Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

Golaghat COVID-19🦠😷 Details

*মৰঙি কৃষি উন্নয়ন বিষয়া চক্ৰৰ বৰচাপৰি গাঁৱত বিভিন্ন প্ৰজাতিৰ ধানৰ খেতিৰ অংশীদাৰীত্বমূলক মূল্যায়ন কাৰ্যসূচী সম্পন্ন*

জনসংযোগ, গোলাঘাট প্ৰেছ বিজ্ঞপ্তি নংঃ ১৯৮

*মৰঙি কৃষি উন্নয়ন বিষয়া চক্ৰৰ বৰচাপৰি গাঁৱত বিভিন্ন প্ৰজাতিৰ ধানৰ খেতিৰ অংশীদাৰীত্বমূলক মূল্যায়ন কাৰ্যসূচী সম্পন্ন*

গোলাঘাট, ২৭ নৱেম্বৰঃ মৰঙি  কৃষি উন্নয়ন বিষয়া চক্ৰৰ অধীনৰ বৰচাপৰি গাঁৱত কালি অসম এগ্ৰিবিজনেছ আৰু গ্ৰাম্য ৰূপান্তৰ প্ৰকল্প চমুকৈ এপার্টৰ অধীনত একে ঠাইতে সুকীয়া সুকীয়াকৈ বিভিন্ন প্ৰজাতিৰ ধানৰ খেতি (ৰাইচ ভেৰায়েটেল কেফেটেৰিয়া)ৰ এটা অংশীদাৰীত্বমূলক মূল্যায়ন কাৰ্যসূচী অনুষ্ঠিত হয় । গোলাঘাটৰ জিলা কৃষি বিষয়াৰ কাৰ্যালয় আৰু অসম এগ্ৰিবিজনেছ আৰু গ্ৰাম্য ৰূপান্তৰ প্ৰকল্প তথা কৃষি প্ৰযুক্তি ব্যৱস্থাপনা সংস্থা চমুকৈ এপার্ট-আত্মা, গোলাঘাটৰ উদ্যোগত অনুষ্ঠিত এই কাৰ্যসূচী জ্যেষ্ঠ কৃষি উন্নয়ন বিষয়া (এগ্ৰ') তথা এপাৰ্টৰ জিলা ন'ডেল বিষয়া ৰঞ্জন বৰুৱাই শুভাৰম্ভ কৰে । অনুষ্ঠানত স্থানীয় আৰু বৰ্ণসংকৰ মুঠ ১০টা ধানৰ প্ৰজাতি প্ৰদৰ্শন কৰা হয় । ২,০০০ বৰ্গ মিটাৰ এলেকাত উদ্যমী কৃষক ৰাজীৱ চেতিয়াৰ পথাৰত আন্তঃৰাষ্ট্ৰীয় ধান গৱেষণা কেন্দ্ৰ আৰু গোলাঘাট জিলা কৃষি বিভাগৰ তত্বাৱধানত এই একে ঠাইতে সুকীয়া সুকীয়াকৈ বিভিন্ন প্ৰজাতিৰ ধানৰ খেতি কৰা হৈছে । অনুষ্ঠানৰ অংশৰূপে বিভিন্ন ঠাইৰ পৰা অহা ৩৫ গৰাকী কৃষকে বিভিন্ন প্ৰজাতিৰ ধানৰ মূল্যায়ন কৰে । ধানৰ লক্ষনগত বৈশিষ্ট্যৰ ওপৰত ভিত্তি কৰি তেওঁলোকে দিয়া ভোটৰ ওপৰত নিৰ্ভৰ কৰি ৰঞ্জিত ছাব ১ (এছ টি আৰ ভি) ধানক প্ৰথম স্থান, কণ জহা (প্ৰিমিয়াম শ্ৰেণীৰ ধান)ধানক দ্বিতীয় স্থান আৰু কাজল (এল পি ভি)ধানক তৃতীয় স্থানত ৰখা হয় । 

 

অনুষ্ঠানত কৃষি উন্নয়ন বিষয়া তথা মৰঙি উন্নয়ন খণ্ডৰ আহ্বায়ক সংঘমিত্ৰা শৰ্মা, এপাৰ্টৰ জিলা পৰিৱেশ সমন্বয়ক ডঃ বনশ্ৰী শৰ্মা, আন্তৰাষ্ট্ৰীয় ধান গৱেষণা কেন্দ্ৰৰ কনিষ্ঠ গৱেষক অংকিতা চাহু, গোলাঘাট আৰু মৰঙি কৃষি উন্নয়ন বিষয়া চক্ৰৰ কৃষি সম্প্ৰসাৰণ সহকাৰীসকল, মৰঙি উন্নয়ন খণ্ডৰ খণ্ড প্ৰযুক্তি প্ৰৱন্ধক দিগন্ত গোহাঁই, সহকাৰী প্ৰযুক্তি প্ৰৱন্ধক জ্ঞায়ছি ৰয়, এপাৰ্টৰ ৰিচাৰ্ছ টেকনিচিয়ান অভিষেক সিংহ, স্থানীয় কৃষক আৰু ভালেমান গাঁওবাসী উপস্থিত আছিল । 

উল্লেখযোগ্য যে বিশ্ব বেংকৰ অৰ্থ সাহায্যৰে গোলাঘাট জিলাৰ চাৰিটা কৃষি উন্নয়ন বিষয়া চক্ৰৰ অধীনত ৰূপায়িত এই এপার্ট প্ৰকল্পৰ দ্বাৰা খেতিয়কসকলে নিজে খেতিৰ বাবে উপযুক্ত প্ৰজাতি নিৰ্ধাৰণ কৰিব পাৰিব ।

 

*জনসংযোগ, গোলাঘাট*

NORTHEAST NEWS INDIA

COVID-19🦠😷 Vaccination Session site list Golaghat District. On 27/11/2021

COVID-19🦠😷 Vaccination Session site list Golaghat District. On 27/11/2021

Notifications

Golaghat COVID-19🦠😷 Details

Golaghat COVID-19🦠😷 Details

*গোলাঘাটৰ সাধনী কলাক্ষেত্ৰত আজিৰে পৰা মাহজোৰা কাৰ্যসূচীৰে মৌ-পালনৰ প্ৰশিক্ষণ কাৰ্যসূচী* *মৌ-পালন কেৱল এটা বৃত্তি নহয়, পৰিৱেশ সুৰক্ষাৰ সৈতে জড়িত এটা বিষয়ঃ উপায়ুক্ত*

জনসংযোগ, গোলাঘাট প্ৰেছ বিজ্ঞপ্তি নংঃ ২০৩

*গোলাঘাটৰ সাধনী কলাক্ষেত্ৰত আজিৰে পৰা মাহজোৰা কাৰ্যসূচীৰে মৌ-পালনৰ প্ৰশিক্ষণ কাৰ্যসূচী*

 *মৌ-পালন কেৱল এটা বৃত্তি নহয়, পৰিৱেশ সুৰক্ষাৰ সৈতে জড়িত এটা বিষয়ঃ উপায়ুক্ত*

গোলাঘাট, ২৬ নৱেম্বৰঃ প্ৰধানমন্ত্ৰীৰ কৌশল ভাৰত অভিযানৰ সৈতে সংগতি ৰাখি পৰিৱেশ, বন আৰু জলবায়ু পৰিৱৰ্তন মন্ত্ৰালয়ৰ ৰাষ্ট্ৰীয় সেউজ কৌশল বিকাশ কাৰ্যক্ৰমৰ অধীনত আজিৰেপৰা গোলাঘাটৰ বীৰাংগনা সাধনী কলাক্ষেত্ৰত বনৰীয়া মৌ-পালন আৰু প্ৰকাৰণৰ এমহীয়া প্ৰমাণ-পত্ৰৰ এটা মাহজোৰা প্ৰশিক্ষণ আৰম্ভ হৈছে । অসম বিজ্ঞান, প্ৰযুক্তি আৰু পৰিৱেশ পৰিষদৰ অন্তৰ্গত পৰিৱেশ তথ্য কেন্দ্ৰ (ENVIS Hub) ৰ উদ্যোগত আৰু মানৱ কল্যান উন্নয়ন পৰিষদৰ সহযোগত গ্ৰহণ কৰা এই কাৰ্যসূচীৰ আজিৰ উদ্বোধনী অনুষ্ঠানত গোলাঘাট জিলাৰ উপায়ুক্ত মৃগেশ নাৰায়ণ বৰুৱাই অংশগ্ৰহণ কৰে । তেওঁ নিজৰ ভাষণত কয় যে এই প্ৰশিক্ষণৰ দ্বাৰা প্ৰশিক্ষাৰ্থীসকলে যে কেৱল এটা জীৱিকাৰ পথ উলিয়াব পাৰিব তেনে নহয়, বৰং তেওঁলোকে এটা সুস্থ জীৱনশৈলীৰো জ্ঞান লাভ কৰিব ।  ইউৰোপ, জাৰ্মানী আদি দেশৰ উদাহৰণ দাঙি ধৰি তেওঁ কয় যে বৰ্তমান সময়ত মৌ-পালন এটা বৃহৎ পৰিসৰলৈ আগবাঢ়িছে । মৌ-পালন যিহেতু পৰিৱেশ সুৰক্ষাৰ সৈতে জড়িত বিষয়, সেয়ে ই উপাৰ্জনৰ এটা ভাল মাধ্যম হোৱাৰ লগতে এই বৃত্তি ৰাষ্ট্ৰ নিৰ্মাণৰ প্ৰতিও এক অৱদান হ'ব । প্ৰসংগক্ৰমে তেওঁ গোলকীয় উষ্ণতা হ্ৰাস কৰাৰ বাবে সৌৰ শক্তিৰ ব্যৱহাৰৰ ওপৰতো গুৰুত্ব আৰোপ কৰে । অনুষ্ঠানত অংশ লৈ অসম বিজ্ঞান, প্ৰযুক্তি আৰু পৰিৱেশ পৰিষদৰ বিষয়া তথা এনভিছ-হাবৰ সমন্বয়ক ডঃ জয়দ্বীপ বৰুৱাই কয় যে এই প্ৰশিক্ষণত হাবিৰ পৰা বনৰীয়া মৌ ধৰি আনি পোহা, বাকচ নিৰ্মাণ কৰা, মৌৰ পৰা মম প্ৰস্তুত কৰা আদি সকলো দিশ সামৰি প্ৰশিক্ষণ প্ৰদান কৰা হ'ব । তেওঁ কয় যে মৌ আৰু বিভিন্ন পতংগক সুৰক্ষা প্ৰদানেৰে প্ৰকৃতিৰ সেউজ আৱৰণখনক সুৰক্ষা দিয়াৰ বাবে বিজ্ঞানসন্মতভাৱে মৌ পালন কৰা দৰকাৰ । বনৰীয়া মৌৰ বাঁহ কাটি আনিলে বা বাঁহ জ্বলাই মৌ সংগ্ৰহ কৰিলে মৌ মাখিৰ এটা বৃহৎ উপনিৱেশ ধ্বংস হয় । সেয়ে বহনক্ষম উন্নয়নৰ স্বাৰ্থত মৌ মাখিৰ ক্ষতি নকৰাকৈ মৌ-পালন কৰাৰ বাবে উপযুক্ত প্ৰশিক্ষণৰ আৱশ্যকতা আছে । মৌ-পালনৰ প্ৰশিক্ষণৰ লগতে এই কাৰ্যসূচীত যোগাভ্যাস আৰু বিজ্ঞানসন্মতভাৱে আৱৰ্জনা নিষ্কাশনৰো প্ৰশিক্ষণ দিয়া হ'ব বুলি তেওঁ উল্লেখ কৰে । অনুষ্ঠানত মানৱ কল্যান উন্নয়ন পৰিষদৰ অতিৰিক্ত সচিব মৃণ্ময় সাহায়ো অংশগ্ৰহণ কৰে । আজিৰ অনুষ্ঠানত পূৰ্বে প্ৰশিক্ষণ গ্ৰহণ কৰা তথা বৰ্তমান সফল মৌ-পালক মান্না হাজৰিকা আৰু প্ৰিয়ব্ৰত গোস্বামীয়ে নিজৰ মনৰ ভাৱ ব্যক্ত কৰে । অনুষ্ঠানটোৰ আঁত ধৰে এনভিছ হাব, অসমৰ কাৰ্যক্ৰম বিষয়া ডঃ মনিষা শৰ্মাই । অনুষ্ঠানত এনভিছ হাব, অসমৰ তথ্য বিষয়া সমীৰণ কলিতা আৰু তথ্য-প্ৰযুক্তি বিষয়া উৎপল দাসৰ লগতে এনভিছ হাবৰ কৰ্মী আৰু প্ৰশিক্ষাৰ্থীসকল উপস্থিত আছিল ।  

*জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA