*গোলাঘাট নগৰৰ বিভিন্ন সমস্যা লৈ আলোচনা*

*গোলাঘাট নগৰৰ বিভিন্ন সমস্যা লৈ আলোচনা*

গোলাঘাট ২৯ ডিচেম্বৰ, ২০২২ঃ গোলাঘাট জিলাৰ উপায়ুক্ত ডাঃ পি উদয় প্ৰবীণে আজি উপায়ুক্তৰ কাৰ্যালয়ৰ সভাকক্ষত ইউনাইটেড চেম্বাৰ অব কমাৰ্চৰ বিষয়ববীয়াসকলৰ সৈতে গোলাঘাট নগৰৰ বিভিন্ন সমস্যা লৈ আলোচনা কৰে । বৈঠকত গোলাঘাট নগৰত সম্ভাব্য অগ্নিকাণ্ড ৰোধ কৰিব পৰাকৈ প্ৰয়োজনীয় প্ৰস্তুতি, অগ্নিনিৰ্বাপক বাহিনীৰ গাড়ী মজুত ৰখা, অগ্নি নিৰ্বাপনৰ সময়ত কোনো অসুবিধা নোহোৱাকৈ জুই নুমুওৱা গাড়ীত পানী ভৰোৱাৰ ব্যৱস্থা কৰা আদি সন্দৰ্ভত বিতংভাবে আলোচনা কৰা হয় । আলোচনাকালত পাৰ্কিঙৰ সমস্যা, গুৰুত্বপূৰ্ণ ঠাইসমূহত চি চি কেমেৰা সংস্থাপন, ৰাজহুৱা শৌচালয় স্থাপন, পথৰ দাঁতি অথবা যিকোনো স্থানৰ পৰিৱৰ্তে নিৰ্ধাৰিত স্থানলৈ মাছৰ বজাৰ স্থানান্তৰ কৰা, ষ্ট্ৰীট লাইটৰ সমস্যা, বান্দৰৰ সমস্যা আদি বিষয়েও স্থান লাভ কৰে । বৈঠকত অতিৰিক্ত উপায়ুক্ত ডঃ সংগীতা বৰঠাকুৰ, ইউনাইটেড চেম্বাৰ অৱ কমাৰ্চৰ সভাপতি শ্ৰী কিশোৰ দত্ত, জ্যেষ্ঠ উপ সভাপতি দ্বীপ কলিতা, সাধাৰণ সম্পাদক পৱন বাহেটি আৰু জিলা প্ৰশাসনৰ কেইবাগৰাকীও বিষয়া তথা চেম্বাৰ অৱ কমাৰ্চৰ বিষয়ববীয়া উপস্থিত আছিল ।

NORTHEAST NEWS INDIA