Welcome

গোলাঘাটৰ ২নং বেঙেনাখোৱা এলপি স্কুলত অঘটন

 গোলাঘাট ২২ জুন, ২০২২ঃ গোলাঘাটৰ ২নং বেঙেনাখোৱা এলপি স্কুলত অঘটন ৷ দুপৰীয়া আহাৰ গ্ৰহণৰ পিছত খাদ্যত পাৰ্শ্বক্ৰিয়াৰ হয়  ছাত্ৰছাত্ৰীৰ ৷

৯ গৰাকী ছাত্ৰছাত্ৰী আক্ৰান্ত ৷ অসহ্যকৰ পেটৰ বিষত ভোগা ৯ গৰাকী ছাত্ৰছাত্ৰীক  ভৰ্ত্তি কৰোৱা হৈছে গোলাঘাট ছহিদ কুশলকোৱৰ অসামৰিক চিকিৎসালয়ত ৷

আক্ৰান্ত কেওগৰাকী বৰ্তমান বিপদমুক্ত বুলি চিকিৎসকে জানিবলৈ দিছে ৷

গোলাঘাটৰ পৰা প্ৰকাশ শৰ্মা প্ৰতিবেদন NORTHEAST NEWS INDIA

*বানাক্ৰান্ত ৰাইজৰ বাবে প্ৰয়োজনীয় সাহায্য ব্যৱস্থাপনাত হেমাহি নকৰিবলৈ বিষয়াসকলক নিৰ্দেশ কৃষি মন্ত্ৰীৰ*

জনসংযোগ গোলাঘাট  প্ৰেছ বিজ্ঞপ্তি নং : ২৯১/২০২২

*বানাক্ৰান্ত ৰাইজৰ বাবে প্ৰয়োজনীয় সাহায্য ব্যৱস্থাপনাত হেমাহি নকৰিবলৈ বিষয়াসকলক নিৰ্দেশ কৃষি মন্ত্ৰীৰ*

গোলাঘাট, ২২ জুন : গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত আজি জিলা দুৰ্যোগ ব্যৱস্থাপনা প্ৰাধিকৰণৰ এখন বৈঠক অনুষ্ঠিত হয় । জিলা উপায়ুক্ত মৃগেশ নাৰায়ণ বৰুৱাৰ সভাপতিত্বত অনুষ্ঠিত বৈঠকত কৃষি, পশুপালন আদি বিভাগৰ মন্ত্ৰী অতুল বৰা, সৰুপথাৰ সমষ্টিৰ বিধায়ক বিশ্বজিৎ ফুকন, দেৰগাঁও আৰু খুমটাই সমষ্টিৰ বিধায়কৰ প্ৰতিনিধিৰ লগতে জিলা প্ৰশাসনৰ কেইবাগৰাকীও বিষয়ববীয়াই অংশ লয় । মন্ত্ৰী শ্ৰী বৰাই বৈঠকত জিলাখনৰ শেহতীয়া বান পৰিস্থিতিৰ বুজ লোৱাৰ লগতে বানপীড়িত ৰাইজৰ বাবে প্ৰশাসনে গ্ৰহণ কৰা উদ্ধাৰ তথা সাহায্য অভিযানৰ বিষয়ে বিস্তৃতভাৱে পৰ্যালোচনা কৰে। জলবায়ু পৰিৱৰ্তনৰ পৰিপ্ৰেক্ষিতত যিকোনো সময়তে বতৰ সলনি হোৱাৰ প্ৰতি লক্ষ্য ৰাখি তেওঁ বান পৰিস্থিতিৰ মুখামুখি হোৱাৰ বাবে প্ৰতিটো বিভাগক সষ্টম হৈ থাকিবলৈ আহ্বান জনায় । তেওঁ কয় যে বান পৰিস্থিতিৰ সৃষ্টি হোৱাৰ লগে লগে যাতে ৰাইজে সাহায্য সামগ্ৰী পায় সেয়া প্ৰশাসনে সুনিশ্চিত কৰিব লাগিব । বানাক্ৰান্ত ৰাইজৰ সকাহৰ উদ্দেশ্যে ল'বলগীয়া প্ৰয়োজনীয় সাহায্য ব্যৱস্থাপনাত যাতে কোনেও হেমাহি নকৰে, তাৰ বাবে বিষয়াসকলক তেওঁ সজাগ সতৰ্ক হৈ থাকিবলৈ আহ্বান জনায়। লগতে জিলাখনৰ দুৰ্বল মথাউৰিসমূহৰ মেৰামতিৰ কাম শীঘ্ৰে আৰম্ভ কৰাৰ বাবে বৈঠকত সিদ্ধান্ত গ্ৰহণ কৰা হয়।  তেওঁ পশুধনৰ সুৰক্ষাৰ দিশটোত গুৰুত্ব আৰোপ কৰি বানপানীৰ পিছতো পোহনীয়া জীৱ-জন্তুৰ যাতে স্বাস্থ্যৰ যত্ন লোৱা হয় তাৰ ওপৰত গুৰুত্ব আৰোপ কৰে। বৈঠকত অংশ লৈ সৰুপথাৰ সমষ্টিৰ বিধায়ক বিশ্বজিৎ ফুকনে বানপানীৰ সময়ত ৰাইজৰ বাবে বিশুদ্ধ পানী যোগান ধৰাৰ ওপৰত গুৰুত্ব আৰোপ কৰে । এইক্ষেত্ৰত বান ক্ষতিগ্ৰস্ত অঞ্চলসমূহত পেকেজড খোৱাপানী যোগান ধৰিবলৈ জনস্বাস্থ্য কাৰিকৰী বিভাগক তেওঁ নিৰ্দেশ দিয়ে । তেওঁ বানপানীৰ সময়ত প্ৰতিটো বিভাগক সজাগ হৈ থাকিবলৈ আহ্বান জনায় । বৈঠকত অতিৰিক্ত উপায়ুক্ত পল্লৱী গগৈ, চক্ৰ বিষয়াসকল আৰু বিভিন্ন বিভাগৰ বিষয়াসকল উপস্থিত আছিল । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

বানপানী কবলত পৰা পৰিয়াল সমূহক আশ্ৰয় শিবিৰত খবৰ লৈ লঘু আহাৰৰ যোগান

নগাঁও ২২ জুন, ২০২২ঃ ননৈ বৃহত্তৰ অঞ্চলৰ কুমাৰ গাঁও পানী গাঁও বিহৰি গোবৰ গাঁও কে আদি কৰি ন ন অঞ্চলত বানপানী ৰ কবলত পৰিছে । বিশিষ্ট সমাজ সেৱক তথা মা আৰু প্ৰকৃতি ৰ নগাঁও জিলা শাখাৰ মুখ্য তথা কেন্দ্রীয় কমিটিৰ মুখ্য সাংগাঠনিক সম্পাদক শ্রী যুত কেশৱ বৰা ই বানপানী কবলত পৰা পৰিয়াল সমূহক আশ্ৰয় শিবিৰত খবৰ লৈ লঘু আহাৰৰ যোগান

ধৰিছে ।

NORTHEAST NEWS INDIA

Assam COVID-19🦠😷 Details 20/06/2022.

Assam COVID-19🦠😷 Details

 20/06/2022.

Breaking

*গোলাঘাটত অষ্টম আন্তঃৰাষ্ট্ৰীয় যোগ দিৱস উপলক্ষে সমূহীয়া যোগাভ্যাসত অংশ ল'লে কৃষি মন্ত্ৰী অতুল বৰাই*

জনসংযোগ গোলাঘাট  প্ৰেছ বিজ্ঞপ্তি নং : ২৯০/২০২২

*গোলাঘাটত অষ্টম আন্তঃৰাষ্ট্ৰীয় যোগ দিৱস উপলক্ষে সমূহীয়া যোগাভ্যাসত অংশ ল'লে কৃষি মন্ত্ৰী অতুল বৰাই*

গোলাঘাট, ২১ জুন : গোলাঘাট নগৰৰ ইণ্ড'ৰ ক্ৰিকেট ষ্টেডিয়ামত আজি জিলা প্ৰশাসনৰ উদ্যোগত আৰু ৰাষ্ট্ৰীয় আয়ুষ অভিযান, গোলাঘাটৰ সহযোগত অষ্টম আন্তঃৰাষ্ট্ৰীয় যোগ দিৱস উদযাপন কৰা হয় । এই উপলক্ষে আয়োজিত সমূহীয়া যোগাভ্যাস কাৰ্যসূচীত অংশ লৈ কৃষি, পশুপালন, পশুচিকিৎসা আদি বিভাগৰ মন্ত্ৰী অতুল বৰাই কয় যে যোগক বিশ্বত জনপ্ৰিয় কৰি তোলাৰ বাবে প্ৰধানমন্ত্ৰী নৰেন্দ্ৰ মোদীয়ে চলোৱা প্ৰয়াসৰ বাবেই আজি সমগ্ৰ বিশ্বই আন্তঃৰাষ্ট্ৰীয় যোগ দিৱস পালন কৰিছে। যোগক ভাৰতীয় পৰম্পৰা আৰু সংস্কৃতিৰ সৈতে জড়িত এটা বিষয় বুলি উল্লেখ কৰি তেওঁ কয় যে যোগাভ্যাসে মানুহৰ শাৰীৰিক, মানসিক আৰু আধ্যাত্মিক উৎকৰ্ষ সাধন কৰে । যোগক জনপ্ৰিয় কৰি তুলিব পাৰিলে অপৰাধমূলক প্ৰৱণতা বহু পৰিমাণে ৰোধ কৰিব পৰা যাব বুলিও তেওঁ আশা প্ৰকাশ কৰে। তেওঁ লগতে শিক্ষানুষ্ঠানসমূহত নিয়মীয়াকৈ যোগাভ্যাসৰ প্ৰশিক্ষণ প্ৰদানৰো পোষকতা কৰে । অনুষ্ঠানত ভাষণ দি উপায়ুক্ত মৃগেশ নাৰায়ণ বৰুৱাই মানৱ জীৱনত যোগৰ উপকাৰিতাৰ বিষয়ে বৰ্ণনা কৰে । তেওঁ কয় যে যোগ কেৱল এক শাৰীৰিক অনুশীলন নহয়, বৰং ই এক জীৱনশৈলী হোৱা দৰকাৰ । মুখ্য যোগ প্ৰশিক্ষক দীপক গগৈৰ নেতৃত্বত ছজনীয়া প্ৰশিক্ষকৰ এটা দলে সকলোকে সমূহীয়াভাবে যোগাভ্যাস কৰোৱায় । কাৰ্যসূচীত জিলা উন্নয়ন আয়ুক্ত অৰ্পা বাগলাৰি, আৰক্ষী অধীক্ষক সুমিত শৰ্মা আৰু সকলো বিভাগৰ জিলা মুৰব্বী, চি আৰ পি এফৰ ১৪২ বেটেলিয়নৰ উপ কমাণ্ডেণ্ট আৰু জোৱানসকল, বিভিন্ন বিভাগৰ বিষয়া-কৰ্মচাৰী, চিকিৎসক-স্বাস্থ্যকৰ্মী আৰু ছাত্ৰ-ছাত্ৰীয়ে অংশগ্ৰহণ কৰে। 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA