*মিছন বসুন্ধৰা ২.০ আৰু প্ৰধানমন্ত্ৰী কিষাণ সন্মান নিধি সন্দৰ্ভত সজাগতা*

*মিছন বসুন্ধৰা ২.০ আৰু প্ৰধানমন্ত্ৰী কিষাণ সন্মান নিধি সন্দৰ্ভত সজাগতা*

 গোলাঘাট, ১ ডিচেম্বৰ: মিছন বসুন্ধৰা ২.০ আৰু প্ৰধানমন্ত্ৰী কিষাণ সন্মান নিধি সন্দৰ্ভত সজাগতা সৃষ্টি, এম জি এনৰেগাৰ অধীনত জব কাৰ্ডৰ সৈতে আধাৰ সংযোগ আৰু সামাজিক সুৰক্ষা আঁচনিসমূহৰ সৈতে আধাৰ সংযোগ কৰাৰ উদ্দেশ্যে, লগতে কম্পিউটাৰ সাক্ষৰতা দিৱস তথা অসম দিৱসৰ সৈতে সংগতি ৰাখি কাইলৈ গোলাঘাট জিলাৰ ১০২ খন গাঁও পঞ্চায়তত বিশেষ গাঁওসভাৰ আয়োজন কৰা হৈছে । এই গাঁওসভাত মিছন বসুন্ধৰা ২.০ৰ অধীনত ভূমি সম্পৰ্কীয় মালিকীস্বত্ব, খাছ মাটি, চৰকাৰী মাটিৰ ক্ষেত্ৰত তথা ভূমি সম্পৰ্কীয় যিকোনো সমস্যাৰ বিষয়ে আলোচনা তথা সজাগতা আৰু আবেদনৰ বিষয়ে বিতংভাবে আলোচনা কৰা হ'ব । এই বিশেষ গাঁওসভা সফল কৰি তোলাৰ উদ্দেশ্যে ৰাইজৰ উপস্থিতি কামনা কৰি আজিও গাঁওসমূহত মাইকৰ সহায়ত ব্যাপক সজাগতা অভিযান চলোৱা হয় ।

NORTHEAST NEWS INDIA