*কৃষি বিজ্ঞান কেন্দ্ৰ, গোলাঘাটত কৃষক মেলা আৰু কৃষি প্ৰযুক্তি প্ৰদৰ্শনী*

জনসংযোগ, গোলাঘাট প্ৰেছ বিজ্ঞপ্তি নং : ২৬৬

*কৃষি বিজ্ঞান কেন্দ্ৰ, গোলাঘাটত কৃষক মেলা আৰু কৃষি প্ৰযুক্তি প্ৰদৰ্শনী*

গোলাঘাট, ২৬ এপ্ৰিল : আজাদি কা অমৃত মহোৎসৱৰ সৈতে সংগতি ৰাখি কেন্দ্ৰীয় কৃষি আৰু কৃষক কল্যাণ মন্ত্ৰালয়ে অব্যাহত ৰখা কিষাণ ভাগিদাৰী প্ৰাথমিকতা হামাৰি অভিযানৰ অংশৰূপে আজি কৃষি বিজ্ঞান কেন্দ্ৰ, গোলাঘাটত এখন কৃষক মেলা তথা কৃষি প্ৰযুক্তি প্ৰদৰ্শনী অনুষ্ঠিত হয় । জিলা উপায়ুক্ত মৃগেশ নাৰায়ণ বৰুৱাই বিশিষ্ট অতিথি হিচাপে অংশ লৈ বন্তি প্ৰজ্বলনেৰে অনুষ্ঠানৰ শুভাৰম্ভ কৰে । ইয়াৰ সৈতে সংগতি ৰাখি উপায়ুক্তগৰাকীয়ে এখনি কৃষি তথা কৃষক মেলাও উদ্বোধন কৰে । কাৰ্যসূচীৰ অংশৰূপে কৃষি বিজ্ঞানীৰ সৈতে কৃষকৰ মত বিনিময় অনুষ্ঠানৰ লগতে প্ৰাকৃতিক কৃষি, কৃষি যান্ত্ৰিকীকৰণ, কণী ধানৰ কৃষি পদ্ধতি আৰু জৈৱ উৎকৰ্ষিত শস্য সম্পৰ্কীয় এলানি বক্তৃতানুষ্ঠানো অনুষ্ঠিত হয় । অনুষ্ঠানত অসম কৃষি বিশ্ববিদ্যালয়ৰ সহযোগী সম্প্ৰসাৰণ শিক্ষা সঞ্চালক ডঃ মনোৰঞ্জন নেওগ, বুঢ়ালিকচন কুঁহিয়াৰ গৱেষণা কেন্দ্ৰৰ মুখ্য বিজ্ঞানী ডঃ তুলসী প্ৰসাদ শইকীয়া, জিলা গ্ৰামোন্নয়ন অভিকৰণৰ প্ৰকল্প সঞ্চালক অবিনাশ শইকীয়া, এল ডি এম সজীৱ কুমাৰ বৰা, জিলা কৃষি বিষয়া ৰঞ্জিত শৰ্মা, জিলা পশুপালন বিষয়া ডাঃ সত্যব্রত দত্ত চৌধুৰী, জিলা মীন বিষয়া সীমান্ত কোঁৱৰ, অসম গ্ৰামীণ বিকাশ বেংকৰ আঞ্চলিক প্ৰৱন্ধক মহেশ বৰুৱা, নুমলিগড় শোধনাগাৰৰ মহাপ্ৰৱন্ধক মিন্টু সন্দিকৈৰ লগতে কৃষি বিজ্ঞান কেন্দ্ৰৰ সমূহ বিজ্ঞানী আৰু বিষয়া-কৰ্মচাৰী উপস্থিত আছিল । উল্লেখযোগ্য যে কিষাণ ভাগিদাৰী প্ৰাথমিকতা হামাৰি অভিযানৰ অংশৰূপে আজি ৭৩৪টা কৃষি বিজ্ঞান কেন্দ্ৰত অনুৰূপ অনুষ্ঠানৰ আয়োজন কৰা হয় । এই কাৰ্যসূচীৰ উদ্দেশ্য হ'ল স্বাধীনতাৰ বিগত ৭৫ বছৰত কৃষি ক্ষেত্ৰখনত অৰ্জন কৰা মাইলৰ খুঁটিসমূহৰ বিষয়ে কৃষকক অৱগত কৰা । 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Assam COVID-19🦠😷 Details 25/04/2022.

Assam COVID-19🦠😷 Details

 25/04/2022.

*সম্ভাব্য বানপানীৰ জোৰা মৰাৰ বাবে প্ৰস্তুতি সন্দৰ্ভত জিলা দুৰ্যোগ ব্যৱস্থাপনা প্ৰাধিকৰণৰ বৈঠক সম্পন্ন**গোলাঘাট জিলাৰ প্ৰতিটো চৰকাৰী কাৰ্যালয়ত কাৰ্যক্ষম অগ্নি নিৰ্বাপক যন্ত্ৰ মজুত ৰখাৰ নিৰ্দেশ উপায়ুক্তৰ*

জনসংযোগ, গোলাঘাট প্ৰেছ বিজ্ঞপ্তি নং : ২৬৫

*সম্ভাব্য বানপানীৰ জোৰা মৰাৰ বাবে প্ৰস্তুতি সন্দৰ্ভত জিলা দুৰ্যোগ ব্যৱস্থাপনা প্ৰাধিকৰণৰ বৈঠক সম্পন্ন*

*গোলাঘাট জিলাৰ প্ৰতিটো চৰকাৰী কাৰ্যালয়ত কাৰ্যক্ষম অগ্নি নিৰ্বাপক যন্ত্ৰ মজুত ৰখাৰ নিৰ্দেশ উপায়ুক্তৰ*

গোলাঘাট, ২৫ এপ্ৰিল : গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত আজি সম্ভাব্য বান পৰিস্থিতিৰ জোৰা মৰাৰ বাবে প্ৰয়োজনীয় প্ৰস্তুতি সন্দৰ্ভত জিলা দুৰ্যোগ ব্যৱস্থাপনা প্ৰাধিকৰণৰ এখন বৈঠক অনুষ্ঠিত হয় । প্ৰাধিকৰণৰ অধ্যক্ষ তথা জিলা উপায়ুক্ত শ্ৰী মৃগেশ নাৰায়ণ বৰুৱাৰ সভাপতিত্বত অনুষ্ঠিত বৈঠকত সম্ভাব্য বান পৰিস্থিতিৰ জোৰা মৰাৰ বাবে প্ৰস্তুতি তথা বিভিন্ন বিভাগৰ দায়িত্ব আৰু ইয়াৰ সৈতে জড়িত বিভিন্ন দিশ আলোচনা কৰা হয় । উপায়ুক্ত গৰাকীয়ে বানপানী আৰু যিকোনো প্ৰাকৃতিক দুৰ্যোগৰ সময়ত হোৱা ক্ষয়-ক্ষতি সম্পৰ্কে ততালিকে জিলা দুৰ্যোগ ব্যৱস্থাপনা প্ৰাধিকৰণক অৱগত কৰিবলৈ সংশ্লিষ্ট বিভাগসমূহক নিৰ্দেশ দিয়ে । তেওঁ লগতে জিলাখনত পৰীক্ষামূলকভাৱে আৰম্ভ কৰা 'সখী' প্ৰকল্প দেৰগাঁও, খুমটাই, বোকাখাত আদি অঞ্চলতো ৰূপায়ণ কৰাত গুৰুত্ব আৰোপ কৰে । তেওঁ বান সাহায্য শিবিৰসমূহতো স্থানীয় মহিলাক লৈ সখী গোট গঠন কৰিবলৈ পৰামৰ্শ আগবঢ়ায় । তেওঁ জিলা উপায়ুক্তৰ কাৰ্যালয়কে ধৰি জিলাখনৰ প্ৰতিটো কাৰ্যালয়ত কাৰ্যক্ষম অগ্নি নিৰ্বাপক যন্ত্ৰ মজুত ৰখাৰ বাবে নিৰ্দেশ দিয়ে । আনহাতে সৰু-সুৰা অগ্নিকাণ্ডৰ ঘটনা ৰোধ কৰিব পৰাকৈ ঘৰে-ঘৰে অগ্নি নিৰ্বাপক যন্ত্ৰ ৰখাৰ তেওঁ পোষকতা কৰে । উপায়ুক্তগৰাকীয়ে বানপানীৰ সময়ত যাতে পোহনীয়া জীৱ-জন্তুৱে কোনোধৰণৰ খাদ্যৰ অভাৱত ভুগিবলগীয়া নহয় তাৰ বাবে পৰ্যাপ্ত পশুখাদ্য মজুত ৰাখিবলৈ নিৰ্দেশ দিয়ে । আনহাতে তিনিদিনীয়া ভ্ৰমনসূচীৰে জিলাখন ভ্ৰমন কৰা অসম ৰাজ্যিক দুৰ্যোগ ব্যৱস্থাপনা প্ৰাধিকৰণৰ প্ৰকল্প বিষয়া ডঃ কৃপালজ্যোতি মজুমদাৰে যোৱা দুটা দিনত জিলাখনৰ বান পৰিস্থিতিৰ উদ্ভৱ হ'ব পৰা বিভিন্ন স্থান পৰিদৰ্শন কৰি লাভ কৰা অভিজ্ঞতা সন্দৰ্ভত অৱগত কৰে । তেওঁ পাৱাৰপইন্ট প্ৰেজেন্টেচনৰ সহায়ত দুৰ্যোগ ব্যৱস্থাপনা প্ৰাধিকৰণে বানপানীৰ সময়ত লোৱা ব্যৱস্থাসমূহৰ বিষয়ে বিতংভাৱে ব্যাখ্যা আগবঢ়ায় । তেওঁ অনলাইন ব্যৱস্থাৰে বানপানীৰ ক্ষয়-ক্ষতি তথা বিতং তথ্য সময়মতে দিব পৰাকৈ সংশ্লিষ্ট সকলোকে অনলাইন যোগে তথ্য যোগান ধৰিবলৈ আহ্বান জনায় । তেওঁ লগতে আশ্ৰয় শিবিৰসমূহত বিশুদ্ধ খোৱাপানী, খাদ্য সামগ্ৰীৰ পৰ্যাপ্ত যোগান, বিজ্ঞানসন্মত অনাময় ব্যৱস্থা আৰু শিশুৰ বাবে অনুকূল স্থানৰ ব্যৱস্থা কৰাৰ ওপৰতো গুৰুত্ব আৰোপ কৰে । সভাত অতিৰিক্ত উপায়ুক্ত চুলতানা আখটাৰা আহমেদ, পল্লৱী গগৈ, কুলদীপ হাজৰিকা, জিলা দুৰ্যোগ ব্যৱস্থাপনা প্ৰাধিকৰণৰ জিলা প্ৰকল্প বিষয়া ৰণি ৰাজকুমাৰ, ৰাজহ চক্ৰ বিষয়াসকল আৰু বিভিন্ন বিভাগৰ মুৰব্বী বিষয়াসকল উপস্থিত আছিল ।

 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

প্ৰধানমন্ত্ৰী শ্ৰী নৰেন্দ্ৰ মোদীৰ প্ৰস্তাৱিত অসম ভ্ৰমণৰ কাৰ্যসূচীৰ অংশৰূপে অহা ২৮ এপ্ৰিলত ডিব্ৰুগড়ৰ পৰাই প্ৰধানমন্ত্ৰীগৰাকীয়ে প্ৰতীকিভাৱে গোলাঘাটত নিৰ্মাণ কৰিবলগীয়া কৰ্কট ৰোগৰ চিকিৎসালয়খনৰ আধাৰশিলা স্থাপন কৰিব ।

গোলাঘাট ২৫ এপ্রিল ২০২২ 

প্ৰধানমন্ত্ৰী শ্ৰী নৰেন্দ্ৰ মোদীৰ প্ৰস্তাৱিত অসম ভ্ৰমণৰ কাৰ্যসূচীৰ অংশৰূপে অহা ২৮ এপ্ৰিলত ডিব্ৰুগড়ৰ পৰাই প্ৰধানমন্ত্ৰীগৰাকীয়ে প্ৰতীকিভাৱে গোলাঘাটত নিৰ্মাণ কৰিবলগীয়া কৰ্কট ৰোগৰ চিকিৎসালয়খনৰ আধাৰশিলা স্থাপন কৰিব ।

এই উপলক্ষে সেইদিনা গোলাঘাট জিলা প্ৰশাসনৰ উদ্যোগত বগৰিজেং পুলিচ প্লে-গ্ৰাউণ্ডত আয়োজন কৰা অনুষ্ঠানৰ প্ৰস্তুতি সন্দৰ্ভত আলোচনাৰ বাবে আজি উপায়ুক্তৰ কাৰ্যালয়ৰ সভাকক্ষত এখন বৈঠক অনুষ্ঠিত হয় । বৈঠকত অংশ লৈ সৰুপথাৰ সমষ্টিৰ বিধায়ক শ্ৰী বিশ্বজিৎ ফুকনে প্ৰস্তুতিৰ সবিশেষ বুজ লৈ কয় যে ২৮ এপ্ৰিলৰ দিনটো সমগ্ৰ অসমৰ লগতে গোলাঘাট জিলাৰ বাবেও এটা বিশেষ দিন । কিয়নো আন কেইবাখনো জিলাৰ লগতে গোলাঘাট জিলাতো সেইদিনা ৰাইজৰ বহুদিনীয়া অভাৱ পূৰণ কৰি এখন কৰ্কট ৰোগৰ চিকিৎসালয়ৰ আধাৰশিলা স্থাপন কৰা হ'ব । বৈঠকত ভাগ লৈ জিলা উপায়ুক্ত শ্ৰী মৃগেশ নাৰায়ণ বৰুৱাই এই কাৰ্যসূচী সফল কৰাৰ ক্ষেত্ৰত সংশ্লিষ্ট প্ৰতিটো বিভাগক নিজৰ দায়িত্ব নিয়াৰিকৈ পালন কৰিবলৈ নিৰ্দেশ দিয়ে । সভাত জিলা উন্নয়ন আয়ুক্ত শ্ৰীযুতা অর্পা বাগলাৰী, অতিৰিক্ত উপায়ুক্ত শ্ৰীযুতা পল্লৱী গগৈ, শ্ৰী কুলদীপ হাজৰিকা, ডঃ সংগীতা বৰঠাকুৰ, অতিৰিক্ত আৰক্ষী অধীক্ষক শ্ৰী অঞ্জন পণ্ডিত, শ্বহীদ কুশল কোঁৱৰ অসামৰিক চিকিৎসালয়ৰ অধীক্ষক ডাঃ সুৰেন্দ্ৰ নাথ তামূলী আৰু ভালেসংখ্যক বিষয়া কৰ্মচাৰী উপস্থিত আছিল ।

মাধৱ গগৈ

NORTHEAST NEWS INDIA

Assam COVID-19🦠😷 Details 24/04/2022.

Assam COVID-19🦠😷 Details

 24/04/2022.

*গোলাঘাট জিলাতো আৰম্ভ "কিষাণ ভাগীদাৰি প্ৰাথমিকতা হামাৰী" অভিযান*

 জনসংযোগ, গোলাঘাট প্ৰেছ বিজ্ঞপ্তি নং : ২৬৪

*গোলাঘাট জিলাতো আৰম্ভ "কিষাণ ভাগীদাৰি প্ৰাথমিকতা হামাৰী" অভিযান*

*১০২ খন গাওঁ পঞ্চায়তত বিশেষ গাঁওসভা সম্পন্ন*

*পিএম কিষাণৰ ১,২৩,৮১৭ জন হিতাধিকাৰীকে ধৰি সকলো যোগ্য খেতিয়কক কেচিচিৰ আওতালৈ অনাৰ লক্ষ্য*

গোলাঘাট, ২৪ এপ্ৰিল : আজাদী কা অমৃত মহোৎসৱৰ সৈতে সংগতি ৰাখি আজিৰে পৰা দেশৰ অন্যান্য ঠাইৰ লগতে গোলাঘাট জিলাতো কেন্দ্ৰীয় চৰকাৰৰ "কিষাণ ভাগীদাৰি প্ৰাথমিকতা হামাৰী" শীৰ্ষক অভিযান আৰম্ভ হৈছে । জিলাখনৰ ১০২ খন গাওঁ পঞ্চায়তত আজি অনুষ্ঠিত বিশেষ গাঁওসভাত এই অভিযানৰ শুভাৰম্ভ কৰা হয় । কেন্দ্ৰীয় কৃষি আৰু কৃষক কল্যাণ মন্ত্ৰালয়ৰ অধীনৰ কৃষি আৰু কৃষক কল্যাণ বিভাগে ৰাজ্য চৰকাৰ, কেন্দ্ৰীয় শাসিত অঞ্চল, বেংক আদিৰ সহযোগত এই অভিযান হাতত লৈছে । এই অভিযানৰ প্ৰধান উদ্দেশ্য হ'ল কিষাণ ক্ৰেডিট কাৰ্ড অৰ্থাৎ কে চি চি নথকা প্ৰধানমন্ত্ৰী কিষাণ সন্মান নিধি চমুকৈ পি এম কিষাণ আঁচনিৰ যোগ্য হিতাধিকাৰীসকলক কেচিচি আঁচনিৰ আওতালৈ আনি বিভিন্ন সা-সুবিধা তথা কৃষি ঋণ প্ৰদানৰ ব্যৱস্থা কৰা । লগতে সকলো যোগ্য খেতিয়কক প্ৰধানমন্ত্ৰী জন ধন যোজনাৰ বিভিন্ন সামাজিক সুৰক্ষা আঁচনি যেনে প্ৰধানমন্ত্ৰী সুৰক্ষা বীমা যোজনা, প্ৰধানমন্ত্ৰী জীৱন জ্যোতি বীমা যোজনা, অটল পেঞ্চন যোজনা আদিৰ আওতালৈ আনি সা সুবিধাসমূহ প্ৰদান কৰা আৰু বিশেষ গাঁওসভা অনুষ্ঠিত কৰি শস্য, পশুপালন, আৰু মীনপালন আদিৰ সৈতে জড়িত আঁচনিসমূহৰ বাবে অধিক কৃষকক কে চি চিৰ অধীনত পঞ্জীয়ন কৰাও এই অভিযানৰ অন্যতম উদ্দেশ্য । বিভিন্ন বেংক, জিলা প্ৰশাসন, নাবাৰ্ড, গাঁও পঞ্চায়ত, আৰু বিভিন্ন বিভাগে ঐক্যবদ্ধভাৱে ৰূপায়ণ কৰিবলগীয়া এই সপ্তাহজোৰা বিশেষ অভিযানত পি এম কিষাণৰ সকলো যোগ্য হিতাধিকাৰীক কে চি চি প্ৰদানৰ বাবে প্ৰয়াস চলোৱা হ'ব । গোলাঘাট জিলাত বৰ্তমান পি এম কিষাণৰ মুঠ হিতাধিকাৰীৰ সংখ্যা হ'ল ১,২৩,৮১৭ । জিলা কৃষি বিষয়া ৰঞ্জিত কুমাৰ শৰ্মাই কয় যে কৃষি খণ্ডৰে জড়িত লোকসকলে কে চি চি ঋণ লাভ কৰিব পাৰে । তেওঁ খেতিয়কসকলক কৃষি ঋণ লোৱাৰ লগতে নিজৰ ফচলৰ বীমা কৰোৱাবলৈ আহ্বান জনায় । আনহাতে প্ৰধানমন্ত্ৰী ফচল বীমা যোজনাৰ জিলা নডেল বিষয়া ৰঞ্জন বৰুৱাই কয় যে ২৪ এপ্ৰিল বা এসপ্তাহৰ ভিতৰত পি এম কিষাণৰ যিকোনো হিতাধিকাৰীয়ে নিজৰ বেংকৰ শাখাত যোগাযোগ কৰি কে চি চি লাভ কৰিব পাৰে । এই অভিযানৰ অধীনত কৃষি, দুগ্ধ উৎপাদন-পশুপালন, মীনপালন আদি সকলো ধৰণৰ উৎপাদন তথা কৃষি কাৰ্যৰে জড়িত লোকে কে চি চি লাভ কৰিব পাৰিব বুলি তেওঁ কয় ।  

উল্লেখযোগ্য যে অভিযানৰ অংশৰূপে ২৫ এপ্ৰিলৰ পৰা ১ মে'লৈ 'ফচল বীমা পাঠশালা' শীৰ্ষক কাৰ্যসূচীও গ্ৰহণ কৰা হ'ব । এই কাৰ্যসূচীৰ উদ্দেশ্য হ'ল প্ৰধানমন্ত্ৰী ফচল বীমা যোজনা সন্দৰ্ভত খেতিয়কসকলক অৱগত কৰোৱা আৰু অধিক খেতিয়কক এই বীমা আঁচনিৰ দ্বাৰা সামৰি লোৱা । 

 

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

Assam COVID-19🦠😷 Details 23/04/2022.

Assam COVID-19🦠😷 Details

 23/04/2022.