Notice

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*ক'ভিড-১৯ত মৃত্যু হোৱা লোকসকলৰ নিকট আত্মীয়ক চৰকাৰে আগবঢ়োৱা ৫০,০০০ টকাৰ সাহায্যৰ বাবে অনলাইনযোগে আবেদন জনাবলৈ গোলাঘাট জিলা প্ৰশাসনৰ আহ্বান*

জনসংযোগ, গোলাঘাট প্ৰেছ বিজ্ঞপ্তি নং-২২১

*ক'ভিড-১৯ত মৃত্যু হোৱা লোকসকলৰ নিকট আত্মীয়ক চৰকাৰে আগবঢ়োৱা ৫০,০০০ টকাৰ সাহায্যৰ বাবে অনলাইনযোগে আবেদন জনাবলৈ গোলাঘাট জিলা প্ৰশাসনৰ আহ্বান*

গোলাঘাট, ২৩ ডিচেম্বৰঃ গোলাঘাট জিলা প্ৰশাসনে জিলাখনৰ ক'ভিড-১৯ত মৃত্যু হোৱা লোকসকলৰ নিকট আত্মীয়ক চৰকাৰে আগবঢ়োৱা ৫০,০০০ টকাৰ সাহায্য লাভ কৰাৰ বাবে অনলাইন ব্যৱস্থাৰে আবেদন জনাবলৈ আহ্বান জনাইছে । উল্লেখযোগ্য যে ৰাষ্ট্ৰীয় দুৰ্যোগ ব্যৱস্থাপনা প্ৰাধিকৰণৰ নিৰ্দেশনাৰ ভিত্তিত গোলাঘাট জিলাতো ক'ভিড-১৯ত আক্ৰান্ত হৈ মৃত্যু হোৱা সকলো লোকৰ নিকট আত্মীয়ক ৫০,০০০ টকাৰ এককালীন সাহায্য প্ৰদান কৰাৰ বাবে ব্যৱস্থা গ্ৰহণ কৰা হৈছে । আবেদনকাৰীসকলে ইয়াৰ বাবে চৰকাৰে মুকলি কৰা  https://cmcovidsupport.assam.gov.in লিংকত অনলাইন ব্যৱস্থাৰ জৰিয়তে আৱেদন কৰিব পাৰিব । এইখিনিতে উল্লেখ কৰিব পাৰি যে ক'ভিড-১৯ত মৃত্যু হোৱা যিকোনো লোকৰ নিকট আত্মীয়ৰ লগতে দেহত ক'ৰণা ভাইৰাছৰ উপস্থিতি ধৰা পৰা এমাহৰ ভিতৰত মৃত্যু হোৱা লোকৰ নিকট আত্মীয়য়ো এই  সাহায্যৰ বাবে আবেদন জনাব পাৰিব । প্ৰাৰ্থনা আঁচনি, ক'ভিড-১৯ ত স্বামীহাৰা হোৱা মহিলাৰ বাবে মুখ্যমন্ত্ৰীৰ সাহায্য আঁচনি আৰু মুখ্যমন্ত্ৰী শিশু সেৱা আঁচনিৰ হিতাধিকাৰীসকলকো এই সাহায্য প্ৰদান কৰা হ'ব । অনলাইন ব্যৱস্থাৰে অতি সোনকালে এই আঁচনিৰ অধীনত আবেদন জনাবলৈ প্ৰশাসনে আহ্বান জনাইছে । অনলাইন আবেদনত অসুবিধাৰ সন্মুখীন হ'লে জিলা উপায়ুক্তৰ কাৰ্যালয়তো যোগাযোগ কৰিব পাৰিব ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*গোলাঘাট জিলাত ২৫ ডিচেম্বৰৰ পৰা ২ জানুৱাৰীলৈ সুৰাপান কৰি বাহন চলোৱা আৰু যানবাহন আইন উলংঘা কৰা লোকৰ বিৰুদ্ধে চলিব ব্যাপক অভিযান**কেইবাটাও স্থানত চলিব আৰক্ষী-আবকাৰী-পৰিবহন বিভাগৰ আকস্মিক অভিযান*

জনসংযোগ, গোলাঘাট প্ৰেছ বিজ্ঞপ্তি নংঃ ২২২

*গোলাঘাট জিলাত ২৫ ডিচেম্বৰৰ পৰা ২ জানুৱাৰীলৈ সুৰাপান কৰি বাহন চলোৱা আৰু যানবাহন আইন উলংঘা কৰা লোকৰ বিৰুদ্ধে চলিব ব্যাপক অভিযান*

*কেইবাটাও স্থানত চলিব আৰক্ষী-আবকাৰী-পৰিবহন বিভাগৰ আকস্মিক অভিযান*

গোলাঘাট, ২৩ ডিচেম্বৰঃ গোলাঘাট জিলাত অহা ২৫ ডিচেম্বৰৰ পৰা ২ জানুৱাৰীলৈ সুৰাপান কৰি বাহন চলোৱা, হেলমেট পৰিধান নকৰাকৈ মটৰ চাইকেল চলোৱা, বাহনত অত্যধিক বোজা কঢ়িওৱা আৰু যানবাহন আইন উলংঘা কৰা লোকৰ বিৰুদ্ধে ব্যাপক অভিযান চলোৱা হ'ব । আজি গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত অনুষ্ঠিত এখন গুৰুত্বপূৰ্ণ বৈঠকত উপায়ুক্ত মৃগেশ নাৰায়ণ বৰুৱাই এই নটা দিনত আৰক্ষী, আবকাৰী বিভাগ আৰু জিলা পৰিবহন বিভাগক কঠোৰভাৱে সুৰাপায়ী চালকৰ বিৰুদ্ধে অভিযান চলাবলৈ নিৰ্দেশ দিয়ে । লগতে তিনিওটা বিভাগক জিলাখনৰ কেইবাটাও স্থানত আকস্মিকভাৱে অভিযান চলাবলৈ উপায়ুক্তগৰাকীয়ে নিৰ্দেশ দিয়ে । তেওঁ বিশেষভাৱে ৩১ ডিচেম্বৰ আৰু পহিলা জানুৱাৰীৰ দিন দুটাত যাতে দুৰ্ঘটনাত পতিত হৈ কোনো লোকে প্ৰাণ হেৰুৱাবলগীয়া নহয়, সেইয়া সুনিশ্চিত কৰাৰ ওপৰত গুৰুত্ব আৰোপ কৰে । বৈঠকত উপায়ুক্তগৰাকীয়ে কয় যে কেৱল চালকেই নহয়, মটৰ চাইকেলত দুজন উঠিলে দুয়োজনেই হেলমেট পিন্ধাটো বাধ্যতামূলক । অন্যথা জৰিমনা বিহা হ'ব বুলি তেওঁ স্পষ্ট কৰি দিয়ে । 

সভাত অতিৰিক্ত উপায়ুক্ত কুলদীপ হাজৰিকা, অতিৰিক্ত আৰক্ষী অধীক্ষক অঞ্জন পণ্ডিত, জিলা পৰিবহন বিষয়া দিব্যজ্যোতি কাৰ্জী, যানবাহন আৰক্ষী, আবকাৰী আদি কেইবাটাও বিভাগৰ বিষয়ববীয়া আৰু প্ৰতিনিধি উপস্থিত আছিল ।  

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*'গ্ৰামাঞ্চলৰ দিশে প্ৰশাসন'ক মূল বিষয়বস্তু হিচাপে লৈ গোলাঘাটত সু-শাসন সপ্তাহ পালন**ইণ্টাৰনেটৰ জৰিয়তে চৰকাৰী আঁচনিসমূহৰ তথ্য লাভ কৰি সুবিধা আদায় কৰিবলৈ জিলা উপায়ুক্তৰ আহ্বান*

জনসংযোগ, গোলাঘাট প্ৰেছ বিজ্ঞপ্তি নংঃ ২২০

*'গ্ৰামাঞ্চলৰ দিশে প্ৰশাসন'ক মূল বিষয়বস্তু হিচাপে লৈ গোলাঘাটত সু-শাসন সপ্তাহ পালন*

*ইণ্টাৰনেটৰ জৰিয়তে চৰকাৰী আঁচনিসমূহৰ তথ্য লাভ কৰি সুবিধা আদায় কৰিবলৈ জিলা উপায়ুক্তৰ আহ্বান*

গোলাঘাট, ২৩ ডিচেম্বৰঃ গোলাঘাট জিলা প্ৰশাসন আৰু গোলাঘাট পূব উন্নয়ন খণ্ড, পদুমণিৰ উদ্যোগত আজি উন্নয়ন খণ্ড কাৰ্যালয়টোৰ প্ৰেক্ষাগৃহত ''গ্ৰামাঞ্চলৰ দিশে প্ৰশাসন''ক মূল বিষয়বস্তু হিচাপে লৈ সু-শাসন সপ্তাহ পালন কৰা হয় । এই উপলক্ষে আয়োজিত এখন সভাত ভাষণ দি গোলাঘাট জিলাৰ উপায়ুক্ত মৃগেশ নাৰায়ণ বৰুৱাই বৰ্তমানৰ ডিজিটেল যুগৰ সৈতে ফেৰ মাৰিব পৰাকৈ ইণ্টাৰনেট আৰু স্মাৰ্টফোনৰ উচিত ব্যৱহাৰৰ ওপৰত গুৰুত্ব আৰোপ কৰে । তেওঁ কয় যে চৰকাৰৰ প্ৰতিখন আঁচনিৰ বিতং তথ্য ইণ্টাৰনেটত পোৱা যায় । তেওঁ ইলেক্ট্ৰনিক মাধ্যমসমূহক চৰকাৰী আঁচনিৰ তথ্য সংগ্ৰহ আৰু আঁচনিৰ সুবিধা আদায় কৰাৰ ক্ষেত্ৰত ব্যৱহাৰ কৰিবলৈ আহ্বান জনায় । তেওঁ কয় যে গোলাঘাট জিলাৰ ৮৫ শতাংশ লোকে নিজৰ আধাৰ কাৰ্ড প্ৰস্তুত কৰিছে যদিও এতিয়াও ১৫ শতাংশ লোক এই বিষয়ত সচেতন হৈ উঠা নাই । তেওঁ ভৱিষ্যত সময়ত আধাৰ ৰেচন কাৰ্ড আৰু অন্যান্য নথিৰ সৈতে সংলগ্ন কৰিব লাগিব বুলি উল্লেখ কৰি সকলোকে নিজৰ আধাৰ কাৰ্ড প্ৰস্তুত কৰিবলৈ আহ্বান জনায় । তেওঁ লগতে কয় যে গোলাঘাট জিলাৰ ১০০ শতাংশ লোকে ক'ভিডৰ প্ৰথম পালি আৰু ৭২ শতাংশ লোকে দ্বিতীয় পালি প্ৰতিষেধক গ্ৰহণ কৰিছে । তেওঁ দ্বিতীয় পালিৰ সময় হোৱা প্ৰতিজন লোককে বিনাদ্বিধাই প্ৰতিষেধক গ্ৰহণ কৰিবলৈ আহ্বান জনায় । আনহাতে অসংগঠিত খণ্ডৰ শ্ৰমিকসকলক তেওঁ ই-শ্ৰম পৰ্টেলৰ জৰিয়তে শ্ৰমিক কাৰ্ড প্ৰস্তুত কৰিবলৈও আহ্বান জনায় ।

আজিৰ অনুষ্ঠানৰ সৈতে সংগতি ৰাখি মীন, পশুপালন আৰু পশুচিকিৎসা বিভাগৰ উদ্যোগত তথা গোলাঘাট পূব উন্নয়ন খণ্ড, পদুমণিৰ সহযোগত জিলা পৰ্যায়ৰ কিষাণ ক্ৰেডিট কাৰ্ডৰ ঋণ অভিযানৰ লগতে প্ৰধানমন্ত্ৰী শ্ৰম যোগী মন-ধন যোজনা(পেঞ্চন আঁচনি) আদিৰ সজাগতা অভিযান চলোৱা হয় । অনুষ্ঠানৰ অংশৰূপে অসংগঠিত খণ্ডৰ শ্ৰমিকসকল প্ৰধানমন্ত্ৰী সুৰক্ষা বীমা যোজনা আৰু বিভিন্ন সামাজিক সুৰক্ষা আঁচনিৰ দ্বাৰা উপকৃত হ'ব পৰাকৈ ই-শ্ৰম পৰ্টেলৰ জৰিয়তে শ্ৰমিক কাৰ্ড যুগুত কৰাৰ বাবেও সজাগতা কাৰ্যসূচী গ্ৰহণ কৰা হয় । আজিৰ অনুষ্ঠানত বিশেষকৈ এম জি এনৰেগাৰ শ্ৰমিকসকলক অগ্ৰাধিকাৰ দি ই-শ্ৰম আৰু প্ৰধানমন্ত্ৰী শ্ৰম যোগী মন-ধন যোজনাৰ অধীনত নাম পঞ্জীয়ন কৰোৱা হয় । অনুষ্ঠানত এবাৰ ব্যৱহাৰযোগ্য প্লাষ্টিকৰ ব্যৱহাৰ বন্ধ কৰাৰ বাবেও সজাগতা অভিযান চলোৱা হয় । 

আঞ্চলিক পঞ্চায়তৰ সভানেত্ৰী অঞ্জুমণি সন্দিকৈ বৰাৰ সভাপতিত্বত অনুষ্ঠিত সভাত জিলা পৰিষদৰ মুখ্য কাৰ্যবাহী বিষয়া ধীৰাজ দাস, অতিৰিক্ত উপায়ুক্ত কুলদীপ হাজৰিকা, এল ডি এম সজীৱ কুমাৰ বৰা আৰু জিলা গ্ৰামোন্নয়ন অভিকৰণৰ প্ৰকল্প সঞ্চালক অবিনাশ শইকীয়াৰ লগতে কেইবাগৰাকীও বিশিষ্ট ব্যক্তিয়ে ভাষণ দিয়ে । গোলাঘাট পূব উন্নয়ন খণ্ড, পদুমনিৰ খণ্ড উন্নয়ন বিষয়া ৰামচন্দ্ৰ দেউৰীৰ তত্বাৱধানত আয়োজিত অনুষ্ঠানত ডি ডি এম, বিভিন্ন বিভাগৰ বিষয়া-কৰ্মচাৰী, উন্নয়ন খণ্ড কাৰ্যালয়ৰ কৰ্মচাৰী, গাঁও পঞ্চায়তৰ সভাপতি, অসম ৰাজ্যিক গ্ৰামীণ জীৱিকা অভিযানৰ কৰ্মচাৰীসকল আৰু জীৱিকা সখীসকলে অংশগ্ৰহণ কৰে ।

*জিলা তথ্য আৰু জনসংযোগ বিষয়া, গোলাঘাট* 

NORTHEAST NEWS INDIA

Notifications