COVID-19🦠😷 Vaccination Session site list Dibrugarh District. On 01/05/2022

COVID-19🦠😷 Vaccination Session site list Dibrugarh District. On 01/05/2022

*মৰঙী চক্ৰৰ কৃষি উন্নয়ন বিষয়াৰ উদ্যোগত আত্মসহায়ক গোটক ড্ৰেগন ফলৰ গছৰ ৫০০ টা ডাল আৰু ১০ জন উদ্যমী খেতিয়কক ১ কুইন্টল আদা বিতৰণ*

জনসংযোগ, গোলাঘাট প্ৰেছ বিজ্ঞপ্তি নং : ২৭০

*মৰঙী চক্ৰৰ কৃষি উন্নয়ন বিষয়াৰ উদ্যোগত আত্মসহায়ক গোটক ড্ৰেগন ফলৰ গছৰ ৫০০ টা ডাল আৰু ১০ জন উদ্যমী খেতিয়কক ১ কুইন্টল আদা বিতৰণ*

গোলাঘাট, ২৭ এপ্ৰিল : আজাদি কা অমৃত মহোৎসৱৰ সৈতে সংগতি ৰাখি কেন্দ্ৰীয় কৃষি আৰু কৃষক কল্যাণ মন্ত্ৰালয়ে অব্যাহত ৰখা কিষাণ ভাগিদাৰী প্ৰাথমিকতা হামাৰি অভিযানৰ অংশৰূপে আজি গোলাঘাট জিলাৰ মৰঙী চক্ৰৰ কৃষি উন্নয়ন বিষয়া সংঘমিত্ৰা শৰ্মাই খেতিয়কসকলৰ মাজত আদা আৰু ড্ৰেগন ফলৰ গছৰ ৰোপনৰ উপযোগী ডাল বিতৰণ কৰে । এই উপলক্ষে দৈগ্ৰোং গাঁও পঞ্চায়তৰ কাৰ্যালয় চৌহদত আয়োজিত অনুষ্ঠানটো প্ৰধানমন্ত্ৰী ফচল বীমা যোজনাৰ জিলা নডেল বিষয়া ৰঞ্জন বৰুৱাই শুভাৰম্ভ কৰে । তেওঁ কয় যে দেশৰ স্বাধীনতাৰ ৭৫ বছৰ উপলক্ষে সমগ্ৰ দেশজুৰি আজাদি কা অমৃত মহোৎসৱ উদযাপন কৰি থকা হৈছে আৰু তাৰেই অংশৰূপে কৃষি আৰু কৃষক কল্যাণ মন্ত্ৰালয়ে ২৫ এপ্ৰিলৰ পৰা ৩০ এপ্ৰিললৈ কিষাণ ভাগিদাৰি প্ৰাথমিকতা হামাৰি শীৰ্ষক অভিযান ৰূপায়ন কৰে । এই অভিযানৰ উদ্দেশ্য হ'ল কৃষি খণ্ডৰ বিভিন্ন ধবজাবাহী আঁচনিৰ অধীনৰ কাম-কাজ আৰু সাফল্যসমূহৰ বিষয়ে কৃষকসকলক অৱগত কৰা । তেওঁ কিষাণ ক্ৰেডিট কাৰ্ড আৰু বিভিন্ন বীমা আঁচনিৰ সুবিধাসমূহ গ্ৰহণ কৰিবলৈ কৃষকসকলক আহ্বান জনায় । কৃষি উন্নয়ন বিষয়া সংঘমিত্ৰা শৰ্মাই ড্ৰেগন ফলৰ খেতিৰ বিষয়ে খেতিয়কসকলৰ আগত বিতংভাৱে বৰ্ণনা কৰে । তেওঁ কয় যে ১৯৯০ চনত ড্ৰেগন ফলৰ খেতি মানুহে ক্ষুদ্ৰ পৰিসৰত নিজৰ ঘৰৰ বাৰীতে কৰিছিল । কিন্তু ২০১৩ চনত উত্তৰ বঙ্গ বিশ্ববিদ্যালয়ৰ এদল বিজ্ঞানীয়ে বৃহৎ পৰিসৰত ইয়াৰ খেতি কৰে । এই ফলবিধ অত্যধিক তাপমাত্ৰা আৰু অতি নিম্নমানৰ মাটিটো কৰিব পাৰি । তেওঁ কয় যে কেকটাছ প্ৰজাতিৰ গছৰ এই ফলবিধৰ বাবে অতি উন্নত মানৰ মাটি অথবা অধিক পানীৰো প্ৰয়োজন নহয় । তেওঁ লগতে কয় যে ডাল কাটি তাৰপৰাই এইবিধ গছ গজাব পাৰি । অনুষ্ঠানত ৫ টা আত্মসহায়ক গোটক ড্ৰেগন ফলৰ গছৰ ৫০০ টা ডাল আৰু ১০ জন উদ্যমী খেতিয়কক খেতিৰ বাবে এক কুইন্টল আদা প্ৰদান কৰা হয় । অনুষ্ঠানত কিষাণ মৰ্চাৰ উপ সভানেত্ৰী পূৰবী শৰ্মা, মৰঙীৰ খণ্ড উন্নয়ন বিষয়া নিপজ্যোতি পাটিৰি, দৈগ্ৰোং গাঁও পঞ্চায়তৰ সভাপতি জুমণি বৰুৱা, কাউন্সিলৰ চুকুমনি ওৰাং, কৃষি সহকাৰী পৰিদৰ্শক ৰাজু শইকীয়া, কৃষি সম্প্ৰসাৰণ সহায়ক পৱন গগৈ, এপাৰ্ট প্ৰকল্পৰ ৰিচাৰ্ছ টেকনিচিয়ান অভিষেক সিংহ, কিষাণ মৰ্চাৰ মৰঙী মণ্ডলৰ সভানেত্ৰী লিপিকা বৰা আৰু দৈগ্ৰোং গাঁও পঞ্চায়তৰ সচিব নিতুল ফুকনৰ লগতে ভালেসংখ্যক বিশিষ্ট ব্যক্তি উপস্থিত আছিল । 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Assam COVID-19🦠😷 Details 29/04/2022.

