10 March, 2021
প্ৰেছ বিজ্ঞপ্তি
গোলাঘাটত ২৪ গৰাকী প্ৰাৰ্থীৰ মনোনয়ন বৈধ
গোলাঘাট ১০ মাৰ্চ :- গোলাঘাট জিলাৰ ৪টা সমষ্টিৰ বাবে ২৪ গৰাকী প্ৰাৰ্থীৰ মনোনয়ন পত্ৰ বৈধ পোৱা গৈছে। আজি মনোনয়ন পত্ৰসমূহ পৰীক্ষা কৰা হয়। ৯৩-বোকাখাত সমষ্টিত ১১ গৰাকী, ৯৪- সৰুপথাৰ সমষ্টিত ৪ গৰাকী, ৯৫-গোলাঘাট সমষ্টিত ৩ গৰাকী আৰু ৯৬-খুমটাই সমষ্টিত ৬ গৰাকী প্ৰাৰ্থীৰ মনোনয়ন পত্ৰ বৈধ পোৱা গৈছে । ৯৩-বোকাখাত সমষ্টিত অসম গণ পৰিষদৰ অতুল বৰা, এন চি পি ৰ মৃদুল শইকীয়া, অসম জাতীয় পৰিষদৰ ৰেৱকান্ত গগৈ, ভাৰতীয় ট্ৰাইবেল পাৰ্টীৰ চাইমন তাঁতী আৰু নিদলীয় প্ৰাৰ্থী হিচাপে প্ৰণৱ দলে, জিতেন গগৈ, দুলাল বৰা, বিজয় কুটুম, জীৱন চন্দ্ৰ বৰা, হেমন্ত দলৈ আৰু দিনেশ কৰ্মকাৰৰ মনোনয়ন পত্ৰ বৈধ ঘোষণা কৰা হৈছে । আনহাতে ৯৪-সৰুপথাৰ সমষ্টিত কংগ্ৰেছ দলৰ ৰ’জলীনা তিৰ্কী, বিজেপিৰ বিশ্বজিত ফুকন, অসম জাতীয় পৰিষদৰ ৰাজু ফুকন আৰু নিৰ্দলীয় প্ৰাৰ্থী হিচাপে গোপাল গগৈৰ মনোনয়ন পত্ৰ বৈধ পোৱা গৈছে। ইফালে ৯৫-গোলাঘাট সমষ্টিত বিজেপিৰ অজন্তা নেওগ, কংগ্ৰেছৰ বিতোপন শইকীয়া আৰু অসম জাতীয় পৰিষদৰ ৰীনা শইকীয়াৰ মনোনয়ন পত্ৰ বৈধ ঘোষণা কৰা হৈছে । ৯৬- খুমটাই সমষ্টিত কংগ্ৰেছৰ বিস্মিতা গগৈ, বিজেপিৰ মৃণাল শইকীয়া, অসম জাতীয় পৰিষদৰ পবন শইকীয়া আৰু নিৰ্দলীয় প্ৰাৰ্থী হিচাপে প্ৰিয়ম কোৱঁৰ, চাও চুচেনফা গগৈ আৰু দীপক গোৱালাৰ মনোনয়ন পত্ৰ বৈধ পোৱা গৈছে । মনোনয়ন পত্ৰ প্ৰত্যাহাৰৰ অন্তিম দিন ১২ মাৰ্চ।
গোলাঘাট নিৰ্বাচন জিলাৰ প্ৰচাৰ কোষ
নৰ্থ ইষ্ট নিউজ ইণ্ডিয়া
