05 Jun, 2021OrderCovid 19 situation Important circle level control room details in Golaghat

05 Jun, 2021

Order

Covid 19 situation Important circle level control room details in Golaghat

গোলাঘাট জিলাৰ উপায়ুক্তৰ সীমান্ত অঞ্চল পৰিদর্শন

05 Jun, 2021

জনসংযোগ, গোলাঘাট প্ৰেছ  বিজ্ঞপ্তি নং : ৮৭/২০২১

গোলাঘাট জিলাৰ উপায়ুক্তৰ সীমান্ত অঞ্চল পৰিদর্শন 

ফোন কৰি ৰোগীৰ খবৰ ল'লে উপায়ুক্তই

চাহ বাগিচাত দৈনিক মুঠ জনসংখ্যাৰ দশমিক ৩ শতাংশ পৰীক্ষা নকৰিলে কন্টেইনমেণ্ট জ'ন হিচাপে ঘোষণা কৰা হ'ব : উপায়ুক্ত

গোলাঘাট, ৫ জুন : গোলাঘাট জিলাৰ উপায়ুক্ত মানৱেন্দ্ৰ প্ৰতাপ সিঙে আজি জিলাখনৰ অসম-নাগালেণ্ড সীমান্তৰ মেৰাপানীৰ গড়বস্তি, কলাজান আদি অঞ্চল পৰিদর্শন কৰি সীমান্ত অঞ্চলৰ ভৌগলিক অৱস্থা আৰু বিভিন্ন দিশ পৰ্যবেক্ষণ কৰাৰ লগতে চি আৰ পি এফৰ মেৰাপানী শিবিৰতে সীমান্ত সম্পৰ্কীয় গুৰুত্বপূৰ্ণ আলোচনাত মিলিত হয় ।  উপায়ুক্তগৰাকীক চেক্টৰ কমাণ্ডাৰ আৰু ডি চেক্টৰৰ সীমান্ত দণ্ডাধীশে স্পৰ্শকাতৰ এলেকাসমূহৰ লগতে সীমান্তত সৃষ্টি হোৱা বিভিন্ন আইন-শৃংখলাজনিত পৰিস্থিতি সন্দৰ্ভত বিতংভাৱে অৱগত কৰায় । উপায়ুক্তগৰাকীৰ সৈতে সীমান্ত পৰিদর্শনকালত চি আৰ পি এফৰ ১৪২ বেটেলিয়নৰ চেকেণ্ড ইন কমাণ্ড, সীমান্তৰ চি আৰু ডি চেক্টৰৰ চেক্টৰ কমাণ্ডাৰ, সীমান্ত উপ আৰক্ষী অধীক্ষক, ডি চেক্টৰৰ সীমান্ত দণ্ডাধীশ আৰু মেৰাপানী থানাৰ ভাৰপ্ৰাপ্ত আৰক্ষী বিষয়াগৰাকী উপস্থিত আছিল । ইয়াৰ পাছতে উপায়ুক্তগৰাকীয়ে মেৰাপানী শিবিৰতে বিশ্ব পৰিৱেশ দিৱস উপলক্ষে এটা গছপুলি ৰোপনৰ কাৰ্যসূচীত অংশগ্ৰহণ কৰে । উপায়ুক্তগৰাকীয়ে আজি কাছমাৰী আদৰ্শ চিকিৎসালয়ো পৰিদর্শন কৰে । তেওঁ চিকিৎসালয়খনত চিকিৎসক-নাৰ্ছৰ উপস্থিতি, ৰোগীৰ পঞ্জীয়ন আদি নিৰীক্ষণ কৰি চিকিৎসালয়খনৰ কেইবাজনো ৰোগীক ফোন কৰি খবৰ লয় । তেওঁ ৰোগীৰ খোৱা-বোৱা, ঔষধ-পাতি আদিৰ বিষয়ে ৰোগীৰ পৰাই বা-বাতৰি লোৱাৰ লগতে চিকিৎসালয়খনৰ ৰান্ধনীশালটো পৰিদৰ্শন কৰে । উপায়ুক্তগৰাকীয়ে তাৰ পাছতে দৈয়াং চাহ বাগিচাৰ প্ৰতিষেধক আৰু পৰীক্ষা কেন্দ্ৰ পৰিদৰ্শন কৰি ক'ভিড বিধি মানি চলা হৈছেনে নাই সেইয়া পৰ্যবেক্ষণ কৰে । তেওঁ চাহ বাগিচা কৰ্তৃপক্ষক প্ৰতিদিনে মুঠ জনসংখ্যাৰ দশমিক ৩ শতাংশ পৰীক্ষা কৰিবলৈ নিৰ্দেশ দিয়ে । এনে নকৰিলে বাগানখনক কন্টেইনমেণ্ট জ'ন হিচাপে ঘোষণা কৰা হ'ব বুলি তেওঁ স্পষ্ট কৰি দিয়ে । উপায়ুক্তগৰাকীয়ে আজি জিলা স্বাস্থ্য বিভাগৰ সৈতে এখন পৰ্যালোচনা সভাতো অংশ লয় । 

