*কঁহৰাত স্বচ্ছতাৰ ওপৰত জিলা আয়ুক্তৰ বিশেষ সভা*

২ অক্টোবৰ, ২০২৩: গোলাঘাট

 *কঁহৰাত স্বচ্ছতাৰ ওপৰত জিলা আয়ুক্তৰ বিশেষ সভা* 

আজি গোলাঘাট জিলাৰ কঁহৰা অঞ্চলৰ পশ্চিম কাজিৰঙা গাঁও পঞ্চায়তত অনাগত দিনত কাজিৰঙা ৰাষ্ট্ৰীয় উদ্যানলৈ পৰ্যটকৰ আগমনৰ দিশটোলৈ লক্ষ্য ৰাখি জিলা প্ৰশাসনৰ তৎপৰতাত স্বচ্ছতা সন্দৰ্ভত এখন আলোচনা সভা অনুষ্ঠিত হয় । গোলাঘাটৰ জিলা আয়ুক্ত ডা° পি উদয় প্ৰৱীনৰ সভাপতিত্বত অনুষ্ঠিত হোৱা সভা খনত জিলা আয়ুক্ত গৰাকীয়ে সভাত উপস্থিত হোৱা কঁহৰা অঞ্চলৰ ব্যৱসায় সংস্থাৰ প্ৰতিনিধি আৰু পঞ্চায়তৰ প্ৰতিনিধিৰ সৈতে আলোচনাত মিলিত হয় আৰু কাজিৰঙা ৰাষ্ট্ৰীয় উদ্যান আৰু কঁহৰাৰ ওচৰৰ পাজৰৰ অঞ্চলবোৰত জাবৰ নিস্কাশনৰ বাবে বিহীত ব্যৱস্থা লোৱাৰ ওপৰত বক্তব্য ৰাখে৷ আলোচনা সভাত বোকাখাটৰ মহকুমাধিপতী শ্ৰীমতী চিমি কৰন, বোকাখাটৰ সহকাৰী আয়ুক্ত ঋষিবন্দনা গগৈ, গোলাঘাট পশ্চিম উন্নয়ন খণ্ডৰ খণ্ড উন্নয়ন বিষয়া শ্ৰী পাৰ্থজিৎ গগৈ উপস্থিত থাকে৷

*ভাৰপ্ৰাপ্ত জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA