17 Jun, 2021
জনসংযোগ, গোলাঘাট প্ৰেছ বিজ্ঞপ্তি নং : ১০০/২০২১
দেৰগাঁৱৰ ৰাংঢালি শইকীয়া চুক এলেকাক মাইক্ৰ' কণ্টেইনমেণ্ট জ'ন ঘোষণা
ক'ভিডৰ লক্ষণ দেখা পালেই পৰীক্ষা কৰোৱাৰ আহ্বান প্ৰশাসনৰ
গোলাঘাট, ১৭ জুন : গোলাঘাট জিলাৰ দেৰগাঁও ৰাজহ চক্ৰৰ অধীনৰ ৰাংঢালি শইকীয়া চুক গাঁৱৰ ১৪ জন লোক ক'ভিডত আক্ৰান্ত হোৱাৰ প্ৰতি লক্ষ্য ৰাখি জিলা প্ৰশাসনে অঞ্চলটোক মাইক্ৰ' কণ্টেইনমেণ্ট জ'ন হিচাপে ঘোষণা কৰিছে । অঞ্চলটোত অকৰ্তৃত্বশীলভাৱে কোনো লোকৰ আহ-যাহ আৰু বাহনৰ চলাচলত নিষেধাজ্ঞা আৰোপ কৰা হৈছে । মাইক্ৰ' কন্টেইনমেণ্ট জ'ন হিচাপে ঘোষণা কৰা অঞ্চলটোৰ উত্তৰে থলকীয়া গাঁও , দক্ষিণে ৰাংঢালি গাঁও, পূবে পুখুৰিপাৰ সত্ৰ আৰু পশ্চিমে ছুকুৰা আলিক এই কন্টেইনমেণ্ট জ'নৰ সীমা হিচাপে নিৰ্ধাৰণ কৰা হৈছে । নিৰ্ধাৰিত সীমাৰ ভিতৰত সমগ্ৰ অঞ্চলটোত অকৰ্তৃত্বশীলভাৱে কোনো লোকে আহ-যাহ কৰিব নোৱাৰিব । জিলা প্ৰশাসনে জনসমাগম পৰিহাৰ কৰাৰ লগতে ক'ভিডৰ লক্ষণসমূহ দেখা পালে অতি সোনকালে পৰীক্ষা কৰাবলৈ ৰাইজৰ প্ৰতি আহ্বান জনাইছে । কাহ, চৰ্দি আৰু জ্বৰ, ডায়েৰীয়া, বমি, ভাগৰ অনুভৱ হোৱা, মূৰ ঘূৰণী আৰু বমি ভাৱ, উশাহ-নিশাহত অসুবিধা, মূৰৰ বিষ, ঠাণ্ডা লগা, চকু ৰঙা পৰা, সোৱাদ আৰু গোন্ধ নোপোৱা, শৰীৰত ৰঙা দাগ, মাংসপেশীৰ বিষ, বুকুৰ বিষ, ডিঙিৰ সুৰসুৰণী ইত্যাদি ক'ভিড 19ৰ লক্ষণ হ'ব পাৰে । যদি এই লক্ষণসমূহৰ এটায়ো দেখা দিছে তেনেহ'লে পলম নকৰি পৰীক্ষা কৰাবলৈ প্ৰশাসনে পুনৰ আহ্বান জনাইছে । লগতে গৃহ আছুটীয়াকৰনৰ নিয়মসমূহ মানি চলিবলৈ তথা এনে সময়ত তেজৰ অক্সিজেনৰ পৰিমাণ ৯৫ শতাংশতকৈ তললৈ নামিলে তাৎক্ষনিকভাৱে চিকিৎসকৰ সহায় ল'বলৈও আহ্বান জনোৱা হৈছে ।
জিলা তথ্য আৰু জনসংযোগ বিষয়া, গোলাঘাট
No comments:
Post a Comment
Welcome Northeast News India