এটি বিশেষ ঘোষণা

25 Jun, 2021

এটি বিশেষ ঘোষণা

গোলাঘাট জিলা প্ৰশাসনে স্পষ্ট কৰি দিছে যে আধাৰৰ নাম পঞ্জীয়নৰ নামত কোনো এজেঞ্চি বা কোম্পানীয়ে ৰাইজৰ পৰা কোনোধৰণৰ মাচুল আদায় কৰিব নোৱাৰিব । অতিৰিক্ত উপায়ুক্তৰ স্বাক্ষৰসম্বলিত এখন জাননীত এই কথা স্পষ্ট কৰি দিয়া হৈছে । কোনো এজেঞ্চিয়ে এনে কাৰ্য কৰাটো প্ৰমাণিত হ'লে আইনমতে দণ্ডনীয় হ'ব । অৱশ্যে কোনো লোকে নিজৰ ইচ্ছামতে স্মাৰ্ট কাৰ্ড প্ৰস্তুত কৰিব বিচাৰিলে সেয়া সম্পূৰ্ণ ব্যক্তিগত বিষয় হিচাপে বিবেচিত হ'ব । ইয়াৰ বাবে জিলা প্ৰশাসন জগৰীয়া নহয় বুলি জাননীখনত কোৱা হৈছে । আধাৰৰ সৈতে জড়িত সকলো এজেঞ্চি আৰু কোম্পানীয়ে আধাৰ পঞ্জীয়ন কেন্দ্ৰসমূহত জনসাধাৰণৰ দৃষ্টিগোচৰ হোৱাকৈ এই জাননীখন আঁৰি থোৱাৰ ব্যৱস্থা কৰিব লাগিব বুলি প্ৰশাসনে নিৰ্দেশ জাৰি কৰিছে ।

                                                   জিলা তথ্য আৰু জনসংযোগ বিষয়া, গোলাঘাট