30 September, 2020
ফৰকাটিং ৰেল জংচনতঅচিনাকী
মহিলাৰ মৃতদেহ উদ্ধাৰ
-----------------------------------
গোলাঘাটৰ ফৰকাটিং ৰেল জংচনৰ সমীপত ৰেললাইনত কালি নিশা এগৰাকী অচিনাক্ত মহিলাৰ মৃতদেহ উদ্ধাৰ হয় ৷ প্ৰায় ৫০ বছৰ বয়সৰ মহিলা গৰাকীয়ে কমলাৰংৰ ব্লাউজ আৰু বগা- হালধিয়া ৰংৰ শাৰি পৰিধান কৰিছিল ৷ জংচনটোৰ আৰক্ষীয়ে নিশা এঘাৰ বজাত ক্ষতবিক্ষত অৱস্থাত মৃতদেহটো উদ্ধাৰ কৰে ৷ ৰেল আৰক্ষীসূত্ৰে জানিৱপৰা মতে অচিনাক্ত মহিলাগৰাকীয়ে কিছূদিন ধৰি জংচনটোৰ আশেপাশে ফৰকাটিং নগৰ এলেকাত বিচৰণ
কৰি আছিল ৷ কালি নিশা অহা কোনো এখন ৰেলগাড়ীৰ খুন্দাত মৃত্যুহোৱা মহিলাগৰাকীৰ মৃতদেহটো আজি গোলাঘাটৰ ছহিদ কুশলকোৱৰ অসামৰিক চিকিৎসালয়ত মৰণোত্তৰ পৰীক্ষা সম্পন্ন কৰা হয় ৷ মৃতদেহটো নিয়ম অনুযায়ী চিনাক্তকৰণৰ বাবে ৭২ ঘণ্টা উক্ত ছিকিৎসালয়ৰ মৰ্গত ৰখা হব বুলি ৰেল আৰক্ষীয়ে জানিবলৈ দিছে ৷ :: ৰিপন পাটনায়কৰ ৰিপ’ৰ্ট নৰ্থইষ্ট নিউজ ইণ্ডিয়া ৩০ ছেপ্তেম্বৰ ২০২০
No comments:
Post a Comment
Welcome Northeast News India