গোলাঘাট জিলাৰ চাৰিটা সমষ্টিৰ বাবে আজি ১৩ গৰাকী প্ৰাৰ্থীয়ে মনোনয়ন পত্ৰ দাখিল কৰে ।

08 March, 2021

প্ৰেছ বিজ্ঞপ্তি

গোলাঘাট জিলাত আজি ১৩ গৰাকী প্ৰাৰ্থীৰ মনোনয়ন পত্ৰ দাখিল

গোলাঘাট : গোলাঘাট জিলাৰ চাৰিটা সমষ্টিৰ বাবে আজি ১৩ গৰাকী প্ৰাৰ্থীয়ে মনোনয়ন পত্ৰ দাখিল কৰে ।

৯৫-গোলাঘাট সমষ্টিত বিজেপি প্ৰাৰ্থী অজন্তা নেওগ, কংগ্ৰেছৰ বিতোপন শইকীয়া আৰু অসম জাতীয় পৰিষদৰ হৈ ৰীণা শইকীয়াই ৰিটাৰ্ণিং বিষয়া তথা জিলা উপায়ুক্ত বিভাষ চন্দ্ৰ মোদীৰ ওচৰত মনোনয়ন পত্ৰ দাখিল কৰে । আনহাতে ৯৬-খুমটাই সমষ্টিৰ বাবে কংগ্ৰেছৰ বিস্মিতা গগৈ, অসম জাতীয় পৰিষদৰ পবন শইকীয়া আৰু নিৰ্দলীয় প্ৰাৰ্থী প্ৰিয়ম কোঁৱৰে খুমটাই সমষ্টিৰ ৰিটাৰ্ণিং বিষয়া তথা অতিৰিক্ত উপায়ুক্ত মুন গগৈৰ ওচৰত  মনোনয়ন পত্ৰ দাখিল কৰে । ৯৩-বোকাখাট সমষ্টিত অসম গণ পৰিষদ দলৰ অতুল বৰা, ৰাইজৰ দলৰ হৈ জীৱন বৰা, নিৰ্দলীয় প্ৰাৰ্থী প্ৰণৱ দলে আৰু দুলাল বৰাই মনোনয়ন পত্ৰ দাখিল কৰে । সমষ্টিটোৰ বাবে পূৰ্বে আম আদমী পাৰ্টিৰ বিজয় কুটুম আৰু নিৰ্দলীয় প্ৰাৰ্থী হিচাপে জিতেন গগৈয়ে মনোনয়ন পত্ৰ দাখিল কৰিছিল । ইফালে ৯৪-সৰুপথাৰ সমষ্টিৰ কংগ্ৰেছ প্ৰাৰ্থী ৰ'জলিনা টিৰ্কী, বিজেপিৰ বিশ্বজিৎ ফুকন আৰু নিৰ্দলীয় প্ৰাৰ্থী গোপাল গগৈয়ে আজি মনোনয়ন পত্ৰ দাখিল কৰে । কাইলৈ মনোনয়ন পত্ৰ দাখিলৰ অন্তিম দিন । ১০মাৰ্চত মনোনয়ন পত্ৰসমূহ পৰীক্ষা কৰা হ'ব । মনোনয়ন পত্ৰ প্ৰত্যাহাৰৰ অন্তিম দিন অহা ১২ মাৰ্চ ।

গোলাঘাট নিৰ্বাচনী জিলাৰ প্ৰচাৰ কোষ

সঞ্জীৱ কুমাৰ প্ৰজাপতি ৰ ৰিপৰ্ত ,নৰ্থইষ্ট নিউজ ইণ্ডিয়া