Northeast News India

Wednesday, 15 June 2022

Assam COVID-19🦠😷 Details 14/06/2022.

Assam COVID-19🦠😷 Details

14/06/2022.

গোলাঘাট ১৫ জুন, ২০২২ঃ শ্বহীদ কুশল কোঁৱৰৰ মৃত্যু বাৰ্ষিকী উপলক্ষে আজি গোলাঘাট জিলা প্ৰশাসনৰ উদ্যোগত গোলাঘাটৰ জিলা পুথিভঁৰাল চৌহদত থকা শ্বহীদগৰাকীৰ প্ৰতিমূৰ্তিৰ সন্মুখত বন্তি প্ৰজ্বলন, পুষ্পাঞ্জলি অৰ্পন আৰু মাল্যাৰ্পন কৰি শ্ৰদ্ধা নিবেদন কৰা হয় । এই কাৰ্যসূচীত সহকাৰী আয়ুক্ত তথা জিলা সাংস্কৃতিক বিষয়া শ্ৰী অম্লান ফুকনৰ লগতে উপায়ুক্তৰ কাৰ্য্যালয়ৰ বিষয়া-কৰ্মচাৰী সকলেও অংশ লয় ।মাধৱ গগৈNORTHEAST NEWS INDIA

গোলাঘাট ১৫ জুন, ২০২২ঃ

শ্বহীদ কুশল কোঁৱৰৰ মৃত্যু বাৰ্ষিকী উপলক্ষে আজি গোলাঘাট জিলা প্ৰশাসনৰ উদ্যোগত গোলাঘাটৰ জিলা পুথিভঁৰাল চৌহদত থকা শ্বহীদগৰাকীৰ প্ৰতিমূৰ্তিৰ সন্মুখত বন্তি প্ৰজ্বলন, পুষ্পাঞ্জলি অৰ্পন আৰু মাল্যাৰ্পন কৰি শ্ৰদ্ধা নিবেদন কৰা হয় । এই কাৰ্যসূচীত সহকাৰী আয়ুক্ত তথা জিলা সাংস্কৃতিক বিষয়া শ্ৰী অম্লান ফুকনৰ লগতে উপায়ুক্তৰ কাৰ্য্যালয়ৰ বিষয়া-কৰ্মচাৰী সকলেও অংশ লয় ।

মাধৱ গগৈ

NORTHEAST NEWS INDIA

গোলাঘাট জিলাত ১৪৪ ধাৰা জাৰি

জনসংযোগ গোলাঘাট প্ৰেছ বিজ্ঞপ্তি নং : ২৮৬/২০২২

*গোলাঘাট জিলাত ১৪৪ ধাৰা জাৰি*

গোলাঘাট, ১৫ জুন : দেশৰ বৰ্তমানৰ আইন-শৃংখলা পৰিস্থিতিৰ প্ৰতি লক্ষ্য ৰাখি গোলাঘাট জিলাত ৰাজহুৱা শান্তি বিঘ্নিত হোৱাৰ আশংকাত যিকোনো সম্ভাব্য অপ্ৰীতিকৰ ঘটনা ৰোধ কৰাৰ উদ্দেশ্যে জিলাখনত তাৎক্ষণিকভাৱে বলৱৎ হোৱাকৈ ফৌজদাৰী কাৰ্যবিধিৰ ১৪৪ ধাৰাৰ অধীনত কেতবোৰ নিষেধাজ্ঞা আৰোপ কৰা হৈছে । অতিৰিক্ত জিলা দণ্ডাধীশ শ্ৰী কুলদীপ হাজৰিকাই এই নিৰ্দেশ জাৰি কৰিছে । সেই অনুসৰি জিলাখনত কোনো কাৰণতে ৰাজহুৱা স্থানত চাৰিজন বা তাতকৈ অধিক লোকৰ সমাগম হ'ব নোৱাৰিব । গোলাঘাটৰ জিলা দণ্ডাধীশৰ আগতীয়া অনুমতি সাপেক্ষেহে যিকোনো পৰিস্থিতিত পূৰ্ব পৰিকল্পিত বা আকস্মিকভাবে সমবেত হ'ব পাৰিব । গোলাঘাট জিলাত শান্তি বিঘ্নিত হ'ব পৰা পত্ৰিকা, প্ৰচাৰপত্ৰ আদিৰ বিতৰণ, বেনাৰ, প'ষ্টাৰ আদিৰ ক্ষেত্ৰতো নিষেধাজ্ঞা আৰোপ কৰা হৈছে । এই নিৰ্দেশ উলংঘা কৰা লোকৰ বিৰুদ্ধে ভাৰতীয় দণ্ডবিধিৰ ১৮৮ ধাৰাৰ অধীনত ব্যৱস্থা গ্ৰহণ কৰা হ'ব বুলি নিৰ্দেশনাটোত কোৱা হৈছে ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Tuesday, 14 June 2022

গোলাঘাটত যোগ প্ৰতিযোগিতা-২০২২

জনসংযোগ, গোলাঘাট প্ৰেছ বিজ্ঞপ্তি নং : ২৮৫/২০২২

*গোলাঘাটত যোগ প্ৰতিযোগিতা-২০২২*

গোলাঘাট, ১৪ জুন : আন্তঃৰাষ্ট্ৰীয় যোগ দিৱসৰ সৈতে সংগতি ৰাখি আয়ুষ মন্ত্ৰালয়ৰ অধীনৰ ৰাষ্ট্ৰীয় আয়ুষ অভিযান, অসমৰ উদ্যোগত ৰাজ্যৰ প্ৰতিখন জিলাতে অহা ১৫ জুনত যোগ আৰু পৰিপুষ্টি বিজ্ঞান প্ৰতিষ্ঠানৰ দ্বাৰা যোগ প্ৰতিযোগিতা-২০২২ৰ আয়োজন কৰা হৈছে । সেই অনুসৰি গোলাঘাট জিলাতো ১৫ জুনত জিলা পৰ্যায়ৰ যোগ প্ৰতিযোগিতা অনুষ্ঠিত হ'ব । এই উপলক্ষে গোলাঘাটৰ জিলা ক্ৰীড়া সন্থাৰ প্ৰেক্ষাগৃহত পুৱা ৯ বজাৰ পৰা দিনৰ ১২ বজালৈ প্ৰতিযোগীসকলে জিলা পৰ্যায়ৰ যোগ প্ৰতিযোগিতাত ভাগ ল'ব পাৰিব । অংশগ্ৰহনকাৰীসকলে আহি ঠাইতে নাম পঞ্জীয়ন কৰিব লাগিব । বিতং তথ্যৰ বাবে প্ৰতিযোগীসকলে ৭০০২১-৩১১৭৫ নম্বৰত যোগাযোগ কৰিব পাৰে । উল্লেখযোগ্য যে জিলা আৰু ৰাজ্যিক দুটা পৰ্যায়ত ৪টা শ্ৰেণীত এই প্ৰতিযোগিতা অনুষ্ঠিত হ'ব । প্ৰথম শ্ৰেণীত ১০ বছৰ বয়সৰ তলৰ, দ্বিতীয় শ্ৰেণীত ১০ ৰ পৰা ১৮ বছৰ বয়সলৈকে, তৃতীয় শ্ৰেণীত ১৮ৰ পৰা ৩৫ বছৰ বয়সলৈকে আৰু চতুৰ্থ শ্ৰেণীত ৩৫ বছৰ বয়সৰ উৰ্ধৰ লোকে অংশ ল'ব পাৰিব । প্ৰতিটো শ্ৰেণীৰ পৰা কেৱল এজন প্ৰতিযোগীক ৰাজ্যিক পৰ্যায়ৰ প্ৰতিযোগিতালৈ বাচনি কৰা হ'ব । ৰাজ্যিক পৰ্যায়ৰ সকলো অংশগ্ৰহনকাৰীক প্ৰমাণপত্ৰ দিয়া হ'ব । ৰাজ্যিক পৰ্যায়ত প্ৰতিটো শ্ৰেণীতে বিজয়ীসকলক ১০,০০০ টকা আৰু নতুন দিল্লীৰ মোৰাৰজী দেশাই ৰাষ্ট্ৰীয় যোগ প্ৰতিষ্ঠান ভ্ৰমনৰ সুবিধা দিয়া হ'ব আৰু বিজয়ীসকলক ৰাষ্ট্ৰীয় আয়ুষ মিছন, অসমৰ ব্ৰেণ্ড এম্বেছেদৰ ঘোষণা কৰা হ'ব । ২১ জুনৰ ৰাজ্যিক পৰ্যায়ৰ যোগ দিৱসৰ কাৰ্যসূচীত বিজয়ীসকলক পুৰস্কৃত কৰা হ'ব । জিলা পৰ্যায়ৰ প্ৰতিযোগিতাত বৃক্ষাসন, উষ্ট্ৰাসন, বক্ৰাসন, উত্তনপদাসন আৰু নিজৰ পচন্দৰ এটা আসন কৰিব পাৰিব । ৰাজ্যিক পৰ্যায়ৰ প্ৰতিযোগিতাত পদহস্তাসন, ত্ৰিকোণাসন, শালভাসন, নিজৰ পচন্দৰ দুটা ( তাৰে এটা Hand Balancing) আৰু আসনৰ বিষয়ে প্ৰশ্ন কৰা হ'ব । জিলা পৰ্যায়ৰ প্ৰতিটো আসনৰ বাবে সময় হ'ব ১০ ছেকেণ্ড আৰু ৰাজ্যিক পৰ্যায়ৰ প্ৰতিটো আসনৰ বাবে ১৫ ছেকেণ্ড সময় নিৰ্ধাৰণ কৰা হৈছে ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA