গোলাঘাট জিলাত নিশা ১০ বজাৰ পৰা পুৱা ৬ বজালৈ যিকোনো ঘোষণা, ৰেলী আৰু সভা নিষিদ্ধ

14 March, 2021

প্ৰেছ বিজ্ঞপ্তি নং : ২৪/২০২১

গোলাঘাট জিলাত নিশা ১০ বজাৰ পৰা পুৱা ৬ বজালৈ যিকোনো ঘোষণা, ৰেলী আৰু সভা নিষিদ্ধ 

গোলাঘাট, ১৪ মাৰ্চ : আসন্ন বিধানসভা নিৰ্বাচনৰ বাবে গোলাঘাট জিলাত বিভিন্ন ৰাজনৈতিক দল আৰু নিৰ্দলীয় প্ৰাৰ্থীৰ সমৰ্থকসকলৰ মাজত ৰাজনৈতিক কাৰ্যকলাপ বৃদ্ধি পোৱালৈ চাই ইতিমধ্যে ১৪৪ ধাৰাৰ অধীনত কেতবোৰ নিষেধাজ্ঞা জাৰি কৰা হৈছে । জিলা দণ্ডাধীশ তথা উপায়ুক্ত বিভাষ চন্দ্ৰ মোদীয়ে এই সম্পৰ্কীয় নিৰ্দেশ জাৰি কৰিছে । সেই অনুসৰি নিশা ১০ বজাৰ পৰা পুৱা ৬ বজালৈ যিকোনো ঘোষণা, ৰেলী, সভা আদি নিষিদ্ধ কৰা হৈছে । এই নিৰ্দেশ সমগ্ৰ গোলাঘাট জিলাতে বলৱৎ হৈছে । 

গোলাঘাট নিৰ্বাচন জিলাৰ প্ৰচাৰ কোষ

নৰ্থ ইষ্ট নিউজ ইণ্ডিয়া

লখিমপুৰ Mega Expro

 14 March, 2021

*লখিমপুৰ Mega Expro

* Date :- 14/3/21

## বিগত বৰ্ষ দৰে এইবাৰো লখিমপুৰ ত্যাগক্ষেত্ৰত এখনি মেগা বানিজ্য মেলা অনুষ্টিত কৰা হৈছে।

## যোৱা ২৬ ফেব্ৰুৱাৰীৰ পৰা ১৪ মার্চলৈ চলা এই বানিজ্য মেলাত আপোনাৰ ঘৰৰ সকলো যাৱতীয় বস্তু পাব।

## কিন্তু বিশেষ কাৰণত ১৪ মার্চৰ পৰিবতে ২১ মাৰ্চৰলৈকে এই বানিজ্য মেলাখনি চলাই নিয়াৰ সিদ্ধান্ত লয়।

## আপুনি ইয়াতা পাব বিনামূলীয়াকৈ এটা লটৰী টিকেত, য'ত আছে কেইবাটাও আক্ৰষণীয় পুৰস্কা।

## লগতে উপভোগ কৰিবলৈ পাৰে নৃত্য আৰু ফেচন'স্বু।

## ভাৰতৰ বিভিন্ন প্ৰান্ত পৰা প্ৰায় ৬০ খনকৈ বিপনিয়ে অংশ লোৱা এই বানিজ্য মেলাত আপোনি লব পাৰে মন পচন্দৰ বিভিন্ন লাগতিয়াল সামগ্ৰী।

লখিমপুৰৰ পৰা ৰাহান আহমেদ নৰ্থ ইষ্ট নিউজ ইণ্ডিয়া

লখিমপুৰ ধুমুহা* Date :- 14/3/21

 14 March, 2021

*লখিমপুৰ ধুমুহা* Date :- 14/3/21

## ফাগুনৰ পচোৱাই ফালিলে কলৰ পাত চিৰিলি চিৰিলি কৰি।

## এইবাৰ কলৰ পাত নহয়, এইবাৰ ফাগুনৰ পচোৱাই ফালিলে মঞ্চৰ টিৰ্পাল।

## হয় ৰবিবাৰে বিয়লি সৰ্থাত অহা এজাক ধুমুহাই লখিমপুৰৰ বহু অঞ্চলত ঘৰ দুৱাৰ উৰুৱাই তচনচ কৰিলে।

## লখিমপুৰৰ সেনচোৱা, বিলতীয়া, ফুকনহাট,চৰাইমৰীয়া,বামুণ দলনী আদিকে লৈ বহু অঞ্চলত যথেষ্ট অনিষ্ট কৰিলে।

## বিলতীয়াত গাৱঁত যোৱা ১১ তাৰিখৰ পৰা চলি থকা বিলতীয়া আঞ্চলিক যুৱ সংঘ ও সোঁৱৰণী পুথিভঁৰালৰ সৌজ্যনত আয়োজন হোৱা ৪১ তম্ বাৰ্ষিক অধিবেশনৰ মঞ্চ উৰুৱাই নিয়ে ধুমুহাই।

