নুমলীগড়ত মৃত নাহৰফুটুকী উদ্ধাৰ

 03 Jun, 2021

নুমলীগড়ত মৃত নাহৰফুটুকী উদ্ধাৰ 

নুমলীগড়ৰ বকিয়াল খণ্ড বন কাৰ্যালয়ৰ অধীনৰ বগীধলা চাহ বাগিচাৰ জংঘলত বৃহস্পতিবাৰে বিয়লি এটা প্ৰাপ্তবয়স্ক নাহৰফুটুকী বাঘৰ মৃতদেহ উদ্ধাৰ হয় ৷ বগীধলা বাগিচাৰ শ্ৰমিকে খৰি সংগ্ৰহ কৰিবলৈ গৈ মৃত বাঘটো প্ৰত্যক্ষ কৰি বন বিভাগক খবৰ দিয়ে ৷ বনবিভাগৰ লোক তথা পশু চিকিৎসক উপস্থিত হৈ মৰণোত্তৰ পৰীক্ষাৰ অন্তত বাঘটো সেই স্থানতে দাহ কৰে ৷ বনবিভাগে জনোৱা মতে বাঘটোৰ মৃত্যু আছিল স্বাভাবিক ৷ বাঘটো বয়সস্থ হৈয়ে স্বাভাবিক মৃত্যুক আকোঁৱালি লোৱা বুলি সদৰি কৰে ৷

বিশ্বজিত নাথৰ সৈতে প্ৰকাশ শৰ্মা ৰিপৰ্ট নৰ্থইষ্ট নিউজ ইণ্ডিয়া।