Notifications

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*ক'ভিড-19ৰ প্ৰথম পালি প্ৰতিষেধক প্ৰদানৰ ১০০ শতাংশ লক্ষ্যত উপনীত গোলাঘাট জিলা*

জনসংযোগ, গোলাঘাট প্ৰেছ বিজ্ঞপ্তি নংঃ ২১৯

*ক'ভিড-19ৰ প্ৰথম পালি প্ৰতিষেধক প্ৰদানৰ ১০০ শতাংশ লক্ষ্যত উপনীত গোলাঘাট জিলা*

গোলাঘাট, ৮ ডিচেম্বৰঃ গোলাঘাট জিলাত ক'ভিড-19ৰ প্ৰথম পালি প্ৰতিষেধক প্ৰদানৰ ১০০ শতাংশ লক্ষ্যত উপনীত হৈছে স্বাস্থ্য বিভাগ । আজিলৈকে জিলাখনৰ পাঁচোটা বিধানসভা সমষ্টিৰ ১০০৫টা ভোটগ্ৰহন কেন্দ্ৰৰ অধীনৰ ৭,৭০,১৮৩ জন লোকে প্ৰথম পালি প্ৰতিষেধক গ্ৰহণ কৰিছে । ইয়াৰে ৯৩ নং বোকাখাত সমষ্টিৰ ১৮৫ টা ভোটগ্ৰহন কেন্দ্ৰৰ ১,৪৬,০৮১জন লোকে প্ৰথম পালি প্ৰতিষেধক গ্ৰহণ কৰে । আনহাতে ৯৪ নং সৰুপথাৰ সমষ্টিৰ ৩০০টা ভোটগ্ৰহন কেন্দ্ৰৰ অধীনৰ ২,৪৫,৬০৮জন আৰু ৯৫ নং গোলাঘাট সমষ্টিৰ ২৬১টা ভোটগ্ৰহন কেন্দ্ৰৰ অধীনৰ ১,৮৭,২৫৮ জন লোকে প্ৰথম পালি প্ৰতিষেধক গ্ৰহণ কৰে ।একেদৰে ৯৬ নং খুমটাই সমষ্টিৰ ১৮৮টা ভোটগ্ৰহন কেন্দ্ৰৰ অধীনৰ ১,৩৩,৭২৪জন লোক আৰু ৯৭ নং দেৰগাঁও সমষ্টিৰ ৭১টা ভোটগ্ৰহন কেন্দ্ৰৰ অধীনৰ ৫৭,৫১২জন লোকে প্ৰথম পালি প্ৰতিষেধক গ্ৰহণ কৰে । অৱশ্যে বিভিন্ন ৰোগত আক্ৰান্ত ১৬৩৮ জন লোকে শাৰীৰিক অসুস্থতাৰ বাবে এতিয়াও প্ৰতিষেধক গ্ৰহণ কৰিব পৰা নাই । 

ইফালে প্ৰতিষেধক প্ৰদানৰ ক্ষেত্ৰত গোলাঘাট জিলাৰ এই সাফল্যৰ বাবে জিলা উপায়ুক্ত মৃগেশ নাৰায়ণ বৰুৱাই ইয়াৰ সৈতে জড়িত প্ৰতিজন ব্যক্তিকে ধন্যবাদ জ্ঞাপন কৰিছে । তেওঁ বিশেষকৈ প্ৰশাসনৰ প্ৰয়াসৰ প্ৰতি সঁহাৰি জনাই হৰ ঘৰ দস্তক কাৰ্যসূচীৰ সময়ছোৱাত প্ৰথম পালি প্ৰতিষেধক লোৱা লোকসকলক ধন্যবাদ জ্ঞাপন কৰে । লগতে এই অভিযান সফল কৰাৰ ক্ষেত্ৰত স্বাস্থ্য বিভাগৰ বিষয়া, চিকিৎসক, নাৰ্ছ, আশা, অংগনৱাড়ী কৰ্মী, শিক্ষক-শিক্ষয়িত্ৰী আৰু বিভিন্ন বিভাগৰ এই প্ৰক্ৰিয়াত নিয়োজিত লোকসকলৰ প্ৰতি কৃতজ্ঞতা জ্ঞাপন কৰে । অৱশ্যে এয়াই শেষ নহয় বুলি উল্লেখ কৰি তেওঁ প্ৰথম পালি প্ৰতিষেধক লোৱা লোকসকলক বিনাদ্বিধাই দ্বিতীয় পালি ল'বলৈ আহ্বান জনায় । তেওঁ কয় যে ক'ভিডৰ বিৰুদ্ধে এই যুঁজখনত প্ৰতিষেধকেই একমাত্ৰ অস্ত্ৰ । তেওঁ কয় যে প্ৰশাসনৰ বিষয়া, চিকিৎসক, স্বাস্থ্যকর্মী, আশা, অংগনৱাড়ী কৰ্মী, শিক্ষক-শিক্ষয়িত্ৰী আৰু এই অভিযানৰ সৈতে জড়িত লোকসকলে দিনে-নিশাই বহু প্ৰতিকূল পৰিস্থিতিৰ মাজতো চলোৱা প্ৰয়াসৰ বাবেই ১০০ শতাংশ প্ৰতিষেধক প্ৰদান সুনিশ্চিত হৈছে । তেওঁ  এই প্ৰয়াসক আৰু অধিক সফল কৰি গোলাঘাট জিলাখনক ক'ভিডমুক্ত কৰাত সহযোগ কৰিবলৈ ৰাইজৰ প্ৰতি আহ্বান জনায় । তেওঁ ক'ভিডৰ সম্ভাব্য তৃতীয়টো ঢৌক প্ৰতিহত কৰিব পৰাকৈ সকলোকে মাস্ক পৰিধান কৰাৰ লগতে সতৰ্ক হ'বলৈ আহ্বান জনায় । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*গোলাঘাট জিলাত ২৫ ডিচেম্বৰৰ পৰা ২ জানুৱাৰীলৈ সুৰাপান কৰি বাহন চলোৱা লোকৰ বিৰুদ্ধে চলিব ব্যাপক অভিযান**চাইকেলৰ পিছফালে লগোৱা হ'ব প্ৰতিফলক, চলিত বৰ্ষত পথ দুৰ্ঘটনাৰ হাৰ ৯.৫৫শতাংশ হ্ৰাস*

জনসংযোগ, গোলাঘাট প্ৰেছ বিজ্ঞপ্তি নংঃ ২১৯

*গোলাঘাট জিলাত ২৫ ডিচেম্বৰৰ পৰা ২ জানুৱাৰীলৈ সুৰাপান কৰি বাহন চলোৱা লোকৰ বিৰুদ্ধে চলিব ব্যাপক অভিযান*

*চাইকেলৰ পিছফালে লগোৱা হ'ব প্ৰতিফলক, চলিত বৰ্ষত পথ দুৰ্ঘটনাৰ হাৰ ৯.৫৫শতাংশ হ্ৰাস*

গোলাঘাট, ৮ ডিচেম্বৰঃ গোলাঘাট জিলাত অহা ২৫ ডিচেম্বৰৰ পৰা ২ জানুৱাৰীলৈ সুৰাপান কৰি বাহন চলোৱা লোকৰ বিৰুদ্ধে ব্যাপক অভিযান চলোৱা হ'ব । আজি গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত অনুষ্ঠিত জিলা পথ সুৰক্ষা সমিতিৰ বৈঠকত উপায়ুক্ত মৃগেশ নাৰায়ণ বৰুৱাই এই নটা দিনত আৰক্ষী, আবকাৰী বিভাগ আৰু জিলা পৰিবহন বিভাগক কঠোৰভাৱে সুৰাপায়ী চালকৰ বিৰুদ্ধে অভিযান চলাবলৈ নিৰ্দেশ দিয়ে । তেওঁ বিশেষভাৱে ৩১ ডিচেম্বৰ আৰু পহিলা জানুৱাৰীৰ দিন দুটাত যাতে দুৰ্ঘটনাত পতিত হৈ কোনো লোকে প্ৰাণ হেৰুৱাবলগীয়া নহয়, সেইয়া সুনিশ্চিত কৰাৰ ওপৰত গুৰুত্ব আৰোপ কৰে । বৈঠকত পথ দুৰ্ঘটনা ৰোধ কৰাৰ বাবে চাইকেলসমূহৰ পিছফালে প্ৰতিফলক (Reflector Strip) লগোৱাৰ ব্যৱস্থা কৰাৰ সিদ্ধান্ত লোৱা হয় । লগতে পথ সুৰক্ষা বাহিনী আৰু যানবাহন আৰক্ষীৰ লোকসকলক প্ৰাথমিক চিকিৎসাৰ প্ৰশিক্ষণ প্ৰদান আৰু অসমীয়া আৰু হিন্দীত প্ৰাথমিক চিকিৎসা সম্পৰ্কীয় পুস্তিকা প্ৰকাশৰ বাবেও সিদ্ধান্ত গ্ৰহণ কৰা হয় । আজিৰ বৈঠকতে এই সম্পৰ্কীয় এখন সমিতিও গঠন কৰা হয় । জিলা উপায়ুক্তগৰাকীয়ে ৰাষ্ট্ৰীয় ঘাইপথত পথ দুৰ্ঘটনাৰ হাৰ হ্ৰাস কৰাৰ বাবে এনে পথত ই-ৰিক্সা চলোৱাটো বন্ধ কৰাৰ নিৰ্দেশ দিয়ে । আনহাতে গোলাঘাট নগৰত চলাচল কৰা ই-ৰিক্সাসমূহত দিশসূচক (ইণ্ডিকেটৰ) ব্যৱহাৰ কৰিবলৈও উপায়ুক্তগৰাকীয়ে নিৰ্দেশ দিয়ে । সভাত জিলা পৰিবহন বিষয়া দিব্যজ্যোতি কাৰ্জীয়ে প্ৰকাশ কৰা তথ্য অনুসৰি গোলাঘাট জিলাত চলিত বৰ্ষত পথ দুৰ্ঘটনাৰ হাৰ ৯.৫৫শতাংশ হ্ৰাস পাইছে । চলিত বৰ্ষৰ জানুৱাৰী মাহৰ পৰা নৱেম্বৰ মাহলৈকে জিলাখনত ১৯৯টা দুৰ্ঘটনাত ১০৫ জন লোকে প্ৰাণ হেৰুৱায় । বিগত বৰ্ষত জিলাখনত ২১১টা দুৰ্ঘটনাত ৮৯ জন লোকে প্ৰাণ হেৰুৱাইছিল । ২০১৯চনত ২৮৪টা দুৰ্ঘটনাত ১১৯জন আৰু ২০১৮চনত ২৭৩টা দুৰ্ঘটনাত ১২৮জন লোকৰ প্ৰাণহানি হৈছিল । আনহাতে যোৱা ৫আগষ্টলৈকে অত্যধিক বোজা কঢ়িওৱা বাহনৰ পৰা ৯৩ লাখৰো অধিক টকা জৰিমনা আদায় কৰা হৈছে । সভাত অতিৰিক্ত উপায়ুক্ত কুলদীপ হাজৰিকা, গোলাঘাট সদৰৰ মহকুমাধিপতি ডঃ সংগীতা বৰঠাকুৰ, বিদ্যালয়সমূহৰ পৰিদৰ্শক ডঃ সমীৰণ বৰা আৰু আৰক্ষী, যানবাহন আৰক্ষী, আবকাৰী, ৰাষ্ট্ৰীয় ঘাইপথ আদি কেইবাটাও বিভাগৰ বিষয়ববীয়া আৰু প্ৰতিনিধি উপস্থিত আছিল ।  

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Golaghat COVID-19🦠😷 Details

Golaghat COVID-19🦠😷 Details

*গোলাঘাটত অসম দক্ষতা বিকাশ অভিযানৰ কৰ্মশালা**আগ্ৰহ অনুসৰি দক্ষতা আয়ত্ত কৰিবলৈ ছাত্ৰ-ছাত্ৰীসকলৰ প্ৰতি আহ্বান উপায়ুক্তৰ*

জনসংযোগ, গোলাঘাট প্ৰেছ বিজ্ঞপ্তি নংঃ ২১৮

*গোলাঘাটত অসম দক্ষতা বিকাশ অভিযানৰ কৰ্মশালা*

*আগ্ৰহ অনুসৰি দক্ষতা আয়ত্ত কৰিবলৈ ছাত্ৰ-ছাত্ৰীসকলৰ প্ৰতি আহ্বান উপায়ুক্তৰ*

গোলাঘাট, ৭ ডিচেম্বৰঃ অসম চৰকাৰৰ দক্ষতা, নিয়োগ আৰু উদ্যমিতা বিভাগৰ অধীনৰ অসম দক্ষতা বিকাশ অভিযানৰ উদ্যোগত জীৱিকাৰ প্ৰসাৰৰ উদ্দেশ্যে আজি জিলা পুথিভঁৰাল প্ৰেক্ষাগৃহত 'সংকল্প' শীৰ্ষক এখনি জিলা পৰ্যায়ৰ কৰ্মশালা অনুষ্ঠিত হয় । গোলাঘাট জিলাৰ কেইবাখনো মহাবিদ্যালয়ৰ ছাত্ৰ-ছাত্ৰীয়ে অংশগ্ৰহণ কৰা কৰ্মশালাত জিলা উপায়ুক্ত মৃগেশ নাৰায়ণ বৰুৱাৰ লগতে কেইবাগৰাকীও সমল ব্যক্তি আৰু বিভিন্ন বিভাগৰ মুৰব্বী বিষয়াসকলে দক্ষতা বিকাশৰ সৈতে জড়িত বিভিন্ন দিশ তথা চৰকাৰী আঁচনি সন্দৰ্ভত বিতং ব্যাখ্যা আগবঢ়ায় । অনুষ্ঠানত অংশ লৈ উপায়ুক্তগৰাকীয়ে কয় যে প্ৰতিযোগিতাৰ এই পৃথিৱীত দক্ষতা বিকাশ এটা গুৰুত্বপূৰ্ণ বিষয় হৈ পৰিছে । মহাত্মা গান্ধীৰ উদ্ধৃতি দি তেওঁ কয় যে গান্ধীজীয়ে অসম ভ্ৰমণৰ সময়ত কৈছিল 'অসমৰ শিপিনীয়ে তাঁতৰ শালত সপোন ৰচে' । আচলতে দক্ষতাৰ বিকাশে সমাজ এখনৰ সামগ্ৰিক উন্নয়ন তথা অৰ্থনৈতিক বিকাশ সুনিশ্চিত কৰে বুলি তেওঁ উল্লেখ কৰে । তেওঁ ছাত্ৰ-ছাত্ৰীসকলক নিজৰ আগ্ৰহ অনুসৰি দক্ষতা আয়ত্ত কৰাৰ প্ৰয়াস কৰিবলৈ আহ্বান জনোৱাৰ লগতে ইণ্টাৰনেট আৰু ছ'চিয়েল মিডিয়াৰ সদব্যৱহাৰ কৰিবলৈ আহ্বান জনায় । তেওঁ ছাত্ৰ-ছাত্ৰীসকলক গুৱাহাটীৰ উত্তৰ-পূব দক্ষতা কেন্দ্ৰত বিভিন্ন বিষয় লৈ দক্ষতা বিকাশৰ এবছৰীয়া পাঠ্যক্ৰম গ্ৰহণ কৰিবলৈও আহ্বান জনায় । অনুষ্ঠানত অংশ লৈ জিলা উন্নয়ন আয়ুক্ত অৰ্পা বাগলাৰীয়ে চাকৰিমুখী মানসিকতা এৰি দক্ষতা বিকাশত গুৰুত্ব দিবলৈ আহ্বান জনায় । আনহাতে জিলা পৰিষদৰ মুখ্য কাৰ্যবাহী বিষয়া ধীৰাজ দাসে দক্ষতা বিকাশৰ মাধ্যমেৰে নিজৰ পাৰদৰ্শিতাৰে কৰ্মসংস্থাপনৰ বাট উলিওৱাৰ লগতে সমাজ পৰিৱৰ্তনৰ কাৰক হ'বলৈ সকলোৰে প্ৰতি আহ্বান জনায় । অনুষ্ঠানত অসম দক্ষতা বিকাশ অভিযানৰ সহকাৰী ৰাজ্যিক প্ৰকল্প প্ৰৱন্ধক মহম্মদ পিংকু চৌধুৰীয়ে দক্ষতা বিকাশৰদ্বাৰা কিদৰে স্বাৱলম্বী হ'ব পাৰি এই বিষয়ে ছাত্ৰ-ছাত্রীসকলৰ সৈতে মত বিনিময় কৰে । 

অনুষ্ঠানত জিলা উদ্যোগ আৰু বাণিজ্য কেন্দ্ৰৰ প্ৰধান পৰিচালক উমেশ কুমাৰ, গোলাঘাটৰ সহকাৰী শ্ৰম আয়ুক্ত তিলোত্তমা দেউৰী, জিলা হস্ততাঁত আৰু বস্ত্ৰশিল্প বিভাগৰ সহকাৰী প্ৰৱন্ধক পুতুল শৰ্মা, জিলা তথ্য আৰু জনসংযোগ বিষয়া পম্পী দেৱী, জ্যেষ্ঠ কৃষি উন্নয়ন বিষয়া তথা এপাৰ্টৰ জিলা নডেল বিষয়া ৰঞ্জন বৰুৱা, নিয়োগ বিষয়া দেৱলতা দাস, ৰাষ্ট্ৰীয় নগৰীয়া জীৱিকা অভিযানৰ বিষয়া চৈয়দ ইমতাজ দেৱান, অসম দক্ষতা বিকাশ অভিযানৰ জিলা প্ৰকল্প প্ৰৱন্ধক প্ৰিয়ংকা কৌশিক আৰু এম জি এন পিৰ সুকন্যা দেৱীৰ লগতে ভালেসংখ্যক বিশিষ্ট ব্যক্তি উপস্থিত আছিল । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA