11 July, 2020 মাননীয় মুখ্যমন্ত্ৰী শ্ৰী যুত সৰ্বানন্দ সোণোৱালে গুৱাহাটীত কামৰূপ চেম্বাৰ অৱ কমাৰ্চ, প'টেট' এণ্ড অ'নিয়ন হ'লছেল এছ'চিয়েচন, পামহী ভেজিটেবল হ'লছেল এছ'চিয়েচন, ফ্ৰুট মাৰ্চেণ্টছ এছ'চিয়েচনৰ প্ৰতিনিধিবৰ্গৰ সৈতে অনুষ্ঠিত বৈঠকত বিষয়াবৰ্গক কেইটামান গুৰুত্বপূৰ্ণ নিৰ্দেশ প্ৰদান কৰে- ➡️ সাম্প্ৰতিক পৰিস্থিতিত মূল্যবৃদ্ধি নিয়ন্ত্ৰণৰ সমগ্ৰ বিষয়টো তদাৰক কৰাৰ বাবে খাদ্য আৰু অসামৰিক যোগান বিভাগৰ অতিৰিক্ত মুখ্য সচিবৰ নেতৃত্বত এখন ক'ৰ কমিটী গঠনৰ সিদ্ধান্ত আৰু ইয়াৰ অধীনত কেইটামান ফ্লাইং স্কোৱাড গঠন ➡️ গুৱাহাটীলৈ শাক-পাচলি আৰু ফল-মূল কঢ়িয়াই অনা বাহনবোৰৰ সুচল পৰিবহণ নিশ্চিত কৰাৰ বাবে ব্যৱস্থা ল'বলৈ অসম আৰক্ষীক নিৰ্দেশ ➡️ কোনো মধ্যভোগীয়ে যাতে লকডাউনৰ সুযোগ লৈ মূল্যবৃদ্ধি কৰিব নোৱাৰে, তাৰ প্ৰতি দৃষ্টি ৰখাৰ নিৰ্দেশ ➡️ বানপানীৰ ফলত বিভিন্ন জিলাত ক্ষতিগ্ৰস্ত হোৱা শাক-পাচলি আৰু ফল-মূলৰ বাগানসমূহৰ ছাৰ্ভে কৰিবলৈ কৃষি বিপণন ব'ৰ্ডক নিৰ্দেশ মূল্যবৃদ্ধি নিয়ন্ত্ৰণৰ ক্ষেত্ৰত চৰকাৰৰ সৈতে সহযোগিতাৰে কাম কৰি যাবলৈ বাণিজ্যিক সংগঠনসমূহক মুখ্যমন্ত্ৰীয়ে আজি আহ্বান জনাইছে। লগতে, ক্ষুদ্ৰ ব্যৱসায়িক সংস্থাসমূহকো এইক্ষেত্ৰত সংযুক্ত কৰাৰ ওপৰত তেখেতে গুৰুত্ব আৰোপ কৰে।