*নগালেণ্ড বিধানসভাৰ নিৰ্বাচনৰ বাবে অসম-নাগালেণ্ড সীমান্তৱৰ্তী এলেকাসমূহত ড্ৰাই ডে' ঘোষণা*

জনসংযোগ, গোলাঘাট প্ৰেছ বিজ্ঞপ্তি নং : ৩৯১/২০২৩

*নগালেণ্ড বিধানসভাৰ নিৰ্বাচনৰ বাবে অসম-নাগালেণ্ড সীমান্তৱৰ্তী এলেকাসমূহত  ড্ৰাই ডে' ঘোষণা*

গোলাঘাট, ২৩ ফেব্ৰুৱাৰী : নাগালেণ্ডৰ সমাগত বিধানসভা নিৰ্বাচনৰ পৰিপ্ৰেক্ষিতত গোলাঘাট জিলাৰ অসম-নাগালেণ্ড সীমান্তৱৰ্তী তথা সংলগ্ন এলেকাসমূহত ২৫ ফেব্ৰুৱাৰীৰ বিয়লি ৪ বজাৰ পৰা ২৭ ফেব্ৰুৱাৰীৰ বিয়লি ৪ বজালৈকে অৰ্থাৎ ভোটগ্ৰহণৰ অন্ত নপৰালৈকে আৰু লগতে ২ মাৰ্চ ভোটগণনাৰ দিনা ভোটগণনা প্ৰক্ৰিয়া শেষ নোহোৱালৈকে সুৰা নিষিদ্ধ দিন হিচাপে ঘোষণা কৰা হৈছে । জিলা উপায়ুক্তই জাৰি কৰা এই সম্পৰ্কীয় নিৰ্দেশনাত কোৱা হৈছে যে উল্লিখিত দিনকেইটাত জিলাখনৰ সৰুপথাৰ আৰু ফৰকাটিং আবকাৰী চক্ৰৰ অধীনৰ অঞ্চলসমূহত সুৰাৰ বিপনীসমূহ বন্ধ থাকিব । এই নিৰ্দেশ উলংঘা কৰিলে অসম আবকাৰী আইন আৰু বিধি ২০১৬ আৰু জন প্ৰতিনিধিত্ব আইন, ১৯৫১ৰ ১৩৫ (চি) ধাৰাৰ অধীনত ব্যৱস্থা গ্ৰহণ কৰা হ'ব ।  

 *জিলা তথ্য আৰু জনসংযোগ বিষয়া, গোলাঘাট*

NORTHEAST NEWS INDIA