Golaghat COVID-19🦠😷 Details

*অসম মাইক্ৰ' ফাইনেন্স উদগনি আৰু ৰেহাই আঁচনি-২০২১( ক্ষীপ্ৰ আদায়কাৰী শিতান)ৰ অধীনত গোলাঘাট জিলাৰ ৫,০০৪ গৰাকী ঋণগ্ৰস্ত মহিলাক চেক্ প্ৰদান**অসমত অচিৰেই মুকলি হ'ব ১০ খন কৰ্কট ৰোগৰ চিকিৎসালয়, গোলাঘাট জিলাকে ধৰি ৮খন জিলাত কৰ্কট ৰোগৰ নতুন চিকিৎসালয় নিৰ্মাণৰ প্ৰস্তাৱ**ঋণ লোৱা মহিলাসকলক ভৱিষ্যৎ সময়ত নিয়মীয়াকৈ ওভতাই দিয়াৰ আহ্বান বিত্তমন্ত্ৰীৰ**ৰাজ্য চৰকাৰে ১লাখ নিবনুৱা যুৱক-যুৱতীক অহা মে' মাহৰ ভিতৰতে নিযুক্তি দিয়াৰ বাবে প্ৰয়াস অব্যাহত ৰাখিছেঃ অতুল বৰা*

জনসংযোগ, গোলাঘাট প্ৰেছ বিজ্ঞপ্তি নংঃ ১১২

*অসম মাইক্ৰ' ফাইনেন্স উদগনি আৰু ৰেহাই আঁচনি-২০২১( ক্ষীপ্ৰ আদায়কাৰী শিতান)ৰ অধীনত গোলাঘাট জিলাৰ ৫,০০৪ গৰাকী ঋণগ্ৰস্ত মহিলাক চেক্ প্ৰদান*

*অসমত অচিৰেই মুকলি হ'ব ১০ খন কৰ্কট ৰোগৰ চিকিৎসালয়, গোলাঘাট জিলাকে ধৰি ৮খন জিলাত কৰ্কট ৰোগৰ নতুন চিকিৎসালয় নিৰ্মাণৰ প্ৰস্তাৱ*

*ঋণ লোৱা মহিলাসকলক ভৱিষ্যৎ সময়ত নিয়মীয়াকৈ ওভতাই দিয়াৰ আহ্বান বিত্তমন্ত্ৰীৰ*

*ৰাজ্য চৰকাৰে ১লাখ নিবনুৱা যুৱক-যুৱতীক অহা মে' মাহৰ ভিতৰতে নিযুক্তি দিয়াৰ বাবে প্ৰয়াস অব্যাহত ৰাখিছেঃ অতুল বৰা*

গোলাঘাট, ২ ডিচেম্বৰঃ গোলাঘাটৰ সমন্বয় পথাৰ (ৰাজহুৱা খেলপথাৰ)ত আজি "অসম মাইক্ৰ' ফাইনেন্স উদগনি আৰু ৰেহাই আঁচনি-২০২১" ( ক্ষীপ্ৰ আদায়কাৰী শিতান)ৰ অধীনত গোলাঘাট জিলাৰ ৫,০০৪ গৰাকী ঋণগ্ৰস্ত মহিলাক চেক্ প্ৰদান কৰা হয় । এই উপলক্ষে আয়োজিত অনুষ্ঠানত মুখ্য অতিথি হিচাপে অংশ লৈ স্বাস্থ্য আৰু পৰিয়াল কল্যান বিভাগৰ মন্ত্ৰী তথা গোলাঘাট জিলাৰ অভিভাৱক মন্ত্ৰী কেশৱ মহন্তই কয় যে মুখ্যমন্ত্ৰী ডঃ হিমন্ত বিশ্ব শৰ্মা নেতৃত্বাধীন চৰকাৰখনে এই আঁচনিৰ দ্বাৰা কেৱল অসমৰ মহিলাসকলক ঋণমুক্ত কৰাই নহয়, বৰং দুঃচিন্তামুক্ত কৰি এটা সুস্থ জীৱনৰ বাট দেখুওৱাৰ প্ৰয়াস কৰিছে । তেওঁ কয় যে বৰ্তমানৰ চৰকাৰখনে শিক্ষা, স্বাস্থ্য, কৃষি আদি সকলো দিশতে অসমক লেখত ল'বলগীয়া ৰাজ্য হিচাপে প্ৰতিষ্ঠা কৰাৰ লক্ষ্যৰে কাম কৰি আছে । তেওঁ কয় যে ৰাজ্য চৰকাৰে ইতিমধ্যে গোলাঘাটকে ধৰি ৫খন চিকিৎসা মহাবিদ্যালয় নিৰ্মাণৰ কথা ঘোষণা কৰিছে । নতুন চিকিৎসা মহাবিদ্যালয়কেইখন অতি কম সময়ৰ ভিতৰতে নিৰ্মাণ হৈ উঠিব আৰু অন্য চিকিৎসা মহাবিদ্যালয়ৰ তুলনাত অধিক সা-সুবিধাযুক্ত হ'ব বুলি তেওঁ উল্লেখ কৰে । তেওঁ লগতে কয় যে ৰাজ্য চৰকাৰে অহা মাৰ্চ মাহৰ ভিতৰত কৰ্কট ৰোগৰ ছখন চিকিৎসালয় উদ্বোধন কৰিব । আনহাতে, এই বছৰৰ শেষলৈ অহা বিত্তীয় বৰ্ষৰ ভিতৰত আৰু ৪ খন মুঠতে ১০ খন কৰ্কট ৰোগৰ চিকিৎসালয় নিৰ্মাণ কৰা হ'ব । তাৰ উপৰি আন ৮ খন কৰ্কট ৰোগৰ চিকিৎসালয়ৰ বাবে প্ৰস্তাৱ লোৱা হৈছে, ইয়াৰে এখন গোলাঘাট জিলাত নিৰ্মাণ কৰা হ'ব বুলি তেওঁ প্ৰকাশ কৰে । তেওঁ ক'ভিডৰ নতুন ভেৰিয়েন্ট সন্দৰ্ভত ৰাইজক পূৰ্বতকৈ অধিক সজাগ হ'বলৈ আহ্বান জনাই কয় যে সজাগতা আৰু প্ৰতিষেধক গ্ৰহণৰ বাহিৰে ইয়াৰ বিৰুদ্ধে যুঁজ দিয়াৰ অন্য কোনো উপায় নাই । 

অনুষ্ঠানত অংশ লৈ বিত্ত আৰু সমাজ কল্যান মন্ত্ৰী অজন্তা নেওগে মুখ্যমন্ত্ৰীক এই ঋণ ৰেহাই আচঁনিখনৰ বাবে ধন্যবাদ জনাই কয় যে মহিলাসকলক সমাজৰ ভেঁটি হিচাপে গণ্য কৰি মুখ্যমন্ত্ৰী ডঃ হিমন্ত বিশ্ব শৰ্মাই সদায় তেওঁলোকক সমাজত আগস্থান দি আহিছে । এই আচঁনিখনৰ দ্বাৰা অসমৰ ২৪ লাখ মহিলা উপকৃত হ'ব বুলি উল্লেখ কৰি তেওঁ ভৱিষ্যতে ঋণ ল'লে মহিলাসকলক নিয়মীয়াকৈ ওভতাই দিবলৈ আহ্বান জনায় । তেওঁ কয় যে যিটো কামৰ বাবে ঋণ লোৱা হয় সেই কামটো সম্পূৰ্ণ কৰিব পাৰিলেহে নিজৰ অৰ্থনৈতিক অৱস্থা টনকিয়াল হোৱাৰ লৱতে বেংকিং ব্যৱস্থাটো সুচাৰুৰূপে চলি থাকিব । তেওঁ লগতে ক'ভিডৰ ১০০ শতাংশ প্ৰতিষেধক প্ৰদানৰ লক্ষ্যত উপনীত হ'বৰ বাবে সকলোকে সহায়-সহযোগিতা আগবঢ়াবলৈ আহ্বান জনায় । 

অনুষ্ঠানত কৃষি, পশুপালন আদি বিভাগৰ মন্ত্ৰী অতুল বৰাই কয় যে মুখ্যমন্ত্ৰী ডঃ হিমন্ত বিশ্ব শৰ্মাই নিৰ্বাচনৰ সময়ত দিয়া প্ৰতিশ্ৰুতি চৰকাৰখনে শাসনলৈ অহাৰ ছমাহৰ পাছতেই পূৰণ কৰিলে । এই আঁচনিৰ বাবে ৰাজ্য চৰকাৰখনৰ ১২ হাজাৰ কোটি টকা ব্যয় হ'ব আৰু এই আচঁনিয়ে মহিলা সবলীকৰণত যথেষ্ট সহায় কৰিব বুলি তেওঁ উল্লেখ কৰে । আনহাতে যিসকলে ঋণ লৈ ওভতাই দিয়া নাই তেওঁলোকক ভৱিষ্যতে এনে ভুল নকৰিবলৈও তেওঁ আহ্বান জনায় । তেওঁ কয় যে ৰাজ্য চৰকাৰে ১লাখ নিবনুৱা যুৱক-যুৱতীক অহা মে' মাহৰ ভিতৰতে নিযুক্তি দিয়াৰ বাবে প্ৰয়াস অব্যাহত ৰাখিছে । চৰকাৰখনে ৰাজ্যৰ সৰ্বাংগীন বিকাশৰ বাবে সমাজৰ প্ৰতিটো শ্ৰেণীৰ লোককে সামৰি লৈ বিকাশৰ নতুন গতিৰে আগবাঢ়িছে বুলি তেওঁ মত প্ৰকাশ কৰে । 

অনুষ্ঠানত সৰুপথাৰ সমষ্টিৰ বিধায়ক বিশ্বজিৎ ফুকনেও ভাষণ দিয়ে । অনুষ্ঠানৰ আৰম্ভণিতে আজি অসম দিৱস উপলক্ষে বৰ অসমৰ ভেঁটি গঢ়োতা আহোম স্বৰ্গদেউ চাওলুং চ‍্যুকাফাৰ প্ৰতিচ্ছবিৰ সন্মুখত বন্তি প্ৰজ্জলন কৰি শ্ৰদ্ধা নিবেদন কৰা হয় । জিলা উপায়ুক্ত মৃগেশ নাৰায়ণ বৰুৱাই আদৰণি ভাষণ দিয়া অনুষ্ঠানত লীড ডিষ্ট্ৰিক্ট মেনেজাৰ সজীৱ কুমাৰ বৰায়ো ভাষণ দিয়ে । 

উল্লেখযোগ্য যে অসম মাইক্ৰ' ফাইনেন্স উদগনি আৰু ৰেহাই আঁচনিৰ অধীনত গোলাঘাট জিলাৰ মুঠ ৩৪,১৬২ গৰাকী মহিলা উপকৃত হ'ব । আজি ১২ গৰাকী হিতাধিকাৰীক মঞ্চত আনুষ্ঠানিকভাৱে চেক্ প্ৰদান কৰি এই কার্যসূচীৰ শুভাৰম্ভ কৰাৰ পাছতেই মুঠ ১৯টা বেংকৰ ৫,০০৪গৰাকী হিতাধিকাৰীক চেক্ প্ৰদান কৰা হয় । একোগৰাকী হিতাধিকাৰীক সৰ্বাধিক ২৫ হাজাৰ টকাপৰ্যন্ত চেক্ প্ৰদান কৰা হয় ।

আজিৰ অনুষ্ঠানতে স্বাস্থ্য বিভাগে ক'ভিডত স্বামীহাৰা হোৱা মহিলাসকললৈ আগবঢ়োৱা আঢ়ৈ লাখ টকাৰ আৰ্থিক সাহায্যৰ চেক্ গোলাঘাট জিলাৰ ২৮ গৰাকী মহিলাক প্ৰদান কৰা হয় । 

*তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

ৰাজ্যৰ একমাত্ৰ চিৰিয়াখানা খন ন-ৰূপত

 বিশ্বজুৰি ত্ৰাসৰ সৃষ্টি কৰা ক’ভীড-১৯ ব বাবে গুৱাহাটীস্থিত অসম ৰাজ্যিক  চিৰিয়াখানা ও বহুদিন ধৰি দৰ্শনাৰ্থীৰ বাবে বন্ধ ৰখা হৈছিল ৷ জীৱ জন্তুক  এই মৰাত্মক ভাইৰাছৰ পৰা সুৰক্ষিত কৰি ৰাখিবৰ বাবে বিশেষ সাৱধানতা গ্ৰহণ কৰিছিল কতৃপক্ষই ৷ এতিয়া ক’ভীডৰ আতংক আংশিকভাবে হলেও শাম কটাৰ পিছত ৰাইজৰ দৰ্শনৰ বাবে কিছূদিনৰ পূৰ্বে পুণৰ মুকলি কৰা হ’ল ৷ দৰ্শনাৰ্থীৰো সমাগম আৰম্ভ হৈছে ৷ অৱশ্যে   পূৰ্বতে থকা জীৱজন্তু ; উভচৰ প্ৰাণী থকা বহুকেইটা গড়াল খালিহৈ থকা দেখা গ’ল ৷ চিৰিয়াখানালৈ দুটা নতুন জিৰাফ অনাৰ লগতে বিশেষ কাৰণ বশত কিছূসংখ্যক জীৱজন্তু ৰাইজৰ দৰ্শকৰ বাবে অনুমতি দিয়া নাই ৷ এক সূত্ৰে জানিব পৰা গৈছে ৷ ইয়াৰ ভিতৰত পৃথিৱীৰ ভিতৰত সবাতোকৈ সৰু আকাৰৰ বান্দৰো আছে ৷ চিৰিয়াখানাৰ কতৃপক্ষই ৰাজ্যৰ একমাত্ৰ  চিৰিয়াখানা খন ন-ৰূপত

সজাই তোলাৰ বিশেষভাবে সক্ৰীয় হোৱা পৰিলক্ষিত হৈছে ৷ ::

প্ৰকাশ শৰ্মা গোলাঘাট নৰ্থইষ্ট নিউজ ইণ্ডিয়া।

*মৃতকৰ আত্মাৰ প্ৰতি শ্ৰদ্ধা জনাই শ্রীমন্ত শঙ্কৰদেৱ সঙ্ঘৰ গোলাঘাট জিলাৰ গোলাঘাট আঞ্চলিক শাখাৰ সকলো গৃহস্থি আৰু নামঘৰত বন্তি প্ৰজ্বলন* ।

*মৃতকৰ আত্মাৰ প্ৰতি শ্ৰদ্ধা জনাই শ্রীমন্ত শঙ্কৰদেৱ সঙ্ঘৰ গোলাঘাট জিলাৰ গোলাঘাট আঞ্চলিক শাখাৰ সকলো গৃহস্থি আৰু নামঘৰত বন্তি প্ৰজ্বলন* । 

গোলাঘাট,১ ডিচেম্বৰ:

 ২৯ নবেম্বৰ ২০২১ তাৰিখে যোৰহাটৰ মাজমজিয়াত সংঘটিত হোৱা মানৱতাক লজ্জানত কৰা যি ঘটনাতিত প্ৰাণ হেৰুৱা  অনিমেষ ভূঞাৰ আত্মাৰ প্ৰতি সন্মান জনাই 

শ্রীমন্ত শঙ্কৰদেৱ সঙ্ঘৰ গোলাঘাট জিলাৰ, গোলাঘাট আঞ্চলিক শাখাৰ সকলো গৃহস্থিয়ে,আজি ইং ১ ডিচেম্বৰ ২০২১ তাৰিখ বুধবাৰে আজি সন্ধিয়া ৫ বজাত সকলোৰে গৃহত মৃতকৰ আত্মাৰ প্ৰতি শ্ৰদ্ধা জনোৱাৰ লগতে সমাজৰ পৰা দুস্কৃতি বিনাশৰ বাবে ভগৱন্তৰ চৰণত প্ৰাৰ্থনা জনাই  এগছি কৈ বন্তি প্ৰজ্বলন কৰে। 

