জামুগুৰি চেঙাজান চাহ বাগিচাৰ জনতাৰ ৰোষত জামুগুৰি থানাৰ ভাৰপ্ৰাপ্ত বিষয়া সঞ্জয় সন্যাল :

 31 July, 2021

জামুগুৰি চেঙাজান চাহ বাগিচাৰ জনতাৰ  ৰোষত জামুগুৰি থানাৰ ভাৰপ্ৰাপ্ত বিষয়া সঞ্জয় সন্যাল : 

 গোলাঘাট জিলাৰ জামুগুৰি আৰক্ষী থানাৰ অন্তৰ্গত   চেঙাজান চাহ বাগিচাৰ টাঙোন হোলাত আজি আৰক্ষীয়ে অবৈধ চুলাই মদ ভাঙিব গৈ আৰক্ষী থানাৰ ভাৰপ্ৰাপ্ত সঞ্জয় সণ্যালৰ লগতে দুই সতীৰ্থ চৈয়দ ছাদুল্লা আৰু আদিত্য নাৰায়ণ ৰয়ক একাংশ উত্তেজিত লোকে মাৰপিত কৰাৰ লগতে গাড়ীখনৰো ক্ষতি সাধন কৰি আৰক্ষী দলটোক  খেদি পঠিয়াই। ৰাইজৰ পহুখেদাত আৰক্ষীৰ দলটোৱে কথমি প্ৰাণ ৰক্ষা কৰি পলায়ন কৰে ৷ ইয়াৰ পিছতেই টাঙোনহোলাৰ মনোজ পানীকা নামৰ এজন লোকৰ ম’বাইল কাঢ়ি অনাৰ  ঘটনাক কেন্দ্ৰ কৰি জামুগুৰি আৰক্ষী থানা ঘেৰাও কৰি একাংশলোকে পৰিস্থিতি উত্তপ্ত কৰি তুলে। প্ৰতিবাদকাৰি সকলে জামুগুৰি আৰক্ষী বিষয়াজনক শাস্তিমূলক ব্যৱস্থা গ্ৰহণ  কৰাৰ লগতে শীঘ্ৰে বদলি কৰিবলৈ দাবী জনায়। পাছত ঘটনা স্থলীত গোলাঘাট জিলাৰ উচ্চ পৰ্যায়ৰ আৰক্ষী বিষয়া অতিৰিক্ত আৰক্ষী অধীক্ষক, উপ আৰক্ষী অধীক্ষক উপস্থিত হৈ পৰিস্থিতি নিয়ন্ত্ৰণ কৰে। আনহাতে প্ৰতিবাদকাৰী সকলৰ পৰা উচ্চ পদস্থ বিষয়াকলে    লিখিত অভিযোগ গ্ৰহণ কৰি উচিত ব্যৱস্থা গ্ৰহণ কৰিব  বুলি আশ্বাস প্ৰদান কৰিছে। আনহাতে ৰাইজৰ অভিয়োগমতে এই আৰক্ষীবিষয়াজনে যোগদান কৰাৰ পিছত বহুলোকক দাবী ধমকী আৰু ভয় ভাবুকীৰে ধন আদায় কৰি আহিছিল ৷ কালি দলৌজান তিনিঅলিৰ এজন ব্যবসায়ীয়ে গাড়ীৰপৰা নমাই সুলভমুল্যৰ চাউল দোকানত ভৰাওতেই মাত্ৰ তেৰ মিনিট পলম হওতেই বিষয়াজনে দলবল সহ উপস্থিত হৈ জৰিমনা বিহে ৷ ঠিক তেনেদৰে লক্ষীবাৰীৰ এখন ফাৰ্মাচী লণ্ডভণ্ড কৰিছিল পথাৰত হালবাবলৈ যোৱা কৃষকৰ টেক্টৰৰ পৰাও জৰিমনা আদায় কৰিছিল ৷ এনেদৰে বিভিন্ন অজুহাত দেখুৱাই বিভিন্ন জনক সামান্য কথাতে জৰিমনা বিহাৰ লগতে উৎকোচ আদায় কৰাৰ অভিযোগ আছে ৷ মুঠতে এই বিষয়া জনে এলেকাটোত আৰক্ষী -ৰাইজৰ সম্পৰ্কত এক ব্যৱধান সৃষ্টি কৰাত ৰাইজ ক্ষুভিত হৈ পৰিছিল ৷ আজি আৰক্ষীৰ দলটোৱে অবৈধ চুলাই ধংস কৰিবলৈ গৈ ম’বাইল ফোন কাঢ়ি নিয়াত সংঘটিত হোৱা এনে অবাঞ্চিত

 ঘটনা ৰাইজে সন্তোষ্টিহে প্ৰকাশকৰা দেখাগ’ল ৷ আৰক্ষী বিষয়াগৰাকীৰ কৰ্মকাণ্ডৰ  উচ্চ পৰ্যায়ৰ তদন্তত বহু ঘটনা পোহৰলৈ

লৈ আহিব বুলি ৰাইজে মন্তব্য কৰিছে ৷ 

গোলাঘাটৰ পৰা কল্পনা ফুকনৰ ৰিপৰ্ট নৰ্থইষ্ট নিউজ ইণ্ডিয়া ৷