Assam COVID-19🦠😷 Details 20/07/2022.

Golaghat Breaking

GOLAGHAT 20 July, 2022: Two days training from 19th July to 20th July 2022 for SAKHI Volunteers on Snake bite and medical emergency has been successfully completed today at Kuruka MES, Kuruka village under Morongi Circle. Dr. Arun Ch. Mahanta, Jt. Director of health services, Golaghat had taken session on medical emergency including CPR in the training programe. Dr. Robin Tamuly, Sr. M&HO, SKKCH on snake bite and First Aid, Dr. Rakesh Baa, M & HO-I, SKKCH on medical emergency Management and Sri Bikash Saikia, Asst. Deputy Controller, Jr. Civil Defence, Golaghat also took sessions on first aid and triangular bandage uses. Total 21 nos SAKHI participants including Field Officers, Disaster Management attended the training programme. Dr. Ananta Kr. Baruah, SDM&HO, SKKCH, Officials from Fire Safety Department, NRL, DPO, DDMA, Golaghat were also present in the training.

NORTHEAST NEWS INDIA

হৰ ঘৰ ত্ৰিৰংগা : গোলাঘাটত আত্মসহায়ক গোটৰ ডেৰ লাখ ৰাষ্ট্ৰীয় পতাকা প্ৰস্তুতকৰণৰ লক্ষ্য নিৰ্ধাৰণ, ঘৰে-ঘৰে ৰাষ্ট্ৰীয় পতাকা উত্তোলনৰ আহ্বান উপায়ুক্তৰ

জনসংযোগ গোলাঘাট প্ৰেছ বিজ্ঞপ্তি নং : ৩০১/২০২২

*হৰ ঘৰ ত্ৰিৰংগা : গোলাঘাটত আত্মসহায়ক গোটৰ ডেৰ লাখ ৰাষ্ট্ৰীয় পতাকা প্ৰস্তুতকৰণৰ লক্ষ্য নিৰ্ধাৰণ, ঘৰে-ঘৰে ৰাষ্ট্ৰীয় পতাকা উত্তোলনৰ আহ্বান উপায়ুক্তৰ

*

গোলাঘাট, ২০ জুলাই : গোলাঘাট জিলাতো অহা ১৩ আগষ্টৰ পৰা ১৫ আগষ্টলৈ ঘৰে-ঘৰে ৰাষ্ট্ৰীয় গৌৰৱৰ প্ৰতীক ৰাষ্ট্ৰীয় পতাকা উত্তোলনৰ কাৰ্যসূচী 'হৰ ঘৰ ত্ৰিৰংগা' সফল কৰি তোলাৰ উদ্দেশ্যে অসম ৰাজ্যিক গ্ৰামীণ জীৱিকা অভিযান, গোলাঘাটৰ অধীনত আত্মসহায়ক গোটসমূহে ৰাষ্ট্ৰীয় পতাকা প্ৰস্তুতকৰণৰ কাম অব্যাহত ৰাখিছে । জিলাখনত বিভিন্ন আত্মসহায়ক গোটে ডেৰ লাখ পতাকা প্ৰস্তুতকৰণৰ বাবে লক্ষ্য নিৰ্ধাৰণ কৰিছে । বিভিন্ন উন্নয়ন খণ্ডৰ অধীনত ঠায়ে ঠায়ে ৰাষ্ট্ৰীয় পতাকা বিক্ৰী কেন্দ্ৰ স্থাপন কৰা হৈছে । উপায়ুক্ত মৃগেশ নাৰায়ণ বৰুৱাই আজি অসম ৰাজ্যিক গ্ৰামীণ জীৱিকা অভিযান, গোলাঘাটৰ জিলা প্ৰকল্প প্ৰবন্ধকৰ পৰা কেইবাখনো পতাকা ক্ৰয় কৰি এই কাৰ্যসূচীৰ সফল ৰূপায়নৰ উদ্দেশ্যে ৰাইজক ব্যাপক ৰূপত অংশগ্ৰহনৰ বাবে আহ্বান জনায় । জিলা পৰিষদৰ মুখ্য কাৰ্যবাহী বিষয়া ধীৰাজ দাসেও কেইবাখনো পতাকা ক্ৰয় কৰি এই কাৰ্যসূচীত অংশ লয় । উল্লেখযোগ্য যে এই কাৰ্যসূচীৰ অধীনত জিলাখনৰ প্ৰতিটো উন্নয়ন খণ্ডতে আত্মসহায়ক গোটৰ দ্বাৰা ৰাষ্ট্ৰীয় পতাকা প্ৰস্তুত কৰি থকা হৈছে । আনহাতে জিলা গ্ৰামোন্নয়ন অভিকৰণৰ প্ৰকল্প সঞ্চালক অবিনাশ শইকীয়াই আজি কেইবাটাও স্থানত এনে বিপনী মুকলি কৰে । গোলাঘাট পশ্চিম উন্নয়ন খণ্ড, বোকাখাতৰ অধীনত উন্নয়ন খণ্ড বিষয়াৰ কাৰ্যালয়ৰ সন্মুখত আৰু গোলাঘাট উত্তৰ উন্নয়ন খণ্ড, দেৰগাঁৱৰ অধীনত কুৰালগুৰি চাৰিআলিত স্থাপন কৰা বিপনীৰ পৰা জনসাধাৰণে অতি কম মূল্যত ৰাষ্ট্ৰীয় পতাকা ক্ৰয় কৰিব পাৰিব বুলি তেওঁ জানিবলৈ দিয়ে ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Welcome

*গোলাঘাট জিলাৰ বৰকছাৰী গাৱঁত গাহৰি, গাহৰিৰ মাংস, গাহৰিৰ দানা আৰু অন্য গাহৰিৰ মাংসৰ পৰা প্ৰস্তুত কৰা সামগ্ৰীৰ বিক্ৰীত নিষেধাজ্ঞা*

জনসংযোগ গোলাঘাট  প্ৰেছ বিজ্ঞপ্তি নং : ৩০০/২০২২

*গোলাঘাট জিলাৰ বৰকছাৰী গাৱঁত গাহৰি, গাহৰিৰ মাংস, গাহৰিৰ দানা আৰু অন্য গাহৰিৰ মাংসৰ পৰা প্ৰস্তুত কৰা সামগ্ৰীৰ বিক্ৰীত নিষেধাজ্ঞা*

গোলাঘাট, ১৯ জুলাই : গোলাঘাট জিলাৰ গমাৰিগুৰি উন্নয়ন খণ্ডৰ অধীনৰ বৰকছাৰী গাঁৱৰ এজন লোকৰ ঘৰৰ গাহৰি ফাৰ্মত হোৱা গাহৰিৰ অস্বাভাৱিক মৃত্যু আফ্ৰিকান ছোৱাইন ফিভাৰৰ ঘটনা বুলি নিশ্চিত হোৱাৰ পিছতেই গোলাঘাট জিলা দণ্ডাধীশে কেতবোৰ নিষেধাজ্ঞা জাৰি কৰিছে । অতিৰিক্ত জিলা দণ্ডাধীশ কুলদীপ হাজৰিকাই ফৌজদাৰী কাৰ্যবিধিৰ ১৪৪ ধাৰাৰ অধীনত এই নিষেধাজ্ঞা জাৰি কৰিছে । অসম চৰকাৰে এক নিৰ্দেশনা যোগে ইতিমধ্যে গাঁওখনক আফ্ৰিকান ছোৱাইন ফিভাৰৰ অভিকেন্দ্ৰ হিচাপে ঘোষণা কৰাৰ পৰিপ্ৰেক্ষিতত এই ৰোগ যাতে অন্য ঠাইলৈ বিয়পিব নোৱাৰে তাৰ বাবে গাঁওখনৰ ১ কিলোমিটাৰ ব্যাসাৰ্ধলৈকে গাহৰি, গাহৰিৰ মাংস, গাহৰিৰ দানা আৰু অন্য গাহৰিৰ মাংসৰ পৰা প্ৰস্তুত কৰা সামগ্ৰীৰ বিক্ৰী নিষিদ্ধ ঘোষণা কৰা হৈছে । তদুপৰি বৰকছাৰী গাঁও ( সংক্ৰমিত এলেকা) ৰ পৰা অসংক্ৰমিত এলেকালৈ গাহৰি, গাহৰিৰ মাংস, গাহৰিৰ দানা আৰু অন্য গাহৰিৰ মাংসৰ পৰা প্ৰস্তুত কৰা সামগ্ৰীৰ আদান-প্ৰদান নিষিদ্ধ কৰা হৈছে । গাহৰিক পেলনীয়া সামগ্ৰী খুওৱাত নিষেধাজ্ঞা আৰোপ কৰা হৈছে । জৰুৰীভাবে কাৰ্যকৰী হোৱাকৈ এই নিষেধাজ্ঞা আৰোপ কৰা হৈছে । এই নিৰ্দেশ উলংঘা কৰিলে ভাৰতীয় দণ্ডবিধিৰ ১৮৮ ধাৰাৰ অধীনত ব্যৱস্থা গ্ৰহণ কৰা হ'ব বুলি নিৰ্দেশনাটোত কোৱা হৈছে । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Welcome

গোলাঘাট জিলাৰ চৰকাৰী কাৰ্যালয়, শিক্ষানুষ্ঠান চৌহদত গছপুলি ৰোপণ কাৰ্যসূচীৰ শুভাৰম্ভ

জনসংযোগ গোলাঘাট  প্ৰেছ বিজ্ঞপ্তি নং : ২৯৯/২০২২

*গোলাঘাট জিলাৰ চৰকাৰী কাৰ্যালয়, শিক্ষানুষ্ঠান চৌহদত গছপুলি ৰোপণ কাৰ্যসূচীৰ শুভাৰম্ভ

*

গোলাঘাট, ১৮ জুলাই : জলবায়ু পৰিৱৰ্তনৰ প্ৰভাৱ হ্ৰাস কৰাৰ উদ্দেশ্যে গছ-গছনিৰে সেউজ আৱৰণ বৃদ্ধি কৰা আৰু প্ৰতিটো চৰকাৰী কাৰ্যালয় চৌহদৰ সৌন্দৰ্যবৰ্ধনৰ উদ্দেশ্যে অসম চৰকাৰৰ বিজ্ঞান, প্ৰযুক্তি আৰু জলবায়ু পৰিৱৰ্তন বিভাগৰ উদ্যোগত আৰু অসম বিজ্ঞান-প্ৰযুক্তি আৰু পৰিৱেশ পৰিষদৰ সহযোগত গোলাঘাট জিলাতো আজিৰে পৰা মুখ্যমন্ত্ৰীৰ প্ৰাতিষ্ঠানিক গছপুলি ৰোপণ কাৰ্যসূচী আৰম্ভ হৈছে । জিলা উপায়ুক্তৰ কাৰ্যালয়ৰ চৌহদত আজি জিলা উন্নয়ন আয়ুক্ত অৰ্পা বাগলাৰীয়ে এই কাৰ্যসূচীৰ শুভাৰম্ভ কৰে । এই কাৰ্যসূচীত অতিৰিক্ত উপায়ুক্ত চুলতানা আখটাৰা আহমেদ আৰু ডঃ সংগীতা বৰঠাকুৰ, সহকাৰী আয়ুক্ত তথা এই কাৰ্যসূচীৰ নডেল বিষয়া অম্লান ফুকন, মাণ্ডলিক বন বিষয়া সুশীল কুমাৰ ঠাকুৰীয়া আৰু জিলা প্ৰশাসনৰ বিষয়া-কৰ্মচাৰীসকলে অংশ লয় । 

ইয়াৰ পিছতেই পুলিবৰত থকা গোলাঘাট অভিযান্ত্ৰিক মহাবিদ্যালয় চৌহদত জিলা প্ৰশাসনৰ উদ্যোগত বকুল, নাহৰ, শেৱালী আদি বিভিন্ন প্ৰজাতিৰ গছপুলি ৰোপণ কৰা হয় ।  কাৰ্যসূচীত অতিৰিক্ত উপায়ুক্ত কুলদীপ হাজৰিকা, মহাবিদ্যালয়খনৰ অধ্যক্ষ সত্যজিৎ পালৰ লগতে শিক্ষক, ছাত্ৰ-ছাত্ৰী আৰু এন চি চি কেডেটসকলে ভাগ লয় ।  মাণ্ডলিক বন বিষয়াৰ উদ্যোগত গছপুলিসমূহৰ ব্যৱস্থা কৰা হয় । আজিৰ কাৰ্যসূচীত জিলা তথ্য আৰু জনসংযোগ বিষয়াৰ কাৰ্যালয়ৰ বিষয়া-কৰ্মচাৰী সকলেও ভাগ লয় । 

উল্লেখযোগ্য যে কাৰ্বনৰ ভাণ্ডাৰ বৃদ্ধি কৰা, থলুৱা প্ৰজাতিৰ উদ্ভিদৰ সংৰক্ষণ, কাৰ্যালয়সমূহৰ চৌহদৰ সৌন্দৰ্যবৰ্ধন, জলবায়ু পৰিৱৰ্তন ৰোধ কৰাৰ ক্ষেত্ৰত সমূহীয়া অংশগ্ৰহণৰ বাবে সজাগতা সৃষ্টি আদি মহান উদ্দেশ্যৰে এই কাৰ্যসূচী গ্ৰহণ কৰা হৈছে । এই কাৰ্যসূচীত অসম চৰকাৰৰ অধীনৰ সকলো কৰ্মচাৰী, শিক্ষক, ছাত্ৰ-ছাত্ৰী, স্বায়ত্ব শাসিত পৰিষদ, সংস্থা, নিগম, সংগঠন, পঞ্চায়তীৰাজ প্ৰতিষ্ঠান, পৌৰ নিকায়ৰ সদস্য আদিয়ে ভাগ ল'ব পাৰিব । ইয়াৰ অধীনত প্ৰতিটো চৰকাৰী প্ৰতিষ্ঠানৰ চৌহদত অহা ১৫ আগষ্টলৈকে গছপুলি ৰোপণ কৰা হ'ব । সকলো চৰকাৰী কৰ্মচাৰীয়ে ৰোপণ কৰা গছপুলি ৩ বছৰলৈ প্ৰতিপালন কৰিব লাগিব । এই কাৰ্যসূচীৰ অধীনত ইতিমধ্যে ৩৫ টা প্ৰজাতিৰ গছপুলি ৰোপণৰ বাবে এক নিৰ্দেশনা দিয়া হৈছে । ইয়াৰ উপৰি থলুৱা প্ৰজাতিৰ বিভিন্ন গছপুলি ৰোপণ কৰিব পাৰিব । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA