09 March, 2021
প্ৰেছ বিজ্ঞপ্তি
গোলাঘাটত উপস্থিত নিৰ্বাচনী পৰ্যবেক্ষক
গোলাঘাট, ৯ মাৰ্চ : গোলাঘাট নিৰ্বাচন জিলাৰ অধীনৰ ৯৫-গোলাঘাট আৰু ৯৬-খুমটাই বিধানসভা সমষ্টিৰ বিধানসভা নিৰ্বাচনৰ পৰ্যবেক্ষক (General Observer ) হিচাপে ৰামকৃষ্ণ চাহুৱে দায়িত্ব গ্ৰহণ কৰিছে । পৰ্যবেক্ষকগৰাকীয়ে আজি গোলাঘাট জিলাৰ উপায়ুক্ত তথা জিলা নিৰ্বাচন বিষয়া বিভাষ চন্দ্ৰ মোডীক সাক্ষাৎ কৰি নিৰ্বাচনৰ প্ৰস্তুতিৰ বিষয়ে বুজ লয় । তেওঁ ৰাইজলৈ গোহাৰি জনাই কয় যে নিৰ্বাচন সংক্ৰান্তীয় যিকোনো অভাৱ-অভিযোগ উত্থাপন কৰিবলৈ তেওঁক পোনপটীয়াকৈ ৯৪৩৮৪-৪৪৯১৮ দূৰভাষ নম্বৰত ফোন কৰি জনাব পাৰিব । লগতে তেওঁক ramakrushna.sahoo3@gmail.com ত ই - মেইল প্ৰেৰণ কৰি যোগাযোগ কৰিব পৰা যাব । শ্ৰী চাহুৱে আসন্ন বিধানসভা নিৰ্বাচনত ভোটদাতাসকলক কোনো প্ৰলোভনত নপৰি নিজৰ বিবেকেৰে বিচাৰ বিবেচনা কৰি ভোট দিবলৈ আহ্বান জনায় । তেওঁ কয় যে ভোটদান এটা দায়িত্ব আৰু সকলোৱে এই দায়িত্ব পালন কৰা উচিত । নিৰ্বাচনক লৈ ৰাইজৰ মাজত যথেষ্ট উৎসাহ পৰিলক্ষিত হৈছে বুলি মন্তব্য কৰি তেওঁ এইবাৰ সমষ্টি দুটাত ১০০ শতাংশ ভোটদান হ'ব বুলি আশা প্ৰকাশ কৰে ।
গোলাঘাট নিৰ্বাচন জিলাৰ প্ৰচাৰ কোষ
নৰ্থ ইষ্ট নিউজ ইণ্ডিয়া
