Noticed

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*৩০ অক্টোবৰৰ ভিতৰত ক'ভিডৰ প্ৰথম পালি প্ৰতিষেধক ল'বলৈ গোলাঘাট জিলা প্ৰশাসনৰ ৰাইজৰ প্ৰতি আহ্বান*

*৩০ অক্টোবৰৰ ভিতৰত ক'ভিডৰ প্ৰথম পালি প্ৰতিষেধক ল'বলৈ গোলাঘাট জিলা প্ৰশাসনৰ ৰাইজৰ প্ৰতি আহ্বান*

 অসম চৰকাৰে ক'ভিড স্বাস্থ্য আচঁনিকে ধৰি ৰাজ্য চৰকাৰৰ আন আঁচনিসমূহৰ সুবিধা লাভ কৰাৰ বাবে ক'ভিডৰ প্ৰতিষেধক গ্ৰহণ কৰাটো বাধ্যতামূলক ঘোষণা কৰিছে । গোলাঘাট জিলা প্ৰশাসনেও জিলাখনৰ এতিয়াও প্ৰতিষেধক গ্ৰহণ কৰিবলৈ বাকী থকা লোকসকলক অচিৰেই প্ৰথম পালি প্ৰতিষেধক ল'বলৈ আহ্বান জনাইছে । ক'ভিড প্ৰতিষেধক প্ৰদান ব্যৱস্থাৰ দায়িত্বত থকা অতিৰিক্ত উপায়ুক্ত  কুলদীপ হাজৰিকাই জিলাবাসীক অহা ৩০ অক্টোবৰ, শনিবাৰৰ ভিতৰত ওচৰৰ স্বাস্থ্যকেন্দ্ৰত গৈ প্ৰথম পালি প্ৰতিষেধক গ্ৰহণ কৰিবলৈ আহ্বান জনাইছে । আনহাতে যিসকল লোকৰ দ্বিতীয় পালিৰ সময় হৈছে বা সময় উকলি গৈছে তেওঁলোকক অতি সোনকালে প্ৰতিষেধক গ্ৰহণ কৰিবলৈ কোৱা হৈছে । তেওঁ কয় যে জিলা প্ৰশাসন আৰু জিলা স্বাস্থ্য বিভাগে ক'ভিড প্ৰতিৰোধৰ বাবে প্ৰয়াস অব্যাহত ৰাখিছে । কেৱল প্ৰতিষেধক গ্ৰহনেই ইয়াৰ বিৰুদ্ধে প্ৰধান অস্ত্ৰ বুলি তেওঁ মত প্ৰকাশ কৰে । তেওঁ কোনো উৰা বাতৰিত ভোল নগৈ প্ৰতিষেধক গ্ৰহণ কৰি এই যুঁজৰ অংশীদাৰ হ'বলৈ ৰাইজৰ প্ৰতি আহ্বান জনায় । উল্লেখযোগ্য যে ৰাজ্য চৰকাৰৰ অৰুণোদয়, প্ৰাৰ্থনা আদি আঁচনিসমূহৰ সা-সুবিধাসমূহ এতিয়াৰে পৰা ক'ভিডৰ প্ৰতিষেধক গ্ৰহণৰ স্থিতিৰ সৈতে সংযুক্ত কৰা হ'ব । প্ৰতিষেধক গ্ৰহণ নকৰা কোনো লোকে চৰকাৰী আঁচনিৰ সুবিধা লাভ কৰিব নোৱাৰিব । ইফালে জিলাখনত ২৬ অক্টোবৰলৈকে মুঠ ৯,৭৪,৬৯৪ পালি প্ৰতিষেধক প্ৰদান কৰা হৈছে । ইয়াৰে ৭,০৪,২১৬ টা প্ৰথম পালি আৰু ২,৭০,৪৭৮ টা দ্বিতীয় পালি প্ৰতিষেধক ।

কল্পনা ফুকনৰ ৰিপৰ্ট নৰ্থ ইষ্ট নিউজ ইণ্ডিয়া গোলাঘাট ৷

এবাৰ শ্ৰীকৃষ্ণক সুধিছিল অৰ্জুনে, বিহ কি....? হাঁহি হাঁহি উত্তৰ দিছিল,শ্ৰীকৃষ্ণই যিটো প্ৰয়োজনতকৈ অধিক হয় জীৱনতসেইটোৱেই বিহ । লাগিলে সেয়া ক্ষমতাই হওক,ধনেই হওক, ভোকেই হওক, লোভেই হওক, এলাহেই হওক, অভিমানেই হওক নাইবা প্ৰেম যদি অধিক হৈ যায়, সিও বিহ হৈ পৰে |সংগ্ৰহ

এবাৰ শ্ৰীকৃষ্ণক সুধিছিল অৰ্জুনে, বিহ কি....?

 হাঁহি হাঁহি উত্তৰ দিছিল,শ্ৰীকৃষ্ণই

 যিটো প্ৰয়োজনতকৈ  অধিক হয় জীৱনত

সেইটোৱেই বিহ । 

লাগিলে সেয়া ক্ষমতাই হওক,

ধনেই হওক, 

ভোকেই হওক, 

লোভেই হওক, 

এলাহেই হওক, 

অভিমানেই হওক নাইবা 

প্ৰেম যদি অধিক হৈ যায়, 

সিও বিহ হৈ পৰে |

সংগ্ৰহ

*গোলাঘাট জিলাত প্ৰতিষেধক প্ৰদানৰ সংখ্যা ১০ লাখ অতিক্ৰম ।*

*গোলাঘাট জিলাত প্ৰতিষেধক প্ৰদানৰ সংখ্যা ১০ লাখ অতিক্ৰম ।*

আজিৰ দিনটোত সন্ধিয়া চাৰে ৫ বজালৈকে ক'উইনত আপলোড হোৱা তথ্য অনুসৰি এতিয়ালৈকে ১০,০১,৯৭৮ পালি প্ৰতিষেধক প্ৰদান কৰা হৈছে । ইয়াৰে ৭,০৯,৩২৮ পালি প্ৰথম আৰু ২,৯২,৬৫০ টা দ্বিতীয় পালি প্ৰতিষেধক । আজি ১৩,৫৩৮ জন লোকক প্ৰতিষেধক প্ৰদান কৰা হয় ।

NORTHEAST NEWS INDIA

*গোলাঘাটত ঋণ প্ৰসাৰ কাৰ্যসূচীত ৪৭৭ গৰাকী হিতাধিকাৰী আৰু মহিলা আত্মসহায়ক গোটক ৭.৯৬ কোটি টকাৰ ঋণৰ আৱন্টন পত্ৰ প্ৰদান*

জনসংযোগ, গোলাঘাট প্ৰেছ বিজ্ঞপ্তি নংঃ ১৯০

*গোলাঘাটত ঋণ প্ৰসাৰ কাৰ্যসূচীত ৪৭৭ গৰাকী হিতাধিকাৰী আৰু মহিলা আত্মসহায়ক গোটক ৭.৯৬ কোটি টকাৰ ঋণৰ আৱন্টন পত্ৰ প্ৰদান*

গোলাঘাট, ২৯ অক্টোবৰ : ৰাজ্যৰ অন্যান্য ঠাইৰ লগতে গোলাঘাট জিলাতো আজি চৰকাৰৰ বিভিন্ন আঁচনিৰ অধীনত ঋণ প্ৰদান ব্যৱস্থাৰ প্ৰসাৰ তথা ৰাইজক সজাগ কৰাৰ উদ্দেশ্যে লীড বেংক কাৰ্য্যালয়ৰ উদ্যোগত আৰু জিলা প্ৰশাসনৰ সহযোগত এটা ঋণ প্ৰদান কাৰ্যসূচী অনুষ্ঠিত হয় । গোলাঘাট জিলা গ্ৰামোন্নয়ন অভিকৰণৰ কাৰ্য্যালয়ৰ সভাকক্ষত আয়োজিত অনুষ্ঠানত বিভিন্ন বেংকে ৪৭৭ গৰাকী হিতাধিকাৰী তথা মহিলা আত্মসহায়ক গোটৰ সদস্যক মুঠ ৭.৯৬ কোটি টকাৰ ঋণৰ আৱন্টন পত্ৰ প্ৰদান কৰে । ইয়াৰে পি এম স্বনিধি আঁচনিৰ অধীনত ৩০জন হিতাধিকাৰীক ৩ লাখ টকা, প্ৰধানমন্ত্ৰী নিয়োগ সৃষ্টি আঁচনিৰ অধীনত ১৫জন হিতাধিকাৰীক ১কোটি ২০ লাখ টকা, মুদ্ৰা আঁচনিৰ অধীনত ৩৩ জন হিতাধিকাৰীক ৮৭লাখ টকা, ষ্টেণ্ড আপ ইণ্ডিয়াৰ অধীনত দুজন হিতাধিকাৰীক ৪০লাখ টকা, কিষান ক্ৰেডিট কাৰ্ডৰ অধীনত ৩০০জন খেতিয়কক ৩.৫কোটি টকা,  জে এল জি আঁচনিৰ অধীনত ২৫ জন হিতাধিকাৰীক ২৫ লাখ টকা আৰু ৭২টা মহিলা আত্মসহায়ক গোটক ১.৭১কোটি টকাৰ ঋণৰ আৱণ্টন পত্ৰ বিতৰণ কৰা হয় । 

অনুষ্ঠানত অংশ লৈ জিলা উপায়ুক্ত মৃগেশ নাৰায়ণ বৰুৱাই বিভিন্ন আঁচনিৰ হিতাধিকাৰী আৰু আত্মসহায়ক গোটৰ মহিলাসকলক নিজৰ নিজৰ আধাৰ কাৰ্ডসমূহ প্ৰস্তুত কৰাৰ বাবে আবেদন কৰিবলৈ আহ্বান জনায় । তেওঁ বিশেষকৈ চাহ বাগিচা অঞ্চলৰ লোকসকলক আধাৰৰ লগতে বেংক একাউণ্ট খুলি চৰকাৰৰ বিত্তীয় অন্তৰ্ভূক্তিৰ লক্ষ্যত উপনীত হোৱাত অৰিহণা যোগাবলৈ পৰামৰ্শ আগবঢ়ায় । তেওঁ কয় যে যি কামৰ কাৰণে ঋণ লোৱা হয় সেই কামৰ লাভৰ অংশৰে ঋণ পৰিশোধ কৰিব পাৰিলেহে চৰকাৰৰ আঁচনিসমূহ সফল হ'ব । 

অনুষ্ঠানত জিলা উন্নয়ন আয়ুক্ত অৰ্পা বাগলাৰী, জিলা পৰিষদৰ মুখ্য কাৰ্যবাহী বিষয়া ধীৰাজ দাস, নাবাৰ্ড আৰু বিভিন্ন বেংক তথা বিভাগৰ মুৰব্বী বিষয়া, আৰছেটি, অসম ৰাজ্যিক গ্ৰামীণ জীৱিকা অভিযান আৰু বিভিন্ন আত্মসহায়ক গোটৰ প্ৰতিনিধি আৰু হিতাধিকাৰীসকলে অংশগ্ৰহণ কৰে । অনুষ্ঠানৰ আৰম্ভণিতে লীড জিলা প্ৰৱন্ধক সজীৱ কুমাৰ বৰাই আদৰণি ভাষণ দিয়ে । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

এটি বিশেষ ঘোষণা

এটি বিশেষ ঘোষণা

গৃহৰক্ষী উচ্চ প্ৰশিক্ষণ (Adv. Training) গ্ৰহণ কৰা বাহিনীটোৰ জোৱানসকলক ২৯ অক্টোবৰৰ ভিতৰত গোলাঘাটৰ গৃহৰক্ষী বাহিনীৰ কাৰ্যালয়ত তেওঁলোকৰ উচ্চ প্ৰশিক্ষণৰ প্ৰমানপত্ৰসমূহ জমা দিবলৈ বাহিনীটোৰ জিলা সমাদেষ্টাই আহ্বান জনাইছে ।

NORTHEAST NEWS INDIA

*গোলাঘাট জিলাত কেঁচা চাহপাতৰ মূল্য হ্ৰাস পোৱা সন্দৰ্ভত গুৰুত্বপূৰ্ণ বৈঠক*

জনসংযোগ, গোলাঘাট প্ৰেছ বিজ্ঞপ্তি নংঃ ১৮৯

*গোলাঘাট জিলাত কেঁচা চাহপাতৰ মূল্য হ্ৰাস পোৱা সন্দৰ্ভত গুৰুত্বপূৰ্ণ বৈঠক*

গোলাঘাট, ২৮ অক্টোবৰ : গোলাঘাট জিলাত কেঁচা চাহপাতৰ মূল্য ক্ৰমাৎ হ্ৰাস পাবলৈ ধৰা বিষয়টো সন্দৰ্ভত আজি জিলা উপায়ুক্তৰ কাৰ্যালয়ৰ সভাকক্ষত কেইবাটাও চাহ খেতিয়ক সন্থাৰ প্ৰতিনিধিৰ উপস্থিতিত উপায়ুক্ত শ্ৰী মৃগেশ নাৰায়ণ বৰুৱাৰ সভাপতিত্বত এখন বৈঠক অনুষ্ঠিত হয় । বৈঠকত ক্ষুদ্ৰ চাহ খেতিয়ক পৰিষদ, ক্ষুদ্ৰ চাহ খেতিয়ক সন্থাৰ গোলাঘাট জিলা সমিতি, উত্তৰ-পূৰ্বাঞ্চল চাহ সন্থা, এবিটা আৰু টি এছ'চিয়েশ্যন অৱ ইণ্ডিয়া, যোৰহাটৰ প্ৰতিনিধিয়ে অংশগ্ৰহণ কৰে । বৈঠকত জিলাখনত কেঁচা চাহপাতৰ মূল্য ক্ৰমশঃ হ্ৰাস পাবলৈ ধৰাৰ কাৰণসমূহ বিস্তৃতভাৱে পৰ্যালোচনা কৰাৰ অন্তত পৰিলক্ষিত হয় যে, আপত্তি বিহীনতাৰ প্ৰমাণপত্ৰ নথকা এজেন্টেও নীতি বৰ্হিভূতভাৱে অত্যধিক মাত্ৰাত ফেক্টৰীত কেঁচা চাহপাত যোগান ধৰাৰ ফলত চাহপাতৰ গুণগত মান হ্ৰাস পাই আহিছে । এজেন্টসকলে খেতিয়কসকলক ফেক্টৰীৰ মূল্য কমাৰ ফলতো কেঁচা চাহপাতৰ মূল্য হ্ৰাস পাই আহিছে বুলি আভুৱা ভাৰি অহাৰ অভিযোগ উত্থাপন কৰে চাহ খেতিয়ক সন্থাই । সভাত বিস্তৃত আলোচনাৰ অন্তত কেতবোৰ ব্যৱস্থা কাৰ্যকৰী কৰিবলৈ উপায়ুক্ত শ্ৰী মৃগেশ নাৰায়ণ বৰুৱাই নিৰ্দেশ দিয়ে । সেই অনুসৰি কেঁচা চাহপাত যোগানকাৰী এজেন্টসকলে অহা সাত দিনৰ ভিতৰত প্ৰশাসনৰ পৰা আপত্তিবিহীনতাৰ প্ৰমাণ পত্ৰ (NOC) সংগ্ৰহ কৰিব লাগিব । প্ৰশাসনৰ পঞ্জীয়নকৃত আপত্তি বিহীনতাৰ প্ৰমাণপত্ৰ (NOC) নথকা এজেন্টে ফেক্টৰীত কেঁচা চাহপাত যোগান ধৰিব নোৱাৰিব । ফেক্টৰীৰ মালিকপক্ষয়ো আপত্তিবিহীনতাৰ প্ৰমাণপত্ৰ (NOC) নথকা এজেন্টৰ পৰা চাহপাত ক্ৰয় কৰিব নোৱাৰিব ।ৰাতি ৮ বজাৰ পিছত ফেক্টৰীয়ে কেঁচা চাহপাত লোৱা কাৰ্য বন্ধ কৰিব লাগিব । অন্যথা আইনমতে দণ্ডনীয় হব । জিলা উপায়ুক্তৰ সভাপতিত্বত অনুষ্ঠিত সভাখনিত জিলা উন্নয়ন আয়ুক্ত শ্ৰীযুতা অৰ্পা বাগলাৰীৰ লগতে কেইখনমান চাহবাগিছাৰ পৰিচালকসকল উপস্থিত আছিল ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*চৰকাৰী চাউল যোগানত অনিয়ম : সুলভ মূল্যৰ দোকানীৰ বিৰুদ্ধে গোচৰ ৰুজু*