বৈঠকত উপায়ুক্তগৰাকীয়ে পৰীক্ষা, প্ৰতিষেধক প্ৰদান, আক্ৰান্তৰ হাৰ আদি বিভিন্ন দিশ পৰ্যালোচনা কৰে । 

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

গোলাঘাটৰ ৮ টা উন্নয়ন খণ্ড আৰু ১০২খন গাঁও পঞ্চায়ততে বিশ্ব পৰিৱেশ দিৱস পালন

05 Jun, 2021

জনসংযোগ, গোলাঘাট প্ৰেছ বিজ্ঞপ্তি নং : ৮৬/২০২১

গোলাঘাটৰ ৮ টা উন্নয়ন খণ্ড আৰু ১০২খন গাঁও পঞ্চায়ততে বিশ্ব পৰিৱেশ দিৱস পালন

গোলাঘাট, ৫ জুন : গোলাঘাট জিলাৰ ৮টা উন্নয়ন খণ্ড আৰু ১০২ খন গাঁও পঞ্চায়তৰ কাৰ্যালয়ৰ উদ্যোগত আজি বিশ্ব পৰিৱেশ দিৱসৰ কাৰ্যসূচী গ্ৰহণ কৰা হয় । এই উপলক্ষে গছপুলি ৰোপনৰ লগতে কেতবোৰ ঠাইত চাফাই অভিযানো চলোৱা হয় । গোলাঘাট ইষ্ট ব্লকত জিলা গ্ৰামোন্নয়ন অভিকৰণৰ প্ৰকল্প সঞ্চালক অবিনাশ শইকীয়াই অংশ লৈ গছপুলি ৰোপন কৰে । পৰিৱেশ দিৱস উপলক্ষে গোলাঘাটৰ কাকডোঙাৰ নেঘেৰিটিং গাঁও পঞ্চায়তৰ অধীনৰ কচাৰীলাইন প্ৰাথমিক বিদ্যালয়, দেৰগাঁও উত্তৰ খণ্ডৰ মধ্য মিছামৰা গাঁও পঞ্চায়ত আৰু বোকাখাত পশ্চিম খণ্ডৰ মৰিধনশ্ৰী গাঁও পঞ্চায়তত গছপুলি ৰোপন আৰু চাফাই অভিযান কাৰ্যসূচী ৰূপায়ন কৰা হয় । গোলাঘাটৰ বীৰাংগনা সাধনী কলাক্ষেত্ৰ পৰিচালনা সমিতিৰ উদ্যোগতো কলাক্ষেত্ৰ চৌহদত কেইবাটাও সাঁচি গছৰ পুলি ৰোপন কৰা হয় । এই গছপুলি ৰোপন কাৰ্যসূচীত জিলা উন্নয়ন আয়ুক্ত অৰ্পা বাগলাৰী আৰু সমিতিৰ সদস্য-সচিব তথা সহকাৰী আয়ুক্ত ময়ুৰাক্ষী দত্তৰ লগতে কলাক্ষেত্ৰৰ ভালেসংখ্যক বিষয়া-কৰ্মচাৰী উপস্থিত আছিল । বিশ্ব পৰিবেশ দিৱসৰ সৈতে সংগতি ৰাখি গোলাঘাট জিলাৰ খুমটাইৰ বিধায়ক মৃণাল শইকীয়াই কণ কণ ল'ৰা-ছোৱালীক গছ পুলি ৰোপন কৰি কেনেকৈ প্ৰতিপালন কৰিব লাগে সেই বিষয়ে শিকোৱাৰ লগতে কেইবাটাও মূল্যবান গছৰ পুলি ৰোপন কৰে । পৰিবেশ দিৱস উপলক্ষে গোলাঘাট জিলাৰ পশ্চিম বৰপথাৰ গাওঁ পঞ্চায়তত আয়োজিত গছপুলি ৰোপনৰ কাৰ্যসূচীত সৰুপথাৰ সমষ্টিৰ বিধায়ক বিশ্বজিৎ ফুকনে অংশগ্ৰহণ কৰে । 

