6 July, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে আজি ব্ৰহ্মপুত্ৰ ৰাজ্যিক অতিথিশালাত বন বিভাগৰ শীৰ্ষ বিষয়াসকলৰ সৈতে এখন গুৰুত্বপূৰ্ণ বৈঠকত মিলিত হয়। মুখ্যমন্ত্ৰী গৰাকীয়ে প্ৰাকৃতিক প্ৰাচুৰ্যতাৰে ভৰপূৰ দিহিং পাটকাই অভয়াৰণ্যক ৰাষ্ট্ৰীয় উদ্যানলৈ উন্নীতকৰণৰ বাবে আৰু অভয়াৰণ্যখনক বিশ্বৰ মানচিত্ৰত এক উল্লেখযোগ্য স্থান দিয়াৰ লক্ষ্যৰে ইয়াৰ উদ্ভিদ আৰু জীৱকুল আৰু অন্যান্য বনজ সম্পদসমূহৰ সুৰক্ষা আৰু জৈৱ বৈচিত্ৰ্যতাৰ বৈশিষ্ট্য অক্ষুণ্ণ ৰাখি অভয়াৰণ্যখনক সকলো প্ৰকাৰৰ নিৰাপত্তা সুনিশ্চিত কৰাৰ বাবে বন বিভাগক যথোচিত পদক্ষেপ গ্ৰহণ কৰিবলৈ নিৰ্দেশ প্ৰদান কৰিছে।