জনসংযোগ গোলাঘাট  প্ৰেছ বিজ্ঞপ্তি নং : ১৮৮

*চৰকাৰী চাউল যোগানত অনিয়ম : সুলভ মূল্যৰ দোকানীৰ বিৰুদ্ধে গোচৰ ৰুজু* 

গোলাঘাট, ২৮ অক্টোবৰ : গোলাঘাট জিলাৰ খাদ্য, অসামৰিক যোগান আৰু গ্ৰাহক পৰিক্ৰমা বিভাগৰ এটা অভিযানকাৰী দলে আজি ৰাজহুৱা অভিযোগৰ ভিত্তিত  জিলাখনৰ নলাপাৰৰ আলমীত থকা মেচাৰ্ছ উত্তৰ মৰঙি জি পি এছ এছৰ সুলভ মূল্যৰ ব্যৱসায়ী জানমনি হাজৰিকাৰ দোকানত চলোৱা অভিযানত ভালেমান অনিয়ম পোহৰলৈ আহে । সেই অনুসৰি ব্যৱসায়ীগৰাকীৰ বিৰুদ্ধে প্ৰতিখন ৰেচন কাৰ্ডৰ বিপৰীতে হিতাধিকাৰীৰ পৰা ৰাষ্ট্ৰীয় খাদ্য সুৰক্ষা আইনৰ অধীনত পাবলগীয়া চাউলৰ আঢ়ৈ কিলোগ্ৰামকৈ কৰ্তন কৰি ৰখা, খাদ্য সুৰক্ষা আইন আৰু প্ৰধানমন্ত্ৰী গৰীব কল্যান অন্ন যোজনাৰ চাউল আৰু কেৰাচিন তেল মজুতকৰণৰ পঞ্জীয়ন বহী নৰখা, জিলা উপায়ুক্তৰ নিৰ্দেশ উলংঘা কৰি মূল্য আৰু মজুত সামগ্ৰীৰ তথ্যসম্বলিত ব'ৰ্ড ৰাজহুৱাকৈ আঁৰি নোথোৱা আৰু প্ৰশাসনে দোকান খোলা ৰাখিবলৈ নিৰ্ধাৰণ কৰি দিয়া সময়ত দোকান বন্ধ ৰখা আদি বিভিন্ন অভিযোগ সত্য হিচাপে প্ৰমাণিত হয় । ব্যৱসায়ীগৰাকীৰ বিৰুদ্ধে নতুনকৈ ছপা হোৱা ৰেচন কাৰ্ডসমূহ ৰাখি থোৱা আৰু এইসমূহ দিয়াৰ বাবদ গ্ৰাহকৰ পৰা ৫০ টকাকৈ ধন দাবী কৰাৰো অভিযোগ উঠিছে । অভিযানকালত দলটোৱে গ্ৰাহকৰ পৰা কৰ্তন কৰি ৰখা চাউল অন্য ঠাইলৈ প্ৰেৰণ কৰাৰ তথ্য লাভ কৰে । ইতিমধ্যে ঘটনা সংক্ৰান্তত গোচৰ ৰুজু কৰা হৈছে । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*সুলভ মূল্যৰ দোকানীয়ে ৰাজহুৱাকৈ ব'ৰ্ডত আঁৰি থ'ব লাগিব মূল্য আৰু মজুতকৰণ সম্পৰ্কীয় তথ্য*

জনসংযোগ, গোলাঘাট   প্ৰেছ বিজ্ঞপ্তি নং : ১৮৬

*সুলভ মূল্যৰ দোকানীয়ে ৰাজহুৱাকৈ ব'ৰ্ডত আঁৰি থ'ব লাগিব মূল্য আৰু মজুতকৰণ সম্পৰ্কীয় তথ্য*

