এটা অতি প্ৰাচীন বাংলা ৷

 08 May, 2021

এটা অতি প্ৰাচীন বাংলা ৷

ঐতিহাসিক এই বাংলাটোৰ নিৰ্মাণৰ কাম  ১৯১৬ ৰ পৰা আৰম্ভ কৰি ১৯২০সম্পূৰ্ণ কৰা

 হৈছিল  ৷ অহা২৮ ডিছেম্বৰত এই ঘৰটো     আয়ুসকাল এশ বছৰ পূৰ্ণ হব ৷  ৯০ বছৰীয়া ককা অপূৰ্ব কুমাৰ বৰুৱাই সজীব কৰি ৰাখিছে দেউতাকৰ এই আপুৰুগীয়া স্মৃতি ৷সেই সময়ৰ জননেতা তথা জনপ্ৰীয় উকীল মহেশ্বৰ বৰুৱাই ৰেংগুইন হাইক’টত উকালতি কৰি আছিল ৷এটা গোচৰত চীনা  মিস্ত্ৰি লিং

 লিয়ঙৰ জামিন লৈছিল তেও ৷ সেই সময়ৰ নিয়ম আছিল যে যিজনে অভিযুক্তৰ জামিন লয় তেওঁ অভিয়ুক্তক লগত ৰাখিব লাগে ৷ মহেস্বৰ বৰুৱাইও লিং লিয়ঙক লগতে ৰাখি গোলাঘাটলৈ আনিলে আৰু ইটা তৈয়াৰত পাৰ্গত ৰ’লা সিংৰ লগলাগি লিং লিয়ঙে গোলাঘাটৰ পুৰণা আমোলাপট্টিত মহেস্বৰ বৰুৱাৰ ঘৰটো নিৰ্মাণ আৰম্ভণি কৰিলে ৷ অতি প্ৰখৰ তাপ হোৱাৰ বাবে নামবৰ হাবিৰ পৰা ঔটেঙাগছৰ কাঠ আনি ঘৰৰ কাষতে মাতিৰে

 ইটা সাজি পুৰি ইটা তৈয়াৰ কৰিলে ৷ ঘৰটো এতিয়া ১০০ বছৰীয়া হ’ল ৷ কাষতে মাটিকাতি সৃষ্টি হোৱা পুখুৰীত এতিয়াও মীন পালন কৰা হয় ৷ এই ঘৰতো আন এটা

 ইতিহাসো আছে ৷ ১৯২১ চনৰ ২৬ ডিচেম্বত মহাত্মা গান্ধী ৰেলযোগে গোলাঘাটলৈ আহি ওৱাটিং ৰেল ষ্টেশ্যনত নামে ৷ তেওক সংগ দিয়ে দেশভক্ত তৰুণৰাম ফুকন ; নবীন বৰদলৈ ; কুলধৰ চলিহা ; মহাদেৱ শৰ্মা ; কৃষ্ণ শৰ্মা আৰু তৈবুল্লাই ৷ ওৱাটিং চাহবাগিছাৰ মেনেজাৰ ফনী শৰ্মাৰ গাড়ীৰে গোলাঘাটলৈ আহি গান্ধী সহিতে দলটোৱে উকীল মহেশ্বৰ শৰ্মাৰ এই বাসস্থানতেই জিৰণি লয় ৷ ইফালে সেই সময়ত বৰ্তমানৰ কাৰ্বি আংলং জিলাখন মিকিৰ পাহাৰ  হিচাপে

 জনাজাত আছিল ৷ নগালেণ্ড খন নগাপাহাৰ হিচাপে জনাজাত ৷ এই দুই পাৰ্বত্য এলেকা গোলাঘাট জিলাত অন্তভূক্ত আছিল ৷ মহাত্মা গান্ধীয়ে এডভোকেট জননেতা মহেশ্বৰ বৰুৱাক গোলাঘাট জিলা কংগ্ৰেছৰ সভাপতিৰ আসনত বহুৱায় ৷ মহাত্মা ৰেলযোগে গোলাঘাটলৈ আহোতে বৰ্তমানৰ ডিমাপুৰ আৰু সেয় সময়ৰ মণিপুৰ ৰেল ষ্টেশ্যনত নগা ৰাণী গাহডালো আৰু তেওৰ দদায়েক আৰু দেউতাককে ধৰি এটা সজাতি দলে আদৰণী জনায় ৷ আৰু তেওৰ লগতে আহে ৷ গোলাঘাটৰ হৰিজন ক’লনিত গান্ধীয়ে অনুষ্ঠিত কৰা সভাত নগা সজাতিদলে গান্ধীক তিনিখন গজাল বিহীন টেবুল উপহাৰ দিছিল ৷ তাৰে এখন গান্ধীয়ে মহেশ্বৰ বৰুৱাক উপহাৰ দিয়াৰ লগতে সেই টেবুলতে বহি তেও সভা অনুষ্ঠিত কৰিছিল ৷ এতিয়াও এই গজাল বিহীন টেবুলখন এই এশবছৰীয়া ঘৰটোত মহেশ্বৰবৰুৱাৰ সুযোগ্য সন্তান     ৯০ বছৰ বয়সীয়া বিশিষ্ট সাংবাদিক অপূৰ্ব কুমাৰ বৰুৱাই সযত্নেৰে সংৰক্ষণ কৰি ৰাখিছ ৷

Bite : অপূৰ্ব কুমাৰ বৰুৱা 

কেমেৰাত বিশ্বজিত নাথৰ সৈতে প্ৰকাশ শৰ্মা গোলাঘাট

NORTHEAST NEWS INDIA