12 July, 2020 ব্ৰহ্মপুত্ৰ ৰাজ্যিক অতিথিশালাত আজি মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে জলসম্পদ বিভাগৰ মাননীয় মন্ত্ৰী শ্ৰী কেশৱ মহন্তৰ উপস্থিতিত ৰাজ্যৰ শেহতীয়া বান পৰিস্থিতি পৰ্যালোচনা কৰে। মুখ্যমন্ত্ৰীয়ে জিলাসমূহৰ দায়িত্বত থকা মন্ত্ৰীসকলক বানাক্ৰান্ত ৰাইজৰ ক্ষয়-ক্ষতিৰ বুজ লোৱাৰ লগতে সাহায্য আৰু উদ্ধাৰ অভিযান ক্ষিপ্ৰতৰ কৰিবলৈ নিৰ্দেশ প্ৰদান কৰে। বানাক্ৰান্ত জিলাসমূহৰ উপায়ুক্তসকলক সাহায্য আৰু উদ্ধাৰ অভিযানত এছ ডি আৰ এফ আৰু এন ডি আৰ এফক নিয়োজিত কৰাৰ বাবে নিৰ্দেশ দিয়া হয়। ইয়াৰ উপৰিও মুখ্যমন্ত্ৰীয়ে জলসম্পদ বিভাগক বানত ক্ষতিগ্ৰস্ত মথাউৰিসমূহ তাৎক্ষণিকভাৱে মেৰামতি কৰিবলৈ জলসম্পদ বিভাগক নিৰ্দেশ প্ৰদান কৰে।