নুমলীগড়ৰ নিউ ফেইথ ফাউণ্ডেশ্যন নামৰ এটা নিচামুক্তি কেন্দ্ৰৰ পালন কৰিবলগীয়া নীতি-নিৰ্দেশনাসমূহ কেন্দ্ৰটোৱে উলংঘা কৰা প্ৰত্যক্ষ কৰে। এনে পৰিস্থিতিত জিলা প্ৰশাসনে কেন্দ্ৰটো তৎকালীনভাৱে বন্ধ কৰি দিছে

গোলাঘাট, ১০ আগষ্ট,২০২৩ঃ গোলাঘাট জিলাৰ নুমলীগড়ৰ নিউ ফেইথ ফাউণ্ডেশ্যন নামৰ এটা নিচামুক্তি কেন্দ্ৰৰ

স্বত্বাধিকাৰী আৰু তাত থকা আৱাসীসকল অপহৰণ, ধনদাবী আদিৰ দৰে কেতবোৰ বে-আইনী কাৰ্য্যকলাপত লিপ্ত থকা বুলি লাভ কৰা অভিযোগৰ পিছতেই জিলা আয়ুক্ত ডাঃ পি উদয় প্ৰবীণৰ নিৰ্দেশক্ৰমে আজি মহকুমাধিপতি (সদৰ) শ্ৰীমতী পাপৰি দাস, জিলা সমাজ কল্যাণ বিষয়া শ্ৰী দুদু দত্ত আৰু সমাজ কল্যাণ বিভাগৰ বিষয়া-কৰ্মচাৰীৰ এটা দলে আৰক্ষীৰ সহযোগত নিচামুক্তি কেন্দ্ৰটো পৰিদৰ্শন কৰে। এই পৰিদৰ্শনকালত দলটোৱে কেন্দ্ৰটোৰ কোনো বৈধ নথি পত্ৰ লাভ কৰিবলৈ সক্ষম নহয়। লগতে পৰিদৰ্শনকাৰী দলটোৱে নিচামুক্তি কেন্দ্ৰ এটাই পালন কৰিবলগীয়া নীতি-নিৰ্দেশনাসমূহ কেন্দ্ৰটোৱে উলংঘা কৰা প্ৰত্যক্ষ কৰে। এনে পৰিস্থিতিত জিলা প্ৰশাসনে কেন্দ্ৰটো তৎকালীনভাৱে বন্ধ কৰি দিছে।

NORTHEAST NEWS INDIA