Welcome

Welcome

গোলাঘাটত দুটা আদৰ্শ অংগনৱাড়ী কেন্দ্ৰ মুকলি মন্ত্ৰী কেশৱ মহন্তৰ

জনসংযোগ, গোলাঘাট প্ৰেছ বিজ্ঞপ্তি নং : ৩২২/২০২২

*গোলাঘাটত দুটা আদৰ্শ অংগনৱাড়ী কেন্দ্ৰ মুকলি মন্ত্ৰী কেশৱ মহন্তৰ

*

*গাঁৱৰ শিশুহঁতে যাতে হীনমন্যতাত ভুগিবলগীয়া নহয় সেয়া সুনিশ্চিত কৰিবলৈ ৰাজ্য চৰকাৰ বদ্ধপৰিকৰ*

গোলাঘাট, ১৪ আগষ্ট : অসম চৰকাৰৰ স্বাস্থ্য আৰু পৰিয়াল কল্যাণ বিভাগৰ মন্ত্ৰী তথা গোলাঘাট জিলাৰ অভিভাৱক মন্ত্ৰী কেশৱ মহন্তই আজি গোলাঘাট জিলাত দুটা আদৰ্শ অংগনৱাড়ী কেন্দ্ৰ মুকলি কৰে ।প্ৰথমে তেওঁ ১নং ফৰকাটিং আদৰ্শ অংগনৱাড়ী কেন্দ্ৰটো মুকলি কৰে । এই উপলক্ষে আয়োজিত অনুষ্ঠানত দিয়া ভাষণত মন্ত্ৰীগৰাকীয়ে অংগনৱাড়ী কেন্দ্ৰসমূহ শিশুৰ বুনিয়াদ গঢ়াৰ প্ৰথমটো ঢাপ বুলি উল্লেখ কৰি কয় যে এইবছৰ বাজেটত দুহেজাৰটা অতিৰিক্ত আদৰ্শ অংগনৱাড়ী কেন্দ্ৰ স্থাপনৰ বাবে ধাৰ্য কৰা হৈছে । তেওঁ কয় যে গাঁৱৰ শিশুহঁতে যাতে কেতিয়াও হীনমন্যতাত ভুগিবলগীয়া নহয় তাৰ বাবে মুখ্যমন্ত্ৰী ডঃ হিমন্ত বিশ্ব শৰ্মাই অসমৰ প্ৰতিটো অংগনৱাড়ী কেন্দ্ৰকেই আদৰ্শ হিচাপে গঢ় দিব বিচাৰিছে । প্ৰতিটো শিশুৱে ভাল পৰিৱেশত ভাল আন্তঃগাঁথনিত যাতে শিক্ষা লাভ কৰিব পাৰে সেয়া সুনিশ্চিত কৰাৰ বাবে চৰকাৰ বদ্ধপৰিকৰ বুলি তেওঁ কয় । তেওঁ কয় যে এতিয়া ৰাজ্যখনলৈ পৰিৱৰ্তন আহিছে আৰু এই পৰিৱৰ্তনৰ ফচল আমি উন্নয়নৰ ধাৰাত প্ৰত্যক্ষ কৰিছোঁ । তেওঁ নিজৰ ল'ৰা-ছোৱালীক এই অংগনৱাড়ী কেন্দ্ৰসমূহলৈ প্ৰেৰণ কৰিবলৈ আহ্বান জনায় । অনুষ্ঠানত জিলা উপায়ুক্ত মৃগেশ নাৰায়ণ বৰুৱা, অতিৰিক্ত উপায়ুক্ত ডঃ সংগীতা বৰঠাকুৰ, জিলা সমাজ কল্যাণ বিষয়া গৌৰীপ্ৰিয়া দেউৰী আৰু অসম গণ পৰিষদ দলৰ জিলা সভাপতি ডঃ নৃপেন বৰুৱা উপস্থিত আছিল । ইয়াৰ পিছতেই তেওঁ ঊষা গৰঙা চাহ বাগিচাত স্থাপন কৰা ৫ নং ঊষা বাগান আদৰ্শ অংগনৱাড়ী কেন্দ্ৰটো মুকলি কৰে । অনুষ্ঠানত উপায়ুক্ত, অতিৰিক্ত উপায়ুক্ত, অগপৰ জিলা সভাপতি, পদুমনি আঞ্চলিক পঞ্চায়তৰ সভানেত্ৰী অঞ্জুমনি সন্দিকৈ বৰা আৰু জিলা সমাজ কল্যাণ বিষয়া উপস্থিত আছিল । দুয়োটা অনুষ্ঠানতে অংগনৱাড়ী কেন্দ্ৰৰ কৰ্মী সহায়িকা, কেন্দ্ৰ নিৰ্মাণ সমিতি আৰু স্থানীয় ৰাইজ উপস্থিত আছিল । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

গোলাঘাটত বিভাজন বিভীষিকা স্মৃতি দিৱস পালন

জনসংযোগ, গোলাঘাট প্ৰেছ বিজ্ঞপ্তি নং : ৩২১/২০২২

*গোলাঘাটত বিভাজন বিভীষিকা স্মৃতি দিৱস পালন

*

*আমাৰ বাবে ভাল ভাৰতীয় হৈ থকাৰ বিকল্প নাই : কেশৱ মহন্ত*

*১৯৪৭ চনৰ বিভাজনক ইতিহাসৰ পাতৰ এটা পাঠ হিচাপে লৈ হিংসাবৰ্জিত এখন অখণ্ড ভাৰত গঢ়াৰ বাবে বদ্ধপৰিকৰ হোৱা উচিত : লাচিত বৰুৱা*

*১১ গৰাকী ব্যক্তি-অনুষ্ঠানক সম্বৰ্ধনা* 

গোলাঘাট, ১৪ আগষ্ট : ৰাজ্য চৰকাৰে ১৯৪৭ চনৰ দেশ বিভাজনৰ বিভীষিকাময় পৰিস্থিতিত মৃত্যুবৰণ কৰিবলগীয়া হোৱা আৰু নিজৰ শিপাৰ পৰা বিচ্ছিন্ন হৈ পৰা লোকসকলৰ স্মৃতি সুঁৱৰি প্ৰতি বছৰে ১৪ আগষ্টৰ দিনটো "বিভাজন বিভীষিকা স্মৃতি দিৱস" হিচাপে পালন কৰাৰ সিদ্ধান্ত লৈছে । বৰ্তমান আৰু ভৱিষ্যত প্ৰজন্মক বিভাজনৰ সময়ত মানুহৰ দুৰ্দশা আৰু সেই বিভীষিকাময় সময়ৰ বিষয়ে অৱগত কৰি ভৱিষ্যতে যাতে কেতিয়াও এনে পৰিস্থিতিৰ সৃষ্টি নহয় সেই উদ্দেশ্যে অহিংসা, একতা, শান্তি আৰু সম্প্ৰীতিৰ বাণীৰে গোলাঘাটতো আজি এই দিৱস পালন কৰা হয় । এই উপলক্ষে গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত আয়োজিত স্মৃতি দিৱসৰ অনুষ্ঠানত অসম চৰকাৰৰ স্বাস্থ্য আৰু পৰিয়াল কল্যাণ ইত্যাদি বিভাগৰ মন্ত্ৰী তথা গোলাঘাট জিলাৰ অভিভাৱক মন্ত্ৰী কেশৱ মহন্তই মুখ্য অতিথি হিচাপে অংশগ্ৰহণ কৰে । তেওঁ ১৯৪৭ চনৰ দেশ বিভাজনৰ সময়ৰ বিভীষিকা প্ৰসংগত কয় যে সেই সময়ৰ কথাবোৰে আমাক এনে এটা পাঠ দি গ'ল যে এতিয়া আমাৰ বাবে ভাল ভাৰতীয় হৈ থকাৰ বিকল্প নাই । সভ্যতা, সংস্কৃতিত চহকী ভাৰতবৰ্ষখনক দ্বিখণ্ডিত কৰি ব্ৰিটিছে সমস্ত শক্তিক যেনেকৈ বিভাজিত কৰিছিল গোপীনাথ বৰদলৈয়ে নেতৃত্ব নোলোৱাহ'লে অসম আৰু অসমীয়াৰ অস্তিত্ব ৰক্ষাই জটিল হৈ পৰিলহেঁতেন । তেওঁ ভাৰতীয় সংবিধানৰ প্ৰতি দায়বদ্ধতা প্ৰদৰ্শন কৰি এগৰাকী ভাৰতীয় হিচাপে সেই দুৰ্বিসহ সময়ৰ যাতে পুনৰাবৃত্তি নহয় তাৰ বাবে বিভাজনমুখী শক্তিসমূহক পৰাভূত কৰি সদা সতৰ্ক হৈ আগবাঢ়িবলৈ আহ্বান জনায় । 

অনুষ্ঠানত মুখ্য বক্তা হিচাপে অংশ লৈ ফৰকাটিং মহাবিদ্যালয়ৰ বুৰঞ্জী বিভাগৰ প্ৰাক্তন মুৰব্বী অধ্যাপক লাচিত বৰুৱাই দেশ বিভাজনৰ সময়ৰ সমগ্ৰ প্ৰেক্ষাপট, সেই সময়ৰ মানুহৰ দুৰৱস্থা আৰু ইয়াৰ পৰিণতি আদি সম্পৰ্কে বিশদভাবে বৰ্ণনা আগবঢ়ায় । তেওঁ কয় যে দেশ বিভাজনৰ ফলত দুয়োফালৰ পৰা প্ৰব্ৰজন, আইন-শৃংখলা পৰিস্থিতিৰ অৱনতি, সাম্প্ৰদায়িক হিংসা, কাশ্মীৰ সমস্যা, জলসম্পদৰ সমস্যা আদিয়ে গা কৰি উঠিছিল । এই সময়ছোৱাত বহু লোকে প্ৰাণ হেৰুৱাইছিল আৰু বহু লোক নিখোজ হৈছিল । এয়া আছিল যুদ্ধোত্তৰ কালৰ মানৱ ইতিহাসৰ সৰ্ববৃহৎ প্ৰব্ৰজনৰ ঘটনা । বৰ্তমানৰ প্ৰজন্ম তথা জনসাধাৰণে ১৯৪৭ চনৰ বিভাজনক ইতিহাসৰ পাতৰ এটা পাঠ হিচাপে লৈ হিংসাবৰ্জিত এখন অখণ্ড ভাৰত গঢ়াৰ বাবে বদ্ধপৰিকৰ হোৱা উচিত বুলি তেওঁ মত প্ৰকাশ কৰে । অনুষ্ঠানত জিলা উপায়ুক্ত মৃগেশ নাৰায়ণ বৰুৱাই দেশ বিভাজনৰ সময়ৰ কথা স্মৰণ কৰি যিকোনো বিভাজনমুখী শক্তিক পৰাভূত কৰি এখন সুস্থ, শান্তি আৰু প্ৰগতিৰ সমাজ প্ৰতিষ্ঠাৰ পোষকতা কৰে । 

অনুষ্ঠানত জিলা পৰিষদৰ সভানেত্ৰী হেলিনা পেগু দলে, জিলা উন্নয়ন আয়ুক্ত অৰ্পা বাগলাৰী, জিলা পৰিষদৰ মুখ্য কাৰ্যবাহী বিষয়া ধীৰাজ দাস, বিশিষ্ট লেখক হীৰেন গগৈ, অমিয় কুমাৰ বৰা, জিলা বিজেপিৰ সভাপতি দেৱপ্ৰদীপ বৰা, অসম গণ পৰিষদ দলৰ জিলা সভাপতি ডঃ নৃপেন বৰুৱা আৰু কেইবাগৰাকীও জ্যেষ্ঠ নাগৰিক, কেইবাটাও মহিলা সংগঠনৰ প্ৰতিনিধি, জ্যেষ্ঠ সাংবাদিক, প্ৰশাসনৰ বিষয়ববীয়া আৰু ৰাইজ উপস্থিত আছিল ।

আজিৰ অনুষ্ঠানতে গোলাঘাটৰ ১০ গৰাকী ব্যক্তি আৰু ফৰকাটিং মহাবিদ্যালয়ক স্বাধীনতা দিৱস উদযাপনৰ সৈতে সংগতি ৰাখি জিলা প্ৰশাসনৰ তৰফৰ পৰা সম্বৰ্ধনা জ্ঞাপন কৰা হয় । সম্বৰ্ধনা জ্ঞাপন কৰাসকল হ'ল উচ্চতৰ মাধ্যমিক চুড়ান্ত বৰ্ষত কলা শাখাত নৱম স্থানপ্ৰাপক ফৰকাটিং ছিনিয়ৰ চেকেণ্ডাৰী হাইস্কুলৰ ৰাস্না গগৈ, চি বি এছ ইৰ দ্বাদশ শ্ৰেণীৰ চুড়ান্ত শাখাত ৰাষ্ট্ৰীয় পৰ্যায়ত চতুৰ্থ স্থান দখল কৰা হৰিদ্ৰা বৰা, দৈয়াং অঞ্চলৰ শিক্ষাৰ প্ৰসাৰৰ ক্ষেত্ৰত অৱদান আগবঢ়াই অহা দৈয়াং হাইস্কুলৰ প্ৰতিষ্ঠাপক প্ৰধান শিক্ষক মহেন বৰুৱা, কমাৰবন্ধা অঞ্চলৰ বিশিষ্ট সমাজ সেৱিকা জয়ন্তী হিলৈদাৰী আৰু ৪৭ সংখ্যক জুনিয়ৰ নেচনেল একুৱাটিক চেম্পিয়নশ্বিপ, ২০২১ৰ ৫০ মিটাৰ বাটাৰফ্লাই ল'ৰাৰ শাখাত প্ৰথম স্থান অধিকাৰ কৰি সোণৰ পদক লাভ কৰা জনঞ্জয় জ্যোতি হাজৰিকা । প্ৰশাসনৰ ফালৰ পৰা যোৱা ২৮ জুন তাৰিখে গোলাঘাট জিলাৰ খুমটাই আৰক্ষী চকীৰ অন্তৰ্গত বগৰিয়নী গাঁৱৰ মাজেদি যোৱা ৰেলপথটোৰ চিৰি ভাঙি থকা প্ৰত্যক্ষ কৰি নুমলীগড় শোধনাগাৰৰ পৰা আহি থকা তৈল পৰিবাহী ৰেলখনক নিজৰ বুদ্ধিমত্তাৰে ৰখাই এটা সম্ভাব্য দূৰ্ঘটনাৰ পৰা বছাবলৈ সক্ষম হোৱা অতুল গগৈ, চুবু কুৰ্মি আৰু ৰাজেশ গৰাইটকো অনুষ্ঠানত সম্বৰ্ধনা জনোৱা হয় । অনুষ্ঠানত ২০২১ চনৰ ৫ ডিচেম্বৰত গোলাঘাট জিলাৰ মৰঙি ৰাজহ চক্ৰৰ অধীনৰ থুৰাজান অঞ্চলত ধনশিৰি নদীৰ পাৰত বনভোজ খাবলৈ গৈ দুৰ্ভাগ্যবশতঃ নুমলীগড় শোধনাগাৰৰ অভিযন্তা ৰক্তিম বৰুৱা আৰু তেওঁৰ ৮ বছৰীয়া পুত্ৰ আৰিয়ান বৰুৱা হঠাত নদীৰ পানীত পৰি যোৱা দেখি সাহসিকতা আৰু দক্ষতাৰে নিজৰ জীৱনকো তুচ্ছ জ্ঞান কৰি আৰিয়নক পানীৰ পৰা জীৱিত অৱস্থাত উদ্ধাৰ কৰিবলৈ সক্ষম হোৱা গোপাল গাদুৱা আৰু প্ৰশান্ত তাঁতীক সম্বৰ্ধনা জনোৱা হয় । লগতে 'নাক'ৰ সমীক্ষাত এ প্লাছ গ্ৰেড পোৱা আৰু ইণ্ডিয়া টুডেৰ এটা সমীক্ষাত কলা শাখাত শ্ৰেষ্ঠ মহাবিদ্যালয় শিতানত দেশৰ ভিতৰত ১৩০ সংখ্যক স্থান লাভ কৰা ফৰকাটিং মহাবিদ্যালয়ক সম্বৰ্ধনা জনোৱা হয় ।  

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

১৩ আগষ্ট ২০২২ঃ ঘৰে ঘৰে উৰুৱাও ৰাষ্ট্ৰীয় পতাকা !গোলাঘাট জিলাৰ হাতীখুলি চাহ বাগিচা এলেকাত "হৰ ঘৰ তিৰংগা" কাৰ্যসূচীৰ অংশৰূপে পতাকা উত্তোলন আৰু সজাগতা অভিযানৰ কেইটামান দৃশ্য ।

১৩ আগষ্ট ২০২২ঃ ঘৰে ঘৰে উৰুৱাও ৰাষ্ট্ৰীয় পতাকা !

গোলাঘাট জিলাৰ হাতীখুলি চাহ বাগিচা এলেকাত "হৰ ঘৰ তিৰংগা" কাৰ্যসূচীৰ অংশৰূপে পতাকা উত্তোলন আৰু সজাগতা অভিযানৰ কেইটামান দৃশ্য ।

NORTHEAST NEWS INDIA

ঘৰে ঘৰে উৰুৱাও ৰাষ্ট্ৰীয় পতাকা !গোলাঘাট জিলাৰ জামুগুৰি আৰু ৱকা চাহ বাগিচাত আজি চাহ বাগিচাৰ বিষয়া-কৰ্মচাৰী, বনুৱা আৰু কৰ্মীসকলে "হৰ ঘৰ তিৰংগা" কাৰ্যসূচীৰ সজাগতা অভিযান চলায় ।

ঘৰে ঘৰে উৰুৱাও ৰাষ্ট্ৰীয় পতাকা !

গোলাঘাট জিলাৰ জামুগুৰি আৰু ৱকা চাহ বাগিচাত আজি চাহ বাগিচাৰ বিষয়া-কৰ্মচাৰী, বনুৱা আৰু কৰ্মীসকলে "হৰ ঘৰ তিৰংগা" কাৰ্যসূচীৰ সজাগতা অভিযান চলায় ।

NORTHEAST NEWS INDIA

আজিৰে পৰা ১৫ আগষ্টলৈ আহক আমি ঘৰে ঘৰে উৰুৱাও ৰাষ্ট্ৰীয় পতাকা !গোলাঘাট জিলাৰ দক্ষিণ হেঙেৰা চাহ বাগিচাত "হৰ ঘৰ তিৰংগা" কাৰ্যসূচীৰ সজাগতা অভিযান আৰু পতাকা উত্তোলনৰ কেইটামান দৃশ্য ।

আজিৰে পৰা ১৫ আগষ্টলৈ আহক আমি ঘৰে ঘৰে উৰুৱাও ৰাষ্ট্ৰীয় পতাকা !

গোলাঘাট জিলাৰ দক্ষিণ হেঙেৰা চাহ বাগিচাত "হৰ ঘৰ তিৰংগা" কাৰ্যসূচীৰ সজাগতা অভিযান আৰু পতাকা উত্তোলনৰ কেইটামান দৃশ্য ।

NORTHEAST NEWS INDIA