19 July, 2021Golaghat Covid🦠😷 Details

19 July, 2021

Golaghat Covid🦠😷 Details

*গোলাঘাট জিলাত ঈদ উদযাপন সন্দৰ্ভত প্ৰশাসনৰ নিৰ্দেশনা জাৰি*

19 July, 2021

জনসংযোগ, গোলাঘাট প্ৰেছ বিজ্ঞপ্তি নং : ১২৬

*গোলাঘাট জিলাত ঈদ উদযাপন সন্দৰ্ভত প্ৰশাসনৰ নিৰ্দেশনা জাৰি* 

গোলাঘাট, ১৯ জুলাই : গোলাঘাট জিলা প্ৰশাসনে জিলাখনত ক'ভিড 19 মহামাৰীৰ সংক্ৰমণ বৃদ্ধি পোৱাৰ প্রতি লক্ষ্য ৰাখি ৰাজ্য চৰকাৰৰ নিৰ্দেশমৰ্মে অহা ২১ জুলাইত ইছলাম ধৰ্মাৱলম্বী লোকসকলৰ পবিত্ৰ ঈদ-উজ-জোহা ঘৰতে উদযাপন কৰিবলৈ নিৰ্দেশ জাৰি কৰিছে । সেই অনুসৰি নামাজ পঢ়াৰ বাবে মছজিদত ধৰ্মীয় মুৰব্বীজনকে ধৰি ৫ জনতকৈ অধিক লোক সমবেত হ'ব নোৱাৰিব । অতিৰিক্ত জিলা দণ্ডাধীশ শ্ৰীযুত কুলদ্বীপ হাজৰিকাই এই সম্পৰ্কীয় নিৰ্দেশ জাৰি কৰিছে । প্ৰশাসনৰ সকলো নিৰ্দেশনা মানি গোলাঘাট জিলাখনক ক'ভিডমুক্ত কৰাত সকলোকে অংশীদাৰ হ'বলৈ জিলা প্ৰশাসনে পুনৰ আহ্বান জনাইছে ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*গোলাঘাট জিলাত অবৈধ সুৰাৰ বিৰুদ্ধে আবকাৰী বিভাগৰ ব্যাপক অভিযান* *এসপ্তাহত বৃহৎ পৰিমাণৰ অবৈধ সুৰা জব্দ, ১৮জনক গ্ৰেপ্তাৰ*

19 July, 2021

জনসংযোগ, গোলাঘাট প্ৰেছ বিজ্ঞপ্তি নং : ১২৫

*গোলাঘাট জিলাত অবৈধ সুৰাৰ বিৰুদ্ধে আবকাৰী বিভাগৰ ব্যাপক অভিযান* 

*এসপ্তাহত বৃহৎ পৰিমাণৰ অবৈধ সুৰা জব্দ, ১৮জনক গ্ৰেপ্তাৰ* 

গোলাঘাট, ১৯ জুলাই : গোলাঘাট জিলাত চুলাই মদ আৰু অবৈধ সুৰাৰ বিৰুদ্ধে আবকাৰী বিভাগে ব্যাপক অভিযান অব্যাহত ৰাখিছে । জিলাখনত ক'ভিডত আক্ৰান্তৰ হাৰ বৃদ্ধি পোৱাৰ প্ৰতি লক্ষ্য ৰাখি চুলাই মদ আৰু সুৰা বিক্ৰী কৰা ঠাইসমূহ যাতে এই ৰোগৰ সংক্ৰমণৰ স্থলীলৈ পৰিণত নহয়, তাৰ বাবে ব্যাপক অভিযান চলাবলৈ ৰাজ্য চৰকাৰে দিয়া নিৰ্দেশৰ পৰিপ্ৰেক্ষিতত বিভাগে অভিযান তীব্রতৰ কৰি তুলিছে । জিলাখনৰ ভিন ভিন ঠাইত যোৱা এসপ্তাহত গোলাঘাট জিলাৰ আবকাৰী বিভাগে অবৈধ সুৰাৰ বিৰুদ্ধে চলোৱা অভিযানত বৃহৎ পৰিমাণৰ অবৈধ সুৰা আৰু সুৰা প্ৰস্তুত কৰা সামগ্ৰী জব্দ কৰা হয় ।  যোৱা সপ্তাহটোত গোলাঘাট আবকাৰী বিভাগে চলোৱা ২৯টা অভিযানত ৫৪টা এনে ঘটনা পোহৰলৈ আহে । ঘটনা সংক্ৰান্তত ১৮ জন লোকক গ্ৰেপ্তাৰ কৰা হয় । অভিযানকাৰী দলে এই অভিযানকালত ৪৬৫ লিটাৰ চুলাই মদ, চুলাই মদ প্ৰস্তুত কৰা পাছ ১৪,৫৮০লিটাৰ, ২৭টা চুলাই মদ প্ৰস্তুত কৰা সঁজুলি, বিদেশী সুৰা ৫১.৮০০লিটাৰ, দেশীয় সুৰা ৩০.৩০০লিটাৰ, লালিগুড় ৮৫ কিলোগ্ৰাম আৰু পাচোৱাই ৭৪ কিলোগ্ৰাম জব্দ কৰে । জিলাখনৰ নাৰায়ণপুৰ, কালাজান, ছিংফুৰা, বাৰিছোৱা, দ-বৰাহী, জামুগুৰি মক্ৰং, গমাৰী, বৰজান, তৰাণী, আঁঠুকঢ়া চুক, নৰাকোঁৱৰ গাঁও, পোৰাবাংলা, বকলাই চাহ বাগিচা, মুৰফুলনি, ৰঙাজান চাহ বাগিচা, নভঙা মিচিং গাঁও, ৰঙামাটি, বাদুলিপাৰ, হাতীখুলি চাহ বাগিচা, লখৌজান, গেলেকি, আমটেঙা, ডিফলু পথাৰ, তামুলিগাঁও, নতুন যোৰহাটীয়া, নাগাজুৰি, পাঞ্জান, জয়াপথাৰ, নুমলীগড়, কাণ্ডুলিমাৰী আদি ঠাইত অভিযান চলাই এই বৃহৎ পৰিমাণৰ চুলাই আৰু অবৈধ সুৰা তথা সুৰা প্ৰস্তুত কৰা সামগ্ৰী জব্দ কৰা হয় । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

19 July, 2021ORDER Notifications

19 July, 2021

ORDER Notifications

JEE Mains, Medical Exam, Army Recruitment ইত্যাদিৰ পৰীক্ষাৰ্থী সকলৰ বাবে ফেৰী সেৱাৰ সন্দৰ্ভত জাননী:-

19 July, 2021

 JEE Mains, Medical Exam, Army Recruitment ইত্যাদিৰ পৰীক্ষাৰ্থী সকলৰ বাবে ফেৰী সেৱাৰ সন্দৰ্ভত জাননী:-

১) বৈধ প্ৰৱেশ পত্ৰ (Admit Card) দাখিল কৰাৰ চৰ্তসাপেক্ষে, পৰীক্ষাৰ্থী সকলক পৰীক্ষাৰ দিনা বা এদিন আগত মাজুলীৰ পৰা নিমাতী ঘাটলৈ যাবলৈ ফেৰী সেৱাৰ অনুমতি (দৈনন্দিন ভাড়াত) প্ৰদান কৰা হব |

২) বৈধ প্ৰৱেশ পত্ৰ (Admit Card) দাখিল কৰাৰ চৰ্তসাপেক্ষে, পৰীক্ষাৰ্থী সকলক পৰীক্ষাৰ দিনা বা এদিন পিছত নিমাতী ঘাটৰ পৰা মাজুলীলৈ উভতি আহিবলৈ ফেৰী সেৱাৰ অনুমতি (দৈনন্দিন ভাড়াত) প্ৰদান কৰা হব |

৩) বৈধ প্ৰৱেশ পত্ৰ দাখিল কৰাৰ চৰ্তসাপেক্ষে, ডিমাপুৰত গৈ পৰীক্ষা দিবলগীয়া Army Recruitment'ৰ পৰীক্ষাৰ্থী সকলক মাজুলীৰ পৰা নিমাতী ঘাটলৈ পৰীক্ষাৰ দুদিন পুৰ্বে যাবলৈ আৰু নিমাতী ঘাটৰ পৰা মাজুলীলৈ পৰীক্ষাৰ দুদিন পিছত উভতি অহাৰ অনুমতি প্ৰদান কৰা হব |

পৰীক্ষাৰ্থী সকলে তলত দিয়া লিংকটোত ক্লিক কৰি ফেৰী সেৱাৰ বাবে আবেদন জনাব পাৰে:

https://forms.gle/PtjRtUv25nYnn38w8

আজি ঘোষনা কৰা নতুন SOP অহা মঙ্গলবাৰ (২০ জুলাই/২০২১)ৰ পুৱা ৫ বজাৰ পৰা এসপ্তাহলৈ প্ৰযোজ্য হ'ব । ৰাজ্য খনৰ ক'ভিড পৰিস্থিতিৰ প্ৰতি লক্ষ্য ৰাখি ।

🚩🚩🚩🚩🚩🚩🚩🚩🚩

19 July, 2021

আজি ঘোষনা কৰা নতুন SOP অহা মঙ্গলবাৰ (২০ জুলাই/২০২১)ৰ পুৱা ৫ বজাৰ পৰা এসপ্তাহলৈ  প্ৰযোজ্য হ'ব । 

ৰাজ্য খনৰ ক'ভিড পৰিস্থিতিৰ প্ৰতি লক্ষ্য ৰাখি । 

🚩৫ খন জিলা গোলাঘাট, লখিমপুৰ, যোৰহাট, শোণিতপুৰ, বিশ্বনাথ জিলাত পুনৰ এসপ্তাহৰ বাবে বাহাল থাকিব 'টোটেল ক'নটেইনমেণ্ট' ব্যৱস্থা । বিয়লি পাঁচ বজালৈ খোলা থাকিব গেলামালৰ দোকান  শাক-পাচলি আৰু ফলমূলৰ বিপণী । কাৰ্যালয়, আন সামগ্ৰীৰ দোকান আৰু যাতায়াত ব্যৱস্থাত সম্পূৰ্ণ নিষেধাজ্ঞা প্ৰযোজ্য হ'ব।

🚩 মৰিগাঁও আৰু গোৱালপাৰা জিলাত লকডাউন শিথিল কৰি দুপৰীয়া ১২ বজালৈকে সকলো কাৰ্যালয় আৰু দোকান, জিলাৰ ভিতৰত পৰিবহন তথা যাতায়াত ব্যৱস্থা মুকলি থাকিব। দুপৰীয়া ১ বজাৰ পৰা পিছদিনা পুৱা ৫ বজালৈ প্ৰযোজ্য হ'ব সান্ধ্য আইন। গেলামালৰ দোকানৰ লগতে ইয়াৰে সংলগ্ন শাক-পাচলি আৰু ফলমূলৰ বিপণী বিয়লি ৫ বজালৈকে খোলা থাকিব।

🚩কামৰূপ (মহানগৰ), শিৱসাগৰ, ডিব্ৰুগড়, কোকৰাঝাৰ, বৰপেটা, নলবাৰী, বাগচা, বজালী, কৰিমগঞ্জ, কামৰূপ, দৰং, নগাঁও, হোজাই, তিনিচুকীয়া, ধেমাজি, কাচাৰ, কাৰ্বি আংলং,ধুবুৰী, দক্ষিণ শালমৰা, মাজুলী, বঙাইগাঁও, চিৰাং, ওদালগুৰি, পশ্চিম কাৰ্বি আংলং, ডিমা হাচাও, চৰাইদেউ আৰু হাইলাকান্দিকে ধৰি ২৮খন

জিলাত বিয়লি ৪ বজালৈকে খোলা থাকিব সকলো কাৰ্যালয়, দোকান, জিলাৰ ভিতৰত পৰিবহন তথা যাতায়াত ব্যৱস্থা। বিয়লি পাঁচ বজাৰ পৰা ৰাতিপুৱা পাঁচ বজালৈ সান্ধ্য আইন।

🚩বিয়া-বাৰু, মৃতকৰ সৎকাৰ, শ্ৰাদ্ধ আদিত ১০ জনতকৈ অধিক লোক যাতে সমবেত নহয়, সেয়া কঠোৰ ভাৱে বলৱৎ কৰিবলৈ উপায়ুক্তসকলক  নিৰ্দেশনা।

🚩ক'ভিড পৰিস্থিতিৰ পৰিপ্ৰেক্ষিত মছজিদ-ঈদগাহত মাথো ৫গৰাকী লোকক  ঈদৰ ধৰ্মীয় ৰীতি-নীতি পালন কৰিবলৈ অনুমতি প্ৰদান কৰা হৈছে।

🚩 পূৰ্বৰ দৰেই ৰাজ্যত আন্তঃজিলা যাতায়াত সম্পূৰ্ণ বন্ধ থাকিব।

🚩পৰৱৰ্তী ঘোষনা পৰ্যন্ত ৰাজ্যত যান বাহন চলাচলৰ ক্ষেত্ৰত Odd/Even ব্যৱস্থা বাহাল থাকিব।

*গোলাঘাট জিলাত ক'ভিড সম্পৰ্কীয় নতুন নিৰ্দেশনা* ৰাজ্য চৰকাৰে ক'ভিড 19 মহামাৰীৰ সংক্ৰমণ বৃদ্ধি পোৱাৰ প্রতি লক্ষ্য ৰাখি গোলাঘাট জিলাত অব্যাহত থকা সম্পূৰ্ণ কণ্টেইনমেণ্ট জ'নৰ নিষেধাজ্ঞা বাহাল ৰখাৰ নিৰ্দেশ দিছে । সমগ্ৰ গোলাঘাট জিলাখনেই ২০ জুলাইৰ পুৱা ৫ বজাৰ পৰা কাৰ্যকৰী হোৱাকৈ পৰৱৰ্তী নিৰ্দেশ নিদিয়ালৈকে পূৰ্বৰ দৰেই সম্পূৰ্ণ কণ্টেইনমেণ্ট জ'ন হৈ থাকিব । সেই অনুসৰি -

19 July, 2021

*গোলাঘাট জিলাত ক'ভিড সম্পৰ্কীয় নতুন নিৰ্দেশনা* 

ৰাজ্য চৰকাৰে ক'ভিড 19 মহামাৰীৰ সংক্ৰমণ বৃদ্ধি পোৱাৰ প্রতি লক্ষ্য ৰাখি গোলাঘাট জিলাত অব্যাহত থকা সম্পূৰ্ণ কণ্টেইনমেণ্ট জ'নৰ নিষেধাজ্ঞা বাহাল ৰখাৰ নিৰ্দেশ দিছে । সমগ্ৰ গোলাঘাট জিলাখনেই ২০ জুলাইৰ পুৱা ৫ বজাৰ পৰা কাৰ্যকৰী হোৱাকৈ পৰৱৰ্তী নিৰ্দেশ নিদিয়ালৈকে পূৰ্বৰ দৰেই সম্পূৰ্ণ কণ্টেইনমেণ্ট জ'ন হৈ থাকিব । সেই অনুসৰি -

1) ২০ জুলাইৰ পুৱা ৫ বজাৰ পৰা জিলাখনৰ সকলো ঠাইতে ২৪ ঘণ্টাই সান্ধ্য আইন বলৱৎ হৈ থাকিব । 

2) গেলামালৰ দোকান, ফলমূল আৰু শাক-পাচলিৰ দোকান, দুগ্ধজাত সামগ্ৰীৰ বিক্ৰীকেন্দ্র আৰু পশুখাদ্যৰ বিক্ৰীকেন্দ্ৰ বিয়লি ৫ বজালৈকে খোলা ৰাখিব পাৰিব যদিও অন্য সকলো দোকান তথা ব্যৱসায় প্ৰতিষ্ঠান সম্পূর্ণৰূপে বন্ধ থাকিব ।

3) জৰুৰীকালীন বিভাগসমূহৰ বাহিৰে আন সকলো চৰকাৰী আৰু ব্যক্তিগত কাৰ্য্যালয় তথা প্ৰতিষ্ঠানৰ কাম-কাজ সম্পূর্ণৰূপে বন্ধ থাকিব । 

4) ধাবা, হোটেল, ৰিজ'ৰ্ট, ৰেষ্টুৰেণ্ট আৰু আন সকলো খাদ্য বিপনী বন্ধ থাকিব ।

5) শীতল ভঁৰাল আৰু গুদামসমূহৰ বিক্ৰী কাউণ্টাৰ আৰু শ্ব'ৰূম বন্ধ ৰাখিব লাগিব ।

6) অত্যাৱশ্যকীয় আৰু জৰুৰী সেৱা, বিধি বলৱৎকাৰী সেৱা আৰু নিৰ্বাচনৰ সৈতে জড়িত কাম-কাজসমূহ অব্যাহত থাকিব।

7) জিলাখনত ৰাজহুৱা তথা ব্যক্তিগত বাহনৰ চলাচল সম্পূর্ণৰূপে বন্ধ থাকিব । কেৱল সামগ্ৰী পৰিবাহী যানবাহনৰ চলাচল অব্যাহত থাকিব । 

8) জিলাখনত এই সময়ছোৱাত বিয়া, অভ্যৰ্থনা, কোনোধৰণৰ সভা তথা সমাবেশ অনুষ্ঠিত কৰিব নোৱাৰিব।

9) ধৰ্মীয় স্থানসমূহ ভক্তৰ বাবে সম্পূর্ণৰূপে বন্ধ থাকিব । 

10) অন্ত্যেষ্টিক্ৰিয়াত ১০ জনতকৈ অধিক লোক সমবেত হ'ব নোৱাৰিব । 

11) ই-কমাৰ্চ ব্যৱস্থাৰে অত্যাৱশ্যকীয় সামগ্ৰীৰ যোগান অব্যাহত থাকিব । 

12) ফাৰ্মাচী  আৰু  চিকিৎসালয়, পশুৰ যতন কেন্দ্ৰ আৰু পশু চিকিৎসালয় খোলা থাকিব ।

13)  ঔদ্যোগিক গোট আৰু চাহ বাগিচাৰ কাম-কাজসমূহ ক'ভিডৰ নীতি-নিৰ্দেশনা মানি অব্যাহত ৰাখিব পাৰিব । 

14) ইছলাম ধৰ্মাৱলম্বী লোকসকলে পবিত্ৰ ঈদ ঘৰতে উদযাপন কৰিব লাগিব । মছজিদত ধৰ্মীয় মুৰব্বীজনকে ধৰি ৫ জনতকৈ অধিক লোক সমবেত হ'ব নোৱাৰিব ।

15) আবকাৰী বিভাগে ক'ভিড প্ৰতিৰোধী ব্যৱস্থা হিচাপে অবৈধ সুৰাৰ উৎপাদন আৰু বিক্ৰীৰ বিৰুদ্ধে ব্যাপক অভিযান অব্যাহত ৰাখিব লাগিব ।

*প্ৰশাসনৰ নিৰ্দেশনা মানি ক'ভিডক পৰাজিত কৰক । গোলাঘাট জিলাখনক ক'ভিডমুক্ত কৰাত সকলো অংশীদাৰ হওঁ আহক । ঘৰতে থাকক, সুৰক্ষিত থাকক, ক'ভিডক পৰাজিত কৰক ।* 

জনসংযোগ, গোলাঘাট

NORTHEAST NEWS INDIA