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

গোলাঘাট জিলাত বিশিষ্ট ব্যক্তিক আমন্ত্ৰণ কৰি আনি ক'ভিডৰ প্ৰতিষেধক প্ৰদান

05 Jun, 2021

জনসংযোগ, গোলাঘাট প্ৰেছ  বিজ্ঞপ্তি নং : ৮৫/২০২১

 

গোলাঘাট জিলাত বিশিষ্ট ব্যক্তিক আমন্ত্ৰণ কৰি আনি ক'ভিডৰ প্ৰতিষেধক প্ৰদান

প্ৰতিটো ৰাজহ চক্ৰৰ অধীনত স্থাপন কৰা হৈছে আদৰ্শ প্ৰতিষেধক কেন্দ্ৰ

গোলাঘাট জিলাত এতিয়ালৈকে ১,৩১,৫৭৯ পালি প্ৰতিষেধক প্ৰদান

গোলাঘাট, ৫ জুন : ক'ভিড প্ৰতিষেধকক লৈ অব্যাহত থকা ভ্ৰান্ত ধাৰণা দূৰ কৰাৰ উদ্দেশ্যে তথা প্ৰতিষেধক গ্ৰহণৰ প্ৰতি সজাগতা সৃষ্টিৰ লক্ষ্যৰে গোলাঘাট জিলা প্ৰশাসন আৰু স্বাস্থ্য বিভাগৰ উদ্যোগত গোলাঘাট জিলাৰ প্ৰতিটো ৰাজহ চক্ৰৰ অধীনত বিভিন্ন ক্ষেত্ৰৰ বিশিষ্ট ব্যক্তিসকলক প্ৰতিষেধক কেন্দ্ৰলৈ আমন্ত্ৰণ কৰি আনি ক'ভিডৰ প্ৰতিষেধক প্ৰদানৰ ব্যৱস্থা কৰা হৈছে । তাৰেই অংশৰূপে আজি গোলাঘাট আৰু দেৰগাঁৱত কেইবাগৰাকীও ব্যক্তিক প্ৰতিষেধক প্ৰদান কৰা হয় । তেওঁলোকক ফুলাম গামোচা আৰু বিশ্ব পৰিৱেশ দিৱসৰ সৈতে সংগতি ৰাখি একোটা গছপুলি উপহাৰ হিচাপে প্ৰদান কৰি সম্ভাষণ জনোৱা হয় । গোলাঘাটৰ জিলা স্পৰ্টছ কম্প্লেক্সত এই উপলক্ষে আয়োজিত কাৰ্যসূচীত আকাশবাণী ডিব্ৰুগড় কেন্দ্ৰৰ শিল্পী মহম্মদ নৱাব আলতাব আলী আহমেদ, সাংবাদিক পেঞ্চনাৰ দুগ্ধ দত্ত আৰু যুৱ ক্ৰীড়াবিদ কীৰ্তি চন্দ্ৰ গগৈক প্ৰথম পালি প্ৰতিষেধক প্ৰদান কৰা হয় ।প্ৰতিষেধক প্ৰদানৰ এই কাৰ্যসূচীত অতিৰিক্ত উপায়ুক্ত পল্লৱী গগৈ আৰু কুলদ্বীপ হাজৰিকাৰ লগতে স্বাস্থ্য সেৱাৰ যুটীয়া সঞ্চালক ডাঃ অৰুণ চন্দ্ৰ মহন্তও উপস্থিত আছিল । উল্লেখযোগ্য যে গোলাঘাট জিলাত ক'ভিডৰ প্ৰতিষেধক গ্ৰহণৰ প্ৰতি সজাগতা সৃষ্টিৰ উদ্দেশ্যে ইতিমধ্যে প্ৰতিটো ৰাজহ চক্ৰৰ অধীনত আদৰ্শ ক'ভিড প্ৰতিষেধক কেন্দ্ৰ স্থাপন কৰা হৈছে । আনহাতে জিলাখনত আজি ১৭৬০ জন লোকক প্ৰতিষেধক প্ৰদান কৰা হয় । ইয়াৰে ১৭৪৩টা প্ৰথম পালি আৰু ১৭টা দ্বিতীয় পালি । যোৱা ১৬ জানুৱাৰীৰ পৰা আজিৰ দিনটোলৈকে গোলাঘাট জিলাত ১,৩১,৫৭৯ পালি ক'ভিড প্ৰতিষেধক প্ৰদান কৰা হৈছে । ইয়াৰে ১,০৪,৪৬৫ টা প্ৰথম পালি আৰু ২৭,১১৪টা দ্বিতীয় পালি প্ৰতিষেধক । 

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

কমাৰবন্ধাত অবৈধভাৱে মজুত কৰা ৰন্ধন গেছৰ চিলিণ্ডাৰ, পেট্ৰলিয়ামজাত সামগ্ৰী আৰু অবৈধ সুৰা জব্দ

05 Jun, 2021

জনসংযোগ, গোলাঘাট প্ৰেছ  বিজ্ঞপ্তি নং : ৮৪/২০২১

কমাৰবন্ধাত অবৈধভাৱে মজুত কৰা ৰন্ধন গেছৰ চিলিণ্ডাৰ, পেট্ৰলিয়ামজাত সামগ্ৰী আৰু অবৈধ সুৰা জব্দ 

গোলাঘাট, ৫ জুন : গোলাঘাট জিলা খাদ্য আৰু অসামৰিক যোগান তথা গ্ৰাহক পৰিক্ৰমা বিভাগ, আবকাৰী বিভাগ আৰু কমাৰবন্ধা আৰক্ষীৰ এটা যৌথ অভিযানত আজি বৃহৎ পৰিমাণৰ পেট্ৰলিয়ামজাত সামগ্ৰী, অবৈধভাৱে মজুত কৰা ৰন্ধন গেছৰ চিলিণ্ডাৰ আৰু অবৈধ সুৰা জব্দ কৰা হয় । আজি দিনৰ প্ৰায় চাৰে ১১ বজাত কমাৰবন্ধাৰ ৰেলগেট অঞ্চলত চলোৱা এই অভিযানত ১৫ টা ৰন্ধন গেছৰ চিলিণ্ডাৰ, ৪০০ লিটাৰ অবৈধ সুৰা আৰু পেট্ৰলিয়ামজাত সামগ্ৰী জব্দ কৰা হয় । আবকাৰী বিভাগে ঘটনাস্থলীতে অবৈধ সুৰাখিনি নষ্ট কৰে । 

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

আজি ৫ জুন বিশ্ব পৰিৱেশ দিৱস। এই বিশেষ দিনটো সদায় বিশেষ নহৈ প্ৰতিটো দিনেই হৈ পৰক পৰিৱেশ দিৱস। পৃথিবীৰ সেউজীয়া খিনি সদায় সেউজীয়া হৈ থাকক। এটি গছ পুলি নহয় হাতে হাতে উঠাই লওঁ সেউজীয়া খিনি, গছপুলি ৰোপন কৰিয়েই দায়িত্ব সামৰি নথৈ সেউজীয়া খিনিক সজায় তুলিব খোজো ন ৰূপত আহক।।।

আজি ৫ জুন বিশ্ব পৰিৱেশ দিৱস। এই বিশেষ দিনটো সদায় বিশেষ নহৈ প্ৰতিটো দিনেই হৈ পৰক পৰিৱেশ দিৱস। পৃথিবীৰ সেউজীয়া খিনি সদায় সেউজীয়া হৈ থাকক। এটি গছ পুলি নহয় হাতে হাতে উঠাই লওঁ সেউজীয়া খিনি, গছপুলি ৰোপন কৰিয়েই দায়িত্ব সামৰি নথৈ সেউজীয়া খিনিক সজায় তুলিব খোজো ন ৰূপত আহক।।।

কৃতজ্ঞতা জ্ঞাপন মাননীয় মুখ্যমন্ত্ৰী ড° হিমন্ত বিশ্ব শৰ্মাৰ।

05 Jun, 2021

কৃতজ্ঞতা জ্ঞাপন মাননীয় মুখ্যমন্ত্ৰী ড° হিমন্ত বিশ্ব শৰ্মাৰ।

ক'ভিড-১৯ ৰ টীকাকৰণ অভিযানক জনআন্দোলনলৈ ৰূপান্তৰ কৰাৰ বাবে ৰাজ্য চৰকাৰে জনোৱা আহ্বানৰ প্ৰতি সঁহাৰি জনাই মুখ্যমন্ত্ৰী সাহায্য পুঁজিলৈ আৰ্থিক বৰঙণি আগবঢ়োৱা ব্যক্তি তথা অনুষ্ঠানৰ প্ৰতি