৩ অক্টোবৰ, ২০২৩
*দেৰগাঁও সামূহিক চিকিৎসা কেন্দ্ৰত আয়ুষ্মান ভৱ অভিযানৰ অধীনত স্বাস্থ্য মেলা অনুষ্ঠিত*
সমগ্ৰ দেশজুৰি চলি থকা আয়ুস্মান ভৱ অভিযানৰ অন্তৰ্গত আজি ইংৰাজী ৩ অক্টোবৰ, ২০২৩ তাৰিখে গোলাঘাট জিলাৰ দেৰগাঁও সামূহিক চিকিৎসা কেন্দ্ৰত এখন স্বাস্থ্য মেলা অনুষ্ঠিত হয়। আজিৰ স্বাস্থ্য মেলা খন আনুষ্ঠানিক ভাৱে মুকলি কৰে দেৰগাঁও বিধানসভা সমষ্টিৰ মাননিয় বিধায়ক শ্ৰীযুত ভবেন্দ্ৰনাথ ভৰালী দেৱে।
তিনি শতাধিক লোকে চিকিৎসা সেৱা লাভ কৰা এই স্বাস্থ্য মেলা খনত প্ৰসূতি, শিশু, অসংক্রামক ৰোগ, ই এন টি, মেডিচিন বিভাগকে আদি কৰি বিভিন্ন চিকিৎসা সেৱা ৰাইজলৈ আগবঢ়োৱা হয়। স্বাস্থ্য মেলাত চিকিৎসা প্ৰদান কৰাৰ হেতু যোৰহাট চিকিৎসা মহাবিদ্যালয়ৰ পৰা চিকিৎসা বিশেষজ্ঞ সকল উপস্থিত থাকে যেনে ঔষধ বিভাগৰ ডা: শুভম কাশ্যপ, প্ৰসূতি বিভাগৰ ডা: সমৰ্পিতা সিনহা, ই এন টিৰ ডা: অস্মিতা শৰ্মা।
চিকিৎসা প্ৰদান কৰাৰ উপৰিও উপস্থিত ৰাইজক অসংক্রামক ৰোগ, বয়োজ্যেষ্ঠ লোকৰ স্বাস্থ্যৰ যত্ন, মানসিক স্বাস্থ্য, পুষ্টিকৰ খাদ্য, গৰ্ভধাৰণৰ সময়ত লব লগা যত্ন, পৰিয়াল পৰিকল্পনা, যক্ষ্মা, আয়ুষ্মান কাৰ্ডকে আদি কৰি বিভিন্ন বিষয়ৰ ওপৰত সজাগতা আগবঢ়োৱা হয়।
দেৰগাঁও সামূহিক চিকিৎসা কেন্দ্ৰত অনুষ্ঠিত এই স্বাস্থ্য মেলাত বিশেষজ্ঞ চিকিৎসক সকলৰ উপৰিও অন্য স্বাস্থ্য বিষয়া, কমিউনিটি হেলথ অফিচাৰ, চিকিৎসাকৰ্মী সকল, স্বাস্থ্যকৰ্মী সকল, আশা চুপাৰভাইজৰ, আশা কৰ্মী, ৰাষ্ট্ৰীয় স্বস্ত্য অভিযান, গোলাঘাটৰ বিষয়া আদি উপস্থিত থাকে।
NORTHEAST NEWS INDIA
No comments:
Post a Comment
Welcome Northeast News India