Northeast News India

Friday, 30 April 2021

30 April, 2021 Golaghat Covid update

30 April, 2021

Golaghat Covid update

গোলাঘাট জিলাত ৫ জন বা তাতকৈ অধিক লোকৰ সমাগমত নিষেধাজ্ঞা, আটচবাজিৰ ব্যৱহাৰো নিষিদ্ধ ঘোষণা

30 April, 2021

প্ৰেছ বিজ্ঞপ্তি নং : ৬৫/২০২১

গোলাঘাট জিলাত ৫ জন বা তাতকৈ অধিক লোকৰ সমাগমত নিষেধাজ্ঞা, আটচবাজিৰ ব্যৱহাৰো নিষিদ্ধ ঘোষণা

গোলাঘাট, ৩০এপ্ৰিল : অহা ২ মে'ত হ'বলগীয়া বিধানসভা নিৰ্বাচনৰ ভোটগণনাৰ প্ৰতি লক্ষ্য ৰাখি ক'ভিড-19ৰ দ্ৰুত সংক্ৰমণ ৰোধ কৰাৰ উদ্দেশ্যে গোলাঘাট জিলা প্ৰশাসনে তৎকালীনভাৱে কাৰ্যকৰী হোৱাকৈ চি আৰ পি চি ৰ ১৪৪ ধাৰাৰ অধীনত কেতবোৰ নিষেধাজ্ঞা জাৰি কৰিছে । সেই অনুসৰি ৫ জন বা তাতকৈ অধিক লোকৰ সমাগম নিষিদ্ধ কৰা হৈছে । লগতে আটচবাজি, ফটকা আদি ফুটোৱা, বিক্ৰী আৰু ব্যৱহাৰত নিষেধাজ্ঞা আৰোপ কৰা হৈছে । অতিৰিক্ত জিলা দণ্ডাধীশ ৰক্তিম বৰুৱাই এই সম্পৰ্কে নিৰ্দেশ জাৰি কৰিছে ।এই নিৰ্দেশ উলংঘা কৰিলে ভাৰতীয় দণ্ডবিধিৰ ১৮৮ ধাৰাৰ অধীনত ব্যৱস্থা গ্ৰহণ কৰা হ'ব ।

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA

গোলাঘাট জিলাত ২ মে'ত ড্ৰাই দে ঘোষণা

30 April, 2021

প্ৰেছ বিজ্ঞপ্তি নং : ৬৪/২০২১

গোলাঘাট জিলাত ২ মে'ত ড্ৰাই দে ঘোষণা

গোলাঘাট, ৩০এপ্ৰিল : বিধানসভা নিৰ্বাচনৰ ভোটগণনাৰ প্ৰতি লক্ষ্য ৰাখি গোলাঘাট জিলা প্ৰশাসনে অহা ২ মে'ৰ দিনটো ভোটগণনা শেষ নোহোৱালৈকে ড্ৰাই দে ঘোষণা কৰিছে । যদি ভোটগণনা ৩ মে' দিনৰ ১১বজাৰ পাছতো অব্যাহত থাকে তেনেহ'লে ৩ মে'ৰ দিনটোও ড্ৰাই দে হিচাপে গণ্য কৰা হ'ব । এই সময়ছোৱাত সকলো পাইকাৰী আৰু খুচুৰা সুৰাৰ বিপনী বন্ধ থাকিব । লগতে সুৰা বিক্ৰীৰ অনুজ্ঞাপ্ৰাপ্ত ক্লাব, হোটেল আদিতো সুৰাৰ বিক্ৰী নিষিদ্ধ কৰা হৈছে । এই সময়ছোৱাত অনুজ্ঞাপত্ৰ নথকা স্থানত সুৰা মজুত ৰাখিবও নোৱাৰিব । এই নিৰ্দেশ উলংঘা কৰিলে অসম আবকাৰী আইন আৰু নিৰ্বাচন বিধিৰ ১৩৫ চি ধাৰাৰ অধীনত ব্যৱস্থা গ্ৰহণ কৰা হ'ব ।

জিলা তথ্য আৰু জনসংযোগ বিষয়া, গোলাঘাট

NORTHEAST NEWS INDIA