ধনশিৰি নদীত বিহ দি জলজ প্ৰাণী নিধন ৷

 20 April, 2021

ধনশিৰি নদীত বিহ দি জলজ প্ৰাণী নিধন ৷

জিলাৰ বাতৰি দিওতা গোলাঘাট 20 এপ্ৰিল

গোলাঘাটৰ ধনশিৰি নদীত আজি পুৱতী নিশা কোনো দুষ্কৃতিকৰাৰীয়ে বিহ ঢ়লাৰ বাতৰি পাই শশ লোকে মাছ মাৰিবলৈ নদীৰ পানীত নামিপৰে ৷ বিহ দিয়া দুস্কৃতিকাৰীয়ে নিশাই মাছ কাছ মাৰি আতৰি যায় ৷  উল্লেখ্য যে প্ৰতি বছৰে এনে সময়তে দৈয়াং আৰু ধনশিৰী নদীত বিহঢ়ালি আহিছে ৷ ফলত এই নদীৰ পানী সেৱন কৰা বণ্য -ঘৰচিয়া জীৱ জন্ত পক্ষী তিল তিলকৈ ৰোগগ্ৰস্ত হৈ মৃত্যু মুখলৈ গতি কৰিছে ৷ আনহাতে গোলাঘাটৰ পৌৰসভাই ধনশিৰি নদীৰ পানী শোধনকৰি চহৰবাসীক যোগানধৰি আহিছে  ; হোটেল আদিত এই পানী গ্ৰাহকক খুওৱা হয় ৷ এই নদী সমূহত বিহ দি মাছ কাছ নিধন কৰি আহিছে যদিও কোনোএটা চৰকাৰি বিভাগে দুষ্কৰ্মকৰা লোকক কৰায়ত্ত নকৰে ৷ ইফালে কাকডোঙা ; খাৰজান ; কলীয়াপানী কে ধৰি কেইবাখনো নদীত পানী হলেহে মাছৰ উজান উঠে ৷ সেই সময়ো সমাগত ৷ নদীত পানী বৃদ্ধি হলেই দুস্কৃতিকাৰীয়ে প্ৰতি বছৰে বিহ দি ইয়াৰ মাছ গোলাঘাটৰ আৰু যোৰহাটৰ বজাৰত বিক্ৰী কৰে ফলত অজানিতে বিহযুক্ত মাছ ৰাইজে খাই আহিছে:: 

প্ৰকাশ শৰ্মা গোলাঘাট  নৰ্থইষ্ট নিউজ ইণ্ডিয়া