গোলাঘাট, ২৭ অক্টোবৰঃ গোলাঘাট জিলাৰ সুলভ মূল্যৰ একাংশ দোকানীয়ে মূল্য আৰু মজুতকৰণ সম্পৰ্কীয় তথ্য গ্ৰাহকে দেখাকৈ ৰাজহুৱাকৈ ব'ৰ্ডত আঁৰি নোথোৱা বুলি লাভ কৰা কেতবোৰ অভিযোগৰ প্ৰতি লক্ষ্য ৰাখি জিলা প্ৰশাসনে এটা নিৰ্দেশনা জাৰি কৰিছে । জিলা উপায়ুক্তৰ স্বাক্ষৰসম্বলিত নিৰ্দেশনাটোত *লক্ষ্যনিৰ্ধাৰিত ৰাজহুৱা বিতৰণ ব্যৱস্থা নিয়ন্ত্ৰণ নিৰ্দেশ, ২০১৫* (TPDS Control Order, 2015) ৰ ১০(৪)(ii) নং দফা অনুসৰি সামগ্ৰী যোগানৰ পৰিমাণ, সুলভ মূল্যৰ দোকান খোলা আৰু বন্ধ কৰাৰ সময়, মাহটোৰ বাবে লাভ কৰা মুঠ সামগ্ৰীৰ পৰিমাণ আৰু টোল ফ্ৰি হেল্পলাইন নম্বৰ উল্লেখ কৰা ব'ৰ্ড আঁৰি থ'বলৈ নিৰ্দেশ দিয়া হৈছে । এই নিৰ্দেশ উলংঘা কৰিলে অসম সামগ্ৰী ৰাজহুৱা বিতৰণ নিৰ্দেশ, ১৯৮২ (APDA Order,1982) আৰু লক্ষ্যনিৰ্ধাৰিত ৰাজহুৱা বিতৰণ ব্যৱস্থা নিয়ন্ত্ৰণ নিৰ্দেশ, ২০১৫ (TPDS Control Order, 2015) ৰ অধীনত ব্যৱস্থা গ্ৰহণ কৰা হ'ব । সুলভ মূল্যৰ দোকানসমূহ খোলাৰ সময় গ্ৰীষ্মকালৰ বাবে পুৱা চাৰে ৭ বজাৰ পৰা দিনৰ চাৰে ১১ বজালৈ আৰু বিয়লি আঢ়ৈ বজাৰ পৰা সন্ধিয়া চাৰে ছয় বজালৈ নিৰ্ধাৰণ কৰা হৈছে । আনহাতে শীতকালত পুৱা চাৰে ৮ বজাৰ পৰা দিনৰ চাৰে ১২ বজালৈ আৰু বিয়লি ডেৰ বজাৰ পৰা সন্ধিয়া চাৰে ৫ বজালৈ দোকান খোলা ৰাখিব লাগিব । অৱশ্যে দোকান খোলাৰ সময়ৰ কিছু সালসলনি কৰিব বিচাৰিলে অনুজ্ঞাপত্ৰ প্ৰদান কৰা কৰ্তৃপক্ষৰ ওচৰত আবেদন জনাব পাৰিব । এই নিৰ্দেশ তাৎক্ষণিকভাৱে কাৰ্যকৰী হ'ব বুলি নিৰ্দেশনাটোত কোৱা হৈছে । 

*জনসংযোগ, গোলাঘাট*

NORTHEAST NEWS INDIA

COVID-19🦠😷 Vaccination Session site list Golaghat District. On 27/10/2021

COVID-19🦠😷 Vaccination Session site list Golaghat District. On 27/10/2021

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*২৭ অক্টোবৰৰ পৰা গোলাঘাট জিলাত কৰ বিভাগৰ সজাগতা সপ্তাহ*

জনসংযোগ, গোলাঘাট   প্ৰেছ বিজ্ঞপ্তি নং : ১৮৪

*২৭ অক্টোবৰৰ পৰা গোলাঘাট জিলাত কৰ বিভাগৰ সজাগতা সপ্তাহ*

গোলাঘাট, ২৫ অক্টোবৰঃ গোলাঘাট জিলাৰ সহকাৰী কৰ আয়ুক্তৰ কাৰ্যালয়ৰ উদ্যোগত অনলাইন ব্যৱস্থাৰে পঞ্জীয়নভূক্ত হৈ কৰ পৰিশোধ কৰা সন্দৰ্ভত জিলাখনৰ কৰদাতাসকলৰ মাজত সজাগতা সৃষ্টিৰ উদ্দেশ্যে অহা ২৭ অক্টোবৰৰ পৰা বিশেষ সজাগতা সপ্তাহৰ আয়োজন কৰা হৈছে । সেই অনুসৰি ২৭ অক্টোবৰত দেৰগাঁও নগৰ এলেকা, ২৮ অক্টোবৰত বোকাখাত নগৰ এলেকা, ২৯ অক্টোবৰত সৰুপথাৰ নগৰ এলেকা আৰু ৩০ অক্টোবৰত গোলাঘাট নগৰ এলেকাত সজাগতা কাৰ্যসূচী গ্ৰহণ কৰা হ'ব বুলি জিলাখনৰ সহকাৰী কৰ আয়ুক্তই জানিবলৈ দিছে । উল্লেখযোগ্য যে অসম চৰকাৰৰ অধীনৰ ৰাজহ শিতানত পাবলগীয়া অসম বৃত্তি, বাণিজ্য, জীৱিকা ও নিয়োজন কৰ আইন, ১৯৪৭ অনুসৰি গোলাঘাট জিলাৰ ক্ষুদ্ৰ আৰু মজলীয়া ব্যৱসায়ীসকলে দিবলগীয়া বৃত্তি কৰৰ বহু অংশ অপৰিশোধিত হৈ আছে । এই সন্দৰ্ভত সজাগতা সৃষ্টিৰ উদ্দেশ্যে এই কাৰ্যসূচী গ্ৰহণ কৰা হৈছে ।

*জনসংযোগ, গোলাঘাট*

NORTHEAST NEWS INDIA

*প্ৰধানমন্ত্ৰী আত্মনিৰ্ভৰ স্বচ্ছ ভাৰত যোজনাৰ শুভাৰম্ভ অনুষ্ঠানত গোলাঘাটৰ স্বাস্থ্যকৰ্মীৰ অংশগ্ৰহণ*

জনসংযোগ, গোলাঘাট   প্ৰেছ বিজ্ঞপ্তি নং : ১৮৫

*প্ৰধানমন্ত্ৰী আত্মনিৰ্ভৰ স্বচ্ছ ভাৰত যোজনাৰ শুভাৰম্ভ অনুষ্ঠানত গোলাঘাটৰ স্বাস্থ্যকৰ্মীৰ অংশগ্ৰহণ*

গোলাঘাট, ২৫ অক্টোবৰঃ প্ৰধানমন্ত্ৰী শ্ৰী নৰেন্দ্ৰ মোডীয়ে আজি বাৰানসীত শুভাৰম্ভ কৰা প্ৰধানমন্ত্ৰী আত্মনিৰ্ভৰ স্বচ্ছ ভাৰত যোজনাৰ কাৰ্যসূচীত গোলাঘাট জিলাৰো বিভিন্ন চিকিৎসালয় আৰু স্বাস্থ্য কেন্দ্ৰৰ স্বাস্থ্য কৰ্মী, ৱাৰ্ড মেম্বাৰ আৰু স্বাস্থ্য খণ্ডৰ সৈতে জড়িত লোক তথা জনসাধাৰণে ভাৰ্চুৱেল ব্যৱস্থাৰে অংশগ্ৰহণ কৰে । জিলাখনৰ শ্বহীদ কুশল কোঁৱৰ অসামৰিক চিকিৎসালয়, চাৰিঙিয়া খণ্ড প্ৰাথমিক স্বাস্থ্য কেন্দ্ৰ, নাহৰদঙা আদৰ্শ চিকিৎসালয়, গোলাঘাট নগৰীয়া স্বাস্থ্য কেন্দ্ৰ, মৰঙি ক্ষুদ্ৰ প্ৰাথমিক স্বাস্থ্য কেন্দ্ৰ, ধূপগুৰি, ৰতনপুৰ আৰু বৰতিকা স্বাস্থ্য আৰু কল্যান কেন্দ্ৰ আদিত ভালেসংখ্যক লোক সমবেত হৈ অনলাইনযোগে অনুষ্ঠানত অংশগ্ৰহণ কৰে । উল্লেখযোগ্য যে এই আঁচনিৰ মূল লক্ষ্য হ'ল স্বাস্থ্য আন্তঃগাঁথনিত থকা অভাৱসমূহ দূৰ কৰা । ইয়াৰ দ্বাৰা সাধাৰণ জনতাই ৰাজহুৱা স্বাস্থ্যৰ যতন ব্যৱস্থাত থকা বিভিন্ন পৰীক্ষা আদিৰ সম্পূৰ্ণ সুবিধা লাভ কৰিবলৈ সমৰ্থ হ'ব । এই আঁচনিৰ অধীনত গ্ৰাম্য স্বাস্থ্য আৰু কল্যাণ কেন্দ্ৰসমূহক সবল কৰাৰ লগতে পৰৱৰ্তী পৰ্যায়ত ই নগৰ অঞ্চলতো স্বাস্থ্য আৰু পৰিয়াল কেন্দ্ৰ স্থাপনৰ ব্যৱস্থা কৰিব ।

*জনসংযোগ, গোলাঘাট*

NORTHEAST NEWS INDIA

*কাজিৰঙাত তথ্য জনাৰ অধিকাৰ আইন সন্দৰ্ভত সজাগতা অনুষ্ঠান সম্পন্ন**নিৰ্ধাৰিত সময়ৰ ভিতৰত তথ্য যোগান ধৰাৰ বিষয়ত মুখ্য তথ্য আয়ুক্তৰ গুৰুত্ব আৰোপ*

জনসংযোগ, গোলাঘাট   প্ৰেছ বিজ্ঞপ্তি নং : ১৮৩

*কাজিৰঙাত তথ্য জনাৰ অধিকাৰ আইন সন্দৰ্ভত সজাগতা অনুষ্ঠান সম্পন্ন*

*নিৰ্ধাৰিত সময়ৰ ভিতৰত তথ্য যোগান ধৰাৰ বিষয়ত মুখ্য তথ্য আয়ুক্তৰ গুৰুত্ব আৰোপ*

গোলাঘাট, ২৫ অক্টোবৰঃ গোলাঘাট জিলাৰ কহঁৰাত থকা কাজিৰঙা সমাৰোহ কেন্দ্ৰত আজি অসম তথ্য আয়োগৰ উদ্যোগত তথ্য জনাৰ অধিকাৰ আইন-২০০৫ সন্দৰ্ভত ৰাজ্য চৰকাৰৰ জিলা পৰ্যায়ৰ বিভিন্ন বিভাগৰ মুৰব্বীসকলৰ বাবে এটা সজাগতা অনুষ্ঠানৰ আয়োজন কৰা হয় । গোলাঘাট জিলাৰ উপায়ুক্ত আৰু কাজিৰঙা ৰাষ্ট্ৰীয় উদ্যানৰ সঞ্চালকৰ লগতে বিভিন্ন বিভাগৰ জিলা পৰ্যায়ৰ মুৰব্বী বিষয়াসকলৰ উপস্থিতিত অনুষ্ঠিত বৈঠকত অসমৰ মুখ্য তথ্য বিষয়া ডঃ এ পি ৰাউটে আদৰণি ভাষণ দিয়ে । তেওঁ চৰকাৰী বিষয়া আৰু বিভিন্ন বিভাগৰ ৰাজহুৱা তথ্য বিষয়াসকলক তথ্যসমূহ সঠিকভাৱে ৰাখিবলৈ আহ্বান জনায় যাতে তথ্য জনাৰ অধিকাৰ আইনৰ অধীনত জনসাধাৰণে তথ্য বিচাৰিলে সময়মতে যোগান ধৰিব পৰা যায় । তেওঁ তথ্য জনাৰ অধিকাৰ আইনখনে ৰাইজৰ বাবে যিকোনো বিভাগৰ স্বচ্ছতা, জবাবদিহিতা আৰু দায়বদ্ধতা অটুট ৰখা তথা চৰকাৰী আঁচনিসমূহৰ সফল ৰূপায়ণৰ ক্ষেত্ৰত এটা গুৰুত্বপূৰ্ণ ভূমিকা পালন কৰে বুলি উল্লেখ কৰে । জনসাধাৰণে সহজে যাতে এই তথ্যসমূহ লাভ কৰে সেয়া সুনিশ্চিত কৰিবলৈ প্ৰয়োজনীয় সকলো ব্যৱস্থা গ্ৰহনৰ বাবে তেওঁ বিভাগসমূহক আহ্বান জনায় । 

অনুষ্ঠানত অংশ লৈ ৰাজ্যিক তথ্য আয়ুক্ত শ্ৰী কনক চন্দ্ৰ শৰ্মাই কেতবোৰ নিৰ্দিষ্ট বিধি ব্যৱস্থাৰ অধীনত ৰাজহুৱা তথ্য-পাতিসমূহ শৃঙ্খলাবদ্ধভাৱে ৰখাৰ বিষয়ত গুৰুত্ব আৰোপ কৰে । তেওঁ কয় যে ইতিমধ্যে আইনে ৰাজহুৱা তথ্য-পাতি ৰখাৰ কেতবোৰ বিধি ব্যৱস্থা নিৰ্ধাৰণ কৰিছে । প্ৰতিগৰাকী বিষয়াই তথ্যসমূহ নিৰ্ধাৰিত ব্যৱস্থা অনুসৰি মজুত ৰাখিলে কোনো আবেদনকাৰীয়ে তথ্য বিচাৰি ঘুৰ্মুটিয়াই ফুৰিবলগীয়া নহয় বুলি তেওঁ মত প্ৰকাশ কৰে । 

অনুষ্ঠানত ৰাজ্যিক তথ্য আয়ুক্ত শ্ৰী সমুদ্ৰ গুপ্ত কাশ্যপে পাৱাৰপইণ্ট প্ৰেজেণ্টেশ‍্যনৰ সহায়ত তথ্য জনাৰ অধিকাৰ আইন সন্দৰ্ভত বিতং ব্যাখ্যা আগবঢ়ায় । তেওঁ বিষয়াসকলক নিৰ্ধাৰিত সময়ৰ ভিতৰত আবেদনকাৰীক তথ্য প্ৰদানৰ ব্যৱস্থা সুনিশ্চিত কৰিবলৈ আহ্বান জনায় । তেওঁ কয় যে এই আইনখন চৰকাৰ, আৰক্ষী বা ন্যায়ালয়ে নহয়, বৰং ৰাইজেহে ৰূপায়ন কৰে । ইয়াত ৰাইজৰ স্বাৰ্থ আটাইতকৈ ওপৰত বুলি উল্লেখ কৰি তেওঁ কয় যে ভাৰতীয় সংবিধানৰ মতে তথ্য জনাৰ অধিকাৰ আইন এটা মৌলিক অধিকাৰ । 

অনুষ্ঠানত বিভিন্ন বিভাগৰ মুৰব্বী বিষয়াসকলে এই আইনৰ অধীনত তথ্য প্ৰদান কৰিবলৈ যাওঁতে সন্মুখীন হোৱা সমস্যাসমূহৰ বিষয়ে অৱগত কৰে । অনুষ্ঠানত ৰাজ্যিক তথ্য আয়োগৰ সচিব শ্ৰী অনিল কুমাৰ দেউৰীয়ে উপস্থিত সকলোকে আদৰণি জনোৱাৰ লগতে শলাগৰ শৰাই আগবঢ়ায় । 

*জনসংযোগ, গোলাঘাট*

NORTHEAST NEWS INDIA

COVID-19🦠😷 Vaccination Session site list Golaghat District. On 25/10/2021

COVID-19🦠😷 Vaccination Session site list Golaghat District. On 25/10/2021

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*গোলাঘাটত প্ৰধানমন্ত্ৰী আৱাস যোজনা (নগৰ)ৰ অধীনৰ হিতাধিকাৰীৰ বাসগৃহৰ গৃহ প্ৰৱেশ অনুষ্ঠানত মন্ত্ৰী অজন্তা নেওগ**গোলাঘাট নগৰত ৬০ শতাংশ হিতাধিকাৰীৰ প্ৰথম কিস্তিৰ ধন লাভ*

জনসংযোগ, গোলাঘাট   প্ৰেছ বিজ্ঞপ্তি নং : ১৮২

*গোলাঘাটত প্ৰধানমন্ত্ৰী আৱাস যোজনা (নগৰ)ৰ অধীনৰ হিতাধিকাৰীৰ বাসগৃহৰ গৃহ প্ৰৱেশ অনুষ্ঠানত মন্ত্ৰী অজন্তা নেওগ*

*গোলাঘাট নগৰত ৬০ শতাংশ হিতাধিকাৰীৰ প্ৰথম কিস্তিৰ ধন লাভ*

গোলাঘাট, ২৩ অক্টোবৰঃ বিত্ত আৰু সমাজ কল্যান মন্ত্ৰী শ্ৰীযুতা অজন্তা নেওগে আজি গোলাঘাট পৌৰ সভাৰ ১৩ নং ৱাৰ্ডৰ চন্দন নগৰত প্ৰধানমন্ত্ৰী আৱাস যোজনা (নগৰ)ৰ শ্ৰী প্ৰদীপ সন্দিকৈ নামৰ হিতাধিকাৰীজনৰ নৱনিৰ্মিত গৃহটোৰ গৃহ প্ৰৱেশ অনুষ্ঠানত অংশগ্ৰহণ কৰে । তেওঁ কয় যে এই আঁচনিৰ অধীনত গোলাঘাট নগৰত এতিয়ালৈকে ৫৯০ টা ঘৰৰ অনুমোদন লাভ কৰিছে । ইয়াৰে ৬০ শতাংশ হিতাধিকাৰীয়ে প্ৰথম কিস্তিৰ ধন লাভ কৰিছে আৰু ১৪৭ জনে আচঁনিখনৰ দ্বিতীয় কিস্তিৰ ধনো লাভ কৰিছে । প্ৰধানমন্ত্ৰী নৰেন্দ্ৰ মোদী চৰকাৰখনে দুখীয়া ৰাইজৰ কল্যানৰ বাবে ভালেখিনি উন্নয়নমূলক পদক্ষেপ গ্ৰহণ কৰিছে বুলিও তেওঁ উল্লেখ কৰে । তেওঁ লগতে প্ৰধানমন্ত্ৰী আৱাস যোজনাৰ অধীনত প্ৰথম কিস্তিৰ ধন লাভ কৰা লোকসকলক সোনকালে এই ধন খৰছ কৰিবলৈ আহ্বান জনায় যাতে তেওঁলোকে অচিৰেই দ্বিতীয় কিস্তিৰ ধনো লাভ কৰে । আনহাতে বৰ্তমান এই আঁচনিৰ অধীনত গৃহৰ বাবে যিসকলে আবেদন কৰিছে যোগ্য প্ৰতিজন লোকে গৃহ লাভ কৰিব বুলি তেওঁ আশ্বাস দিয়ে । উল্লেখযোগ্য যে হিতাধিকাৰীগৰাকীয়ে এই আঁচনিৰ অধীনত লাভ কৰা ২লাখ টকাৰ লগতে নিজেও কিছু ধন ব্যয় কৰি এই গৃহটো নিৰ্মাণ কৰি উলিয়াইছে । আজিৰ অনুষ্ঠানত গোলাঘাট সদৰৰ মহকুমাধিপতি ডঃ সংগীতা বৰঠাকুৰ আৰু জিলা প্ৰশাসনৰ কেইবাগৰাকীও বিষয়া উপস্থিত আছিল ।

*জনসংযোগ, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

COVID-19🦠😷 Vaccination Session site list Golaghat District. On 21/10/2021

COVID-19🦠😷 Vaccination Session site list Golaghat District. On 21/10/2021

Golaghat COVID-19🦠😷 Details

Golaghat COVID-19🦠😷 Details

COVID-19🦠😷 Vaccination Session site list Golaghat District. On 20/10/2021

COVID-19🦠😷 Vaccination Session site list Golaghat District. On 20/10/2021

Golaghat COVID-19🦠😷 Details

Golaghat COVID-19🦠😷 Details

*গোলাঘাট জিলাত সকলো সাপ্তাহিক গৰু-ম'হৰ বজাৰ সাময়িকভাৱে বন্ধ ঘোষণা*

জনসংযোগ, গোলাঘাট   প্ৰেছ বিজ্ঞপ্তি নং : ১৮১

*গোলাঘাট জিলাত সকলো সাপ্তাহিক গৰু-ম'হৰ  বজাৰ সাময়িকভাৱে বন্ধ ঘোষণা*

গোলাঘাট, ১৮ অক্টোবৰঃ গোলাঘাট জিলা প্ৰশাসনে জিলাখনৰ বিভিন্ন ঠাইত থকা সকলো সাপ্তাহিক  গৰু-ম'হৰ বজাৰ সাময়িকভাৱে বন্ধ ৰখাৰ নিৰ্দেশ দিছে । জিলাখনত ক'ভিডৰ সংক্ৰমণৰ পৰিপ্ৰেক্ষিতত আৰু চুবুৰীয়া ৰাজ্যত গৰুৰ দেহত কোনো সংক্ৰামক ৰোগৰ প্ৰাদূৰ্ভাৱ ঘটাৰ প্ৰতি লক্ষ্য ৰাখি জিলা উপায়ুক্ত তথা জিলা দুৰ্যোগ ব্যৱস্থাপনা প্ৰাধিকৰণৰ অধ্যক্ষই দুৰ্যোগ ব্যৱস্থাপনা আইন, ২০০৫ ৰ অধীনত এই নিৰ্দেশ জাৰি কৰিছে । সেই অনুসৰি এনে সাপ্তাহিক বজাৰসমূহত মানুহ আৰু পশুধনৰ স্বাস্থ্যৰক্ষা আৰু পৰিষ্কাৰ-পৰিচ্ছন্নতাৰ বিভিন্ন দিশ চালি জাৰি চাই উপযুক্ত ব্যৱস্থা গ্ৰহণৰ বাবে পৰামৰ্শ প্ৰদান কৰিব পৰাকৈ এখন সমিতি গঠন কৰা হৈছে । সমিতিখনক ১৫ দিনৰ ভিতৰত ইয়াৰ প্ৰতিবেদন দাখিল কৰিবলৈ নিৰ্দেশ দিয়া হৈছে । প্ৰতিবেদন দাখিল নকৰালৈকে এই বজাৰসমূহ সাময়িকভাৱে বন্ধ থাকিব । জিলা পৰিষদৰ মুখ্য কাৰ্যবাহী বিষয়াৰ অধ্যক্ষতাত গঠিত সমিতিখনত অতিৰিক্ত উপায়ুক্ত, স্বাস্থ্য সেৱাৰ যুটীয়া সঞ্চালক, জিলা পশু চিকিৎসা বিষয়া আৰু ধনশিৰি আৰু বোকাখাত মহকুমাৰ মহকুমাধিপতি অথবা মহকুমাধিপতিৰ প্ৰতিনিধি সদস্য হিচাপে থাকিব । 

*জনসংযোগ, গোলাঘাট*

NORTHEAST NEWS INDIA