22 April, 2021
খবৰ লবলৈও অহানাই গ্ৰাম সেৱককে ধৰি কৃষি বিভাগৰ লোক ৷
অসমৰ কৃষিৰ ভড়াল হিচাপে জনাজাত গোলাঘাটৰ দ’চমুৱাৰ শগুণপাৰা গাঁৱৰ বিলাহী খেতিয়কৰ দুৰ্দশা ৷ বিলাহীখেতিৰ ফচলৰ বজাৰ মূল্য নোপোৱাৰ বাবে কৃষিপথাৰৰ ফচল তলিতেই গেলিবলৈ ধৰিছে ৷ ৩ টকা দৰতো বিলাহী কিনিবলৈ নাহে বেপাৰী ৷ ৯৯ শতাংশ কৃষক থকা গাওঁ খনৰ কৃষকৰ উৎপাদিত বিলাহী এতিয়া গৰু ছাগলীয়েও নোখোৱা হৈছে ৷ কৃষকৰ এনে দুৰ্দশাৰ খবৰ লবলৈও অহানাই গ্ৰাম সেৱককে ধৰি কৃষি বিভাগৰ লোক ৷ ::
গোলাঘাট পৰা প্ৰকাশ শৰ্মা ৰিপৰ্ত নৰ্থইষ্ট নিউজ ইণ্ডিয়া
22 April, 2021
গোলাঘাট আৰক্ষীৰ হাতত গ্ৰেপ্তাৰ কুখ্যাত ড্ৰাগছ ব্যৱসায়ী
গোলাঘাটৰ আৰক্ষীয়ে কুখ্যাত ড্ৰাগছ ব্যৱসায়ী মৃণাল গগৈ ওৰফে জজৌক গ্ৰেপ্তাৰ কৰি ২১ এপ্ৰিলত আদালতৰ যোগেদি জেল হাজোতলৈ প্ৰেৰণ কৰে। আৰক্ষীয়ে জানিবলৈ দিয়া অনুসৰি এনডিপিএচ আইনৰ অধীনত অভিযুক্ত জজৌক গ্ৰেপ্তাৰ কৰা হৈছে। গোলাঘাট নগৰৰ চানমাৰিৰ ভগা গাঁওৰ নিবাসী মৃণাল গগৈ ওৰফে জজৌ দীৰ্ঘদিন ধৰি ড্ৰাগছ ব্যৱসায়ৰ লগত জড়িত হৈ আছিল আৰু ইয়াৰ পূৰ্বে তেওঁ একাধিক বাৰ জেললৈ গৈছিল। আৰক্ষীয়ে জ'জ সহ দীপজ্যোতি সিংহা আৰু দেবজিত চেতিয়া নামৰ আন দুটা ড্ৰাগছ ব্যৱসায়ীকো কালি গ্ৰেপ্তাৰ কৰে গোলাঘাট আৰক্ষীয়ে l উল্লেখযোগ্য যে জজক পূৰ্বেও কেইবাবাৰো আৰক্ষীয়ে গ্ৰেপ্তাৰ কৰি জেল হাজোতলৈ প্ৰেৰণ কৰিছিল l কিন্তু প্ৰতি বাৰেই জামিনত জেলৰ পৰা ওলাই আহি পুনৰ ড্ৰাগছৰ ৰমৰমীয়া ব্যৱসায় চলাই আহিছিল জজয়ে । উল্লেখযোগ্য যে, কুখ্যাত ড্ৰাগছ মাফিয়া জ'জক ২০১৬ চনত ২২(এ)/২৭ এন ডি পি এচৰ অধীনত গ্ৰেপ্তাৰ কৰিছিল আৰক্ষীয়ে । কিন্তু কাৰাগাৰৰ পৰা জামিন লাভ কৰাৰ পাছতে পুণৰ ড্ৰাগছ ব্যৱসায়ৰ লগত জড়িত হৈ পৰে। পুণৰ গোলাঘাট আৰক্ষীয়ে ৫৬২/২০১৭ গোচৰত ২০(বি) এন ডি পি এচ আইনৰ অধীনত গ্ৰেপ্তাৰ কৰে । কিন্তু পুণৰ জামিন লাভ কৰিয়েই গোলাঘাট জিলাত ড্ৰাগছৰ ৰমৰমীয়া ব্যৱসায় আৰম্ভ কৰিছিল। ইয়াৰ পাছতে গোলাঘাট আৰক্ষীয়ে পুণৰ ৮৮৮/১৮ নম্বৰৰ গোচৰৰ অধীনত ২২/২৭ এন ডি পি এচ আইনৰ অধীনত গ্ৰেপ্তাৰ কৰে যদিও বাৰে বাৰে জামিন লাভ কৰা জ'জয়ে পুণৰ জামিনত আহিয়েই জিলাখনত ভিন্ন প্ৰান্তত ড্ৰাগছৰ অবাধ বেহা গঢ়ি তুলিছিল । আৰক্ষীৰ বাৰে বাৰে টোপনি হৰণ কৰা জ'জৰ বিৰুদ্ধে গোলাঘাট আৰক্ষীয়ে গৃহ বিভাগক তথ্য সহকাৰে বিষয়টো অৱগত কৰাত নাৰ্কেটিক বৰ্ডৰ অধীনৰ প্ৰিভেঞ্চন অৱ ইলিছিট ট্ৰেফিকিং এন ডি পি এচ আইন ১৯৮৮ অধীনত কালি গ্ৰেপ্তাৰ কৰি জেললৈ প্ৰেৰণ কৰে । স্মৰ্তব্য যে , এই আইনৰ অধীনত দুবছৰ পৰ্যন্ত কোনো জামিন লাভ কৰিব নোৱাৰে । ঃ
প্ৰকাশ শৰ্মা গোলাঘাট
নৰ্থইষ্ট নিউজ ইণ্ডিয়া
22 April, 2021
*দেউৰী বিহু লখিমপুৰ* Date :- 22/4/21
## অসমৰ অন্যতম জনগোষ্ঠী হৈছে দেউৰী জনগোষ্ঠী।
## এই জনগোষ্ঠীয় লোকসকলে প্ৰথম বহাগৰ দিনাই বিহু উৎযাপন নকৰি বহাগৰ প্ৰথম বুধবাৰৰ পৰা হে বহাগ বিহু উৎযাপন কৰে।
## এই বিহুক দেউৰী ভাষাত বিচু বিলি কোৱা হয়।
## লখিমপুৰ জিলা নাৰায়ণপুৰ বৰ দেউৰী গাওঁত যোৱা বুধবাৰৰ পৰা বিচু উৎযাপন কৰা হয়।
## পূৱা পৰম্পৰাৰ মতে সকলোৱে দেউৰী উপাস্য দেৱতা কুন্দি মামাক উপাসনা কৰি বিহু আৰম্ভনি কৰে।
## ইয়াৰ লগতে বুকা বিহু তো নাচি বাগি আনন্দত মতলীয়া হৈ পৰে সকলো।
লখিমপুৰৰ পৰা ৰাহান আহমেদ নৰ্থ ইষ্ট নিউজ ইণ্ডিয়া
22 April, 2021
গোলাঘাটৰ শ্ৰী শ্ৰী বাসন্তী পূজা
গোলাঘাটৰ ৰূপ নগৰৰ সাৰ্ববজানীন পূজা সমিতিৰ উদ্যোগত ১৮ৰ পৰা ২২ এপ্ৰিললৈ চতুৰ্থ বৰ্ষৰ বাবে শ্ৰী শ্ৰী বাসন্তী পূজাৰ আয়োজন কৰা হৈছে ৷ বসন্ত কালত শ্ৰী ৰামচন্দ্ৰই লংকালৈ গৈ সীতাক উদ্ধাৰৰ কৰিবলৈ যোৱাৰ আগতে দুৰ্গাদেৱীক পূজা কৰিছিল ৷সেয়েহে এই দুৰ্গা
পূজাভাগক বাসন্তী পূজা বুলি কোৱা হয় ৷ ১৮ এপ্ৰিলৰ পৰা আৰম্ভকৰা এই দুৰ্গা পূজাৰ বুধবাৰে নৱমী পূজা ৷ নৱমীপূজাৰ দিনা কুমাৰী কণ্যাক পূজা কৰি সন্তুষ্ট কৰিব পাৰিলে মা দুৰ্গাৰ আৰ্শীবাদ পোৱা যায়বুলি ভক্তগণৰ বিশ্বাস ৷ বুধবাৰে এই ৰূপনগৰৰ লক্ষ্মীনাৰায়ণ মন্দিৰ প্ৰাঙ্গণত কুমাৰী পূজা কৰাৰ লগতে হোম যজ্ঞ অনুষ্ঠিত হয় ৷ বৃহস্পতিবাৰে দশমীৰ দিনা এই ৫ দিনীয়া পূজা অন্ত পৰিব ৷ ::
প্ৰকাশ শৰ্মা গোলাঘাট
নৰ্থইষ্ট নিউজ ইণ্ডিয়া
