29 July, 2020 আজি জনতা ভৱনত 'মুখ্যমন্ত্ৰী সমগ্ৰ গ্ৰাম্য উন্নয়ন যোজনা'ৰ অধীনত প্ৰস্তাৱিত বিভিন্ন আঁচনিৰ পৰ্যালোচনা কৰে মাননীয় কৃষি মন্ত্রী অতুল বৰা ই। অসমত পশুপালন আৰু পশুধন ক্ষেত্ৰখনৰ সৈতে জড়িত ৰাইজক চৰকাৰীভাৱে প্ৰয়োজনীয় সহায় আগবঢ়োৱাৰ ক্ষেত্ৰত আমাৰ চৰকাৰখনে যথেষ্ট গুৰুত্ব দিছে বুলি ব্যক্ত কৰে। এই দিশটোলৈ লক্ষ্য ৰাখিয়েই ৷ বৈঠকত পশুপালন আৰু পশু চিকিৎসা বিভাগৰ বিষয়াসকলক অসমৰ দুগ্ধ, মাংস আৰু কণীৰ বাণিজ্যিক দিশটোৰ বিকাশ তথা প্ৰসাৰত মনোনিৱেশ কৰিবলৈ নিৰ্দেশ দিয়ে। পশুপালনৰ লগত জড়িত ৰাজ্যৰ ভিন্ন প্ৰান্তৰ আত্মসহায়ক গোটসমূহক বিভাগীয় সা-সুবিধা প্ৰদান কৰি অধিক মুনাফা লাভৰ পথ দেখুওৱা প্ৰসংগক লৈও আলোচনা কৰে ৷ বৈঠকত বিভাগীয় বিষয়াসকলক ভিন্ন প্ৰান্তত ধানৰ মিল, মিনি ক'ল্ড ষ্ট'ৰেজ স্থাপনৰ লগতে পশুপালন আৰু পশুধন ক্ষেত্ৰত ব্যক্তিগত বিনিয়োগ অধিক সম্প্ৰসাৰণত গুৰুত্ব দিবলৈ নিৰ্দেশ দিয়ে। বৈঠকত উপস্থিত আছিল পশুপালন আৰু পশু চিকিৎসা বিভাগৰ আয়ুক্ত তথা সচিব শ্ৰী শ্যাম জগন্নাথন, সচিব শ্ৰী ৰবিনছন মুছাহাৰীৰ লগতে বিভিন্ন বিভাগৰ উচ্চপদস্থ বিষয়াসকল।