09 July, 2021
অহা কালিলৈ ইংৰাজী ১০/০৭/২০২১ তাৰিখে ডিব্ৰুগড় জিলা প্ৰশাসনৰ উদ্যোগত উল্লেখিত স্থান/কেন্দ্ৰত ১৮ বছৰ বয়সৰ উৰ্দ্ধৰ ব্যক্তি সকলৰ বাবে সীমিত সংখ্যক ক'ভিড ১৯ ৰ দ্বিতীয় পালি টীকা(covishield) প্ৰদানৰ ব্যৱস্থা কৰা হৈছে ।
লগতে, উক্ত বয়সৰ লোকসকল, যিসকলৰ প্ৰথম পালি ক'ভিড ১৯ টীকা গ্ৰহণৰ ৮৪ দিন উকলি গৈছে তেওঁলোকে দ্বিতীয় পালি টীকা গ্ৰহণৰ ক্ষেত্ৰত অগ্ৰাধিকাৰ লাভ কৰিব । ইয়াৰোপৰি বাম কলাখোৱা জনতা বিদ্যালয়ত ১৮ বছৰ বয়সৰ উৰ্দ্ধৰ বানপীড়িত অঞ্চলৰ ব্যক্তিসকল, মৰাণ প্ৰাথমিক বিদ্যালয়ত ১৮ বছৰ বয়সৰ উৰ্দ্ধৰ (NRLM) ৰ আত্ম সহায়ক গোটৰ সদস্যসকল আৰু ১৩ নং শান্তিপাৰা ৱাৰ্ডত ১৮ বছৰ বয়সৰ উৰ্দ্ধৰ চাফাই কৰ্মচাৰী সকলৰ বাবে সংৰক্ষিত কৰা হৈছে । ঠিক সেইদৰে, উক্ত বয়সৰ ক'মৰ্বিদিতি (Co-morbidity) ৰোগীসকল আৰু সংক্ৰমণৰ পৰিমাণ বাঢ়ি থকা অঞ্চলসমূহৰ বাবেও বিশেষ প্ৰতিষেধক শিবিৰৰ ব্যৱস্থা কৰা হৈছে । জিলা প্ৰশাসনে এইক্ষেত্ৰত ৰাইজক টীকাকৰণ কেন্দ্ৰসমূহত সামাজিক দূৰত্ব আৰু ক'ভিডৰ নীতি নিয়মসমূহ পালন কৰি যাবলৈ আহ্বান জনাইছে ।