Assam COVID-19🦠😷 Details

 29/04/2022.

সমগ্র ৰাজ্য তথা দেশ বাসিলৈ আহ্বান।

সমগ্র ৰাজ্য তথা দেশ বাসিলৈ আহ্বান। 

সেই মানৱ জাতি, দিনক দিনে ৰাজ্য তথা দেশত খাদ্য সামগ্রী নাটনি হবলৈ গৈ আছে, আমি যদি সময় থাকোতেই চিন্তা নকৰো, আহি থকা দিন বোৰত সমগ্র জীৱকোলৰ খাদ্য সংকটে দেখা দিৱ। 

আৰু ইয়াৰ বাবে দায়ী হব মানৱ জাতি। 

দিনক দিনে কৃষি ভূমি আমাৰ মানৱ জাতিয়ে ধংস কৰি আহিছে। যদি এই দৰেই আমি মানৱ জাতিয়ে কৃষি ভূমি ধংস কৰো। অনাগত দিন বোৰত সকলোৱে খাদ্য খাৱলৈ নাপায় তিল তিল কৈ সমগ্ৰ জীৱ কোল মৰিৱ লাগিব। 

সেই মানৱ জাতি  আহক সময় থাকোতেই লুভ, মোহ, কাম, ক্ৰধ, প্ৰৰিহাৰ কৰি সমগ্র জীৱ কোলৰ কথা চিন্তা কৰো। 

কৃষি ভূমি নষ্ট নকৰি কৃষি উপযোগী মাটি কৃষি ক্ষেত্রত ব্যৱহাৰ কৰো।। 

আহি থকা দিন বোৰত যেন সকলো জীৱ কোলৰ খাদ্যৰ  সমস্যা নহয় তাৰ প্ৰতি লক্ষ্য ৰাখো।। 

আহক আমি সকলোৱে শপত লওঁ আহি থকা দিন বোৰত যেন আমি সকলোৱে সকলোকে লগত লৈ এখন সুন্দৰ সব্বাঙ্গীন সমাজ, এক মানৱ জাতি হিচাপে এই পৃথিবীত, মা আৰু প্ৰকৃতিৰ বুকোত প্ৰতিষ্ঠা হওঁ। 

আহক আমি সকলোৱে ইজনে সিজনৰ হাতে হাত ধৰি এক মানৱ জাতিৰ গান গাওঁ। 

সেৱাৰে

*মাধৱ গগৈ*

*মা আৰু প্ৰকৃতি*

  *প্ৰতিষ্ঠাপক*

Email- mother.and.nature2021@gmail.com -  

*WhatsApp - 9859593814*

Assam COVID-19🦠😷 Details 28/04/2022.

Assam COVID-19🦠😷 Details

 28/04/2022.

*প্ৰধানমন্ত্ৰী নৰেন্দ্ৰ মোদীৰ দ্বাৰা ভাৰ্চুৱেল ব্যৱস্থাৰে গোলাঘাটৰ প্ৰস্তাৱিত কৰ্কট কেন্দ্ৰৰ আধাৰশিলা স্থাপন**ৰাজ্যৰ স্বাস্থ্য আন্তঃগাঁথনি বিকাশৰ নতুন গতিৰে ধাৱমান হৈছেঃ কামাখ্যা প্ৰসাদ তাছা*

জনসংযোগ, গোলাঘাট প্ৰেছ বিজ্ঞপ্তি নং : ২৬৯

*প্ৰধানমন্ত্ৰী নৰেন্দ্ৰ মোদীৰ দ্বাৰা ভাৰ্চুৱেল ব্যৱস্থাৰে গোলাঘাটৰ প্ৰস্তাৱিত কৰ্কট কেন্দ্ৰৰ আধাৰশিলা স্থাপন*

*ৰাজ্যৰ স্বাস্থ্য আন্তঃগাঁথনি বিকাশৰ নতুন গতিৰে ধাৱমান হৈছেঃ কামাখ্যা প্ৰসাদ তাছা*

গোলাঘাট, ২৮ এপ্ৰিল : প্ৰধানমন্ত্ৰী নৰেন্দ্ৰ মোদীয়ে আজি ডিব্ৰুগড়ৰ পৰা ভাৰ্চুৱেল ব্যৱস্থাৰে গোলাঘাটৰ প্ৰস্তাৱিত কৰ্কট কেন্দ্ৰটোৰ আধাৰশিলা স্থাপন কৰে । এই উপলক্ষে গোলাঘাটৰ বগৰীজেং পুলিচ প্লে-গ্ৰাউণ্ডত আয়োজিত অনুষ্ঠানত ৰাজ্যসভাৰ সাংসদ কামাখ্যা প্ৰসাদ তাছাই মুখ্য অতিথি হিচাপে অংশগ্ৰহন কৰে । অনুষ্ঠানত অংশ লোৱা লোকসকলে মঞ্চত সংস্থাপন কৰা পৰ্দাত প্ৰধানমন্ত্ৰী নৰেন্দ্ৰ মোদীৰ দ্বাৰা কৰ্কট কেন্দ্ৰৰ আধাৰশিলা স্থাপনকে ধৰি তেওঁৰ ডিব্ৰুগড়ৰ সকলো কাৰ্যসূচী প্ৰত্যক্ষ কৰে । অনুষ্ঠানত ভাষণ দি ৰাজ্যসভাৰ সাংসদ কামাখ্যা প্ৰসাদ তাছাই অসম চৰকাৰ আৰু টাটা ট্ৰাষ্টৰ যৌথ সংস্থা অসম কেঞ্চাৰ কেয়াৰ ফাউণ্ডেছনক এই মহৎ কৰ্মৰ বাবে ধন্যবাদ জ্ঞাপন কৰে । তেওঁ কয় যে এতিয়া আৰু কৰ্কট ৰোগ মানেই মৃত্যু নহয় । কিয়নো এই ৰোগ প্ৰাৰম্ভিক অৱস্থাতে ধৰা পেলাই উপযুক্ত চিকিৎসা প্ৰদান কৰিব পৰাকৈ এতিয়া অসমতে কৰ্কট কেন্দ্ৰৰ শক্তিশালী নেটৱৰ্ক গঢ় লৈ উঠিছে । তেওঁ আজিৰ দিনটোক ঐতিহাসিক দিন বুলি অভিহিত কৰি কয় যে প্ৰধানমন্ত্ৰী নৰেন্দ্ৰ মোদীয়ে অসম তথা উত্তৰ-পূৰ্বাঞ্চলক সদায় অগ্ৰাধিকাৰ দি আহিছে । তাৰেই ফলস্বৰূপে ৰাজ্যখনৰ অন্যান্য ক্ষেত্ৰৰ লগতে স্বাস্থ্য আন্তঃগাঁথনিয়ে বিকাশৰ নতুন গতিৰে ধাৱমান হৈছে বুলি তেওঁ উল্লেখ কৰে । তেওঁ কয় যে কৰ্কট ৰোগে কেৱল এজন ব্যক্তিক নহয় বৰং একোটা পৰিয়ালক আৰ্থিক আৰু মানসিকভাৱে ভাৰাক্ৰান্ত কৰি তোলে । কিন্তু এই সকলো সমস্যা লাঘৱ কৰাৰ পথ প্ৰশস্ত কৰি অসম কেঞ্চাৰ কেয়াৰ ফাউণ্ডেছনে অসমত মুঠ ৭ খন অত্যাধুনিক সা-সুবিধা থকা  কৰ্কট চিকিৎসালয় স্থাপন কৰাৰ লগতে ৭খনৰ আধাৰশিলা স্থাপন কৰিছে আৰু আন ৩খনৰ নিৰ্মাণ অচিৰেই সম্পন্ন হ'ব বুলি তেওঁ কয় । তেওঁ গোলাঘাটবাসী ৰাইজক অভিনন্দন জ্ঞাপন কৰাৰ লগতে কৰ্কট ৰোগ হ'ব পৰা কাৰক যেনে বিৰি, গুটখা, চাদা আদি ধপাতজাতীয় সামগ্ৰী সেৱনৰ পৰা বিৰত থাকিবলৈ আহ্বান জনায় । সভাত খুমটাই সমষ্টিৰ বিধায়ক মৃণাল শইকীয়া, সৰুপথাৰ সমষ্টিৰ বিধায়ক বিশ্বজিৎ ফুকন, জিলা উপায়ুক্ত মৃগেশ নাৰায়ণ বৰুৱা, আৰক্ষী অধীক্ষক সুমীত শৰ্মা, স্বাস্থ্য সেৱাৰ যুটীয়া সঞ্চালক ডাঃ অৰুণ চন্দ্ৰ মহন্ত আৰু জিলা প্ৰশাসন তথা স্বাস্থ্য বিভাগৰ বিষয়া-কৰ্মচাৰী আৰু জিলাখনৰ বিভিন্ন ঠাইৰ পৰা অহা ভালেসংখ্যক ৰাইজ উপস্থিত আছিল । অনুষ্ঠানৰ অংশৰূপে কেইবাটাও মহিলা গোটে সাংস্কৃতিক অনুষ্ঠান পৰিৱেশন কৰে । 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Assam COVID-19🦠😷 Details 27/04/2022.

Assam COVID-19🦠😷 Details

 27/04/2022.

