16 February, 2021 গণতান্ত্ৰিক ৰাষ্ট্ৰ এখনত একোজন নাগৰিকৰ ভোট দিয়াটো নৈতিক দায়িত্ব : যাদৱ পায়েং গোলাঘাট, ১৬ ফেব্ৰুৱাৰী । ভোটদানৰ প্ৰতি ভোটদাতাসকলক সজাগ কৰাৰ উদ্দেশ্যে আজি SVEEP ৰ অধীনত গোলাঘাট জিলা প্ৰশাসনৰ উদ্যোগত গোলাঘাট নিৰ্বাচনী জিলাৰ বাবে ব্যাপক সজাগতা অভিযান চলোৱা হয় । গোলাঘাটৰ তিনিটা শিক্ষানুষ্ঠান ক্ৰমে হেমপ্ৰভা বৰবৰা ছোৱালী মহাবিদ্যালয়, চৰকাৰী শিক্ষক শিক্ষণ মহাবিদ্যালয় আৰু গোলাঘাট বাণিজ্য মহাবিদ্যালয়ত আজি সৰস্বতী পূজাৰ দিনটোতে ভালেসংখ্যক ছাত্ৰ-ছাত্ৰী, শিক্ষক-শিক্ষয়িত্ৰী তথা বিষয়া-কৰ্মচাৰীৰ উপস্থিতিত এই সজাগতা কাৰ্যসূচী ৰূপায়ন কৰা হয় । এই উপলক্ষে আয়োজিত অনুষ্ঠানত বিশিষ্ট পৰিৱেশবিদ, অৰণ্য মানৱৰূপে খ্যাত তথা পদ্মশ্ৰী সন্মানেৰে সন্মানিত যাদৱ পায়েঙে অংশ লৈ অংশগ্ৰহনকাৰীসকলক ভোট দিবলৈ আহ্বান জনায় । তেওঁ কয় যে ভোট দিয়াটো গণতান্ত্ৰিক ৰাষ্ট্ৰ এখনত একোজন নাগৰিকৰ বাবে কেৱল কৰ্তব্যই নহয়, বৰং ই এটা নৈতিক দায়িত্বও । প্ৰতিজন নাগৰিকে ভোটদান কৰি গণতান্ত্ৰিক ব্যৱস্থাটোৰ ভেঁটি শক্তিশালী কৰিব লাগিব বুলি তেওঁ মত প্ৰকাশ কৰে । তেওঁ লগতে প্ৰতিজন ছাত্ৰ-ছাত্ৰী, শিক্ষক-শিক্ষয়িত্ৰী তথা অভিভাৱকক কেৱল নিজেই নহয়, ঘৰৰ জ্যেষ্ঠজনকো ভোটদানৰ বাবে উৎসাহিত কৰিবলৈ পৰামৰ্শ আগবঢ়ায় । আজিৰ অনুষ্ঠানত জিলা উন্নয়ন আয়ুক্ত অৰ্পা বাগলাৰী, সহকাৰী আয়ুক্ত পাপু গগৈ, গোলাঘাট জিলাৰ প্ৰশাসনৰ ভালেসংখ্যাক বিষয়ববীয়া উপস্থিত আছিল । গোলাঘাট পৰা সঞ্জীৱ কুমাৰ প্ৰজাপতি নৰ্থ ইষ্ট নিউজ ইণ্ডিয়া

 16 February, 2021

গণতান্ত্ৰিক ৰাষ্ট্ৰ এখনত একোজন নাগৰিকৰ ভোট দিয়াটো  নৈতিক দায়িত্ব : যাদৱ পায়েং

গোলাঘাট, ১৬ ফেব্ৰুৱাৰী । ভোটদানৰ প্ৰতি ভোটদাতাসকলক  সজাগ কৰাৰ উদ্দেশ্যে আজি SVEEP ৰ অধীনত গোলাঘাট জিলা প্ৰশাসনৰ উদ্যোগত  গোলাঘাট নিৰ্বাচনী জিলাৰ বাবে ব্যাপক সজাগতা অভিযান চলোৱা হয় । গোলাঘাটৰ তিনিটা শিক্ষানুষ্ঠান ক্ৰমে হেমপ্ৰভা বৰবৰা ছোৱালী মহাবিদ্যালয়, চৰকাৰী শিক্ষক শিক্ষণ মহাবিদ্যালয় আৰু গোলাঘাট বাণিজ্য মহাবিদ্যালয়ত আজি সৰস্বতী পূজাৰ দিনটোতে ভালেসংখ্যক ছাত্ৰ-ছাত্ৰী, শিক্ষক-শিক্ষয়িত্ৰী তথা বিষয়া-কৰ্মচাৰীৰ উপস্থিতিত এই সজাগতা কাৰ্যসূচী ৰূপায়ন কৰা হয় । এই উপলক্ষে আয়োজিত অনুষ্ঠানত বিশিষ্ট পৰিৱেশবিদ, অৰণ্য মানৱৰূপে খ্যাত তথা পদ্মশ্ৰী সন্মানেৰে সন্মানিত যাদৱ পায়েঙে অংশ লৈ অংশগ্ৰহনকাৰীসকলক ভোট দিবলৈ আহ্বান জনায় । তেওঁ কয় যে ভোট দিয়াটো গণতান্ত্ৰিক ৰাষ্ট্ৰ এখনত একোজন নাগৰিকৰ বাবে কেৱল কৰ্তব্যই নহয়, বৰং ই এটা নৈতিক দায়িত্বও । প্ৰতিজন নাগৰিকে ভোটদান কৰি গণতান্ত্ৰিক ব্যৱস্থাটোৰ ভেঁটি শক্তিশালী কৰিব লাগিব বুলি তেওঁ মত প্ৰকাশ কৰে । তেওঁ লগতে প্ৰতিজন ছাত্ৰ-ছাত্ৰী, শিক্ষক-শিক্ষয়িত্ৰী তথা অভিভাৱকক কেৱল নিজেই নহয়, ঘৰৰ জ্যেষ্ঠজনকো ভোটদানৰ বাবে উৎসাহিত কৰিবলৈ পৰামৰ্শ আগবঢ়ায় । আজিৰ অনুষ্ঠানত জিলা উন্নয়ন আয়ুক্ত অৰ্পা বাগলাৰী, সহকাৰী আয়ুক্ত পাপু গগৈ, গোলাঘাট জিলাৰ প্ৰশাসনৰ ভালেসংখ্যাক বিষয়ববীয়া উপস্থিত আছিল । 

 গোলাঘাট পৰা সঞ্জীৱ কুমাৰ প্ৰজাপতি নৰ্থ ইষ্ট নিউজ ইণ্ডিয়া