09 March, 2021
প্ৰেছ বিজ্ঞপ্তি
গোলাঘাট জিলাত আজি ৯ গৰাকী প্ৰাৰ্থীৰ মনোনয়ন পত্ৰ দাখিল
গোলাঘাট, ৯ মাৰ্চ : গোলাঘাট জিলাৰ চাৰিটা সমষ্টিৰ বাবে আজি ৯ গৰাকী প্ৰাৰ্থীয়ে মনোনয়ন পত্ৰ দাখিল কৰে । ৯৬-খুমটাই সমষ্টিৰ বাবে বিজেপিৰ মৃণাল শইকীয়া আৰু নিৰ্দলীয় প্ৰাৰ্থী হিচাপে চাও ছুছেনফা গগৈ আৰু দীপক গোৱালাই খুমটাই সমষ্টিৰ ৰিটাৰ্ণিং বিষয়া তথা অতিৰিক্ত উপায়ুক্ত মুন গগৈৰ ওচৰত মনোনয়ন পত্ৰ দাখিল কৰে । ৯৩-বোকাখাত সমষ্টিত এন চি পিৰ মৃদুল শইকীয়া, এ জে পিৰ ৰেবকান্ত গগৈ আৰু নিৰ্দলীয় প্ৰাৰ্থী হিচাপে হেমন্ত দলৈ, চাইমন তাঁতী আৰু দীনেশ কৰ্মকাৰে মনোনয়ন পত্ৰ দাখিল কৰে । ইফালে ৯৪-সৰুপথাৰ সমষ্টিৰ বাবে এ জে পিৰ ৰাজু ফুকনে মনোনয়ন পত্ৰ দাখিল কৰে । কাইলৈ মনোনয়ন পত্ৰসমূহ পৰীক্ষা কৰা হ'ব । মনোনয়ন পত্ৰ প্ৰত্যাহাৰৰ অন্তিম দিন অহা ১২ মাৰ্চ ।
গোলাঘাট নিৰ্বাচনী জিলাৰ প্ৰচাৰ কোষ
নৰ্থ ইষ্ট নিউজ ইণ্ডিয়া
No comments:
Post a Comment
Welcome Northeast News India