## আনহাতে এই ধুমুহাত ১১০ নং নাওঁবৈচাতো ৰাইজৰ বহু ক্ষতি সাধন কৰিছে তাৰ বাবে NCP দলৰ মনোনীত প্ৰাৰ্থী দিপক শইকীয়াই দুখ প্ৰকাশ কৰাৰ লগতে অনাগত দিনত দূৰ্যোগৰ সময়ত ৰাইজৰ সহায় হোৱাকৈ পদক্ষেপ হাতত লম বুলি ও প্ৰতিশ্ৰুতি দিয়ে।

Byte :- দিপক শইকীয়া 

লখিমপুৰৰ পৰা ৰাহান  আহমেদ নৰ্থ ইষ্ট নিউজ ইণ্ডিয়া

গোলাঘাট নিৰ্বাচনী জিলাৰ বিভিন্ন ৰাজনৈতিক দল তথা নিৰ্দলীয় প্ৰাৰ্থী আৰু প্ৰতিনিধিৰ সৈতে নিৰ্বাচনী পৰ্যবেক্ষকৰ গুৰুত্বপূৰ্ণ বৈঠক

13 March, 2021

প্ৰেছ বিজ্ঞপ্তি নং : ২৩/২০২১

গোলাঘাট নিৰ্বাচনী জিলাৰ বিভিন্ন ৰাজনৈতিক দল তথা নিৰ্দলীয় প্ৰাৰ্থী আৰু প্ৰতিনিধিৰ সৈতে নিৰ্বাচনী পৰ্যবেক্ষকৰ গুৰুত্বপূৰ্ণ বৈঠক 

গোলাঘাট, ১৩ মাৰ্চ : গোলাঘাট জিলাৰ আৱৰ্ত ভৱনৰ সভাকক্ষত আজি গোলাঘাট নিৰ্বাচন জিলাৰ পৰ্যবেক্ষক ৰামকৃষ্ণ চাহুৰ অধ্যক্ষতাত ৯৫- গোলাঘাট আৰু ৯৬- খুমটাই সমষ্টিৰ বিভিন্ন ৰাজনৈতিক দল তথা নিৰ্দলীয় প্ৰাৰ্থী আৰু প্ৰতিনিধিৰ মাজত এখন গুৰুত্বপূৰ্ণ বৈঠক অনুস্থিত হয় । বৈঠকত পৰ্যবেক্ষকগৰাকীয়ে ৰাজনৈতিক দল তথা নিৰ্দলীয় প্ৰাৰ্থীসকলৰ বিভিন্ন অভাৱ-অভিযোগৰ বুজ লোৱাৰ লগতে নিৰ্বাচনী আৰ্হি আচৰণ বিধি পালনৰ ক্ষেত্ৰত সতৰ্ক হ'বলৈ আহ্বান জনায় । তেওঁ নিৰ্বাচনী ব্যয়ৰ ক্ষেত্ৰত ভাৰতীয় নিৰ্বাচন আয়োগে নিৰ্ধাৰণ কৰি দিয়া নীতি নিৰ্দেশনাসমূহ পালন কৰিবলৈ পৰামৰ্শ আগবঢ়ায় । বৈঠকত অংশ লৈ অতিৰিক্ত উপায়ুক্ত কুলদ্বীপ হাজৰিকাই আৰ্হি আচৰণ বিধি সম্পৰ্কীয় বিভিন্ন দিশ বিতং ভাৱে অৱগত কৰায় । তেওঁ লগতে নিৰ্বাচন সম্পৰ্কীয় যিকোনো বিষয় লৈ হেল্পলাইন নম্বৰ ১৯৫০ ত যোগাযোগ কৰিবলৈ আহ্বান জনায় । তেওঁ কয় যে নিশা ১০ বজাৰ পৰা পুৱা ৬ বজালৈ মাইকৰ ব্যৱহাৰ নিষিদ্ধ কৰাৰ লগতে ২৫ মাৰ্চ সন্ধিয়া ৫ বজাৰ পাছত প্ৰচাৰ অভিযান বন্ধ কৰিব লাগিব । তেওঁ আৰ্হি আচৰণ বিধি ভংগ কৰাৰ কোনো ঘটনা দৃষ্টিগোচৰ হ'লে C-Vigil এপযোগে অভিযোগ দাখিল কৰিবলৈ আহ্বান জনায় । বৈঠকত অতিৰিক্ত উপায়ুক্ত ৰক্তিম বৰুৱা আৰু ভালেকেইগৰাকী বিষয়া উপস্থিত আছিল । 

গোলাঘাট নিৰ্বাচন জিলাৰ প্ৰচাৰ কোষ

নৰ্থ ইষ্ট নিউজ ইণ্ডিয়া

২৭ মাৰ্চত গোলাঘাট জিলাত ৰাজহুৱা বন্ধ ঘোষণা

13 March, 2021

প্ৰেছ বিজ্ঞপ্তি নং- ২২

২৭ মাৰ্চত গোলাঘাট জিলাত ৰাজহুৱা বন্ধ ঘোষণা

গোলাঘাট, ১৩ মাৰ্চ : অসম বিধানসভা নিৰ্বাচনৰ প্ৰথম পৰ্যায়ৰ ভোটগ্ৰহনৰ প্ৰতি লক্ষ্য ৰাখি গোলাঘাট জিলাত অহা ২৭ মাৰ্চত ৰাজহুৱা বন্ধৰ দিন ঘোষণা কৰা হৈছে । এন আই এক্ট ১৮৮১ অনুসৰি ২৭ মাৰ্চৰ দিনা গোলাঘাট জিলাৰ সকলো চৰকাৰী-বেচৰকাৰী কাৰ্যালয়, পঞ্চায়ত আৰু স্থানীয় নগৰ নিকায়, শিক্ষানুষ্ঠান, বেংককে ধৰি সকলো ব্যৱসায় প্ৰতিষ্ঠান, চাহ বাগিচা, উদ্যোগ আদি বন্ধ থাকিব বুলি জিলাখনৰ উপায়ুক্তই জানিৱলৈ দিছে। 

গোলাঘাট নিৰ্বাচন জিলাৰ প্ৰচাৰ কোষ

নৰ্থ ইষ্ট নিউজ ইণ্ডিয়া

খুমটাই চাৰিআলিত ষ্টেটিক ছাৰ্ভিলেন্স দলৰ দ্বাৰা ১.২০ লাখ টকা জব্দ

12 March, 2021

প্ৰেছ বিজ্ঞপ্তি নং : ২১/২০২১

খুমটাই চাৰিআলিত ষ্টেটিক ছাৰ্ভিলেন্স দলৰ দ্বাৰা ১.২০ লাখ টকা জব্দ

গোলাঘাট, ১২ মাৰ্চ : গোলাঘাট নিৰ্বাচনী জিলাৰ ৯৬-খুমটাই সমষ্টিৰ অন্তৰ্গত খুমটাই আৰক্ষী চকীৰ অধীনৰ খুমটাই চাৰিআলিত কিছুসময়ৰ পূৰ্বে ষ্টেটিক ছাৰ্ভিলেন্স দলে এখন চাৰিচকীয়া বাহনৰ পৰা নগদ ১.২০লাখ টকা জব্দ কৰে । মৰিগাঁৱৰ মৈৰাবাৰীৰ পৰা গাড়ীখন গোলাঘাট অভিমুখে আহি আছিল । গাড়ীখনৰ নম্বৰ AS 02 CC 1843 । অনুসন্ধান অব্যাহত আছে ।

গোলাঘাট নিৰ্বাচনী জিলাৰ প্ৰচাৰ কোষ

নৰ্থ ইষ্ট নিউজ ইণ্ডিয়া

গোলাঘাট নিৰ্বাচন জিলাত ১,৪৬৫ গৰাকী বিশেষভাৱে সক্ষম আৰু ৮০ বছৰ বয়সৰ উৰ্ধৰ ভোটদাতাই দিব পষ্টেল বেলটযোগে ভোট১৮ আৰু ১৯ মাৰ্চত ঘৰে ঘৰে গৈ সংগ্ৰহ কৰা হ'ব পষ্টেল বেলট

12 March, 2021

প্ৰেছ বিজ্ঞপ্তি নং : ২০/২০২১

গোলাঘাট নিৰ্বাচন জিলাত ১,৪৬৫ গৰাকী বিশেষভাৱে সক্ষম আৰু ৮০ বছৰ বয়সৰ উৰ্ধৰ ভোটদাতাই দিব পষ্টেল বেলটযোগে ভোট

১৮ আৰু ১৯ মাৰ্চত ঘৰে ঘৰে গৈ সংগ্ৰহ কৰা হ'ব পষ্টেল বেলট 

গোলাঘাট, ১২ মাৰ্চ : গোলাঘাট নিৰ্বাচন জিলাৰ অন্তৰ্গত ৯৫-গোলাঘাট আৰু ৯৬-খুমটাই সমষ্টিত পষ্টেল বেলটযোগে ১,৪৬৫ গৰাকী বিশেষভাৱে সক্ষম আৰু ৮০ বছৰ বয়সৰ উৰ্ধৰ ভোটদাতাই ভোট দিব পাৰিব । এই ভোটদাতাসকলৰ বাবে অহা ১৮ আৰু ১৯ মাৰ্চত ভোটগ্ৰহন কৰা হ'ব । ১৮ মাৰ্চত খুমটাই সমষ্টিৰ বাবে আৰু ১৯ মাৰ্চত গোলাঘাট সমষ্টিৰ বাবে পুৱা ৮ বজাৰ পৰা সন্ধিয়া ৬ বজালৈ ভোটদাতাসকলৰ ঘৰে ঘৰে গৈ পষ্টেল বেলটসমূহ সংগ্ৰহ কৰা হ'ব । প্ৰতিটো ভোটগ্ৰহনকাৰী দলত এজন চুপাৰভাইজৰ, এজন চেক্টৰ বিষয়া, এজন মাইক্ৰ' অৱজাৰ্ভাৰ, ভিডিঅ'গ্ৰাফাৰ আৰু আৰক্ষীৰ লোক থাকিব । ১৮ আৰু ১৯ মাৰ্চত ভোটগ্ৰহন সম্পূৰ্ণ নহ'লে ২০ মাৰ্চতো পষ্টেল বেলট সংগ্ৰহ কৰা হ'ব । উল্লেখযোগ্য যে দুয়োটা সমষ্টিত ৮০ বছৰ বয়সৰ উৰ্ধৰ ১,১৩৯ গৰাকী আৰু বিশেষভাৱে সক্ষম ৩২৬ গৰাকী ভোটদাতাৰ নাম পষ্টেল বেলটযোগে ভোটদানৰ বাবে বৈধ পোৱা গৈছে । খুমটাই সমষ্টিত আবেদন কৰা ৪৪১ গৰাকী ৮০ উৰ্ধৰ আৰু ৯৮ গৰাকী বিশেষভাৱে সক্ষম ভোটদাতাৰ পষ্টেল বেলট সংগ্ৰহ কৰা হ'ব । একেদৰে গোলাঘাট সমষ্টিত আবেদন কৰা ৬৯৮ গৰাকী ৮০ উৰ্ধৰ ভোটদাতা আৰু ২২৮ গৰাকী বিশেষভাৱে সক্ষম ভোটদাতাই পষ্টেল বেলটযোগে ভোট দিব পাৰিব । ইফালে আজি জিলা উপায়ুক্তৰ কাৰ্য্যালয়ৰ সভাকক্ষত ভোটগ্ৰহন প্ৰক্ৰিয়াৰ বাবে নিয়োগ কৰা ৩৯ গৰাকী মাইক্ৰ' অৱজাৰ্ভাৰৰ প্ৰশিক্ষণ সম্পন্ন হয় । প্ৰশিক্ষণত গোলাঘাট নিৰ্বাচনী জিলাৰ নিৰ্বাচনী পৰ্যবেক্ষক ৰামকৃষ্ণ চাহুৱে মাইক্ৰ' অৱজাৰ্ভাৰসকলক ভোটগ্ৰহন কেন্দ্ৰত অতি সূক্ষ্মভাৱে সকলো দিশ পর্যবেক্ষণ কৰি নিৰ্বাচনী প্ৰক্ৰিয়াটোক নিকা আৰু সুচাৰুৰূপে সম্পন্ন কৰাত সহায় আগবঢ়াবলৈ আহ্বান জনায় । জিলা উপায়ুক্ত তথা জিলা নিৰ্বাচনী বিষয়া বিভাষ চন্দ্ৰ মোদীয়ে মাইক্ৰ' অৱজাৰ্ভাৰসকলৰ দায়িত্ব আৰু কৰ্তব্য সম্পৰ্কে অৱগত কৰোৱাৰ লগতে ভোটগ্ৰহন কেন্দ্ৰত কোৱিড 19 ৰ নীতি - নিৰ্দেশনাসমূহ পালনৰ বিষয়ত গুৰুত্ব আৰোপ কৰে । প্ৰশিক্ষণত জিলা পৰিষদৰ চি ই অ' অভিজিৎ বৰুৱা আৰু অতিৰিক্ত উপায়ুক্ত মুন গগৈৰ লগতে ভালেসংখ্যক বিষয়া উপস্থিত আছিল ।

গোলাঘাট নিৰ্বাচন জিলাৰ প্ৰচাৰ কোষ

নৰ্থ ইষ্ট নিউজ ইণ্ডিয়া