*গোলাঘাটৰ ১০২ টা স্থানত অনুষ্ঠিত হ'ল ফচল বীমা পাঠশালা*

জনসংযোগ, গোলাঘাট প্ৰেছ বিজ্ঞপ্তি নং : ২৬৮

*গোলাঘাটৰ ১০২ টা স্থানত অনুষ্ঠিত হ'ল ফচল বীমা পাঠশালা*

গোলাঘাট, ২৭ এপ্ৰিল : আজাদি কা অমৃত মহোৎসৱৰ সৈতে সংগতি ৰাখি কেন্দ্ৰীয় কৃষি আৰু কৃষক কল্যাণ মন্ত্ৰালয়ে অব্যাহত ৰখা কিষাণ ভাগিদাৰী প্ৰাথমিকতা হামাৰি অভিযানৰ অংশৰূপে আজি গোলাঘাট জিলাতো প্ৰধানমন্ত্ৰী ফচল বীমা যোজনা সন্দৰ্ভত সজাগতা সৃষ্টিৰ উদ্দেশ্যে ১০২ টা স্থানত ফচল বীমা পাঠশালা শীৰ্ষক কাৰ্যসূচী ৰূপায়ন কৰা হয় । কেন্দ্ৰীয় কৃষি আৰু কৃষক কল্যাণ মন্ত্ৰী নৰেন্দ্ৰ সিং তোমৰে নতুন দিল্লীৰ পৰা ভাৰ্চুৱেল ব্যৱস্থাৰে অসমকে ধৰি ২০ খন ৰাজ্য আৰু কেন্দ্ৰীয় শাসিত অঞ্চলত সমূহীয়া সেৱা কেন্দ্ৰসমূহৰ দ্বাৰা আয়োজিত এই কাৰ্যসূচীৰ শুভাৰম্ভ কৰে । কৃষিমন্ত্ৰী অতুল বৰাই ডিব্ৰুগড়ৰ পৰা এই কাৰ্যসূচীত ভাগ লৈ ৰাজ্যখনৰ খেতিয়কসকলক উদ্দেশ্যি ভাষণ দিয়ে । জিলা কৃষি কাৰ্যালয়ৰ বিষয়া-কৰ্মচাৰী, এল ডি এম, বেংকৰ প্ৰতিনিধি, খণ্ড উন্নয়ন বিষয়া, গাঁও পঞ্চায়তৰ প্ৰতিনিধি, সমূহীয়া সেৱা কেন্দ্ৰ আৰু শস্য বীমা কোম্পানীৰ প্ৰতিনিধিসকলে আজিৰ কাৰ্যসূচীত সক্ৰিয়ভাৱে অংশগ্ৰহণ কৰে । জিলাখনৰ ৫ হাজাৰৰো অধিক খেতিয়কে আজিৰ ফচল বীমা পাঠশালাত অংশ লয় । আজিৰ কাৰ্যসূচীত ভাগ লৈ কৃষি উন্নয়ন বিষয়া, কৃষি সম্প্ৰসাৰণ সহায়ক আৰু ৰিলায়েন্স জেনেৰেল ক্ৰপ ইন্সুৰেঞ্চ এজেঞ্চিৰ প্ৰতিনিধিয়ে খেতিয়কসকলক কৃষি বীমাৰ গুৰুত্ব আৰু ফচল বীমা যোজনাৰ দ্বাৰা কেনেকৈ উপকৃত হ'ব পাৰি এই বিষয়ে বিতংভাৱে ব্যাখ্যা আগবঢ়ায় । জিলাখনৰ অন্যান্য ঠাইৰ লগতে আজি বোকাখাত পশ্চিম উন্নয়ন খণ্ড কাৰ্যালয়তো ফচল বীমা পাঠশালা অনুষ্ঠিত হয় । কৃষি বিভাগৰ বোকাখাত চক্ৰৰ কৃষি উন্নয়ন বিষয়া বৈচিত্ৰা হাকমাওচাই কাৰ্যসূচীত ভাগ লোৱা ১০০ জন খেতিয়কক কে চি চিৰ বাবে আবেদন পত্ৰ প্ৰদান কৰে আৰু ২৯ তাৰিখৰ ভিতৰত আবেদন পত্ৰসমূহ জমা দিবলৈ কয় । অনুষ্ঠানত এল ডি এম সজীৱ কুমাৰ বৰা আৰু কেইবাগৰাকীও বিষয়া উপস্থিত আছিল । 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Assam COVID-19🦠😷 Details 26/04/2022.

Assam COVID-19🦠😷 Details

 26/04/2022.

*টাইৱানৰ বিশ্ব শাক-পাচলি কেন্দ্ৰৰ বিজ্ঞানীৰ দলে পৰিদৰ্শন কৰিলে গোলাঘাটৰ কৃষি পথাৰ*

জনসংযোগ, গোলাঘাট প্ৰেছ বিজ্ঞপ্তি নং : ২৬৭

*টাইৱানৰ বিশ্ব শাক-পাচলি কেন্দ্ৰৰ বিজ্ঞানীৰ দলে পৰিদৰ্শন কৰিলে গোলাঘাটৰ কৃষি পথাৰ*

গোলাঘাট, ২৬ এপ্ৰিল : টাইৱানত থকা বিশ্ব শাক-পাচলি কেন্দ্ৰৰ এটা প্ৰতিনিধি দলে যোৱা ২৪ এপ্ৰিলত গোলাঘাট জিলা ভ্ৰমন কৰি ২০২১-২২ বৰ্ষৰ এপাৰ্ট প্ৰকল্পৰ অধীনত কৰা বিলাহী আৰু ৰঙালাওৰ খেতি পৰিদৰ্শন কৰে । কেন্দ্ৰটোৰ জ্যেষ্ঠ উদ্যান শস্যবিদ ডঃ পাওলা ছটেলো কাৰ্দনাৰ নেতৃত্বত অহা দলটোত আছে কীটতত্ববিদ ডঃ ছপানা য়ুলে । কৃষি প্ৰযুক্তি ব্যৱস্থাপনা সংস্থা, গোলাঘাট চমুকৈ আত্মাৰ প্ৰকল্প সঞ্চালকৰ প্ৰতিনিধিয়ে দুয়োগৰাকী বিজ্ঞানী আৰু কেন্দ্ৰটোৰ অসমৰ আৱাসিক বিষয়া ডঃ অৰবিন্দ উপাধ্যায়ক আদৰণি জনায় । বিজ্ঞানী দুগৰাকীয়ে বৰষুণ নপৰাৰ সু-ব্যৱস্থা কৰি এপাৰ্টৰ অধীনত অবতৰত কৰা খেতিৰ উচ্চ প্ৰশংসা কৰে । প্ৰতিনিধি দলটোৱে এপাৰ্ট প্ৰকল্পৰ অধীনত ৰূপায়িত বিভিন্ন কৃষি আঁচনিৰো অগ্ৰগতিৰ পৰ্যালোচনা কৰে । দুয়োগৰাকী বিজ্ঞানীয়ে জনসাধাৰণৰ জীৱন-ধাৰণৰ মান উন্নত কৰিব পৰাকৈ বিশ্ব শাক-পাচলি কেন্দ্ৰৰ বিভিন্ন উদ্ভাৱনীমূলক নতুন প্ৰযুক্তিৰ বিষয়ে বিতং ব্যাখ্যা আগবঢ়ায় । উল্লেখযোগ্য যে কেন্দ্ৰীয় চৰকাৰ আৰু ৰাজ্য চৰকাৰে কৃষি উৎপাদন বৃদ্ধি কৰি গ্ৰাম্য অৰ্থনীতি শক্তিশালী কৰাৰ উদ্দেশ্যে এপাৰ্ট প্ৰকল্পৰ অধীনত বিশ্ব বেংকৰ বিশেষ সাহায্যৰে ৰাজ্যখনত কেতবোৰ আঁচনি ৰূপায়ন কৰিছে । 

