02 May, 2021
BREAKING NEWS
প্ৰেছ বিজ্ঞপ্তি নং : ৬৭/২০২১
গোলাঘাট নিৰ্বাচন জিলাত শান্তিপূৰ্ণভাৱে ভোটগণনা সম্পন্ন
গোলাঘাটত বিজেপিৰ অজন্তা নেওগ আৰু খুমটাইত বিজেপিৰ মৃণাল শইকীয়া বিজয়ী বোকাখাট ৰ অতুল বৰা।
গোলাঘাটৰ ৰাইজ, সংবাদ মাধ্যম আৰু ভোটগণনাৰ সৈতে জড়িত প্ৰতিগৰাকী বিষয়া-কৰ্মচাৰীক কৃতজ্ঞতা আৰু অভিনন্দন উপায়ুক্তৰ
গোলাঘাট, ২ মে' : ৰাজ্যৰ বিধানসভা নির্বাচনৰ গোলাঘাট নিৰ্বাচন জিলাৰ অধীনৰ ৯৫ নং গোলাঘাট আৰু ৯৬ নং খুমটাই বিধানসভা সমষ্টিৰ বাবে প্ৰথম পৰ্যায়ত অনুষ্ঠিত বিধানসভা নিৰ্বাচনৰ ভোটগণনা আজি সম্পন্ন হয় । গোলাঘাট সমষ্টিত বিজেপি প্ৰাৰ্থী অজন্তা নেওগে ৮১,৬৫১ টা ভোট লাভ কৰি জয়লাভ কৰে । সমষ্টিটোত কংগ্ৰেছ প্ৰাৰ্থী বিতোপন শইকীয়াই ৭২,৩২৬ টা আৰু অসম জাতীয় পৰিষদ দলৰ প্ৰাৰ্থী ৰীণা শইকীয়াই ৫,০৬২টা ভোট লাভ কৰে । সমষ্টিটোত ২,২৪৫ টা নোটা ভোট পোৱা যায় । মুঠ ১,৫৯,০৩৯ টা ভোট বৈধ পোৱাৰ বিপৰীতে ২৩১ টা ভোট বাতিল হয় । সমষ্টিটোত মুঠ ১৩৭৪টা পষ্টেল ভোট গণনা কৰা হয় । ইয়াৰে ২৩১টা ভোট বাতিল হোৱাৰ বিপৰীতে ১১৪৩ টা বৈধ পোৱা যায় । সমষ্টিটোত বিজেপিৰ অজন্তা নেওগে ৫৯৭টা পষ্টেল ভোট, কংগ্ৰেছৰ বিতোপন শইকীয়াই ৪৮৫টা, অসম জাতীয় পৰিষদৰ ৰীণা শইকীয়াই ৪৯টা আৰু ১২টা নোটা ভোট পোৱা যায় । আনহাতে ৯৬ নং খুমটাই সমষ্টিত বিজেপিৰ মৃণাল শইকীয়াই ৬৫,৬৫৫টা ভোট লাভ কৰি জয়লাভ কৰে । কংগ্ৰেছৰ বিস্মিতা গগৈয়ে ৩৮,৫২২টা, অসম জাতীয় পৰিষদৰ পৱন শইকীয়াই ৭৩৬৮টা, অসম সংগ্ৰামী মঞ্চ(অসম)ৰ ছুছেনফা গগৈয়ে ১০৯০টা, নিৰ্দলীয় প্ৰাৰ্থী দীপক গোৱালাই ৬৭২টা, প্ৰিয়ম কোঁৱৰে ১৫২৭টা আৰু ১৩৯৯টা নোটা ভোট পোৱা যায় । মুঠ ১,১৪,৮৩৪ টা ভোট বৈধ পোৱাৰ বিপৰীতে ১০৩ টা ভোট বাতিল হয় । খুমটাই সমষ্টিত মুঠ ৭৫৯টা প'ষ্টেল বেলট গণনা কৰা হয় । ইয়াৰে ১০৩টা ভোট বাতিল হোৱাৰ বিপৰীতে ৬৫৬ টা বৈধ পোৱা যায় । ইয়াৰে কংগ্ৰেছৰ বিস্মিতা গগৈয়ে ২৩৮টা, বিজেপিৰ মৃণাল শইকীয়াই ৩৮৫টা, অসম জাতীয় পৰিষদৰ পৱন শইকীয়াই ২০টা, অসম সংগ্ৰামী মঞ্চ(অসম)ৰ ছুছেনফা গগৈয়ে ০৭টা, নিৰ্দলীয় দীপক গোৱালাই ৪টা, প্ৰিয়ম কোঁৱৰে এটা আৰু এটা নোটা ভোট পোৱা যায় । গোলাঘাট জিলাৰ উপায়ুক্ত তথা জিলা নিৰ্বাচন বিষয়া বিভাষ চন্দ্ৰ মোদীয়ে ভোটগণনা প্ৰক্ৰিয়াৰ লগত জড়িত বিষয়া-কৰ্মচাৰীৰ লগতে সমগ্ৰ প্ৰক্ৰিয়াটো সুচাৰুৰূপে চলাই নিয়াৰ ক্ষেত্ৰত তথা শান্তি- শৃংখলা বজাই ৰখাত সহযোগিতা আগবঢ়োৱাৰ বাবে গোলাঘাটবাসীৰ প্ৰতি ধন্যবাদ জ্ঞাপন কৰিছে । তেওঁ লগতে ক'ভিড-19 মহামাৰীৰ এই সময়ছোৱাত সাংবাদিকসকলে সময়মতে ৰাইজক তথ্য যোগানৰ ক্ষেত্ৰত প্ৰদৰ্শন কৰা দায়বদ্ধতা, নিয়মানুৱৰ্তিতা আৰু সহযোগিতাৰ বাবে ধন্যবাদ জ্ঞাপন কৰে । উল্লেখযোগ্য যে গোলাঘাট নিৰ্বাচন জিলাত এইবাৰৰ নিৰ্বাচনত প্ৰায় ৮০শতাংশ ভোটদান হৈছিল ।
জিলা তথ্য আৰু জনসংযোগ বিষয়া, গোলাঘাট
NORTHEAST NEWS INDIA
No comments:
Post a Comment
Welcome Northeast News India