ৰীয় বাণিজ্য কেন্দ্ৰৰো কামৰ অগ্ৰগতিৰ বুজ লয় । লগতে গোলাঘাটৰ জোনাকী নগৰত থকা ঔদ্যোগিক অঞ্চলৰ বৰ্তমানৰ স্থিতি সন্দৰ্ভত তেওঁ বিতংভাবে বুজ লয় । বৈঠকত জিলা উন্নয়ন আয়ুক্ত অৰ্পা বাগলাৰী, জিলা উদ্যোগ আৰু বাণিজ্য কেন্দ্ৰৰ প্ৰধান পৰিচালক ৰাজু প্ৰসাদ বৰা আৰু আবকাৰী বিভাগৰ অধীক্ষক শিৱাশিষ পালৰ লগতে দুয়োটা বিভাগৰ বিষয়া-কৰ্মচাৰীসকল উপস্থিত আছিল ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*যোৰহাট-মাজুলী সংযোগী দলং নিৰ্মাণৰ পৰ্যালোচনা বিত্তমন্ত্ৰী অজন্তা নেওগৰ**গোলাঘাট চিকিৎসা মহাবিদ্যালয় আৰু হাস্পতালৰ নিৰ্মাণকাৰী প্ৰতিষ্ঠানৰ সৈতেও বিত্তমন্ত্ৰীৰ বৈঠক*

বাৰ্তা নং –MIN/F/WCD/17/2021/23

প্ৰেছ বাৰ্তা

*যোৰহাট-মাজুলী সংযোগী দলং নিৰ্মাণৰ পৰ্যালোচনা বিত্তমন্ত্ৰী অজন্তা নেওগৰ*

*গোলাঘাট চিকিৎসা মহাবিদ্যালয় আৰু হাস্পতালৰ নিৰ্মাণকাৰী প্ৰতিষ্ঠানৰ সৈতেও বিত্তমন্ত্ৰীৰ বৈঠক*

গুৱাহাটী, ৯ ছেপ্টেম্বৰ –    সমগ্ৰ অসমবাসীৰ লগতে মাজুলীবাসীৰ বহু প্ৰত্যাশিত যোৰহাট-মাজুলী সংযোগী দলঙৰ নিৰ্মাণকাৰ্য ইতিমধ্যে আৰম্ভ হৈছে। দলংখনৰ নিৰ্মাণকাৰী প্ৰতিষ্ঠান U.P.State Bridge Corporation Limited-ৰ সৈতে আজি এখন গুৰুত্বপূৰ্ণ পৰ্যালোচনা বৈঠক কৰে ৰাজ্যৰ বিত্ত, মহিলা আৰু শিশু বিকাশ বিভাগৰ মন্ত্ৰী অজন্তা নেওগে। ৯২৫.৪৭ কোটি টকা ব্যয় সাপেক্ষে নিৰ্মীয়মান দলংখনৰ দৈৰ্ঘ্য হব ৮.০২৫ কিলোমিটাৰ। বৈঠকখনত নিৰ্মাণকাৰী প্ৰতিষ্ঠানটোৱে তেওঁলোকৰ কামৰ অগ্ৰগতি মন্ত্ৰী নেওগক অৱগত কৰাৰ লগতে কিছু ক্ষেত্ৰত চৰকাৰৰ আৰু সহযোগিতা বিচাৰে। মন্ত্ৰী নেওগেও প্ৰতিষ্ঠানটোৰ কাম-কাজ খৰতকীয়া কৰাৰ লগতে তেওঁলোকৰ অনুৰোধসমূহ শীঘ্ৰে সমাধানৰ বাবে ব্যৱস্থা গ্ৰহণ কৰাৰ আশ্বাস প্ৰদান কৰে।

ইফালে, বিত্তমন্ত্ৰীগৰাকীয়ে আজি গোলাঘাটত নিৰ্মাণ হবলগীয়া গোলাঘাট চিকিৎসা মহাবিদ্যালয় আৰু হাস্পতালৰ নিৰ্মাণকাৰী সংস্থা 'Larsen & Turbo Construction Building & Factories' ৰ সৈতেও গুৰুত্বপূৰ্ণ আলোচনাত মিলিত হয়। ৬৩১.৮২ কোটি টকা ব্যয় সাপেক্ষে নিৰ্মাণ হবলগীয়া চিকিৎসা মহাবিদ্যালয়খন নিৰ্দিষ্ট সময়ৰ ভিতৰত নিৰ্মাণ সম্পূৰ্ণ কৰিবলৈ  মন্ত্ৰীগৰাকীয়ে নিৰ্দেশ প্ৰদান কৰে।

আজিৰ দিনৰ বিয়লি ৪ বজাৰ পৰা বিত্তমন্ত্ৰী অজন্তা নেওগ ৰাজ্যৰ জ্যেষ্ঠ কৰ আৰু চৰকাৰী নিৰ্মাণ বিভাগৰ বিষয়াসকলৰ সৈতেও এক বৈঠকত মিলিত হয়। ৰাজ্যৰ বিভিন্ন স্থানত নিৰ্মীয়মান অৱস্থাত থকা বিভিন্ন আঁচনিৰ অগ্ৰগতিৰ খতিয়ান লয় মন্ত্ৰীগৰাকীয়ে।

প্ৰেৰক, পি আৰ অ’ 

09-09-2022

NORTHEAST NEWS INDIA

*ৰাজ্যিক লোক আদালতত উত্থাপন হ'বলগীয়া মটৰ গাড়ী আইন সম্পৰ্কীয় গোচৰসমূহ ১২ নৱেম্বৰলৈ স্থগিত*

জনসংযোগ, গোলাঘাট প্ৰেছ বিজ্ঞপ্তি নং : ৩৩৯/২০২২

*ৰাজ্যিক লোক আদালতত উত্থাপন হ'বলগীয়া মটৰ গাড়ী আইন সম্পৰ্কীয় গোচৰসমূহ ১২ নৱেম্বৰলৈ স্থগিত*

গোলাঘাট, ৯ ছেপ্টেম্বৰ : গোলাঘাট জিলা আইন সেৱা প্ৰাধিকৰণৰ উদ্যোগত গোলাঘাট জিলা আদালত চৌহদত ১০ ছেপ্টেম্বৰত অনুষ্ঠিত হ'বলগীয়া ৰাজ্যিক লোক আদালতত উত্থাপন হ'বলগীয়া মটৰ গাড়ী আইন সম্পৰ্কীয় গোচৰসমূহ স্থগিত ৰাখি অহা ১২ নৱেম্বৰ তাৰিখে হ'বলগীয়া পৰৱৰ্তী ৰাষ্ট্ৰীয় লোক আদালতত উত্থাপন কৰা হ'ব । জিলা আইন সেৱা প্ৰাধিকৰণ, গোলাঘাটৰ ভাৰপ্ৰাপ্ত অধ্যক্ষই এই সম্পৰ্কে জাৰি কৰা এখন প্ৰেছ বিজ্ঞপ্তিত এই বিষয়ে কোৱা হৈছে । সেই অনুসৰি উত্থাপিত অন্যান্য গোচৰৰ ক্ষেত্ৰত ৰাজ্যিক লোক আদালতৰ বাবে নিৰ্দিষ্ট কৰা দিনটোতে প্ৰাক লোক আদালত বৈঠক অনুষ্ঠিত হ'ব । মটৰ গাড়ী আইন সম্পৰ্কীয় গোচৰসমূহৰ ক্ষেত্ৰত জাননী লাভ কৰাসকলক ১২ নৱেম্বৰত লোক আদালতত উপস্থিত থাকিবলৈ আৰু অন্যান্য গোচৰৰ ক্ষেত্ৰত ১০ ছেপ্টেম্বৰ বা নিৰ্দিষ্ট আদালতে দিয়া নিৰ্দেশ অনুযায়ী প্ৰাক লোক আদালত বৈঠকত উপস্থিত থাকিবলৈ জিলা আইন সেৱা প্ৰাধিকৰণ, গোলাঘাটৰ তৰফৰ পৰা আহ্বান জনোৱা হৈছে । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Welcome

*গোলাঘাটত পোষণ অভিযানৰ কাৰ্যসূচীত অংশ ল'লে মন্ত্ৰী অজন্তা নেওগে**শিশু আৰু মাতৃৰ স্বাস্থ্য সুৰক্ষিত হ'লেহে স্বাস্থ্যৱান জাতি আৰু স্বাস্থ্যৱান সমাজ প্ৰতিষ্ঠা হ'ব : নেওগ*

জনসংযোগ, গোলাঘাট প্ৰেছ বিজ্ঞপ্তি নং : ৩৩৮/২০২২

*গোলাঘাটত পোষণ অভিযানৰ কাৰ্যসূচীত অংশ ল'লে মন্ত্ৰী অজন্তা নেওগে*

*শিশু আৰু মাতৃৰ স্বাস্থ্য সুৰক্ষিত হ'লেহে স্বাস্থ্যৱান জাতি আৰু স্বাস্থ্যৱান সমাজ প্ৰতিষ্ঠা হ'ব : নেওগ*

গোলাঘাট, ৮ ছেপ্টেম্বৰ : অসম চৰকাৰৰ বিত্ত আৰু মহিলা আৰু শিশু উন্নয়ন মন্ত্ৰী অজন্তা নেওগে আজি গোলাঘাটৰ জিলা পুথিভঁৰাল প্ৰাংগনত মহিলা আৰু শিশু উন্নয়ন বিভাগ, গোলাঘাটৰ উদ্যোগত আৰু জিলা প্ৰশাসনৰ সহযোগত আয়োজন কৰা পোষণ মাহ, ২০২২ৰ কাৰ্যসূচীত অংশ লয় । তেওঁ পোষণ মাহৰ সৈতে সংগতি ৰাখি আয়োজন কৰা এখন পোষণ প্ৰদৰ্শনী উদ্বোধন কৰাৰ লগতে পোষণ অভিযান সন্দৰ্ভত সজাগতা সৃষ্টিৰ উদ্দেশ্যে ৰাজ্য চৰকাৰৰ উদ্যোগত গোলাঘাটলৈ প্ৰেৰণ কৰা তিনিখন পোষণ ৰথৰ ফ্লেগ অফ কৰে । এই প্ৰদৰ্শনীত বিভিন্ন বিভাগৰ উদ্যোগত বিপনী মুকলি কৰাৰ উপৰি অংগনৱাড়ী কৰ্মী আৰু সহায়িকাসকলে পুষ্টিকৰ খাদ্য, থলুৱাভাবে সহজলভ্য খাদ্য সামগ্ৰী, শাক-পাচলি, ফল-মূল আদি প্ৰদৰ্শন কৰে । ইয়াৰ অংশৰূপে এখনি ৰন্ধন প্ৰতিযোগিতাও অনুষ্ঠিত হয় । বিপনীসমূহত মহিলাসকলৰ মাজত ৰক্তহীনতাৰ সমস্যা দুৰ কৰা, শিশু আৰু মহিলাৰ পৰিপুষ্টি আদি বিষয় সন্দৰ্ভত সজাগতা সৃষ্টিৰ প্ৰয়াস কৰা হয় । 

অনুষ্ঠানৰ সৈতে সংগতি ৰাখি জিলা পুথিভঁৰাল প্ৰেক্ষাগৃহত আয়োজন কৰা এখন সভাত ভাষণ দি মন্ত্ৰীগৰাকীয়ে পোষণ অভিযানক এক জন আন্দোলনলৈ ৰূপান্তৰ কৰিবলৈ ৰাইজৰ প্ৰতি আহ্বান জনায় । তেওঁ কয় যে মহিলাসকলে পুষ্টিকৰ খাদ্য গ্ৰহণৰ ক্ষেত্ৰত প্ৰায়ে নিজৰ প্ৰতি অৱজ্ঞা কৰা দেখা যায় । বিশেষকৈ গৰ্ভাৱস্থাত দৰিদ্ৰ মহিলাসকলে নিজৰ স্বাস্থ্যৰ যত্ন নোলোৱাৰ ফলত শিশুটিৰ ক্ষেত্ৰত অপুষ্টিজনিত সমস্যাই দেখা দিয়ে । তেওঁ কয় যে সমাজৰ অতি দৰিদ্ৰ মহিলাগৰাকীয়েও যাতে পুষ্টিকৰ খাদ্য গ্ৰহণ কৰে তাৰ প্ৰতি সজাগতা সৃষ্টিয়েই এই অভিযানৰ প্ৰধান লক্ষ্য । মাতৃগৰাকীয়ে যাতে এটি নিৰোগী শিশু জন্ম দিব পাৰে তাৰ বাবে গৰ্ভধাৰণ কৰা সময়তে পুষ্টিকৰ খাদ্য যোগান ধৰি শিশুটিৰ অন্ততঃ ছবছৰ বয়সলৈকে উপযুক্ত পুষ্টিকৰ খাদ্যৰ ব্যৱস্থা কৰাটো সামাজিক দায়িত্ব বুলি তেওঁ উল্লেখ কৰে । তেওঁ কয় যে গাঁৱৰ শিশুহঁতক এটা সুস্থ পৰিৱেশ দিয়াৰ উদ্দেশ্যে অসম চৰকাৰে ১০০০ টা আদৰ্শ অংগনৱাড়ী কেন্দ্ৰ স্থাপন কৰিছে । এই বছৰ আৰু ৪০০০টা আৰু অনাগত সময়ত মুঠ ১৫,০০০ আদৰ্শ অংগনৱাড়ী কেন্দ্ৰ স্থাপন কৰা হ'ব বুলি তেওঁ উল্লেখ কৰে । শিশু আৰু মাতৃৰ স্বাস্থ্য সুৰক্ষিত হ'লেহে এটা স্বাস্থ্যৱান জাতি আৰু স্বাস্থ্যৱান সমাজ প্ৰতিষ্ঠা হ'ব বুলি তেওঁ কয় । কোনো মহিলাই বিশেষকৈ চাহ বাগিচা অঞ্চলৰ মহিলাসকলে যাতে অপুষ্টিজনিত সমস্যাত ভুগিবলগীয়া নহয় সেইয়া সুনিশ্চিত কৰাৰ ওপৰত তেওঁ গুৰুত্ব আৰোপ কৰে । 

এই অনুষ্ঠানতে গোলাঘাট নগৰৰ দুটি স্বাস্থ্যৱান শিশুক পুৰস্কৃত কৰা হয় । আজিৰ সভাত অতিৰিক্ত উপায়ুক্ত ডঃ সংগীতা বৰঠাকুৰ, গোলাঘাট পৌৰসভাৰ সভানেত্ৰী দুলুমনি বৰবৰা, ভাৰপ্ৰাপ্ত জিলা সমাজ কল্যাণ বিষয়া সুলক্ষণা বৰপাত্ৰগোহাঁই, গোলাঘাটৰ চক্ৰ বিষয়া(স) তথা নগৰ শিশু উন্নয়ন প্ৰকল্প বিষয়া ছত্ৰজিত নেওগ, শিশু উন্নয়ন প্ৰকল্প বিষয়াসকল, জিলা সমাজ কল্যাণ বিভাগ, স্বাস্থ্য বিভাগ আৰু সংহত শিশু উন্নয়ন প্ৰকল্পসমূহৰ ছুপাৰভাইজৰ আৰু বিষয়া- কৰ্মচাৰী, আশা, অংগনৱাড়ী কৰ্মী-সহায়িকা আৰু ভালেসংখ্যক মহিলা উপস্থিত আছিল । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

সমাগত দুৰ্গা পূজাৰ বাবে চাহ বাগিচাৰ কৰ্মীসকলক বোনাছ

গোলাঘাট ৭ ছেপ্টেম্বৰ 2022ঃ গোলাঘাট জিলাৰ উপায়ুক্ত ডাঃ পি উদয় প্ৰবীণৰ সভাপতিত্বত আজি উপায়ুক্ত কাৰ্যালয়ৰ সভাকক্ষত জিলাখনৰ চাহ বাগিচাসমূহৰ কৰ্তৃপক্ষৰ লগতে বিভিন্ন চাহ গোট আৰু চাহ শ্ৰমিক সংস্থাৰ প্ৰতিনিধিৰ এখন বৈঠক অনুষ্ঠিত হয় । সভাত সমাগত দুৰ্গা পূজাৰ বাবে চাহ বাগিচাৰ কৰ্মীসকলক বোনাছ

প্ৰদানৰ বিষয়ে আলোচনা কৰা হয় । উপায়ুক্তগৰাকীয়ে চাহ বাগিচাসমূহৰ কৰ্তৃপক্ষক ১৬ ছেপ্টেম্বৰৰ পূৰ্বে শ্ৰমিকসকলক তেওঁলোকৰ বোনাছসমূহ মুকলি কৰি দিবলৈ নিৰ্দেশ দিয়ে যাতে দুৰ্গা পূজাৰ পূৰ্বে শ্ৰমিকসকলে বজাৰ কৰাৰ বাবে দুটা বন্ধৰ দিন লাভ কৰে । তেওঁ কয় যে যদি কোনো চাহ বাগিচা কৰ্তৃপক্ষই ১৬ ছেপ্টেম্বৰৰ পূৰ্বে বোনাছ প্ৰদান কৰিবলৈ সক্ষম নহয় তেনেহ'লে তেওঁলোকে জিলা প্ৰশাসনৰ আগত ইয়াৰ বৈধ কাৰণ দেখুৱাব লাগিব আৰু বিষয়টো গুৰুত্ব সহকাৰে লৈ আলোচনা কৰা হ'ব যাতে ২০ তাৰিখৰ পূৰ্বে সকলো শ্ৰমিকে তেওঁলোকৰ বোনাছ লাভ কৰে ।

 উল্লেখযোগ্য যে ১৯৬৫ চনৰ বোনাছ আইন অনুসৰি চাহ বাগিচাৰ শ্ৰমিকৰ বাবে নূন্যতম বোনাছ ৮.৩৩ শতাংশ আৰু সৰ্বোচ্চ বোনাছ ২০ শতাংশ ।

সভাত জিলা উন্নয়ন আয়ুক্ত অৰ্পা বাগলাৰী, সহকাৰী শ্ৰম আয়ুক্ত তিলোত্তমা দেউৰী, অতিৰিক্ত আৰক্ষী অধীক্ষক অঞ্জন পণ্ডিত, চাহ বাগিচাসমূহৰ প্ৰবন্ধক, বিভিন্ন চাহ গোট যেনে আবিটা, নেটা, আটপা, টাই আৰু অসম চাহ মজদুৰ সংঘৰ প্ৰতিনিধি উপস্থিত আছিল ।

NORTHEAST NEWS INDIA