বিশ্ব শাক-পাচলি কেন্দ্ৰ এপাৰ্ট প্ৰকল্পৰ অন্যতম কাৰিকৰী সহযোগী ।

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Breaking News

*শিক্ষকৰ ৰূপত এগৰাকী প্ৰশাসনিক বিষয়া*

*শিক্ষকৰ ৰূপত এগৰাকী প্ৰশাসনিক বিষয়া*

গোলাঘাট ২৬ এপ্রিল ২০২২

শিক্ষকৰ ৰূপত এগৰাকী প্ৰশাসনিক বিষয়া ! গোলাঘাট জিলাৰ উপায়ুক্ত মৃগেশ নাৰায়ণ বৰুৱাই  আজি কেন্দ্ৰীয় শিক্ষা খণ্ড ঢেকীয়ালৰ অন্তৰ্গত চিনাতলী বালিকা প্ৰাথমিক বিদ্যালয় পৰিদৰ্শন কৰি শিক্ষাদান ব্যৱস্থাৰ বুজ লোৱাৰ লগতে ছাত্ৰীসকলৰ সৈতে মত বিনিময় কৰে । তেওঁ চিনাতলী ৰাজ্যিক চিকিৎসালয়ো পৰিদৰ্শন কৰে ।

Madhob Gogoi

NORTHEAST NEWS INDIA

*স্বাস্থ্যমন্ত্ৰী তথা গোলাঘাট জিলাৰ অভিভাৱক মন্ত্ৰী কেশৱ মহন্তই আজি গোলাঘাটৰ বগৰিজেং পুলিচ প্লে-গ্ৰাউণ্ডত উপস্থিত*

*স্বাস্থ্যমন্ত্ৰী তথা গোলাঘাট জিলাৰ অভিভাৱক মন্ত্ৰী কেশৱ মহন্তই আজি গোলাঘাটৰ বগৰিজেং পুলিচ প্লে-গ্ৰাউণ্ডত উপস্থিত*

 গোলাঘাট ২৬ এপ্রিল ২০২২

স্বাস্থ্যমন্ত্ৰী তথা গোলাঘাট জিলাৰ অভিভাৱক মন্ত্ৰী কেশৱ মহন্তই আজি গোলাঘাটৰ বগৰিজেং পুলিচ প্লে-গ্ৰাউণ্ডত উপস্থিত হৈ অহা ২৮ এপ্ৰিলত প্ৰধানমন্ত্ৰী নৰেন্দ্ৰ মোদীৰ দ্বাৰা ডিব্ৰুগড়ৰ পৰাই গোলাঘাটৰ প্ৰস্তাৱিত কৰ্কট ৰোগৰ চিকিৎসালয়খনৰ আধাৰশিলা স্থাপন উপলক্ষে আয়োজন কৰা অনুষ্ঠানৰ প্ৰস্তুতিৰ বুজ লয় । তেওঁ এই কাৰ্যসূচী সুচাৰুৰূপে সম্পন্ন কৰাৰ ক্ষেত্ৰত সংশ্লিষ্ট প্ৰতিটো বিভাগক নিজৰ দায়িত্ব নিয়াৰিকৈ পালন কৰিবলৈ নিৰ্দেশ দিয়ে । মন্ত্ৰীগৰাকীৰ এই পৰিদৰ্শন কালত জিলা উপায়ুক্ত মৃগেশ নাৰায়ণ বৰুৱা, স্বাস্থ্য সেৱাৰ যুটীয়া সঞ্চালক ডাঃ অৰুণ চন্দ্ৰ মহন্ত আৰু জিলা প্ৰশাসন তথা স্বাস্থ্য বিভাগৰ কেইবাগৰাকীও বিষয়া উপস্থিত আছিল । উল্লেখযোগ্য যে প্ৰধানমন্ত্ৰীগৰাকীয়ে সেইদিনা ডিব্ৰুগড়ৰ পৰাই প্ৰতীকিভাৱে ৭ খন কৰ্কট ৰোগৰ চিকিৎসালয় উদ্বোধন কৰাৰ লগতে গোলাঘাটসহ আন ছখন কৰ্কট ৰোগৰ চিকিৎসালয়ৰ আধাৰশিলা স্থাপন কৰিব ।

মাধৱ গগৈ

NORTHEAST NEWS INDIA

*কৃষি বিজ্ঞান কেন্দ্ৰ, গোলাঘাটত কৃষক মেলা আৰু কৃষি প্ৰযুক্তি প্ৰদৰ্শনী*

জনসংযোগ, গোলাঘাট প্ৰেছ বিজ্ঞপ্তি নং : ২৬৬

*কৃষি বিজ্ঞান কেন্দ্ৰ, গোলাঘাটত কৃষক মেলা আৰু কৃষি প্ৰযুক্তি প্ৰদৰ্শনী*

গোলাঘাট, ২৬ এপ্ৰিল : আজাদি কা অমৃত মহোৎসৱৰ সৈতে সংগতি ৰাখি কেন্দ্ৰীয় কৃষি আৰু কৃষক কল্যাণ মন্ত্ৰালয়ে অব্যাহত ৰখা কিষাণ ভাগিদাৰী প্ৰাথমিকতা হামাৰি অভিযানৰ অংশৰূপে আজি কৃষি বিজ্ঞান কেন্দ্ৰ, গোলাঘাটত এখন কৃষক মেলা তথা কৃষি প্ৰযুক্তি প্ৰদৰ্শনী অনুষ্ঠিত হয় । জিলা উপায়ুক্ত মৃগেশ নাৰায়ণ বৰুৱাই বিশিষ্ট অতিথি হিচাপে অংশ লৈ বন্তি প্ৰজ্বলনেৰে অনুষ্ঠানৰ শুভাৰম্ভ কৰে । ইয়াৰ সৈতে সংগতি ৰাখি উপায়ুক্তগৰাকীয়ে এখনি কৃষি তথা কৃষক মেলাও উদ্বোধন কৰে । কাৰ্যসূচীৰ অংশৰূপে কৃষি বিজ্ঞানীৰ সৈতে কৃষকৰ মত বিনিময় অনুষ্ঠানৰ লগতে প্ৰাকৃতিক কৃষি, কৃষি যান্ত্ৰিকীকৰণ, কণী ধানৰ কৃষি পদ্ধতি আৰু জৈৱ উৎকৰ্ষিত শস্য সম্পৰ্কীয় এলানি বক্তৃতানুষ্ঠানো অনুষ্ঠিত হয় । অনুষ্ঠানত অসম কৃষি বিশ্ববিদ্যালয়ৰ সহযোগী সম্প্ৰসাৰণ শিক্ষা সঞ্চালক ডঃ মনোৰঞ্জন নেওগ, বুঢ়ালিকচন কুঁহিয়াৰ গৱেষণা কেন্দ্ৰৰ মুখ্য বিজ্ঞানী ডঃ তুলসী প্ৰসাদ শইকীয়া, জিলা গ্ৰামোন্নয়ন অভিকৰণৰ প্ৰকল্প সঞ্চালক অবিনাশ শইকীয়া, এল ডি এম সজীৱ কুমাৰ বৰা, জিলা কৃষি বিষয়া ৰঞ্জিত শৰ্মা, জিলা পশুপালন বিষয়া ডাঃ সত্যব্রত দত্ত চৌধুৰী, জিলা মীন বিষয়া সীমান্ত কোঁৱৰ, অসম গ্ৰামীণ বিকাশ বেংকৰ আঞ্চলিক প্ৰৱন্ধক মহেশ বৰুৱা, নুমলিগড় শোধনাগাৰৰ মহাপ্ৰৱন্ধক মিন্টু সন্দিকৈৰ লগতে কৃষি বিজ্ঞান কেন্দ্ৰৰ সমূহ বিজ্ঞানী আৰু বিষয়া-কৰ্মচাৰী উপস্থিত আছিল । উল্লেখযোগ্য যে কিষাণ ভাগিদাৰী প্ৰাথমিকতা হামাৰি অভিযানৰ অংশৰূপে আজি ৭৩৪টা কৃষি বিজ্ঞান কেন্দ্ৰত অনুৰূপ অনুষ্ঠানৰ আয়োজন কৰা হয় । এই কাৰ্যসূচীৰ উদ্দেশ্য হ'ল স্বাধীনতাৰ বিগত ৭৫ বছৰত কৃষি ক্ষেত্ৰখনত অৰ্জন কৰা মাইলৰ খুঁটিসমূহৰ বিষয়ে কৃষকক অৱগত কৰা । 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA