12 Jun, 2020 গোলাঘাট জিলাৰ মাজেৰে বৈ যোৱা দুখন নদীৰ দুইপাৰে এবিধ অতি বিষাক্ত অপতৃণ ফুলিব ধৰাত ৰাইজৰ মাজত চৰ্মৰোগ ;কেঞ্চাৰ; বৃদ্ধি পাব ধৰিছে নগাপাহাৰৰ পৰা বৈ অহা দৈয়াং নদীৰ দুইপাৰে হেজাৰ হেজাৰ বিঘা সাৰুৱা ভূমীত বিষাক্ত অপতৃণ পৰ্থেনিয়ামে চানি ধৰিছে ৷ দৈয়াং নদীখন ধনশিৰি নদীৰ লগত দুইনৈসূতী মুখত সংগম ঘটিছে ৷ দুয়োখন নদীৰ কাষত হেজাৰৰো অধিক কৃষকে বছৰ বছৰ ধৰি কৃষি কায্য কৰি আহিছে ৷ কৃষকৰ মাতৃ স্বৰূপ এই দুইখন নদীপাৰৰ কৃষকে ধানৰ লগতে বছৰৰ বাৰ মাহেই বেঙেনা : জিকা ; ভেন্দী ; ভোল ; জাতিলাউ ; ৰঙালাউ ; জলকীয়া ; আলু বিলাহী ; লাই -পালেং ধনীয়া আদি শাক পাছলিৰ খেটিকৰি উৎপাদিত ফচল জিলাখনৰ বিভিন্ন ঠাই ; নগালেনণ্ড ; ডিমাপুৰ আৰু উজনিৰ বিভিন্ন জিলালৈ ৰপ্তানি কৰি আহিছে ৷ কিন্ত কেঞ্চাৰ ;খজুৱতীকে ধৰি বিভিন্ন চৰ্মৰোগৰ বাহক এই অপতৃণ পাৰ্থেনিয়ামে কৃষিভূমি চানি ধৰাত কৃষক সকল সমস্যাত পৰিছে ৷ পাৰ্থেনিয়িমৰ বিষয়ে অজ্ঞএকাংশ কৃষকে এনে পাৰ্থেনিয়ামৰ সংস্পশলৈ অহাত বহুত কৃষক চৰ্মৰোগত আক্ৰান্ত হৈছে ৷ এইবিধ পাৰ্থেনিয়াম বৃদ্ধি হোৱাৰ সামান্তৰাল ভাবে নৈ পৰীয়া এলেকা জামুগুৰি ; নোগোৰা ; দলৌজান কুৱৰীকথাৰ ৰূপকলীয়া আইটনীয়া মিৰিগাও ; দ’ গাও মইলনাপাৰা ; থোৰামুখ আদি গাও সমূহত কেঞ্চাৰ ৰোগীৰ সংখ্যা বৃদ্ধি পাব ধৰিছে ৷উল্লেখ্য যে এই অপতৃণ প্ৰথম অবস্থাত ৰেলআলিৰ দাঁতিত গজালি মেলি ফুল ধৰিছিল ৷ জান -জুৰিৰ পানীত বি-পথাৰলৈ আানি নদীৰ পানীত পৰে নদীৰ সাৰুৱা মাটিত লহ পহকৈ বাঢ়ি ৰক্তবীজা বংশৰ দৰে নদীৰ দুই পাৰ চানি ধৰে কূষকে খেটিৰ বাবে হালবোৱা পথাৰত পাৰ্থেনিয়াম গজিউঠে ৷ ইফালে নদী কিনাৰৰ বালি বা মাটি গোলাঘাত চহৰ আৰু বিভিন্ন গাঁৱলৈ অনাত সেই মাটিত ইয়াৰ বীজৰ সম্প্ৰসাৰণ হৈ বিভিন্ন অঞ্চলত গজিবলৈ ধৰে ৷ নদীৰ কিনাৰৰ সেউজীয়া ঘাহ খাবলৈ যোৱা গৰু-ছাগলীৰ গা’ত পাৰ্থেনীয়ামৰ বীজ লাগি অথবা বতাহত উৰি আহি এই বিষাক্ত অপতৃণৰ বিস্তাৰ হৈয়েই আছে ৷ সেয়েহে এইবিধ অপতৃণ নিৰ্মূল কৰিবলৈ ৰাইজে বিষয়টো কৃষিমন্ত্ৰী অতুলবৰাৰ দৃষ্টিগোচৰ কৰিছে ৷ ঃ প্ৰকাশ শৰ্মা ৷