শ্রীমন্ত শঙ্কৰদেৱ সঙ্ঘৰ গোলাঘাট জিলাৰ, গোলাঘাট আঞ্চলিক শাখাৰ, বেঙেনাখোৱা স্থিত শংকৰী সংস্কৃতি কেন্দ্ৰত নামঘৰ প্ৰাংগণত  আই, বাপ সকলৰ লগতে, গোলাঘাট জিলাৰ গোলাঘাট আঞ্চলিক সেৱাবাহিনীৰ সহযোগত আজি সন্ধিয়া ৫ বজাত  বন্তি প্ৰজ্বলন কৰে । 

*গোলাঘাটৰ পৰা মাধৱ গগৈ ৰিৰ্পত নৰ্থইষ্ট নিউজ ইণ্ডিয়া*।

Golaghat COVID-19🦠😷 Details

*গোলাঘাটত বিশ্ব এইডছ দিৱস উদযাপন**মহাবিদ্যালয়সমূহত এইডছ সম্পৰ্কীয় আলোচনাচক্ৰ অনুষ্ঠিত কৰি সজাগতা সৃষ্টিত গুৰুত্ব আৰোপ উজনি অসমৰ আয়ুক্তৰ*

জনসংযোগ গোলাঘাট  প্ৰেছ বিজ্ঞপ্তি নং : ২১০

*গোলাঘাটত বিশ্ব এইডছ দিৱস উদযাপন*

*মহাবিদ্যালয়সমূহত এইডছ সম্পৰ্কীয় আলোচনাচক্ৰ অনুষ্ঠিত কৰি সজাগতা সৃষ্টিত গুৰুত্ব আৰোপ উজনি অসমৰ আয়ুক্তৰ*

গোলাঘাট, ১ ডিচেম্বৰঃ গোলাঘাট জিলা এইডছ নিয়ন্ত্ৰণ সমিতিৰ উদ্যোগত আজি পৌৰ সভাৰ কাৰ্যালয়ৰ সভাকক্ষত বিশ্ব এইডছ দিৱস উপলক্ষে এখন সজাগতা সভা অনুষ্ঠিত কৰা হয় । সভাত অংশ লৈ উজনি অসমৰ আয়ুক্ত সিদ্ধাৰ্থ সিঙে কয় যে এইডছৰ বিৰুদ্ধে ব্যাপক জনসজাগতা সৃষ্টিৰ প্ৰয়োজন আছে । এইক্ষেত্ৰত মহাবিদ্যালয়সমূহত এইডছ সম্পৰ্কীয় আলোচনাচক্ৰ, সভা আদি অনুষ্ঠিত কৰি ছাত্ৰ-ছাত্ৰীসকলক সজাগ কৰিবলৈ তেওঁ আহ্বান জনায় । ভাৰতত এইডছত আক্ৰান্ত লোকৰ হাৰ মুঠ জনসংখ্যাৰ দশমিক ২ শতাংশ বুলি উল্লেখ কৰি তেওঁ কয় যে ছাত্ৰ-ছাত্রীসকলে সমাজৰ দৰিদ্ৰ শ্ৰেণীৰ লোকসকলক এই সন্দৰ্ভত বিশেষভাৱে সজাগ কৰাৰ ক্ষেত্ৰত গুৰুদায়িত্ব বহন কৰিব পাৰে । এইডছৰ বিৰুদ্ধে যুঁজ দিবলৈ কোনো অকৰ্তৃত্বশীল উৎসৰ পৰা তেজ নল'বলৈ তেওঁ ৰাইজৰ প্ৰতি আহ্বান জনায় । অনুষ্ঠানত জিলা উপায়ুক্ত মৃগেশ নাৰায়ণ বৰুৱাই কয় যে এইডছত আক্ৰান্ত হ'লেও হতাশ হোৱাৰ কাৰণ নাই । এইডছ আক্ৰান্ত লোকসকলক সমাজৰ মূল সুঁতিৰ পৰা আঁতৰাই নথৈ তেওঁলোকক আমিয়েই সুন্দৰ জীৱনৰ পথ দেখুৱাই দিব লাগিব বুলি তেওঁ মন্তব্য কৰে । তেওঁ এই ৰোগৰ বিৰুদ্ধে ঐক্যবদ্ধভাৱে যুঁজ দিবলৈ ব্যাপক সজাগতা সৃষ্টিত গুৰুত্ব আৰোপ কৰে । অনুষ্ঠানত কেইবাগৰাকীও জ্যেষ্ঠ চিকিৎসক ডাঃ তৌফিক হুছেইন, ডাঃ ৰূপক বৰা, ডাঃ ৰবীন তামুলী, ডাঃ ৰঞ্জিত হাজৰিকা আদিয়ে এইডছৰ ভয়াৱহতা আৰু ইয়াৰ বিৰুদ্ধে কেনেকৈ যুঁজ দিব লাগিব এই বিষয়ে ব্যাখ্যা আগবঢ়ায় । অনুষ্ঠানত অংশ লৈ জ্যেষ্ঠ নাগৰিক জিয়াজ্যোতি গগৈয়ে যোগাভ্যাস আৰু ল'ৰা-ছোৱালীৰ মাজত কিছুমান বিষয় মুকলিকৈ পাতিলে এইডছ নিয়ন্ত্ৰণত যথেষ্ট সহায় হ'ব বুলি মত প্ৰকাশ কৰে । অনুষ্ঠানত অতিৰিক্ত উপায়ুক্ত মুন গগৈ, মহকুমাধিপতি (সদৰ) ডঃ সংগীতা বৰঠাকুৰ আৰু ভালেসংখ্যক চিকিৎসক, নাৰ্ছ আৰু ছাত্ৰ-ছাত্ৰীয়ে অংশ লয় । অনুষ্ঠানৰ উদ্দেশ্য ব্যাখ্যা কৰে জিলা এইডছ নিয়ন্ত্ৰণ বিষয়া ডাঃ সুনীতা এক্কাই । অনুষ্ঠানটোত ৰণ্ডিয়া য়ুথ চেণ্টাৰে সহযোগিতা আগবঢ়ায় ।

ইয়াৰ পূৰ্বে বিশ্ব এইডছ দিৱস উপলক্ষে গোলাঘাট জিলা এইডছ নিয়ন্ত্ৰণ সমিতিৰ উদ্যোগত গোলাঘাট নগৰৰ শ্বহীদ কুশল কোঁৱৰ অসামৰিক চিকিৎসালয়ৰ পৰা পৌৰ সভাৰ কাৰ্যালয়লৈকে এটা সজাগতা শোভাযাত্ৰা উলিওৱা হয় । সমদলত চিকিৎসক, নাৰ্ছ, স্বাস্থ্যকর্মী, এন চি চি কেডেট, এন এছ এছ আৰু ছাত্ৰ-ছাত্ৰীসকলে অংশগ্ৰহণ কৰে । গোলাঘাট জিলা ও সত্ৰ ন্যায়াধীশ শ্ৰী বিনোদ কুমাৰ চণ্ডকে এই শোভাযাত্ৰা পতাকা জোকাৰি শুভাৰম্ভ কৰে ।

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA

*গোলাঘাট জিলাৰ ভোটাৰ তালিকাৰ সংক্ষিপ্ত সংশোধনী প্ৰক্ৰিয়াৰ বুজ ল'লে উজনি অসমৰ আয়ুক্ত তথা ভোটাৰ তালিকাৰ পৰ্যবেক্ষক সিদ্ধাৰ্থ সিঙে*

জনসংযোগ গোলাঘাট  প্ৰেছ বিজ্ঞপ্তি নং : ২১১

*গোলাঘাট জিলাৰ ভোটাৰ তালিকাৰ সংক্ষিপ্ত সংশোধনী প্ৰক্ৰিয়াৰ বুজ ল'লে উজনি অসমৰ আয়ুক্ত তথা ভোটাৰ তালিকাৰ পৰ্যবেক্ষক সিদ্ধাৰ্থ সিঙে*

গোলাঘাট, ১ ডিচেম্বৰঃ উজনি অসমৰ আয়ুক্ত তথা ভোটাৰ তালিকাৰ পৰ্যবেক্ষক সিদ্ধাৰ্থ সিঙে আজি গোলাঘাট জিলাৰ উপায়ুক্তৰ কাৰ্যালয়ৰ সভাকক্ষত গোলাঘাট জিলাৰ ভোটাৰ তালিকাৰ বিশেষ সংক্ষিপ্ত সংশোধনী প্ৰক্ৰিয়া সন্দৰ্ভত জিলা প্ৰশাসন আৰু বিভিন্ন ৰাজনৈতিক দলৰ প্ৰতিনিধিৰ সৈতে এক আলোচনাত মিলিত হয় । জিলা উপায়ুক্ত মৃগেশ নাৰায়ণ বৰুৱাৰ উপস্থিতিত অনুষ্ঠিত সভাত আয়ুক্তগৰাকীয়ে ৰাজনৈতিক দলসমূহক প্ৰতিটো ভোটগ্ৰহণ কেন্দ্ৰৰ বিপৰীতে বুথ পৰ্যায়ৰ এজেন্ট চমুকৈ বি এল এ নিয়োগ কৰিবলৈ আহ্বান জনায়, যাতে এজনো যোগ্য ভোটাৰৰ নাম ভোটাৰ তালিকাৰ পৰা বাদ নপৰে সেয়া সুনিশ্চিত কৰিব পৰা যায় । তেওঁ লগতে ক'ভিড 19ৰ বিৰুদ্ধে অব্যাহত থকা ব্যাপক প্ৰতিষেধক প্ৰদান অভিযান "হৰ ঘৰ দস্তক" সফল কৰাৰ বাবে ৰাইজক সজাগ কৰাৰ ক্ষেত্ৰত ৰাজনৈতিক দলসমূহক প্ৰশাসনক সহায় কৰিবলৈ আহ্বান জনায় । অনুষ্ঠানত অংশ লৈ জিলা উপায়ুক্ত মৃগেশ নাৰায়ণ বৰুৱাই ভোটাৰ তালিকাৰ সংশোধনী প্ৰক্ৰিয়াটো সুচাৰুৰূপে সম্পাদন কৰাৰ ক্ষেত্ৰত বি এল এ সকলে গুৰুত্বপূর্ণ ভূমিকা গ্ৰহণ কৰি প্ৰশাসনক সহায় কৰিব পাৰে বুলি মন্তব্য কৰে । সভাত অংশ লোৱা ৰাজনৈতিক দলৰ প্ৰতিনিধিসকলে প্ৰতিটো ভোটগ্ৰহণ কেন্দ্ৰত নিজ নিজ দলৰ বি এল এ নিয়োগ কৰাৰ লগতে প্ৰতিষেধক প্ৰদান অভিযানত সহায় কৰাৰ প্ৰতিশ্ৰুতি দিয়ে । সভাত অতিৰিক্ত উপায়ুক্ত মুন গগৈ, নিৰ্বাচন বিষয়া সুলক্ষণা বৰপাত্ৰগোঁহাই আৰু বিজেপি, অসম গণ পৰিষদ আৰু এ আই ইউ ডি এফ দলৰ প্ৰতিনিধিসকল উপস্থিত আছিল । 

ইয়াৰ পূৰ্বে আয়ুক্তগৰাকীয়ে কুৰালগুৰি, ৰহধলা আদি কেইবাটাও স্থানত ছটা ভোটগ্ৰহন কেন্দ্ৰ পৰিদৰ্শন কৰি বি এল অ'সকলৰ সৈতে মত বিনিময় কৰাৰ লগতে সমগ্ৰ প্ৰক্ৰিয়াৰ বুজ লয় । 

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA